పలువురు వైఎస్సార్‌సీపీ నేతలు హౌస్ అరెస్ట్

ఆంధ్రప్రదేశ్‌కు ప్రత్యేక హోదా కోరుతూ వైఎస్సార్‌సీపీ జాతీయ రహదారులను దిగ్బంధం చేసింది. కడప-చెన్నై రహదారిలో వాహనాల రాకపోకలను రాజంపేట పార్లమెంటరీ అధ్యక్షుడు ఆకేపాటి అమరనాథ్ రెడ్డి ఆధ్వర్యంలో పార్టీ నేతలు, కార్యకర్తలు అడ్డుకున్నారు.

మరోవైపు కృష్ణా జిల్లా జాతీయ రహదారుల దిగ్బంధనానికి సిద్ధమవుతున్న నందిగామ పార్టీ నేతలను పోలీసులు హౌజ్‌ అరెస్టు చేశారు. హౌజ్‌ అరెస్టు అయిన వారిలో పార్టీ సమన్వయకర్త మొండితోక జగన్‌తో పాటు పలువురు నేతలు, కార్యకర్తలు ఉన్నారు. మరోవైపు న్యూఢిల్లీలో ఎంపీల ఆమరణ దీక్షకు మద్దతుగా రాష్ట్ర వ్యాప్తంగా వైఎస్సార్‌సీపీ శ్రేణులు నిరాహార దీక్షలు కొనసాగిస్తున్నాయి.