![Somerset Wins T20 Blast 2023 Title - Sakshi](/sites/default/files/styles/webp/public/article_images/2023/07/16/Untitled-1.jpg.webp?itok=TtYfMT0K)
2023 సీజన్ టీ20 బ్లాస్ట్ విజేతగా సోమర్సెట్ జట్టు నిలిచింది. నిన్న (జులై 15) జరిగిన ఫైనల్లో సోమర్సెట్.. ఎసెక్స్పై 14 పరుగుల తేడాతో గెలిచి, ఛాంపియన్గా అవతరించింది. ఈ మ్యాచ్లో తొలుత బ్యాటింగ్ చేసిన సోమర్సెట్ నిర్ణీత ఓవర్లలో 145 పరుగులకు ఆలౌట్ కాగా.. స్వల్ప లక్ష్యాన్ని కూడా ఛేదించలేని ఎసెక్స్ 18.3 ఓవర్లలో 131 పరుగులకు ఆలౌటై ఘోర పరాభవాన్ని మూటగట్టుకుంది.
సోమర్సెట్ బౌలర్లు మ్యాట్ హెన్రీ (4/25), ఐష్ సోధి (3/22), లెవిస్ గ్రెగరీ (2/25), క్రెయిగ్ ఓవర్టన్ (1/30) ఎసెక్స్ పతనాన్ని శాశించారు. ఎసెక్స్ ఇన్నింగ్స్లో డేనియల్ సామ్స్ (45), ఆడమ్ రోసింగ్టన్ (19), డేనియల్ లారెన్స్ (16), పాల్ వాల్టర్ (26) రెండంకెల స్కోర్లు చేయగా, మిగతా వారంతా దారుణంగా విఫలమయ్యారు.
అంతకుముందు సీన్ డిక్సన్ (53) రాణించడంతో సోమర్సెట్ నిర్ణీత ఓవర్లలో 145 పరుగులు చేసి ఆలౌటైంది. సోమర్సెట్ ఇన్నింగ్స్లో టామ్ బాంటన్ (20), కోహ్లెర్ క్యాడ్మోర్ (19), గ్రెగరీ (11) రెండంకెల స్కోర్లు చేశారు. ఎసెక్స్ బౌలర్లలో స్నేటర్, పాల్ వాల్టర్ తలో 3 వికెట్లు పడగొట్టగా.. డేనియల్ సామ్స్, క్రిచ్లీ చెరో వికెట్ దక్కించుకున్నారు.
Comments
Please login to add a commentAdd a comment