Amitabh Bachchan: అమితాబ్‌ బచ్చన్‌ పోస్ట్‌ వివాదం..రంగంలోకి దిగిన ముంబై పోలీసులు

బాలీవుడ్‌ దిగ్గజ నటుడు, బిగ్‌ బీ అమితా బచ్చన్‌ సోషల్‌ మీడియా వేదికగా నెటిజన్లతో విషయాలను పంచుకుంటారు. ఆయన కూడా ఎప్పుడూ మంచి ఇన్‌స్పిరేషన్‌గా ఉండే వీడియోలను నెటిజన్లతో షేర్‌ చేసుకుంటూ ఉంటారు. అందులో భాగంగా తనకు సంబంధించిన ఓ విషయాన్ని నెటిజన్లతో పంచుకుంటూ ఓ ఫోటోని ట్విట్టర్‌లో షేర్‌ చేశారు.

దీంతో ఆ పోస్ట్‌ కాస్త ముంబై పోలీసుల కంట పడటంతో సోషల్‌ మీడియా వేదికగా ఆయనపై చర్యలు తీసుకునేందుకు రెడీ అయ్యారు. ఇంతకీ అందులో ఏముందంటే..ఆయన ఓ వర్క్‌ ప్లేస్‌కి వెళ్లేందుకు ఓ బైక్‌ రైడర్‌ని ఆశ్రయించారు. ఆ రైడర్‌ వెనకాల కూర్చొని వెళ్లారు. ఈ మేరకు అమితాబ్‌ ట్విట్టరఫ్‌ వేదికగా..సదరు రైడ్‌ బడ్డీకి ధన్యవాదాలు తెలిపారు. మీరు సమయానికి పని ప్రదేశానికి చేర్చారు. పైగా పరిష్కరించలేని ట్రాఫిక్‌ జామ్‌ని నివారించడంలో సాయం చేసినందుకు ధన్యావాదాలు అంటూ ట్విట్‌ర్‌లో ఆ ఫోటోని కూడా షేర్‌ చేశారు.

Amitabh Bachchan takes a stranger’s help to reach movie set@SrBachchan #amitabhbachchan #amitabhbachchanfans #bollywood pic.twitter.com/KUWnEPfdZI

— Bangalore Times (@BangaloreTimes1) May 15, 2023

అక్కడి వరకు అంతా భాగానే ఉంది. ఐతే ఆ ఫోటోలో రైడ్‌ చేస్తున్న వ్యక్తి, అమితా బచ్చన్‌ ఇద్దరూ కూడా హెల్మట్‌ ధరించలేదు. దీంతో ముంబై పోలీసు ఆ ట్వీట్‌ని రీ ట్వీట్‌ చేస్తూ బైక్‌పై ఉన్న ఇరువురు రైడర్లు హెల్మట్‌ ధరించలేదని పేర్కొంది. ట్రాఫిక్‌ నిబంధనలు ఉల్లంఘించినందుకు ఇరువురిపై చర్యలు తీసుకుంటామని పేర్కొంది. ఈ ఘటన చట్టానికి ఎవ్వరూ అతీతులు కాదన్న విషయాన్ని తేలతెల్లం చేసింది. ప్రజల భద్రత కోసం రూల్స్‌ ఉంటాయి. వాటిని అందరూ పాటించాల్సిందే తప్పదు.

(చదవండి: కాంగ్రెస్‌కు మద్దతిస్తా కానీ..: మమతా బెనర్జీ)

View this post on Instagram

A post shared by Amitabh Bachchan (@amitabhbachchan)