TV
అక్కినేని నాగార్జున, ధనుష్‌ లీడ్‌ రోల్స్‌లో నటిస్తున్న చిత్రం ‘కుబేర’. శేఖర్‌ కమ్ముల దర్శకత్వం వహిస్తున్న ఈ సినిమాలో రష్మికా మందన్న హీరోయిన్‌గా నటిస్తుండగా, జిమ్‌ సర్భ్‌ కీలక పాత్ర పోషిస్తున్నారు.
శేఖర్‌ కమ్ముల అమిగోస్‌ క్రియేషన్స్‌తో కలిసి ఎస్‌వీసీ ఎల్‌ఎల్‌పీపై సునీల్‌ నారంగ్, పుస్కుర్‌ రామ్మోహన్‌ రావు నిర్మిస్తున్న ఈ సినిమా జూన్‌ 20న తెలుగు, తమిళ, హిందీ, కన్నడ, మలయాళ భాషల్లో విడుదల కానుంది. దేవిశ్రీ ప్రసాద్‌ సంగీతం అందించిన ఈ సినిమా నుంచి తొలి పాటని ఈ నెల 20న రిలీజ్‌ చేయనున్నట్లు ప్రకటించారు. ఈ సందర్భంగా విడుదల చేసిన పోస్టర్‌లో విజిల్‌ వేస్తూ డ్యాన్స్‌ చేస్తున్నారు ధనుష్‌. ఫుల్‌ మాస్‌గా ఈ పాట ఉంటుందని సమాచారం.
