సెంచరీలు, డబుల్ సెంచరీలు స్కోరుబోర్డులో భారీగా కనిపించినా... అశ్విన్ చేయి పడితే కానీ భారత్ గెలుపు రథం ముందుకు కదిలేలా లేదు! ఊహించని రీతిలో న్యూజిలాండ్ ఓపెనర్లు చెలరేగిపోతుండగా, ముందుగా ఆ జోడీని విడదీసి కివీస్ పతనానికి శ్రీకారం చుట్టిన అశ్విన్... అంతటితో ఆగిపోకుండా ఆ తర్వాత మరో ఐదు వికెట్లతో ప్రత్యర్థి వెన్నువిరిచాడు. అంతే కాదు... తన సమయస్ఫూర్తితో మరో రెండు రనౌట్లను కూడా తన ఖాతాలో వేసుకొని మూడో రోజు ఆటలో తన స్కోరు 8/10గా చేసేశాడు! అశ్విన్ రికార్డు ప్రదర్శనతో సిరీస్ క్లీన్‌స్వీప్ దిశగా భారత్ మరో అడుగు దిగ్విజయంగా వేసింది.