జీవిత సహచరి కన్నుమూసిందన్న బాధను గుండెల్లో నింపుకొని ఆమె శవంతో దాదాపు 60 కి.మీ. నడిచాడు ఓ భర్త! సొంతూరు వెళ్లేందుకు డబ్బులు లేకపోవడంతో చక్రాల బండిపై మృతదేహాన్ని ఉంచి తోసుకుంటూ వెళ్లాడు. మార్గం మధ్యలో కొందరు ఆపన్నహస్తం అందించడంతో చివరకు అంబులెన్స్‌లో సొంతూరికి చేరుకున్నాడు. అందరి హృదయాలను ద్రవింపజేసిన ఈ ఘటన శనివారం వికారాబాద్ జిల్లాలో చోటుచేసుకుంది.