బసవేశ్వరుడు చూపిన మార్గంలో నడవాలి

బసవేశ్వరుడు చూపిన మార్గంలో నడవాలి

నారాయణఖేడ్‌: బసవేశ్వరుడు చూపిన మార్గంలోని నడుచుకోవాలని జహీరాబాద్‌ ఎంపీ సురేశ్‌ షెట్కార్‌ సూచించారు. నాగల్‌గిద్ద మండలం మావినెళ్లి గ్రామంలో జరుగుతున్న చెన్న బసవేశ్వర జాతర ఉత్సవాల్లో పాల్గొన్నారు. ఈ సందర్భంగా ఎంపీ మాట్లాడుతూ...మానవా ళికి బసవేశ్వరుడు ఎంతో కృషి చేశారన్నారు. కార్యక్రమంలో బాల్కి పీఠాధిపతి బసవలింగ పట్టదేవర, జిల్లా ప్రణాళిక సంఘం మాజీ సభ్యుడు నగేష్‌ షట్కార్‌, టీపీసీసీ సభ్యుడు శంకరయ్య స్వామి, యూత్‌ కాంగ్రెస్‌ నాయకులు సాగర్‌ షెట్కార్‌ తదితరులు పాల్గొన్నారు. అనంతరం జాతర ఉత్సవాల్లో భాగంగా కుస్తీ పోటీలను నిర్వహించి గెలుపొందిన మల్లయోధులకు నగదు బహుమతులు అందజేశారు.