సెప్టెంబరులో స్టార్ట్‌?

ప్రభాస్‌ ‘సలార్‌: సీజ్‌ఫైర్, కల్కి 2898 ఏడీ, కమల్‌హాసన్  ‘విక్రమ్‌’, రామ్‌చరణ్‌ ‘గేమ్‌చేంజర్‌’, యశ్‌ ‘కేజీఎఫ్‌’ వంటి భారీ సినిమాలకు యాక్షన్  కొరియోగ్రాఫర్స్‌గా చేసిన అన్బరివ్‌ (అన్బు, అరివు ద్వయం)దర్శకత్వంలో కమల్‌హాసన్‌ హీరోగా ఓ సినిమా చేయనున్న సంగతి తెలిసిందే. ఈ ఏడాది జనవరిలో ఈ మూవీని ప్రకటించారు. 

అయితే ‘ఇండియన్  2’, ‘థగ్‌ లైఫ్‌’ సినిమాలతో కమల్‌ బిజీగా ఉండటం వల్ల ఈ సినిమా చిత్రీకరణ ఇంకా ప్రారంభం కాలేదు. ‘ఇండియన్  2’ విడుదలవడం, ‘థగ్‌ లైఫ్‌’ చిత్రీకరణ తుదిదశకు చేరుకోవడంతో అన్బరివ్‌ల సినిమాపై కమల్‌ దృష్టిసారించారని కోలీవుడ్‌ సమాచారం. ఈ సినిమా రెగ్యులర్‌ షూటింగ్‌ సెప్టెంబరు నుంచి మొదలయ్యేలా కమల్‌ అండ్‌ కో సన్నాహాలు చేస్తున్నారట. కమల్‌హాసన్ , ఆర్‌.మహేంద్రన్  నిర్మించనున్న ఈ యాక్షన్  ప్యాక్డ్‌ మూవీని 2025లో విడుదల చేయాలనుకుంటున్నారు.