సంక్షోభాలను తట్టుకుని ముందుకెళ్లాలని తెలుగుదేశం పార్టీ శ్రేణులకు ఆంధ్రప్రదేశ్ ముఖ్యమంత్రి ఎన్ చంద్రబాబునాయుడు పిలుపునిచ్చారు. శనివారం విజయవాడలోని స్థానిక శేషసాయి కల్యాణ మండపంలో తెలుగుదేశం పార్టీ విస్తృత స్థాయి సమావేశం నిర్వహించింది. ఈ సందర్భంగా పార్టీ శ్రేణులను ఉద్దేశించి చంద్రబాబునాయుడు మాట్లాడారు. రైతులకిచ్చిన హామీలు నిలబెట్టుకోవడానికి కృషి చేస్తున్నట్లు తెలిపారు. కార్యకర్తల సంక్షేమానికి అధిక ప్రాధాన్యత ఇవ్వాలని నాయకులకు సూచించారు.