TV
వియత్నాం హో చిమిన్హ్‌ నుంచి హైదరాబాద్‌కు విమానాలు
శంషాబాద్‌ (హైదరాబాద్‌): హైదరాబాద్‌ నుంచి మరో రెండు అంతర్జాతీయ గమ్యస్థానాలకు త్వరలోనే విమానాల రాకపోకలు ప్రారంభం కానున్నాయి. వియత్నాంలోని చిమిన్హ్‌ నగరం నుంచి.. హైదరాబాద్‌కు వారంలో రెండు విమాన సర్వీసులు నడపనున్నట్లు వీయెట్‌జెట్‌ ఎయిర్‌లైన్స్‌ వెల్లడించింది. మార్చి 18 నుంచి ఈ సర్వీసులు అందుబాటులోకి రానున్నట్లు తెలిపింది.
హైదరాబాద్‌ నుంచి మంగళ, శనివారాల్లో ఈ సర్వీసులుంటాయి. దీంతో పాటు బెంగళూరు నగరం నుంచి కూడా హో చిమిన్హ్‌ నగరానికి కూడా సోమ, బుధవారాల్లో సర్వీసులు ప్రారంభం కానున్నాయి. ప్రారంభ సమయంలో విమాన ప్రయాణికులకు ప్రత్యేక రాయితీలను కూడా ప్రకటించింది.
ఫుకెట్‌కు నేరుగా..: ఎయిర్‌ఇండియా ఎక్స్‌ప్రెస్‌ కూడా.. త్వరలోనే హైదరాబాద్‌ నుంచి థాయ్‌లాండ్‌లోని ఫుకెట్‌ అంతర్జాతీయ విమానాశ్రయానికి సర్వీసులు ప్రారంభించనున్నట్లు ప్రకటించింది. వీటికి సంబంధించిన బుకింగ్‌లు కూడా వెబ్‌సైట్‌లో అందుబాటులోకి తీసుకొచ్చింది.
