ఆట బొమ్మల మధ్య పాము..వైరల్!

నేనైతే చచ్చి ఊరుకునే వాడిని.. ఎంత ప్రమాదం తప్పింది. దూరం నుంచి చూస్తేనే ఒళ్లు గగుర్పొడుస్తోంది. హో గాడ్‌..! పాపని రక్షించావ్‌. ఏంటీ.. విషయం చెప్పకుండా భయపెట్టే మాటల్ని పరిచయం చేస్తున్నారు. అనుకుంటున్నారా..! ఇవన్నీ మిమ్మల్ని భయపెట్టడానికి కాదు. బుసలు కొడుతున్న ఓ పొడవాటి నల్లతాచు వీడియో చూసి నెటిజన్లు పెట్టిన కామెంట్లు. ఆస్ట్రేలియాలోని ఓ ఇంట్లో ఇప్పుడిప్పుడే నడకలు నేర్చుకుంటున్న ఓ చిన్నారి ఆట బొమ్మల్లో నల్లని తాచు పాగా వేసింది. దాన్ని చూసి ఆ చిన్నారి తండ్రి ఒక్క నిమిషం షాక్‌కు గురయ్యాడు. నోట మాట రాక అలా.. నిలబడిపోయాడు.