రాజ‌స్థాన్‌కు షాకిచ్చిన‌ కేకేఆర్‌.. కీల‌క మ్యాచ్‌లో 7 వికెట్ల తేడాతో విజ‌యం

153 ప‌రుగుల స్వ‌ల్ప ల‌క్ష్యాన్ని ఛేదించేందుకు బ‌రిలోకి దిగిన కేకేఆర్.. మ‌రో ఐదు బంతులు మిగిలి ఉండ‌గానే ల‌క్ష్యాన్ని చేరుకుని 7 వికెట్ల తేడాతో ఘ‌న విజ‌యం సాధించింది. శ్రేయ‌స్ అయ్య‌ర్ (34) ప‌ర్వాలేద‌నిపించ‌గా, నితీశ్ రాణా (48 నాటౌట్‌), రింకూ సింగ్ (42 నాటౌట్‌) కేకేఆర్‌ను విజ‌య‌తీరాల‌కు చేర్చారు. రాజ‌స్థాన్ బౌల‌ర్ల‌లో ప్ర‌సిద్ధ్‌, బౌల్ట్‌, కుల్దీప్ సేన్ త‌లో వికెట్ ప‌డ‌గొట్టారు. 

అంత‌కుముందు కేకేఆర్ బౌల‌ర్లు క‌ట్టుదిట్టంగా బౌలింగ్ చేయడంతో రాజ‌స్థాన్ రాయ‌ల్స్ నామ‌మాత్ర‌పు స్కోర్‌కే ప‌రిమిత‌మైంది. శాంస‌న్ (54) ఒక్క‌డే హాఫ్ సెంచ‌రీతో రాణించ‌డంతో నిర్ణీత ఓవ‌ర్ల‌లో 5 వికెట్ల న‌ష్టానికి 152 ప‌రుగులు మాత్ర‌మే చేయ‌గ‌లిగింది. ప‌డిక్క‌ల్ (2), బ‌ట్లర్ (22), క‌రుణ్ నాయ‌ర్ (13), రియాన్ ప‌రాగ్ (19) త‌క్కువ స్కోర్ల‌కే ఔట‌య్యారు. ఆఖ‌ర్లో హెట్‌మైర్ (13 బంతుల్లో 27 నాటౌట్‌), అశ్విన్ (6 నాటౌట్‌) వేగంగా ప‌రుగుల చేసే ప్ర‌య‌త్నం చేశారు. కేకేఆర్ బౌల‌ర్లలో ఉమేశ్ యాద‌వ్ (1/24), అనుకుల్ రాయ్ (1/28), శివ‌మ్ మావి (1/33), సౌథీ (2/46) రాణించారు.
 

బౌల్ట్ బౌలింగ్‌లో వికెట్‌కీప‌ర్ శాంస‌న్‌కు క్యాచ్ ఇచ్చి శ్రేయ‌స్ అయ్య‌ర్ (34) ఔట‌య్యాడు. 13 ఓవ‌ర్ల త‌ర్వాత కేకేఆర్ స్కోర్ 96/3. క్రీజ్‌లో  నితీశ్ రాణా (31), రింకూ సింగ్ (4) ఉన్నారు. 
 

శ్రేయ‌స్ అయ్య‌ర్ (33), నితీశ్ రాణా (25) నిల‌క‌డ‌గా ఆడుతూ కేకేఆర్‌ను విజ‌యం దిశ‌గా తీసుకెళ్తున్నారు. వీరిద్ద‌రూ మూడో వికెట్‌కు అజేయ‌మైన 53 ప‌రుగులు జోడించి కేకేఆర్‌ను ల‌క్ష్యం దిశ‌గా న‌డిపిస్తున్నారు. 12 ఓవ‌ర్ల త‌ర్వాత కేకేఆర్ స్కోర్ 85/2. 
 

6వ ఓవ‌ర్‌లో కేకేఆర్ రెండో వికెట్ కోల్పోయింది. ప్ర‌సిద్ధ్ బౌలింగ్‌లో అశ్విన్‌కు క్యాచ్ ఇచ్చి బాబా ఇంద్ర‌జిత్ (15) ఔట‌య్యాడు. 6 ఓవ‌ర్ల త‌ర్వాత కేకేఆర్ స్కోర్ 32/2. క్రీజ్‌లో శ్రేయ‌స్ అయ్య‌ర్ (10), నితీశ్ రాణా ఉన్నారు.  

153 ప‌రుగుల ల‌క్ష్యాన్ని ఛేదించేందుకు బ‌రిలోకి దిగిన కేకేఆర్ నాలుగో ఓవ‌ర్‌లో తొలి వికెట్ కోల్పోయింది. కుల్దీప్ సేన్ బౌలింగ్‌లో ఆరోన్ ఫించ్ (4) క్లీన్ బౌల్డ్ అయ్యాడు. 4 ఓవ‌ర్ల త‌ర్వాత కేకేఆర్ స్కోర్ 21/1. క్రీజ్‌లో బాబా ఇంద్ర‌జిత్ (10), శ్రేయ‌స్ అయ్య‌ర్ (5) ఉన్నారు.  
 

కేకేఆర్ బౌల‌ర్లు క‌ట్టుదిట్టంగా బౌలింగ్ చేయడంతో రాజ‌స్థాన్ రాయ‌ల్స్ నామ‌మాత్ర‌పు స్కోర్‌కే ప‌రిమిత‌మైంది. శాంస‌న్ (54) ఒక్క‌డే హాఫ్ సెంచ‌రీతో రాణించ‌డంతో నిర్ణీత ఓవ‌ర్ల‌లో 5 వికెట్ల న‌ష్టానికి 152 ప‌రుగులు మాత్ర‌మే చేయ‌గ‌లిగింది. ప‌డిక్క‌ల్ (2), బ‌ట్లర్ (22), క‌రుణ్ నాయ‌ర్ (13), రియాన్ ప‌రాగ్ (19) త‌క్కువ స్కోర్ల‌కే ఔట‌య్యారు. ఆఖ‌ర్లో హెట్‌మైర్ (13 బంతుల్లో 27 నాటౌట్‌), అశ్విన్ (6 నాటౌట్‌) వేగంగా ప‌రుగుల చేసే ప్ర‌య‌త్నం చేశారు. కేకేఆర్ బౌల‌ర్లలో ఉమేశ్ యాద‌వ్ (1/24), అనుకుల్ రాయ్ (1/28), శివ‌మ్ మావి (1/33), సౌథీ (2/46) రాణించారు.
 

17వ ఓవ‌ర్ ఆఖ‌రి బంతికి రియాన్ ప‌రాగ్ వికెట్ కోల్పోయిన రాజ‌స్థాన్‌.. ఆ మ‌రుస‌టి ఓవ‌ర్ (18) తొలి బంతికే సంజూ శాంస‌న్ (54) వికెట్ కోల్పోయి క‌ష్టాల్లో ప‌డింది. శివ‌మ్ మావి బౌలింగ్‌లో రింకూ సింగ్ సూప‌ర్ క్యాచ్ ప‌ట్ట‌డంతో శాంస‌న్ పెవిలియ‌న్‌కు చేరాడు. 18 ఓవ‌ర్ల త‌ర్వాత రాజ‌స్థాన్ స్కోర్ 122/5. హెట్‌మైర్ (2), అశ్విన్ (4) క్రీజ్‌లో ఉన్నారు. 
 

భారీ సిక్స‌ర్ బాదిన త‌ర్వాతి బంతికే రియాన్ ప‌రాగ్ పెవిలియ‌న్‌కు చేరాడు. సౌథీ బౌలింగ్‌లో అనుకుల్ రాయ్‌కు క్యాచ్ ఇచ్చి రియాన్ వెనుదిరిగాడు. 17 ఓవ‌ర్ల త‌ర్వాత రాజ‌స్థాన్ స్కోర్ 115/4. శాంస‌న్ (54), హెట్‌మైర్‌ క్రీజ్‌లో ఉన్నారు. 
 

రాజ‌స్థాన్ కెప్టెన్ సంజూ శాంస‌న్ హాఫ్ సెంచ‌రీ పూర్తి చేసుకున్నాడు. 38 బంతుల్లో 7 ఫోర్లు, సిక్స‌ర్ సాయంతో ఐపీఎల్‌లో 17వ అర్ధ శ‌త‌కాన్నిన‌మోదు చేశాడు. 14 ఓవ‌ర్ల త‌ర్వాత రాజ‌స్థాన్ స్కోర్ 100/3. శాంస‌న్ (51), రియాన్ ప‌రాగ్‌ (8) క్రీజ్‌లో ఉన్నారు. 

14వ ఓవ‌ర్ తొలి బంతికి రాజ‌స్థాన్ మూడో వికెట్ కోల్పోయింది. అనుకుల్ రాయ్ బౌలింగ్‌లో రింకూ సింగ్‌కు క్యాచ్ ఇచ్చి క‌రుణ్ నాయ‌ర్ (13) ఔట‌య్యాడు. 
 

విధ్వంస‌క‌ర ఆట‌గాడు జోస్ బ‌ట్ల‌ర్ (25 బంతుల్లో 3 ఫోర్ల సాయంతో 22)ను సౌథీ బోల్తా కొట్టించాడు. ఈ సీజ‌న్‌లో బ‌ట్ల‌ర్ తొలిసారి త‌క్కువ స్కోర్‌కే ఔట‌య్యాడు. భారీ షాట్‌కు ప్ర‌య‌త్నించిన బ‌ట్ల‌ర్‌.. శివ‌మ్ మావి అద్భుతుమైన క్యాచ్ అందుకోవ‌డంతో పెవిలియ‌న్ బాట ప‌ట్టాడు. 9 ఓవ‌ర్ల త‌ర్వాత రాజ‌స్థాన్ స్కోర్ 58/2. శాంస‌న్ (29), క‌రుణ్ నాయ‌ర్ (2) క్రీజ్‌లో ఉన్నారు. 
 

రాజ‌స్థాన్ కెప్టెన్ సంజూ శాంస‌న్ వ‌చ్చీ రాగానే త‌న స‌హ‌జ శైలిలో భారీ షాట్ల‌తో విరుచుకుప‌డుతున్నాడు. 15 బంతుల్లో 3 ఫోర్లు, సిక్స‌ర్ సాయంతో 21 ప‌రుగుల వ‌ద్ద క్రీజ్‌లో ఉన్నాడు. మ‌రో ఎండ్‌లో బ‌ట్ల‌ర్ (17 బంతుల్లో 13) స్లోగా ఆడుతున్నాడు. 6 ఓవ‌ర్ల త‌ర్వాత రాజ‌స్థాన్ స్కోర్ 38/1.
 

టాస్ ఓడి బ్యాటింగ్‌కు దిగిన రాజ‌స్థాన్‌.. ఇన్నింగ్స్ మూడో ఓవ‌ర్‌లో తొలి వికెట్ కోల్పోయింది. ప‌డిక్క‌ల్ (2).. ఉమేశ్ యాద‌వ్‌కు రిట‌ర్న్ క్యాచ్ ఇచ్చి ఔట‌య్యాడు. 2.1 ఓవ‌ర్ త‌ర్వాత రాజ‌స్థాన్ స్కోర్ 7/1. క్రీజ్‌లో బ‌ట్ల‌ర్, శాంస‌న్ ఉన్నారు. 
 

రాజ‌స్థాన్ రాయ‌ల్స్‌తో జ‌రుగ‌నున్న మ్యాచ్‌లో టాస్ గెలిచిన కేకేఆర్ ఫీల్డింగ్ ఎంచుకుంది.

తుది జ‌ట్లు:
రాజ‌స్థాన్ రాయ‌ల్స్‌: జోస్ బ‌ట్ల‌ర్‌, ప‌డిక్క‌ల్‌, సంజూ శాంస‌న్‌, క‌రుణ్ నాయ‌ర్‌, హెట్మైర్‌, రియాన్ ప‌రాగ్‌, అశ్విన్‌, బౌల్ట్‌, ప్ర‌సిద్ద్‌, చ‌హ‌ల్‌, కుల్దీప్ సేన్‌

కేకేఆర్‌: ఆరోన్ ఫించ్‌, అంకుల్ రాయ్‌, శ్రేయ‌స్ అయ్య‌ర్‌, నితీశ్ రాణా, బాబా ఇంద్ర‌జిత్‌, రింకూ సింగ్‌, ఆండ్రీ ర‌సెల్‌, సునీల్ న‌రైన్‌, ఉమేశ్ యాద‌వ్‌, టిమ్ సౌథీ, శివ‌మ్ మావి