10వ తరగతి విద్యార్థిని కిడ్నాప్‌కు యత్నం

ఆటోలో ఎక్కిన విద్యార్థినితో ఓ ఆటోడ్రైవర్‌ అసభ్యకరంగా ప్రవర్తించిన ఘటన రంగారెడ్డి జిల్లాలోని ఆమన్‌గల్‌లో గురువారం చోటుచేసుకుంది. ఆమన్‌గల్‌కు చెందిన ఓ 10వ తరగతి విద్యార్థిని గురువారం ఓ ఆటో ఎక్కింది. కొద్దిదూరం ప్రయాణించిన తర్వాత ఆటోడ్రైవర్‌ ఆమెతో అసభ్యకరంగా ప్రవర్తించటం మొదలుపెట్టాడు. దీంతో భయాందోళనకు గురైన విద్యార్థిని ఆటోలోనుంచి కిందకు దూకేసింది.