ఏపీకి రూ 7,211 కోట్లు

సాక్షి, న్యూఢిల్లీ: దేశవ్యాప్తంగా 28 రాష్ట్ర ప్రభుత్వా­లకు ఇవ్వాల్సిన రూ.1,78,173­కోట్ల పన్నుల వాటాను కేంద్ర ప్రభుత్వం విడుదల చేసింది. ఈ మొత్తంలో 2024 అక్టోబరులో చెల్లించాల్సిన సాధారణ వాయిదాకు అదనంగా ఒక ముందస్తు వాయి­దా రూ.89,086.50కోట్లు కూడా ఉన్న­ట్లు  కేంద్ర ఆర్థిక శాఖ గురువారం ఒక ప్రక­టనలో తెలిపింది. దీన్లో భాగంగా ఆంధ్ర­ప్రదేశ్‌కు రూ.7,211కోట్లు, తెలంగాణకు రూ.3,745కోట్లు విడుదల చేసినట్లు పేర్కొంది. 

ఈ పన్నుల వాటాలో అత్యధికంగా ఉత్తర్‌­ప్రదేశ్‌కురూ.31,962కోట్లు ఉండగా, అత్యల్పంగా గోవాకు రూ.688కోట్లు ఇచ్చింది. పండుగల సీజన్‌ దృష్ట్యా రాష్ట్రాల మూల ధన వ్యయాన్ని వేగవంతం చేయడం, అభి­వృద్ధి, సంక్షేమ తదితర వ్యయాలకు ఆర్థిక సహాయం చేయడానికి ముందస్తు వాయి­దాలు విడుదల చేసినట్లు కేంద్రం తెలిపింది.