ఒట్టావా: అమెరికా అధ్యక్షునిగా డొనాల్డ్‌ ట్రంప్‌(Donald Trump) రెండోసారి అధికార పీఠాన్ని అధిష్టించాక, అతను తీసుకుంటున్న నిర్ణయాలు ప్రపంచ దేశాలకు మింగుడుపడటం లేదు. ఇదే సందర్భంలో ట్రంప్‌ కెనడాను అమెరికాలోని 51వ రాష్ట్రంగా పిలవడంతో కెనెడియన్లు మండిపడుతున్నారు. వారు తమలోని ఆగ్రహాన్ని పలు రూపాల్లో వ్యక్తం చేస్తున్నారు. ఇదే నేపథ్యంలో కెనడియన్ సూపర్‌హీరో ‘కెప్టెన్ కెనక్’(కామిక్‌ బుక్‌ క్యారెక్టర్‌) సరికొత్త కామిక్ బుక్ ద్వారా రీ-ఎంట్రీ ఇచ్చాడు.ఈ కామిక్‌లో ట్రంప్‌ను సూపర్‌ విలన్‌(Super villain)గా, ఎలాన్ మస్క్‌ను అతని పరమ విధేయునిగా చిత్రీకరించారు. కెప్టెన్ కెనక్ ఈ ఇద్దరి నుంచి కెనడా సార్వభౌమత్వాన్ని కాపాడుకునేందుకు ఎదుర్కొనే సన్నివేశాలను కామిక్‌లో ఆకర్షణీయంగా చూపించారు. ఈ కామిక్ కెనడాలో అందరినీ అలరిస్తోంది. ఈ కామిక్‌లతో కెనాడాలోని బుక్‌ స్టోర్‌లు, లైబ్రరీలలోని అరలు నిండిపోతున్నాయి. కెప్టెన్ కెనక్‌ను 1975లో రిచర్డ్ కోమెలీ సృష్టించాడు. ఈ సూపర్‌ హీరో కెనడా సార్వభౌమత్వాన్ని, సంస్కృతిని కాపాడే ఒక ప్రభుత్వ ఏజెంట్‌గా వ్యవహరిస్తుంటాడు. అతను ఒక రాయల్ కెనడియన్ మౌంటెడ్ పోలీస్ ఆఫీసర్, గ్రహాంతరవాసులతో జరిగిన ఒక సంఘటన కారణంగా అతీంద్రియ శక్తులను పొందుతాడు. కెప్టెన్ కెనక్ ఎరుపు, తెలుపు రంగుల దుస్తులు ధరించి, ఒక మాపుల్ లీఫ్ చిహ్నంతో కనిపిస్తాడు. ఇది కెనడా జాతీయ గుర్తింపును సూచిస్తుంది. 2025లో, కెప్టెన్ కెనక్ 50వ వార్షికోత్సవ సంచికలో.. కెనడాను ట్రంప్, మస్క్ బెదిరింపుల నుంచి కాపాడే సూపర్‌హీరోగా కనిపించాడు. ఈ కామిక్ కెనడియన్ జాతీయవాద భావనను అక్కడి ప్రజలలో మరింత బలపరిచింది. ఈ కామిక్‌లో ట్రంప్‌ను కెనడాపై ఆధిపత్యం చెలాయించాలనే కుట్రలతో రగిలిపోతున్న ఒక సూపర్‌విలన్‌గా చిత్రీకరించారు. ఎలాన్ మస్క్‌ను ట్రంప్‌కు విధేయునిగా చూపించారు. ఈ కామిక్‌లోని ఒక సన్నివేశంలో, కెప్టెన్ కెనక్.. ట్రంప్ మస్క్‌లను కాలర్ పట్టుకొని బయటకు లాగుతూ కనిపిస్తాడు. ఇది కెనడియన్ పాఠకులకు అమితమైన ఆనందాన్ని కలిగించిందట.ఈ కామిక్ విజయం తర్వాత కెప్టెన్ కెనక్ కొత్త కామిక్ సిరీస్‌(Captain Canuck's new comic series)లు, యానిమేటెడ్ సిరీల అమ్మకాలు పెరిగాయి. కెప్టెన్ కెనక్ సృష్టికర్త అయిన రిచర్డ్ కోమెలీ (74) ఈ కామిక్ పునరాగమనం గురించి మాట్లాడుతూ 1970లలో కెనడియన్లు తమకొక ప్రత్యేక గుర్తింపు కావాలని కోరుకున్నారని, ఆ సమయంలోనే కెప్టెన్ కెనక్‌ను సృష్టించానన్నారు. ఇప్పుడు ట్రంప్ విసురుతున్న సవాళ్ల నేపథ్యంలో కెనడియన్లు మళ్లీ ఈ హీరోను స్వాతంత్ర్యం కోసం పోరాడుతున్న వ్యక్తిగాచూస్తున్నారని అన్నారు.ఇది కూడా చదవండి: 26/11 దాడుల్లో ‘దుబాయ్‌ వ్యక్తి’? : ఎన్‌ఐఏ ఆరా

పుష్ప విలన్ డాలీ ధనుంజయ్ వివాహాబంధంలోకి అడుగుపెట్టాడు. మైసూరులో ఆయన పెళ్లి వేడుగ ఘనంగా జరిగింది. పుష్ప సినిమాలో విలన్‌గా మెప్పించిన డాలీ ధనుంజయ్‌.. డాక్టర్ ధన్యత మెడలో మూడు ముళ్లు వేశారు. ఇవాళ ఉదయం జరిగిన ఈ పెళ్లి వేడుకలో కన్నడ సినీ ప్రముఖులు, సన్నిహితులు, స్నేహితులు హాజరయ్యారు. ఈ విషయం తెలుసుకున్న అభిమానులు సోషల్ మీడియా వేదికగా అభినందనలు చెబుతున్నారు. ఈ పెళ్లి వేడుక కోసం మైసూర్ ప్యాలెస్ పక్కన ఉన్న ఎగ్జిబిషన్ గ్రౌండ్స్‌లో ఏర్పాటు చేసిన పెళ్లికి అభిమానులు సైతం పెద్దఎ‍త్తున పాల్గొన్నారు.కాగా.. కన్నడలో హీరో కమ్ విలన్‌గా పలు సినిమాలు చేసి చాలా గుర్తింపు తెచ‍్చుకున్న నటుడు ధనంజయ. ఫ్యాన్స్ ఇతడిని ముద్దుగా డాలీ అని పిలుస్తారు. ఇతడి యాక్టింగ్ నచ్చి డైరెక్టర్ సుకుమార్ తన 'పుష్ప'లో జాలీరెడ్డి రోల్ ఇచ్చారు. తనదైన స్లాంగ్‌తో ఫెర్ఫెక్ట్ విలనిజం చూపించాడు. డిసెంబర్‌లో రిలీజైన పుష్ప-2 ది రూల్ సీక్వెల్‌లోనూ అదరగొట్టేశాడు. పుష్ప- 2 సినిమా దర్శకుడు సుకుమార్ కూడా డాలీ ధనంజయ్ పెళ్లికి హాజరయ్యారు.పెళ్లి కోసం ప్రత్యేకంగా సెట్..మైసూర్ ప్యాలెస్ ముందు ఉన్న ఎగ్జిబిషన్ గ్రౌండ్స్‌లో ఒక విలాసవంతమైన సెట్‌ను నిర్మించారు. ఫిబ్రవరి 15న సాయంత్రం రిసెప్షన్ జరిగింది. కన్నడ చిత్ర పరిశ్రమకు చెందిన సినీ ప్రముఖులు, రాజకీయ నాయకులు, సన్నిహితులు, స్నేహితులు, అభిమానులు హాజరై నూతన జంటకు శుభాకాంక్షలు తెలిపారు.మైసూర్‌తో ప్రత్యేక అనుబంధం..డాలీ ధనుంజయ్‌కు మైసూర్‌తో ప్రత్యేక అనుబంధం ఉంది. ఆయన ప్రాథమిక విద్య, జీవితం, సినిమా పరిశ్రమలోకి ప్రవేశం అన్నీ మైసూర్‌లోనే జరిగాయి. అందుకే మైసూర్‌లోనే వివాహం చేసుకున్నారు. చాముండేశ్వరి దేవి ఆశీర్వాదం పొందడానికి చాముండేశ్వరి ఆలయ నమూనాతో పెళ్లి వేదికను నిర్మించారు. అలాగే టవర్ ఆకారపు సెట్ పెళ్లికి హైలైట్‌గా నిలిచింది.

అక్కినేని నాగచైతన్య పెళ్లి తర్వాత తండేల్ మూవీతో ప్రేక్షకుల ముందుకు రానున్నారు. చందు మొండేటి దర్శకత్వంలో వస్తోన్న ఈ చిత్రం ఫిబ్రవరి 7న థియేటర్లలో సందడి చేయనుంది. ఈ చిత్రంలో నేచురల్ బ్యూటీ సాయి పల్లవి హీరోయిన్‌గా నటిస్తోంది. ఈ మూవీ మత్స్యకారుల బ్యాక్‌డ్రాప్‌లో తెరకెక్కిస్తున్నారు. ఇటీవల షూటింగ్‌లో చైతూ వంట వండుతున్న వీడియోలు వైరలయ్యాయి. అంతేకాకుండా నమో నమశ్శివాయ అనే రెండో లికరికల్ సింగిల్‌ను కూడా మేకర్స్ విడుదల చేశారు.అయితే ఈ మూవీ తర్వాత చైతూ మరో పాన్ ఇండియా ప్రాజెక్ట్‌లో నటించనున్నారు. ఎన్‌సీ24 వర్కింగ్ టైటిల్‌తో ఈ మూవీని రూపొందించనున్నారు. ప్రస్తుతం ఈ మూవీ పనులు ప్రీ-ప్రొడక్షన్ దశలో ఉన్నాయి. ఈ చిత్రాన్ని శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యానర్లపై నిర్మించనున్నారు. విరూపాక్ష మూవీతో హిట్ కొట్టిన కార్తీక్ దండు దర్శకత్వంలో ఈ మూవీ రానుంది. ఈ సినిమాకు అజనీష్ లోక్‌నాథ్ సంగీతం అందించనున్నారు.విలన్‌గా లపట్టా లేడీస్ నటుడు..అయితే ఈ మూవీలో లాపతా లేడీస్ యాక్టర్ స్పార్ష్ శ్రీవాస్తవ నటిస్తారని లేటేస్ట్ టాక్ వినిపిస్తోంది. అమిర్ ఖాన్- కిరణ్ రావు తెరకెక్కించిన లాపతా లేడీస్ గతేడాది విడుదలైన సూపర్ హిట్‌గా నిలిచింది. ఈ మూవీలో తన అమాయకమైన నటనతో అభిమానులను ఆకట్టుకున్నారు శ్రీవాస్తవ. దీంతో నాగ చైతన్య రాబోయే పాన్ ఇండియా ప్రాజెక్ట్‌లో శ్రీవాస్తవ విలన్‌గా చేయనున్నారని ఇటీవల ఓ నివేదిక ద్వారా వెల్లడైంది. అయితే దీనిపై మూవీ టీమ్ నుంచి ఎలాంటి అధికారిక ప్రకటనైతే రాలేదు. కాగా.. గతంలో చైతూ పుట్టిన రోజు సందర్భంగా ఎన్‌సీ24 మూవీ పోస్టర్‌ను మేకర్స్ రిలీజ్ చేసిన సంగతి తెలిసిందే. కాగా.. ఈ చిత్రంలో చైతూ సరసన మీనాక్షి చౌదరి హీరోయిన్‌గా నటిస్తారని కూడా తెలుస్తోంది. ఈ మూవీలో నటీనటులకు సంబంధించిన మరిన్ని వివరాలు ఇంకా తెలియాల్సి ఉంది.

మనిషిని పోలిన మనుషులు ప్రపంచంలో ఏడుగురు ఉంటారని అంటుంటారు. ఆదివారం కడపలో హల్‌చల్‌ చేసిన ఓ వ్యక్తిని చూసినవారు ఇది నిజమేనని ఆశ్చర్యపోయారు. జైలర్‌ సినిమాలో వర్మ పేరుతో నటించిన వినాయకన్‌ విలన్‌ ఎంత పాపులర్‌ అయ్యాడో తెలిసిందే. అన్నమయ్య జిల్లా చిన్నమండెంకు చెందిన మాజిద్‌ అచ్చు వినాయకన్‌లాగే కనిపించి హల్‌చల్‌ చేశాడు. బీడీలు తాగుతూ వర్మ వేషధారణలో హావభావాలు ప్రకటించాడు. దీంతో ప్రజలు అతని చుట్టూ చేరి జైలర్‌ సినిమాలోని పాపులర్‌ డైలాగ్‌ ‘వర్త్‌.. వర్మా వర్త్‌’ అంటూ కేరింతలు కొట్టారు. – మహమ్మద్‌ రఫీ, సాక్షి సీనియర్‌ ఫొటోగ్రాఫర్‌, కడప

రామ్ చరణ్, కాజల్ అగర్వాల్ జంటగా నటించిన బ్లాక్‌బస్టర్‌ చిత్రం మగధీర, రాజమౌళి తెరకెక్కించిన ఈ సినిమా టాలీవుడ్‌లో బిగ్గెస్ట్‌ హిట్‌గా నిలిచింది. ‍అయితే ఈ చిత్రంలో విలన్‌ పాత్రలో దేవ్‌గిల్‌ ఆకట్టుకున్నారు. తాజాగా ఆయన హీరోగా నటించిన చిత్రం అహో విక్రమార్క. ఈ చిత్రానికి పేట త్రికోటి దర్శకత్వం వహిస్తున్నారు. తాజాగా ఈ మూవీ టీజర్‌ను దర్శకధీరుడు రాజమౌళి చేతుల మీదుగా విడుదల చేశారు. 'ఇది అసుర రాజ్యం.. ఇక్కడికీ ఎవడైనా రావడమే తప్ప.. ప్రాణాలతో తిరిగిపోవడం ఉండదు' అనే డైలాగ్‌తో టీజర్ ప్రారంభమైంది. తాజాగా విడుదలైన ఈ టీజర్‌కు ఆడియన్స్ నుంచి అదిరిపోయే రెస్పాన్స్ వస్తోంది. ఈ చిత్రంలో దేవ్‌ గిల్‌ పవర్‌ఫుల్‌ పోలీసు ఆఫీసర్ పాత్రలో కనిపించనున్నారు. 'పోలీస్ అంటే సింహం కాదురా.. సింహాన్ని కూడా వేటాడే వేటగాడు' అనే డైలాగ్ ఈ మూవీపై అంచనాలు పెంచుతోంది. అసుర రాజ్యం పేరిట అమాయకులను హింసించే వారిని హీరో ఏం చేశాడనేది కథ. ఈ సినిమా విడుదల తేదీని త్వరలోనే మేకర్స్ ప్రకటించనున్నారు. Forever grateful to you @ssrajamouli garu 🙏🏼❤️#AhoVikramaarkaTeaser out now! - https://t.co/WIxYwyGxu7#AhoVikramaarka @iamdevsinghgill @ChitraShuklaOff @WriterPravin @tejaswwini @SayajiShinde @BithiriSathi_ @prabhakalakeya @petatrikoti pic.twitter.com/V5bw3GKavM— Dev Gill (@iamdevsinghgill) June 20, 2024

సినీ ప్రేక్షకుల్లో మార్పు వచ్చింది. సినిమాలో కొత్తదనం ఉంటేనే థియేటర్స్‌కి వెళ్తున్నారు. అందుకే మన హీరోలు కూడా రొటీన్‌గా కాకుండా కాస్త డిఫరెంట్‌గా ఉన్న కథలనే ఎంచుకుంటున్నారు. విభిన్నమైన పాత్రలు పోషిస్తూ ప్రేక్షకులను అలరిస్తున్నారు. ఒకప్పుడు సినిమాలో హీరో పాజిటివ్‌గా ఉంటే..విలన్‌ నెగటివ్‌గా ఉండేవాడు. కానీ ప్రస్తుతం హీరోనే విలన్‌గాను మారుతున్నాడు. నెగెటివ్‌ షేడ్స్‌ ఉన్న పాత్రల్లో రెచ్చిపోయి నటిస్తున్నారు. ఒకే సినిమాలో నాయకుడిగా..ప్రతి నాయకుడిగానూ నటిస్తూ తమలో దాగిఉన్న మరో యాంగిల్‌ని ప్రేక్షకులకు చూపిస్తున్నారు. ఎప్పుడూ చేసిందే చేస్తే ఏం బావుంటుందబ్బా... అప్పుడప్పుడూ కొత్తగా చేయాలి అంటున్న ఈ స్టార్‌ హీరోలపై ఓ లుక్కేయండి.

హస్య నటులు, ప్రతినాయకులు, సహాయ నటులుగా కనిపించి, ఆకట్టుకునే నటులు ఫర్‌ ఎ చేంజ్‌ కథానాయకులుగా కనిపిస్తే ఆ సినిమాకి కావాల్సినంత క్రేజ్‌ ఏర్పడుతుంది. ఆ నటులకు కూడా రొటీన్‌ క్యారెక్టర్స్‌ నుంచి కాస్త మార్పు దక్కుతుంది. ఎక్కువగా కమెడియన్లు, విలన్లు, క్యారెక్టర్లు ఆర్టిస్టులుగా చేసే ఆ నటులు ఇప్పుడు హీ‘రోల్‌’లో కనిపించనున్నారు. ఆ ‘హీరో’ల్‌ చేస్తున్న చిత్రాల విశేషాలు తెలుసుకుందాం.  తొలిసారి నేపాలీ భాషలో...  తెలుగు పరిశ్రమలో హాస్యబ్రహ్మగా పేరు తెచ్చుకున్నారు బ్రహ్మానందం. దాదాపు నలభై ఏళ్లుగా తనదైన హాస్యంతో ప్రేక్షకులను నవ్విస్తున్న ఆయన అడపాదడపా హీరోగానూ చేశారు. ‘బాబాయ్‌ హోటల్‌’ (1992), ‘జోకర్‌ మామ సూపర్‌ అల్లుడు’ (1992) వంటి చిత్రాల్లో సోలో హీరోగా చేసిన బ్రహ్మానందం ‘సూపర్‌ హీరోస్‌’ (1997), ‘హ్యాండ్సప్‌’ (2020) వంటి మరికొన్ని చిత్రాల్లో ఓ హీరోగా నటించారు. తాజాగా ‘హ్రశ్వ దీర్ఘ’ చిత్రంలో ఆయన ఓ లీడ్‌ రోల్‌ చేస్తున్నారు. చంద్ర పంత్‌ దర్శకత్వంలో తెలుగు, నేపాలీ భాషల్లో ఈ సినిమా రూపొందుతోంది. బ్రహ్మానందం నటిస్తున్న ఈ తొలి నేపాలీ చిత్రం  సెప్టెంబర్‌ 27న రిలీజ్‌ కానుంది.   ఆరు పదులలో ప్రేమ  ఆరు పదుల వయసులో ప్రేమలో పడ్డారు రాజేంద్రప్రసాద్, జయప్రద. ఈ ఇద్దరూ జంటగా నటించిన చిత్రం ‘లవ్ః65’. వీఎన్‌ ఆదిత్య దర్శకత్వం వహించిన ఈ చిత్రం టీజర్‌ ఆ మధ్య విడుదలైంది. ‘ఈ ప్రపంచాన్నే బహిష్కరిద్దాం’ (రాజేంద్ర ప్రసాద్‌), ‘నాకోసం ఏడ్చింది నువ్వు ఒక్కడివే’ (జయప్రద) వంటి డైలాగులు టీజర్‌లో ఉన్నాయి. త్వరలో ఈ చిత్రం రిలీజ్‌ రానుంది. వినోదాల సుబ్రమణ్యం  కమెడియన్‌గా, క్యారెక్టర్‌ ఆర్టిస్ట్‌గా, విలన్‌గా రావు రమేశ్‌ ఏ రేంజ్‌లో విజృంభిస్తారో వెండితెరపై చూస్తుంటాం. ‘మారుతినగర్‌ సుబ్రమణ్యం’ చిత్రంలో తొలిసారి ఆయన హీరోగా కనిపించనున్నారు. లక్ష్మణ్‌ కార్య దర్శకత్వం వహించిన ఈ చిత్రంలో రావు రమేశ్‌ సరసన ఇంద్రజ నటించారు. పూర్తి స్థాయి వినోదంతో, భావోద్వేగాలతో రూపొందిన ఈ సినిమా నిర్మాణానంతర కార్యక్రమాలు జరుపుకుంటోంది. త్వరలో ఈ చిత్రం విడుదల కానుంది.    మధ్యవయస్కుడి కథ  తెలుగులో దాదాపు 36 ఏళ్లుగా క్యారెక్టర్‌ ఆర్టిస్ట్‌గా మెప్పిస్తున్నారు రాజా రవీంద్ర. పలు చిత్రాల్లో లీడ్‌ రోల్స్‌లోనూ నటించిన ఆయన తాజాగా ‘సారంగదరియా’ సినిమాలో లీడ్‌ రోల్‌ చేశారు. పద్మారావు అబ్బిశెట్టి దర్శకుడు. మధ్యవయస్కుడైన ఓ వ్యక్తి పరువుగా బతికితే చాలనుకుంటాడు. అయితే అతనికి తన కొడుకులు, కూతురు వల్ల సమాజం నిలదీసే పరిస్థితులు ఎదురవుతాయి. అప్పుడు అతను ఏం చేశాడు? అనే కథాంశంతో ‘సారంగదరియా’ చిత్రం రూపొందింది. మేలో ఈ సినిమాను విడుదల చేయాలనుకుంటున్నారు.  తండ్రి విలువ తెలిపేలా...  తెలుగులో శివాజీ రాజాది మూడు దశాబ్దాలకు పైగా ప్రయాణం. క్యారెక్టర్‌ ఆర్టిస్ట్‌గా, హీరోగా తనదైన నటనతో ప్రేక్షకులను ఆకట్టుకున్నారాయన. ఇటీవల సినిమాలకు కొంచెం గ్యాప్‌ ఇచ్చిన శివాజీ రాజా ‘నాన్నా మళ్లీ రావా..!’లో లీడ్‌ రోల్‌ చేస్తున్నారు. ఆయనకు జోడీగా ప్రభావతి నటిస్తున్నారు. నిర్దేష్‌ దర్శకుడు. మనసుని హత్తుకునే బలమైన సెంటిమెంట్, భావోద్వేగాల నేపథ్యంలో తండ్రి విలువ తెలిపేలా ఈ చిత్రం రూపొందుతోంది.   మ్యూజిక్‌ షాప్‌లో...  ‘ప్రస్థానం’ (2010) సినిమాతో క్యారెక్టర్‌ ఆర్టిస్ట్‌గా ప్రస్థానం మొదలుపెట్టారు అజయ్‌ ఘోష్‌. కమెడియన్, విలన్, క్యారెక్టర్‌ ఆర్టిస్ట్‌.. ఇలా తెలుగు, కన్నడ, తమిళ భాషల్లో నటించి, మెప్పించారాయన. తాజాగా ‘మ్యూజిక్‌ షాప్‌ మూర్తి’లో హీరోగా చేశారు. శివ పాలడుగు దర్శకత్వం వహించిన ఈ సినిమా త్వరలో రిలీజ్‌ కానుంది. మన జీవితాల్లో మనం ఏం కోల్పోయి ఏ స్థితిలో ఉన్నామో చూపించేలా ఈ చిత్రం ఉంటుందని యూనిట్‌ పేర్కొంది.

సినిమా ఇండస్ట్రీలో ఉన్నవాళ్లు కోట్లు వెనకేస్తారనుకుంటారు. లగ్జరీ లైఫ్‌ అనుభవిస్తారని భ్రమిస్తుంటారు. కానీ అందరి జీవితాలు ఒకేలా ఉండవు. కొన్ని దశాబ్దాలు వెనక్కు వెళ్తే ఒకప్పుడు నటులు ఎంత దుర్భర జీవితం అనుభవించారో కళ్లకు కట్టినట్లు వివరించాడు దివంగత విలన్‌ అజిత్‌ తనయుడు షెహజాద్‌ ఖాన్‌. అతడు మాట్లాడుతూ.. 'సూపర్‌ హిట్‌ మూవీ నయా డౌర్‌(ఈ మూవీకి అజిత్‌ సహాయక నటుడిగా ఫిలింఫేర్‌ అందుకున్నాడు) తర్వాత నాన్న కెరీర్‌ పతనం కావడం ప్రారంభమైంది. నాలుగైదేళ్లపాటు అతడికి అవకాశాలు రాలేదు. ఏ పనీ చేయలేదు. హీరోల వల్లే నాన్నకు కష్టాలు.. ఇందుకు ప్రధాన కారణం.. హీరోలకున్న భయమే! నాన్న సినిమాలో ఉంటే ఎక్కడ వారిని డామినేట్‌ చేస్తాడో అని భయపడ్డారు. ఆయనతో పని చేస్తే తనకే గుర్తింపు వస్తుంది, తనకే అవార్డులిచ్చేస్తారు, మమ్మల్ని ఎవరూ పట్టించుకోరని ఫీలయ్యారు. అందుకని అవకాశాలివ్వలేదు. అలా ఎన్నో కష్టాలు చూశాడు. కెరీర్‌ ప్రారంభంలో అయితే అంతకన్నా ఎక్కువే చూశాడు. ఓరోజు ముంబైలో మొహమ్మద్‌ అలీ రోడ్డులో నడుచుకుంటూ వెళ్తున్నప్పుడు అక్కడున్న మురికి కాలువను చూపిస్తూ దీని పక్కనే పడుకున్నానని చెప్పాడు. ఆస్తులు లాక్కున్న బంధువులు హైదరాబాద్‌ నుంచి ముంబైకి వచ్చిన కొత్తలో రోడ్డుపైనే నిద్రపోయానన్నాడు. తన కాలేజీ పుస్తకాలు అమ్మి దాని ద్వారా వచ్చిన డబ్బుతో ముంబైకి వచ్చాడు' అని తెలిపాడు. మొదట్లో కష్టాలతోనే సావాసం చేసిన అజిత్‌ సపోర్టింగ్‌ క్యారెక్టర్లు చేస్తూ ఒక్కో మెట్టు ఎక్కాడు. 1960, 70వ దశకంలో టాప్‌ విలన్‌గా రాణించాడు. 1998లో మరణించాడు. కొంతకాలానికి ఆయన మూడో భార్య సారాకు క్యాన్సర్‌కు సోకింది. ఆ సమయంలో ఆమె వైద్య ఖర్చులు భరించడానికి షెహజాద్‌ అన్నయ్య ముందుకురాలేదట! ఆస్పత్రి బిల్లు కూడా కట్టలే! 'నాన్న పోయాక ఆయన కూడబెట్టిన డబ్బునంతా అన్నయ్య, బంధువులే పంచుకున్నారు. దీంతో అమ్మకు మంచి వైద్యం అందించడం నాకెంతో కష్టమైంది. అమ్మ చనిపోయినప్పుడు రూ.5000 ఆస్పత్రి బిల్లు కట్టడానికి కూడా అన్నయ్య నిరాకరించాడు. కానీ ఆమె ఆస్తులు, నగలు మాత్రం అన్నీ తీసుకున్నాడు' అని విచారం వ్యక్తం చేశాడు. కాగా షెహజాద్‌ అందాజ్‌ అప్నా అప్నా అనే సినిమాలో భల్లా అనే పాత్రతో ఫేమస్‌ అయ్యాడు. ఇతడు కూడా నటుడిగా రాణిస్తున్నాడు. చదవండి: సౌత్‌ ఇండస్ట్రీలో నటికి చేదు అనుభవం.. ఆఫీసుకు రమ్మని చివరకు..

సంక్రాంతి పోటీ భలే రంజుగా మారింది. నాలుగు సినిమాలు పందెం కోళ్లలా బాక్సాఫీస్‌ దగ్గర పోటీపడుతున్నాయి. గుంటూరు కారం, సైంధవ్‌, హనుమాన్‌, నా సామిరంగ చిత్రాలు సంక్రాంతిని క్యాష్‌ చేసుకునేందుకు రెడీ అయ్యాయి. ఇకపోతే రేపు (జనవరి 12న) గుంటూరు కారం, హనుమాన్‌ రిలీజ్‌ అవుతుండగా, సైంధవ్‌ జనవరి 13న, నా సామిరంగ ఆ మరుసటి రోజున విడుదల కానున్నాయి. అయితే గుంటూరు కారం, నా సామిరంగ చిత్రాల్లో విలన్‌గా నటించిన మధుసూదన రావు తాజాగా ఓ ఇంటర్వ్యూలో ఎన్నో విషయాలను చెప్పుకొచ్చాడు. నాకు తెలియకుండానే సినిమా పూర్తి చేశాడు 'అమ్మది ఖమ్మం, నాన్నది ఒంగోలు. నేను పుట్టిపెరిగింది, చదువుకుందంతా కర్ణాటకలో! నన్ను విలన్‌గా గుర్తించిన డైరెక్టర్‌ దేవ్‌ కట్టా. ఆయన దర్శకత్వం వహించిన ఆటో నగర్‌ సూర్య సినిమా తర్వాత ఇక్కడ దశ మారుతుందనుకున్నాను. అందరూ అద్భుతంగా చేశావని చెప్పేవారే తప్ప అవకాశాలు మాత్రం ఎక్కువగా ఇవ్వలేదు. అందుకే తమిళ చిత్రాల్లో ఎక్కువగా నటించాను. నా భార్య శృతి కూడా విలన్‌గా యాక్ట్‌ చేసింది. మాకు ఇద్దరు కుమారులు సంతానం. ఓ కుమారుడు ప్రీతమ్‌ నాకు తెలియకుండానే సినిమా చేశాడు. ప్రభుత్వ జూనియర్‌ కళాశాల అనే చిత్రంలో నటించాడు. అంతా అయ్యాక సినిమా చేశానని చెప్పడంతో షాకయ్యాను. తను కళ్ల ముందే ఎదుగుతున్నందుకు ఉప్పొంగిపోయి ఆనందంతో ఏడ్చేశాను. అయితే నా పేరు ఎక్కడా వాడకూడదని తనకు కండీషన్‌ కూడా పెట్టాను. కానీ . రోజంతా కష్టపడితే.. కెరీర్‌ తొలినాళ్లలో ఎన్నో ఇబ్బందులు ఎదుర్కొన్నాను. రోజంతా పని చేస్తే రూ.300 వచ్చేవి. కెప్టెన్‌ విజయ్‌కాంత్‌ అంటే చాలా ఇష్టం. ఆర్మీ నుంచి యాక్టింగ్‌లోకి వచ్చాను. ఇన్నేళ్లలో వందల కోట్లు సంపాదించాననుకుంటారు. కానీ అంత సీన్‌ లేదు. లక్ష రూపాయలు వస్తే అందులో 30% జీఎస్టీ పోతుంది. నా మేనేజర్‌కు, మేకప్‌మెన్‌కు.. వారికి డబ్బులివ్వాల్సి ఉంటుంది. దీనికి తోడు సేవా కార్యక్రమాలు చేస్తుంటాను. ఎవరికైనా డబ్బు కావాలంటే సాయం చేస్తూ ఉంటాను. ఇప్పటివరకు తెలుగు, తమిళ, కన్నడ, మలయాళం, భోజ్‌పురి భాషల్లో నటించాను. ఈసారి బాలీవుడ్‌లోనూ ఎంట్రీ ఇచ్చే ఛాన్స్‌ ఉంది' అని చెప్పుకొచ్చాడు మధుసూదనరావు. చదవండి: కమల్‌, శ్రీవిద్య లవ్‌స్టోరీ.. పెళ్లి చేసుకుంటానన్న కమల్‌.. కానీ!

బింబిసార సినిమాతో తిరిగి ఫామ్‌లోకి వచ్చాడు హీరో నందమూరి కళ్యాణ్‌ రామ్‌. అయితే ఆ తర్వాత త్రిపాత్రాభినయంతో చేసిన అమిగోస్‌ సినిమా అంతగా ఆకట్టుకోలేదు. ప్రస్తుతం ఇతడు డెవిల్‌ అనే భారీ బడ్జెట్‌ సినిమా చేస్తున్నాడు. ది బ్రిటీష్‌ సీక్రెట్‌ ఏజెంట్‌ అనేది ఉపశీర్షిక. మాళవికా నాయర్‌, సంయుక్తా మీనన్‌ హీరోయిన్లుగా నటించిన ఈ సినిమాను అభిషేక్‌ పిక్చర్స్‌ బ్యానర్‌పై అభిషేక్‌ నామా స్వీయదర్శకత్వంలో నిర్మించాడు. మొదట్లో అతడు.. తర్వాత ఇతడు ఈ సినిమా ఆది నుంచి ఏదో ఒక వివాదంలో చుట్టుకుంటూనే ఉంది. మొదట్లో ఈ సినిమాకు నవీన్‌ మేడారం దర్శకుడు అని చెప్పారు. రిలీజైన పోస్టర్‌లోనూ అతడినే డైరెక్టర్‌గా ప్రస్తావించారు. తర్వాత టీజర్‌ రిలీజ్‌ చేసినప్పుడు మాత్రం దర్శకుడి స్థానంలో అభిషేక్‌ నామా పేరును పెట్టేశారు. తాజాగా ఈ సినిమాలో విలన్‌గా నటించిన యాక్టర్‌ మార్క్‌ బెనింగ్‌టన్‌ చిత్రయూనిట్‌పై తీవ్ర విమర్శలు చేశాడు. నాకు డబ్బులివ్వలేదు మార్క్‌ మాట్లాడుతూ.. 'డెవిల్‌ సినిమా షూటింగ్‌ మొదట్లో బాగానే జరిగింది. చివరి షెడ్యూల్‌ జరిగేటప్పుడు మాత్రం కొన్ని మార్పుచేర్పులు జరిగాయి. నా పాత్ర షూటింగ్‌ అయిపోయి 9 నెలలు కావస్తోంది. ఇప్పటివరకు నాకు డబ్బులు ముట్టనేలేదు. అంతేకాదు, నా పాత్రకుగానూ వేరే వ్యక్తితో డబ్బింగ్‌ చెప్పించారు. అది నేను ట్రైలర్‌లో చూసి చాలా బాధపడ్డాను. ఇలా చేయడం నాతో చేసుకున్న కాంట్రాక్టును ఉల్లంఘించడమే అవుతుంది' అని మండిపడ్డాడు. ఇలాంటి పని చేయడానికి కాస్తైనా సిగ్గుండాలంటూ ఇన్‌స్టాగ్రామ్‌ పోస్ట్‌లోనూ డెవిల్‌ నిర్మాతలపై ఫైర్‌ అయ్యాడు. మెంటల్‌ టార్చర్‌.. తాజాగా ఈ విషయంపై డెవిల్‌ ఎగ్జిక్యూటివ్‌ నిర్మాత మోహిత్‌ రాల్యాని స్పందించాడు. నటుడి పోస్ట్‌కు కామెంట్‌ చేస్తూ సుదీర్ఘ వివరణ ఇచ్చాడు. 'నీ మేనేజర్‌ మమ్మల్ని బ్లాక్‌మెయిల్‌ చేస్తున్నాడు. నీకు ఇవ్వాల్సిన డబ్బులు ఎప్పుడో ఇచ్చేశాం. అయినా కూడా ఇంకా డబ్బు కావాలంటూ మానసికంగా వేధిస్తున్నారు. నీ పాత్రకు వేరేవారితో డబ్బింగ్‌ చెప్పిన విషయానికి వస్తే.. నువ్వు తెలుగు మాట్లాడగలవా? లేదు.. అలాంటప్పుడు ఇంగ్లీష్‌ డైలాగులకు నీ వాయిస్‌, తెలుగు డైలాగులకు వేరొకరి వాయిస్‌ ఎలా వాడగలం? అగ్రిమెంట్‌లో ఆ రూల్‌ లేదు.. పైగా మీడియాలో మా నిర్మాణ సంస్థ ప్రతిష్ట దిగజార్చేలా వార్తలు ప్రచారం చేయిస్తున్నావు. నీ వాయిస్‌ వాడలేదని మమ్మల్ని కించపరుస్తున్నావు. నీ మాటలు నమ్మిన కొందరు నిజానిజాలు తెలుసుకోకుండానే వార్తలు రాసేస్తున్నారు. అసలు అగ్రిమెంట్‌లో నీ పాత్రకు నువ్వే డబ్బింగ్‌ చెప్పాలన్న నిబంధనే లేదు. ఎప్పుడేం చేయాలనేది నిర్మాత ఇష్టం. మనం ఇలా అందరి ముందు గొడవపడుతుండటం అసహ్యంగా ఉంది. నీపై నాకు చాలా గౌరవం ఉంది. ఆ విషయం నీక్కూడా తెలుసు. నీ నుంచి ఫోన్‌ కాల్‌ కోసం ఎదురుచూస్తుంటా' అని రాసుకొచ్చాడు. ఈ గొడవ సద్దుమణిగిందో మరేంటో కానీ కాసేపటి క్రితమే మార్క్‌ బెనింగ్‌టన్‌ డెవిల్‌ చిత్రయూనిట్‌ను తిడుతూ పెట్టిన పోస్టులను డిలీట్‌ చేశాడు. డెవిల్‌ సినిమా ఈ నెల 29న విడుదల కానుంది. చదవండి: ఏడాది తిరగకముందే భార్యకు కటీఫ్‌.. నాలుగోసారి ప్రేమలో మ్యూజిక్‌ డైరెక్టర్‌..

నిరోజ్‌ పుచ్చా హీరోగా ధీన రాజ్‌ దర్శకత్వంలో రూపొందిన చిత్రం ‘భారతీయన్స్‌’. శంకర్‌ ఎన్‌. అడుసుమిల్లి నిర్మించిన ఈ చిత్రం ఈ నెల 14న రిలీజ్‌ అయింది. శనివారం విలేకరుల సమావేశంలో నిరోజ్‌ పుచ్చా మాట్లాడుతూ– ‘‘2019లో వచ్చిన ఓ షార్ట్‌ ఫిల్మ్‌తో నా యాక్టింగ్‌ జర్నీ మొదలైంది. ‘భారతీయన్స్‌’ చేస్తున్నప్పుడే నాకు విలన్‌గా చాన్స్‌ వస్తే, ఓకే చెప్పాను. ఎందుకంటే హీరోనా? విలనా అని కాదు.. యాక్టర్‌గా నిరూపించుకోవాలన్నదే నా లక్ష్యం’’ అన్నారు.   

ఏదో ఒక వివాదంలో నానుతూ ఉండే నటుడు అజాజ్‌ ఖాన్‌. దురుసు వ్యాఖ్యలతో, డ్రగ్స్‌ వివాదంతో ఎప్పుడూ హెడ్‌లైన్స్‌లో ఉండే ఈయన కొద్ది నెలల క్రితమే జైలు నుంచి విడుదలయ్యాడు. 2021లో డ్రగ్స్‌ కేసులో పోలీసులు ఇతడిని అరెస్ట్‌ చేయగా రెండున్నరేళ్లపాటు జైలుజీవితం గడిపాడు. మే 19న బెయిల్‌పై బయటకు వచ్చిన అతడు ఇటీవల తన అనుభవాలను చెప్పుకొచ్చాడు. 400 మందికి నాలుగే బాత్రూమ్స్‌ 'ఈ రెండు సంవత్సరాలు నాకెంతో కష్టతరమైనవి. నేను నిజం మాట్లాడాను.. ఫలితంగా దగ్గరివాళ్లే నన్ను దూరం పెట్టారు. 26 నెలలపాటు నా కుటుంబానికి, అనారోగ్యంతో ఉన్న నా తండ్రికి దూరంగా ఉన్నాను. నా కుటుంబం కోసం నన్ను ఇంకా బతికే ఉంచినందుకు ఆ భగవంతుడికి కృతజ్ఞతలు తెలియజేస్తున్నాను. జైలు జీవితం ఎంత దారుణంగా ఉండేదంటే.. ఎండిపోయిన చపాతీలు, రాళ్ల అన్నం తినేవాడిని. 400 మంది ఖైదీలకు నాలుగంటే నాలుగే బాత్రూమ్స్‌ ఉండేవి. బయటకు వచ్చాక సాధారణ జీవితానికి అలవాటు పడటానికి నెల రోజులు పట్టింది. ఒకరిపై మరొకరు పడుకుంటారు మంచి ఆహారం తీసుకోవడం, శుభ్రమైన బాత్రూమ్‌లో స్నానం చేయడం.. ఇంకా కొత్తగానే ఉంది. జైలులో ఎలుకలు, పురుగులు పడ్డ పప్పునే తిన్నాను. పురుగులు, కీటకాలతోపాటు నేలపై పడుకునేవాడిని. ఇక్కడ జైళ్లు ఎంత రద్దీగా ఉంటాయంటే.. స్థలం లేక ఒకరిపై మరొకరు పడుకుంటారు. 800 ఖైదీల సామర్థ్యం ఉన్న జైల్లో 3000 మందిని కుక్కుతారు. షారుక్‌ ఖాన్‌ తనయుడు ఆర్యన్‌ ఖాన్‌ పేరు కూడా ఓ కేసులో జైలుకు వచ్చాడు. కానీ ఏమైంది? సింపుల్‌గా బయటపడ్డాడు. అతడికి, రాజ్‌కుంద్రాకు నేను జైలులో సాయం చేశాను. అయినా ఇప్పుడు దేని గురించీ మాట్లాడాలనుకోవడం లేదు. నేను ఒకటే ఆశిస్తున్నాను. నేను నటుడిని, నాకు పనివ్వండి.. నా కుటుంబాన్ని పోషించుకోవాలి' అని అర్థిస్తున్నాడు అజాజ్‌ ఖాన్‌. నాలుగుసార్లు కటకటాలపాలు అజాజ్‌ ఖాన్‌ను తొలిసారి డ్రగ్స్‌ కేసులో 2018లో ముంబై పోలీసులు అరెస్ట్ చేశారు. అభ్యంతరకర వీడియోలు పోస్ట్‌ చేసినందుకు 2019 జూలైలో, ఫేస్‌బుక్‌లో అభ్యంతరకరమైన పోస్ట్‌ను అప్‌లోడ్ చేసినందుకు 2020 ఏప్రిల్‌లో మరోసారి అరెస్టు చేశారు. ఇన్నిసార్లు జైలుకు వెళ్లి వచ్చిన ఈ నటుడు 2021 డ్రగ్స్‌ కేసులో మరోసారి కటకటాలపాలయ్యాడు. ఈసారి మాత్రం కఠిన కారాగార శిక్ష ఎదుర్కొన్నాడు. రెండున్నరేళ్లపాటు జైలు జీవితం గడిపాడు. ఈ ఏడాది మే 19న బెయిల్‌తో బయటకు వచ్చాడు. అజాజ్‌ ఖాన్‌ కెరీర్‌ విషయానికి వస్తే.. అజాజ్‌ ఖాన్‌.. లకీర్‌ కా ఫఖీర్‌, అల్లా కీ బండే, హై తుజే సలాం, ఫర్కీ రిటర్న్స్‌.. ఇలా అనేక చిత్రాల్లో నటించాడు. టాలీవుడ్‌లో రక్త చరిత్ర, దూకుడు, బాద్‌షా, హార్ట్‌ ఎటాక్‌ వంటి సినిమాల్లో విలన్‌గా యాక్ట్‌ చేశాడు. అలాగే బుల్లితెరపై.. దివ్య ఔర్‌ బాతీ హమ్‌, మట్టి కీ బన్నో, కారమ్‌ ఆప్నా ఆప్నా.. వంటి అనేక సీరియల్స్‌లో నటించాడు. ఇకపోతే వైల్డ్ కార్డ్ ఎంట్రీగా 'బిగ్ బాస్' సీజన్-7 లోకి ఎంట్రీ ఇచ్చాడు. అలాగే 8వ సీజన్‌లో కూడా కనిపించాడు. చదవండి: ఇస్రో ప్రయోగం.. దేశానికి మీరు గర్వకారణం: మహేశ్‌బాబు

టాలీవుడ్‌లో మోస్ట్‌ వాంటెడ్‌ విలన్‌గా పేరు గడించిన నటుడు కబీర్‌ దుహాన్‌ సింగ్‌ ఓ ఇంటివాడయ్యాడు. హర్యానాకు చెందిన సీమ చాహల్‌తో ఏడడుగులు నడిచాడు. ఫరీదాబాద్‌లోని ఓ హోటల్‌లో వీరి వివాహ వేడుక ఘనంగా జరిగింది. ఇరు కుటుంబాలు, అతి దగ్గరి బంధుమిత్రుల సమక్షంలో ఈ పెళ్లి వైభవంగా జరిగింది. ఈ కొత్త జంటకు సంబంధించిన ఫోటోలు ప్రస్తుతం సోషల్‌ మీడియాలో వైరల్‌గా మారాయి. ఈ సందర్భంగా కబీర్‌ దుహాన్‌ సింగ్‌ మాట్లాడుతూ.. 'జీవితంలో నూతన అధ్యాయాన్ని ప్రారంభిస్తున్నందుకు సంతోషంగా ఉంది. ఆ భగవంతుడు, నా అభిమానులు నాపై ఎంతో ప్రేమాభిమానాలు చూపిస్తున్నారు, ఆశీర్వాదాలు అందిస్తున్నారు. మీ ఆశీర్వాదాలు నా భార్య సీమకు కూడా ఉండాలని కోరుకుంటున్నాను. తన జీవితంలో నేను బెస్ట్‌ హీరోగా ఉండాలనుకుంటున్నాను. నేను సీమాను కలిసిన క్షణంలోనే తనే నా అర్ధాంగి అనిపించింది. నన్ను, నా కుటుంబాన్ని బాగా అర్థం చేసుకోగలదన్న నమ్మకం కలిగింది. తను ఎటువంటి సినీ బ్యాగ్రౌండ్‌ లేని సాధారణ కుటుంబం నుంచి వచ్చింది. నేనెప్పుడూ ఇండస్ట్రీతో సంబంధం లేని వ్యక్తినే పెళ్లి చేసుకోవాలనుకున్నా. అదే నిజమైంది. తనతో కలిసి కొత్త జీవితాన్ని ఆరంభిస్తున్నందుకు సంతోషంగా ఉంది' అని చెప్పుకొచ్చాడు కాగా హర్యానాలో పుట్టి పెరిగిన కబీర్‌ దుహాస్‌ సింగ్‌ మొదట మోడల్‌గా పని చేశాడు. ఆ తర్వాత సినీ రంగంలోకి ప్రవేశించాడు. జిల్‌ సినిమాలో తన సత్తా చూపించి టాలీవుడ్‌కు ఒక కొత్త విలన్‌ దొరికాడని అందరూ అనుకునేలా చేశాడు. వేదాళం సినిమాతో కోలీవుడ్‌ ప్రేక్షకులనూ భయపెట్టాడు. ఈ రెండు భాషల్లోనే కాకుండా కన్నడ, హిందీ భాషల్లోనూ చిత్రాలు చేస్తున్నాడు. సౌత్‌లో విలన్‌గా అదరగొడుతున్న అతడు ఇటీవల వచ్చిన శాకుంతలం సినిమాలో అసుర రాజుగా మెప్పించాడు.

జిల్‌, కిక్‌ 2, స్పీడున్నోడు, సర్దార్‌ గబ్బర్‌ సింగ్‌, సుప్రీం.. ఇలా చెప్పుకుంటూ పోతే బోలెడన్ని సినిమాల్లో విలన్‌గా నటించి తెలుగు ప్రేక్షకులకు దగ్గరయ్యాడు కబీర్‌ దుహాన్‌ సింగ్‌. హర్యానాలో పుట్టి పెరిగిన అతడు మోడలింగ్‌ నుంచి సినీ రంగంలోకి ప్రవేశించాడు. జిల్‌ సినిమాతో తన సత్తా చూపించి టాలీవుడ్‌లో మోస్ట్‌ వాంటెడ్‌ విలన్‌గా మారిపోయాడు. వేదాళం సినిమాతో కోలీవుడ్‌ ప్రేక్షకులనూ విలన్‌గా భయపెట్టాడు. తెలుగు, తమిళంలోనే కాకుండా కన్నడ, హిందీ భాషల్లోనూ సినిమాలు చేస్తున్నాడు. సౌత్‌లో విలన్‌గా రఫ్ఫాడిస్తున్న ఇతడు ఇటీవలే శాకుంతలం సినిమాలో అసుర రాజుగా మెప్పించాడు. తాజాగా కబీర్‌ పెళ్లికి బ్యాచ్‌లర్‌ లైఫ్‌కు ఫుల్‌స్టాప్‌ పెట్టేసి పెళ్లికి రెడీ అయినట్లు తెలుస్తోంది. హర్యానాకు చెందిన యువతిని పెళ్లాడబోతున్నాడట! జూన్‌ 23న హర్యానా సూరజ్‌ఖండ్‌లోని గ్రాండ్‌ ఫంక్షన్‌ హాల్‌లో ఈ వివాహం జరగనున్నట్లు సమాచారం. ఇరు కుటుంబాలు సహా బంధుమిత్రులు, ఇండస్ట్రీలోని పలువురు సెలబ్రిటీల సమక్షంలో ఈ శుభకార్యం జరగనుంది. ఈ రోజు మెహందీ ఫంక్షన్‌తో పెళ్లి సంబరాలు షురూ కానున్నాయట! శుక్రవారం పెళ్లయిపోగానే అదే రోజు రిసెప్షన్‌ ఏర్పాటు చేస్తున్నట్లు తెలుస్తోంది. ఈ వేడుకకు సినీప్రముఖులు సైతం హాజరు కానున్నారట! కాగా కబీర్‌ పెళ్లాడబోయే అమ్మాయి సీమా చాహల్‌ అని, తను వృత్తి రీత్యా టీచర్‌ అని తెలుస్తోంది. View this post on Instagram A post shared by Kabir Singh Duhan (@kabirduhansingh) చదవండి: ప్రేమలో అదే పెద్ద సమస్య: రకుల్‌ ప్రీత్‌ సింగ్‌

తెలుగు, తమిళ, హిందీ, పంజాబీ, మలయాళ భాషల్లో కలిపి 300కు పైగా చిత్రాల్లో నటించాడు శరత్‌ సక్సేనా. క్యారెక్టర్‌ ఆర్టిస్టుగా, విలన్‌గా సత్తా చాటిన ఆయన టాలీవుడ్‌లో ఘరానా మొగుడు, ఎస్పీ పరశురాం, సింహాద్రి, బన్నీ సినిమాలతో తెలుగు ప్రేక్షకులకు దగ్గరయ్యాడు. కెరీర్‌ మధ్యలో బాలీవుడ్‌ను పక్కన పెట్టి సౌత్‌ ఇండస్ట్రీలో బిజీ అయిన ఆయన అందుకు గల కారణాన్ని తాజాగా ఓ ఇంటర్వ్యూలో బయటపెట్టాడు. హీరోల ఇంట్రడక్షన్‌ సీన్‌లో కొట్టించుకోవడమే పని.. ముంబైలో నాకు మంచి పని దొరకడం లేదు, అందుకే సౌత్‌లో పని చేస్తున్నాను. అక్కడ నాకు కేవలం ఫైట్‌ సీన్లు మాత్రమే ఇచ్చేవారు. పొద్దున్నే లేచి అద్దం ముందుకు వెళ్లి చూసుకుంటే నాపై నాకే అసహ్యం కలిగేది. ఎందుకంటే ఇప్పుడు రెడీ అయి సెట్స్‌కు వెళ్లగానే హీరోలతో దెబ్బలు తినాలి. అందుకే నా ముఖం కూడా నాకు నచ్చేది కాదు. చాలామటుకు హీరోలను పరిచయం చేసే సీన్‌లో మమ్మల్ని ప్రవేశపెడతారు. అప్పుడు అతడు వచ్చి మమ్మల్ని చితకబాది హీరో అవుతాడు. గత 30 ఏళ్లుగా ఇదే నా పని. చిరంజీవిని కలిశా.. ఒకరోజు నేను హిందీలో సినిమాలు మానేద్దామనుకున్నా.. నా భార్యను మనదగ్గర డబ్బుందా? అని అడిగాను. ఉంది, దానితో ఏడాదిపాటు బతికేయొచ్చు అని చెప్పింది. ఆరోజు నుంచే నేను హిందీ సినిమాలు మానేశాను. కానీ దేవుడి దయ వల్ల నేను ఆ నిర్ణయం తీసుకున్న రెండు, మూడు రోజులకే కమల్‌ హాసన్‌ ఆఫీస్‌ నుంచి ఫోన్‌ వచ్చింది. గుణ(1991) సినిమాలో నాకు మంచి పాత్రతో పాటు అందుకు సరిపోయే డబ్బు కూడా ఇచ్చారు. హిందీలో గూండా రాజ్‌ సినిమా చేస్తున్నప్పుడు చిరంజీవిని కలిశా. అలా తెలుగులోనూ వర్క్‌ చేశాను. పది, పదిహేను చిత్రాలు చేశాను. నాగార్జునతోనూ కలిసి పని చేశా. మలయాళంలో ప్రియదర్శన్‌తో కలిసి ఐదారు సినిమాల్లో నటించాను' అని చెప్పుకొచ్చాడు. చదవండి: హీరో విజయ్‌ది రియల్‌ హెయిరా? విగ్గా? క్లారిటీ ఇదే!

తెలుగు, తమిళ, కన్నడ, మలయాళ, హిందీ భాషల్లోని అందరు సూపర్‌స్టార్లతో ఫైట్‌ చేశాడు పొన్నంబలం. విలన్‌గా తన లుక్స్‌తోనే భయపెట్టించే అతడు సినిమాల్లో రాక్షసాన్ని చూపించేవాడు. విలన్‌గా సినిమాల్లో ఇతరుల జీవితాలను మట్టుబెట్టేందుకు ప్రయత్నించేవాడు. కానీ నిజ జీవితంలో మాత్రం అతడి సొంత తమ్ముడే పొన్నంబలం పాలిట విలన్‌ అయ్యాడు. అతడికి తెలియకుండా స్లో పాయిజన్‌ ఇచ్చి చంపాలనుకున్నాడు. ఈ విషయం అతడికి తెలిసే సమయానికే తన రెండు కిడ్నీలు పాడై తీవ్ర అనారోగ్యానికి లోనయ్యాడు. ఆ సమయంలో మెగాస్టార్‌ చిరంజీవి అతడికి ఆర్థిక సాయం చేయడంతో వెంటనే చికిత్స చేయించుకుని తిరిగి కోలుకున్నాడు. లక్ష ఇస్తేనే ఫైట్‌.. తాజాగా పొన్నంబలం అప్పటి దీనమైన పరిస్థితితో పాటు తన మొదటి సినిమా విశేషాలను ఓ ఇంటర్వ్యూలో పంచుకున్నాడు. 'జిమ్నాస్టిక్స్‌ నేర్చుకుని అందులో పర్ఫెక్ట్‌ అయ్యాను. తమిళంలో సినిమాలు చేస్తున్నప్పుడు నాకు తెలుగులో ఘరానా మొగుడు సినిమా ఆఫర్‌ వచ్చింది. ఇక్కడ అదే నా తొలి చిత్రం. అయితే ఎవరు లక్ష రూపాయలు ఇస్తారో వాళ్లతోనే సోలో ఫైట్‌ చేస్తానని చెప్పాను. మా ఫైట్‌ మాస్టర్‌ వచ్చి ఒక్క ఫైట్‌కే లక్ష అడుగుతావేంటి? అని ఆశ్చర్యపోయాడు. ఘరానా మొగుడు టీమ్‌ మాత్రం అంత గొప్పగా ఫైట్‌ చేస్తాడా? చూద్దాం.. అని నన్ను పిలిపించారు. ఏంటి, లక్ష అడుగుతున్నావని అడిగారు. చిరంజీవి గిఫ్ట్‌.. సర్‌, మీరు నాకు డబ్బులు ఇవ్వొద్దు.. ఫైట్‌ చేశాక బాగా వస్తేనే లక్ష ఇవ్వండి అని చెప్పాను. నాలుగు రోజులు ఫైట్‌ సీన్‌ షూట్‌ జరిగింది. బాగా చేశానని మెచ్చుకుని రూ.1 లక్ష ఇచ్చారు. ఘరానా మొగుడు 175 రోజులు ఆడింది. తర్వాత ఓసారి ఆఫీస్‌కు రమ్మని ఫోన్‌ వచ్చింది. వెళ్తే డబ్బులిచ్చారు. నెక్స్ట్‌ సినిమా కోసం ఇచ్చారేమో అనుకున్నాను. తీరా ఆ డబ్బులు లెక్కపెడ్తే రూ.5 లక్షలున్నాయి. పొరపాటున వేరేవాళ్లకు ఇ‍వ్వాల్సింది నాకిచ్చారేమోనని కాల్‌ చేస్తే చిరంజీవి ఇచ్చారని చెప్పారు. ఘరానా మొగుడు సినిమాకు అంత డబ్బు గిఫ్ట్‌గా ఇచ్చారు' అని చెప్పుకొచ్చాడు. నాకోసం అరకోటి దాకా ఖర్చు.. తమ్ముడు విషప్రయోగం చేసిన సంఘటన గురించి మాట్లాడుతూ.. 'నా ఎదుగుదల ఓర్వలేక సొంత తమ్ముడే ఆహారంలో, డ్రింక్స్‌లో స్లో పాయిజన్‌ కలిపాడు. అది తెలియక వాడిని నమ్మి ఉద్యోగం కూడా ఇచ్చాను. కానీ నా ఎదుగుదల చూసి ఓర్వలేక నన్నే చంపాలని చూశాడు. స్లో పాయిజన్‌ వల్ల రెండు కిడ్నీలు పాడయ్యాయి. ఆ సమయంలో చిరంజీవి నన్ను కాపాడాడు. ఆ భగవంతుడు చిరంజీవి రూపంలో వచ్చి సాయం చేశాడు. చిరంజీవి కోడలు ఉపాసన కూడా ఫోన్‌ చేసి మాట్లాడింది. కిడ్నీ ట్రాన్స్‌ప్లాంట్‌ కోసం చిరంజీవి దాదాపు రూ.50 లక్షల దాకా ఖర్చుపెట్టాడు' అని తెలిపాడు. చదవండి: హన్సికను వేధించిన టాలీవుడ్‌ హీరో? ఆమె రియాక్షన్‌ ఇదే!

అఖిల్ అక్కినేని, సాక్షి వైద్య జంటగా నటించిన చిత్రం 'ఏజెంట్'. ఈనెల 28న థియేటర్లలో విడుదలైన ఈ చిత్రం బాక్సాఫీస్‌ వద్ద మిక్స్‌డ్ టాక్‌ను సొంతం చేసుకుంది. సురేందర్ రెడ్డి ఈ చిత్రాన్ని తెరకెక్కించారు.  కానీ ఈ చిత్రంలో అందరి దృష్టి మాత్రం అతనిపైనే ఉంది. ఎందుకంటే ఈ సినిమాతోనే టాలీవుడ్ ఎంట్రీ ఇచ్చారాయన. ఇంతకీ అతనేవరో తెలుసుకుందాం.  డినో మోరియా గురించి తెలుగువారికి పెద్దగా పరిచయం లేదు. కానీ ఏజెంట్‌ సినిమాలో తనదైన నటనతో ప్రేక్షకులను ఆకట్టుకున్నారు. ఈ సినిమాలో ది గాడ్ అలియాస్ ధర్మ పాత్రలో అదరగొట్టారు. బాలీవుడ్‌లోనూ వెబ్‌ సిరీస్ ది ఎంపైర్‌లో ఆయన చివరిసారిగా నటించారు. తాజాగా ఓ ఇంటర్వ్యూలో పాల్గొన్న డినో మోరియా తన కెరీర్‌ గురించి ఆసక్తికర విషయాలు పంచుకున్నారు.  (ఇది చదవండి: మీకు హీరోలను అడిగే ధైర్యం ఉందా?.. శ్రియా కామెంట్స్ వైరల్) డినో మోరియా మాట్లాడుతూ.."నిజం చెప్పాలంటే.. నేను ఇక్కడ ఏదో చేయాలని వచ్చా. నాకు బాలీవుడ్‌లో మంచి ఆఫర్లు వస్తున్నాయి. నాకు వస్తున్న పాత్రలు నాకు నచ్చడం లేదు. ఒకవేళ వాటికి నేను ఒప్పుకుంటే నా అభిమానులు నిరాశకు గురవుతారు. 'ఏంటి నువ్వు ఇలాంటి పాత్రలు చేస్తున్నావా? అని ప్రశ్నిస్తారు. నా కెరీర్‌ని ఐదడుగులు వెనక్కు లాగే క్యారెక్టర్స్ కాకుండా.. ఒక్క అడుగు ముందుకు వేసే మంచి పాత్రలను ఎంచుకోవాలి. ఏజెంట్ మూవీ షూటింగ్‌పై తన అనుభవాలను పంచుకున్నారు.  డినో మాట్లాడుతూ.. 'ఒమన్‌లో షూటింగ్ చాలా సవాళ్లతో కూడుకున్నది.  అక్కడ వాతావరణం చాలా వేడిగా ఉంటుంది. షూటింగ్ సమయంలో 4 పొరల దుస్తులు ధరించి ఎండలో నటించా. ఆ సమయంలో తాము ఉడికిపోయినట్లు అనిపించింది. అయినా కూడా షూటింగ్ పూర్తి చేశాం. నేను కంఫర్ట్ జోన్ నుంచి బయటపడటం ఎల్లప్పుడూ ఉత్సాహంగా ఉంటుంది. ఇలాంటి సాహసోపేతమైన పాత్రతో తెలుగు అరంగేట్రం చేస్తున్నందుకు థ్రిల్‌గా ఫీలయ్యా.' అని వెల్లడించారు. ఈ స్పై థ్రిల్లర్ చిత్రంలో మలయాళ సూపర్ స్టార్ మమ్ముట్టి కూడా నటించారు. (ఇది చదవండి: సిల్క్ స్మిత రాసిన చివరి ఉత్తరం ఇదే.. మోసం చేసిన సూపర్ స్టార్ ఎవరు?) కాగా.. డినో 1999లో ప్యార్ మే కభీ కభీతో బాలీవుడ్‌లోకి అడుగుపెట్టారు. ఆ తర్వాత కందుకొండైన్ కందుకొండైన్, జూలీ, సోలోతో సౌత్ సినిమాల్లో నటించారు. ఏజెంట్‌ మూవీ షూటింగ్ బుడాపెస్ట్, హైదరాబాద్, ఒమన్‌లో జరిగింది.   

భారతీయ కథలు ఇప్పుడు దేశీ ప్రేక్షకులతో పాటు విదేశీ ప్రేక్షకులను కూడా ఆకట్టుకుంటున్నాయి. ఇప్పటికే విదేశీ ఫైట్‌ మాస్టర్స్‌ ఇండియన్‌ సినిమాలకు ఫైట్స్‌ కంపో జ్‌ చేస్తున్నారు. ఇప్పుడు ఫారిన్‌ ఆర్టిస్టులు కూడా అరంగేట్రం చేస్తున్నారు. ‘ఆర్‌ఆర్‌ఆర్‌’లో ఎన్టీఆర్‌ సరసన ఫారిన్‌ బ్యూటీ ఒలీవియా మోరిస్‌ నటించారు. అంతకుముందు అమీ జాక్సన్‌ వంటి తారలు కూడా వచ్చారు. ఇప్పుడు ఫారిన్‌ విలన్లు  వస్తున్నారు. వారి గురించి తెలుసుకుందాం.   హీరో కమల్‌హాసన్, దర్శకుడు శంకర్‌ కాంబోలో 1996లో వచ్చి న ‘ఇండియన్‌’ (తెలుగులో ‘భారతీయుడు’) సినిమాకు సీక్వెల్‌గా ‘ఇండియన్   2’ తెరకెక్కుతోంది. కమల్‌– శంకర్‌ కాంబోలోనే సెట్స్‌పై ఉన్న ఈ సీక్వెల్‌లో ముంబై బేస్డ్‌ బ్రిటిష్‌ యాక్టర్‌ బెనెడిక్ట్‌ గారెట్‌ ఓ కీ రోల్‌ చేశారు. ఆల్రెడీ ఆయన క్యారెక్టర్‌ తాలూకు షూటింగ్‌ కూడా పూర్తయింది. ‘‘ఇండియన్‌ 2’లో నా వంతు షూటింగ్‌ను పూర్తి చేశాను. అద్భుతమైన అనుభవం దక్కింది. ఈ సినిమా తెర మీద ఎలా ఉంటుందో చూడాలని ఆసక్తికరంగా ఎదురు చూస్తున్నాను’’ అని పేర్కొన్నారు బెనెడిక్ట్‌. కాగా ఈ చిత్రంలో బెనెడిక్ట్‌ది విలన్‌ రోల్‌ అనే ప్రచారం. కాజల్‌ అగర్వాల్‌ హీరోయిన్‌గా నటిస్తున్న ఈ చిత్రంలో రకుల్‌ప్రీత్‌ సింగ్, బాబీ సింహా, సిద్ధార్థ్‌ కీలక పాత్రలు చేస్తున్నారు. ఇక కోలీవుడ్‌లో సుమారు ఆరేళ్ల క్రితం సెట్స్‌పైకి వెళ్లి ఇంకా రిలీజ్‌కు నోచుకోని చిత్రం ‘ధృవనక్షత్రం’. విక్రమ్‌ హీరోగా గౌతమ్‌ మీనన్‌ దర్శకత్వంలో రూపొందుతున్న స్పై యాక్షన్   ఫిల్మ్‌ ఇది. గతంలో ఆగిపో యిన ఈ సినిమా షూటింగ్‌ని ఇటీవలే మళ్లీ ఆరంభించారు. ‘ఇండియన్‌ 2’లో నటించిన బెనెడిక్ట్‌ గారెట్‌ ఈ మూవీలోనూ నటిస్తున్నారు. ఈ చిత్రాన్ని ఈ ఏడాదిలోనే రిలీజ్‌ చేయాలనుకుంటున్నారు. మరోవైపు ప్రస్తుతం విక్రమ్‌ నటిస్తున్న పీరియాడికల్‌ యాక్షన్‌ డ్రామా ‘తంగలాన్‌’. ఈ చిత్రానికి పా రంజిత్‌ దర్శకత్వం వహిస్తున్నారు. ఈ చిత్రంలో ఇంగ్లిష్‌ యాక్టర్‌ డేనియల్‌ కాల్టాగిరోన్‌ ఓ ప్రధాన  పాత్రపో షిస్తున్నారు. ఆయనది ప్రతినాయకుడి పాత్ర అని కోలీవుడ్‌ టాక్‌. ఇక ‘తంగలాన్‌’ విడుదల తేదీపై త్వరలోనే సరైన స్పష్టత రానుంది.  ఇలా... రానున్న రోజుల్లో మరికొందరు ఇంగ్లిష్‌ యాక్టర్స్‌ ఇండియన్‌ సినిమాల్లో కనిపించే అవకాశం ఉంది.  

సినిమాలో విలనిజం బాగా పండితేనే హీరోయిజం ఎఫెక్టివ్‌గా కనిపిస్తుంది. అందుకే సినిమాల్లో హీరోలెంత ముఖ్యమో విలన్లు కూడా అంతే ముఖ్యం. ఇక ఫైట్‌ సీన్లలో వారు పడే కష్టం అంతా ఇంతా కాదు. అయితే ప్రేక్షకులకు వినోదం పంచేందుకు ఎంత కష్టమైనా పడతానంటున్నాడు విలన్‌ రెమో అలియాస్‌ రహీమ్‌. తెలుగు, తమిళ, కన్నడ, మలయాళ, హిందీ భాషల్లో విలన్‌గా రాణిస్తున్నాడు రెమో. ఇప్పటివరకు దాదాపు వందకుపైగా సినిమాల్లో నటించాడు. 18 ఏళ్లలో దాదాపు ప్రధాన హీరోలందరితోనూ నటించాడు. తాజాగా అతడు ఓ ఇంటర్వ్యూలో మాట్లాడుతూ ఆసక్తికర విషయాలు పంచుకున్నాడు. 'చిన్నప్పటి నుంచే సినిమాల్లోకి రావాలన్న ఆసక్తి ఉండేది. వెంకీ సినిమా షూటింగ్‌ జరుగుతున్నప్పుడు పొద్దున్నుంచి రాత్రివరకు అలాగే నిలబడి చూస్తూ ఉండిపోయాను. నన్ను గమనించిన రవితేజ.. టెర్రరిస్టువా? ఏంది? అలా చూస్తున్నావని అడిగితే యాక్టింగ్‌ అంటే ఇష్టమని చెప్పాను. సినిమాలు చేయాలంటే మంచి బాడీ ఉండాలి, యాక్టింగ్‌ నేర్చుకోవాలి అని చెప్పాడు. నేను ఏడ్చుకుంటూ వెళ్తుంటే రవితేజ పిలిచి తన నెంబర్‌ ఇచ్చాడు. ఫిట్‌గా అయి, యాక్టింగ్‌ నేర్చుకున్నాక ఫోన్‌ చేయమన్నాడు. ఆ నెంబర్‌ వల్లే నేనీ స్థాయికి వచ్చాను. మహేశ్‌బాబు, బాలకృష్ణ, పవన్‌కల్యాణ్‌, జూనియర్‌ ఎన్టీఆర్‌.. ఇలా దాదాపు అందరు హీరోలతోనూ సినిమాలు చేశా. డీజే షూటింగ్‌లో ఓ ఫైట్‌ సీన్‌లో అల్లు అర్జున్‌కు, నాకు గాయాలయ్యాయి. నేను బాగా కష్టపడ్డానని నన్ను పోస్టర్లలో వేయించారు. ఆ పోస్టర్‌ వైరల్‌ అవడంతో తర్వాత 35 సినిమాలు చేశా. పుష్ప 2లో ఆయనతో మళ్లీ కనిపిస్తా. మొదటిసారి మెగాస్టార్‌తో కలిసి నటిస్తున్నా. వాల్తేరు వీరయ్య సినిమాలో చిరంజీవితో నటించే ఛాన్స్‌ వచ్చింది. కాకపోతే అప్పుడు నా జీవితంలో ఓ విషాదం జరిగింది. నా భార్య, బాబుకు ఆరోగ్యం బాలేకపోతే ఆస్పత్రిలో జాయిన్‌ చేశాను. బాబును ఐసీయూలో ఉంచారు. ఆరోజు నన్ను వాల్తేరు వీరయ్య షూటింగ్‌కు పిలిచారు. వెళ్లకపోతే ఛాన్స్‌ మిస్‌ అవుతుందేమోనన్న భయంతో వెళ్లాను, డైలాగ్స్‌ చెప్పాను. ఇంతలో బాబు చనిపోయాడంటూ ఫోన్‌ కాల్‌.. ఫస్ట్‌ డే షూటింగ్‌... ఉండాలా? వెళ్లిపోవాలా? అర్థం కాలేదు. షూటింగ్‌ పూర్తి చేసుకుని సాయంత్రం 5 గంటలకు ఇంటికి వెళ్లాను. నెక్స్ట్‌ డే కూడా సెట్స్‌కు వెళ్లాను' అంటూ విషాద ఘటనను పంచుకున్నాడు విలన్‌ రెమో. చదవండి: యాంకరింగ్‌కు బ్రేక్‌? స్పందించిన బ్రేక్‌

తమిళ సినిమా: తొలి రోజుల్లో ప్రతి నాయకుడిగా దుమ్ము రేపిన నటుడు సత్యరాజ్‌ తరువాత కథానాయకుడిగా అవతారం ఎత్తి స్టార్‌ హీరోగా రాణించారు. ఇప్పుడు క్యారెక్టర్‌ ఆర్టిస్టుగా తమిళం, తెలుగు తదితర భాషల్లో నటిస్తూ బిజీ అయ్యారు. విలన్‌ పాత్రలు చేయనని చెప్పిన సత్యరాజ్‌ తాజాగా అలాంటి పాత్రలో నటిస్తుండడం విశేషం. ఈయన డేర్‌ పోలీస్‌ అధికారిగా నటిస్తున్న చిత్రం అంగారకన్‌. నటుడు శ్రీపతి కథానాయకుడిగా పరిచయం అవుతూ, స్క్రీన్‌ ప్లే, క్రియేటివ్‌ డైరెక్టర్‌ బాధ్యతలను నిర్వహిస్తున్నారు. సాఫ్ట్‌వేర్‌ సంస్థ అధికారి అయిన ఈయన సినిమాపై ముఖ్యంగా నటనపై ఆసక్తితో ఈ రంగంలోకి ప్రవేశించారు. మోహన్‌ డచ్చు ఛాయాగ్రహణం, దర్శకత్వం బాధ్యతలను నిర్వహిస్తున్నారు. మలయాళ నటి నియా కథానాయకిగా కోలీవుడ్‌లో ఎంట్రీ ఇస్తున్నారు. ఇందులో నటుడు అంగాడితెరు మహే‹Ù, రైనాకారత్, రోషన్, అప్పు కుట్టి, దియా, నేహా రోస్, గురుచంద్రన్, కేసీపీ ప్రభాత్‌ తదితరులు ముఖ్య పాత్ర పోషిస్తున్నారు. ఈ చిత్రాన్ని జూలియన్, జెరోమా ఇంటర్నేషనల్‌ పతాకంపై జోమోన్‌ పిలిప్, జీవా జోమోన్‌ నిర్మిస్తున్నారు. కె కార్తీక్‌ సంగీత దర్శకుడుగా పరిచయం అవుతున్నారు. ఆర్‌.కలైవానన్‌ జాగ్రహం అందిస్తున్న ఈ చిత్రం షూటింగ్‌ కార్యక్రమం ముమ్మరంగా జరుపుకుంటోంది. ఈ చిత్రాన్ని 2023 సమ్మర్లో విడుదల చేయడానికి సన్నాహాలు చేస్తున్నారు.

దర్శక ధీరుడు రాజమౌళి రూపొందించిన ఆర్‌ఆర్‌ఆర్‌  మూవీ ఎంతటి సంచలన విజయం సాధించిందో ప్రత్యేకంగా చెప్పనక్కర్లేదు. మార్చి 24న ప్రేక్షకుల ముందుకు వచ్చిన ఈ చిత్రం బ్లాక్‌బస్టర్‌ హిట్‌ అందుకుంది. అన్నివర్గా ప్రేక్షకులను మెప్పించిన ఈ మూవీ ప్రపంచవ్యాప్తంగా రూ. 1200 కోట్ల వసూళు చేసి రికార్డు సృష్టించింది. ఇదిలా ఉంటే ఈ మూవీపై కొందరు బ్రిటిష్‌ నెటిజన్లు మాత్రం అసంతృప్తి వ్యక్తం చేశారు. తమను తక్కువ చేసిన చూపించారంటూ విమర్శలు రావడంతో తాజాగా వాటిపై స్పందించారు జక్కన్న. చదవండి: ‘సీతారామం’ చూసిన ఫైర్‌ బ్రాండ్‌ కంగనా రనౌత్‌.. హీరోయిన్‌ గురించి ఏమన్నదంటే.. ఈ సినిమాలో బ్రిటిషన్లని విలన్లుగా చూపించినంత మాత్రాన బ్రిటిషర్స్‌ అందరూ విలన్స్‌ అయిపోరని, ఒకవేళ అందరూ అలాగే అనుకుంటే బ్రిటన్‌లో ఆర్‌ఆర్‌ఆర్‌ ఘన విజయం సాధించేది కాదంటూ తనదైన శైలిలో స్ట్రాంగ్‌ కౌంటర్‌ ఇచ్చారు. అలాగే ‘స్క్రీన్‌పై ఆర్ఆర్ఆర్ సినిమాకు ముందు వచ్చే గమనిక(డిస్ల్కైమర్‌) అందరు చూసే ఉంటారు. ఒకవేళ చూడకపోయినా పర్వాలేదు. ఎందుకంటే ఆర్ఆర్ఆర్ అనేది ఓ సినిమా కథ మాత్రమే. పాఠం కాదు. ఈ విషయం సినిమాలో నటించిన నటీనటులందరికీ తెలుసు. సినిమా చూసిన ప్రేక్షకులకు కూడా విషయం అర్థమై ఉంటుంది. అయితే.. ఓ స్టోరీ టెల్లర్‌గా ఈ విషయాలన్నీ అవగాహన ఉంటే.. వేరే విషయాల గురించి ఆలోచన చేసే అవసరం లేదు’ అంటూ రాజమౌళి వివరణ ఇచ్చారు. చదవండి: ప్రియుడితో శ్రీసత్య ఎంగేజ్‌మెంట్‌ బ్రేక్‌.. అసలు కారణమిదే! ఒక ట్రోలర్స్‌ను ఉద్దేశిస్తూ సినిమాను.. సినిమాగానే చూడాలని, అప్పుడే దాన్ని ఎంజాయ్‌ చేయగలుగతారంటూ జక్కన్న సూచించారు. ఇదిలా ఉంటే ప్రస్తుతం ఈ మూవీ ఆస్కార్‌ నామినేషన్‌పై తీవ్ర చర్చ జరుగుతున్న సంగతి తెలిసిందే. ఆర్‌ఆర్‌ఆర్‌ను ఆస్కార్స్‌కు పంపకుండా ఫిలిం ఫెడరేషన్‌ ఆఫ్‌ ఇండియా గుజరాతి చిత్రం ఛైలో షోను నామినేట్‌ చేయడం పట్ల సర్వత్రా అసంతృప్తి వ్యక్తమవుతోంది. అయితే అమెరికాలో ఆర్‌ఆర్‌ఆర్‌ను డిస్ట్రిబ్యూట్‌ చేఇసన వేరియల్స్‌ ఫిలిం సంస్థ ఆర్‌ఆర్‌ఆర్‌ ఆస్కాన్ నామినేషన్స్‌కు పరిశీలించాలని ఆకాడమిని కోరింది. అన్ని కేటగిరీలకు సంబంధించి ఓటింగ్‌ నిర్వహించేలా ప్రణాళిక రచిస్తోంది. 

సూపర్‌ స్టార్‌ మహేశ్ బాబు తన తదుపరి చిత్రాన్ని స్టార్‌ డైరెక్టర్‌ త్రివిక్రమ్‌ శ్రీనివాస్‌తో చేయబోతున్న సంగతి తెలిసిందే. మహేశ్‌ 28వ చిత్రంగా ఈ సినిమా తెరకెక్కనుంది. ప్రస్తుతం ప్రీప్రోడక్షన్‌, స్క్రిప్ట్‌ వర్క్‌ను జరుపుకుంటున్న ఈ సినిమా త్వరలోనే సెట్స్‌పైకి రానుంది.  చెప్పాలంటే ఈ నెలలోనే ఈ సినిమా రెగ్యులర్ షూటింగును మొదలు కానుందని వినికిడి. ఇందుకు సంబంధించిన పనులు కూడా శరవేగంగా జరుతున్నాయట. ఈ క్రమంలో సినిమాకు సంబంధించిన ఓ క్రేజీ అప్‌డేట్‌ నెట్టింట చక్కర్లు కొడుతోంది. చదవండి: రీసెంట్‌గా విడాకుల ప్రకటన.. ఫ్యాన్స్‌కి గుడ్‌న్యూస్‌ చెప్పిన బాలీవుడ్‌ జంట ఈ చిత్రంలో ప్రతినాయకుడి పాత్రకిగాను తివిక్రమ్‌ మలయాళ ఇండస్ట్రీకి చెందిన ఓ విలక్షణ నటుడిని రంగంలోకి దింపినట్లు వార్తలు వినిపిస్తున్నాయి. కాగా ఇప్పటికే ఈ సినిమాలో విలన్‌గా కొంతమంది పేర్లు బయటకు రాగా అందులో తెలుగు నటుడు తరుణ్‌ పేరు కూడా వినిపించింది. అయితే ఇందులో వాస్తవం లేదని తరుణ్‌ క్లారిటీ ఇచ్చిన సంగతి తెలిసిందే. ఈ నేపథ్యంలో మలయాళ నటుడు రోషన్ మాథ్యూను త్రివిక్రమ్‌ విలన్‌గా ఎంపిక చేసినట్టు తెలుస్తోంది. రోషన్ మాథ్యూ ఎవరో కాదు .. రీసెంట్‌గా విడుదలైన చియాన్‌ విక్రమ్‌ 'కోబ్రా' సినిమాలోని మెయిన్ విలన్. చదవండి: విషాదం.. యువ నటి ఆత్మహత్య, వైరల్‌గా మారిన సూసైడ్‌ నోట్‌ 2015లో మాలీవుడ్‌లో నటుడిగా కెరియర్  మొదలు పెట్టిన రోషన్‌ అనతి కాలంలోనే విలక్షణ నటుడిగా గుర్తింపు పొందాడు. ఇక 'కోబ్రా'  సినిమాతో తమిళ, తెలుగు ప్రేక్షకులకు కూడా పరిచయమయ్యాడు. నాని 'దసరా' సినిమాలోను  రోషన్ మాథ్యూ ఓ కీలక పాత్రను పోషిస్తున్నాడు. ఈ నేపథ్యంలో రోషన్‌ను మహేశ్ మూవీలో మెయిన్‌ విలన్ పాత్రకి గాను త్రివిక్రమ్ తీసుకున్నాడని ఫిలిం దూనియాలో గుసగుసలు వినిపిస్తున్నాయి. త్వరలోనే దీనిపై ప్రకటన కూడా వెలుడనుంది. మరి ఈ వార్తలపై క్లారిటీ రావాలంటే కొద్ది రోజులు వేచి చూడాల్సిందే. కాగా ఈ సినిమా మహేశ్ సరసన పూజ హెగ్డే అలరించనున్న సంగతి తెలిసిందే.

హీరో విజయ్ దేవరకొండ, డైరెక్టర్ పూరీ జగన్నాథ్‌ల పాన్ ఇండియా ప్రాజెక్ట్  'లైగర్' ఆగస్ట్ 25న విడుదల కానుంది. పూరి జగన్నాథ్, ఛార్మీ కౌర్, కరణ్ జోహర్, అపూర్వ మెహతా సంయుక్తంగా సినిమాను తెరకెక్కించారు. తాజాగా ఈ చిత్రంలో విలన్ పాత్ర పోషించిన నటుడు విష్ విలేఖరుల సమావేశంలో మాట్లాడారు. ఆయన పంచుకున్న లైగర్ చిత్ర విశేషాలివి..  దర్శకుడు పూరీ జగన్నాథ్ తో మీ ప్రయాణం?  పూరీ గారిని కలవక ముందే ఆయన సినిమాలకు అడిక్ట్ అయ్యాను. కాలేజ్ ఎగ్గొట్టి ఆయన సినిమాలు చూస్తుండేవాడిని. నేను ఆయనకి పెద్ద ఫ్యాన్. నా మార్షల్ ఆర్ట్స్ వీడియోస్ చూసి నన్ను పిలిపించారు. 2015లో ఆయన్ని కలిసా. మార్షల్ ఆర్ట్స్ నేపధ్యంలో సినిమా చేద్దామని అప్పుడే లైగర్ ఐడియా చెప్పి టచ్ లో వుందామని చెప్పారు. ఎట్టకేలకు లైగర్ తో నా కల తీరింది. పూరి గారు, విజయ్ దేవరకొండ, రమ్యకృష్ణ, మైక్ టైసన్ .. ఒక డ్రీం కాంబినేషన్. చాలా అదృష్టంగా భావిస్తున్నా.  పూరి కనెక్ట్స్ సిఈవో ఎలా అయ్యారు?  పూరి గారి దగ్గరికి రాకముందు కొన్ని సినిమాలు చేశాను. జోష్ తన తొలి చిత్రం. అందులో ఒక చిన్న నెగిటివ్ పాత్ర చేశా. తర్వాత ప్రొడక్షన్, సహాయ దర్శకుడిగా కూడా పని చేసి ఇండస్ట్రీని అర్ధం చేసుకున్నాను. మెహబూబా ప్రొడక్షన్ నేనే చేశా. పూరి గారు నాపై నమ్మకం వుంచి  సిఈవోని చేశారు.  విజయ్, మైక్ టైషన్ లాంటి బలమైన పాత్రల మధ్య మీ రోల్ ఎలా ఉండబోతుంది? విజయ్, నా పాత్రల మధ్య శత్రుత్వం ఏమిటనేది సినిమా చూస్తే అర్థమవుతుంది. లైగర్‌లో ఒక లెజెండ్ ఫైటర్ పాత్ర అవసరం ఏర్పడింది. లెజెండ్ అంటే మనకి మైక్ టైషన్ గుర్తుకువస్తారు. ఆయన కంటే బెస్ట్ ఆప్షన్ కనిపించలేదు. ఆయనకి కథ అద్భుతంగా నచ్చి ప్రాజెక్ట్ లోకి రావడం ఆనందంగా అనిపించింది.  మైక్ టైసన్ నుంచి ఏం నేర్చుకున్నారు ?  చిన్నప్పటినుంచి మైక్ టైసన్కి ఫ్యాన్ బాయ్ నేను. ఆయన ఫైట్స్ చూస్తూ పెరిగాను. పదేళ్ళ చిన్న పిల్లాడు ఎలా ఉంటారో ఆయన అంత స్వీట్గా ఉన్నారు. నీకు సంతోషాన్ని ఇచ్చేదే చెయ్ అని చెప్పేవారు. మైక్ టైసన్ ని తీసుకోవాలనే ఆలోచన ఎవరిది ?  పూరి గారిదే. అయన రెబల్. ఆయనకి సరిహద్దులు వుండవు. పరిమితులు ఎప్పుడూ పెట్టుకోరు. నేను కూడా ఆయనలానే లిమిట్స్ పెట్టుకోను. అయితే మైక్ని ప్రాజెక్ట్ లోకి తీసుకురావడానికి చార్మీగారు ఎక్కువ కష్టపడ్డారు. ఈ క్రెడిట్ ఆమెకే దక్కుతుంది.  మిగతా స్పోర్ట్స్ డ్రామాలకు లైగర్ కు వున్న ప్రత్యేకత ఏమిటి ?  లైగర్ స్పోర్ట్స్ డ్రామా కాదు. లైగర్ పక్కా మాస్ మసాలా యాక్షన్ కమర్షియల్ ఎంటర్ టైనర్. అలాగే మైక్ టైసన్ కూడా మీరు గమనిస్తే బాక్సింగ్ రింగ్ లో కనిపించరు. కౌబాయ్ గెటప్ లో వున్నారు. ఆయన కమర్షియల్ పాత్రలో కనిపిస్తారు.  కరణ్ జోహార్ సినిమా చేస్తున్నారా? లైగర్ ట్రైలర్ రిలీజైన తర్వాత రోజే కరణ్ జోహార్ ఆఫీస్ నుండి కాల్ వచ్చింది. నరేషన్ గురించి రమ్మన్నారు. అలాగే తమిళ్ నుండి కూడా అవకాశాలు వస్తున్నాయి. పూరీ గారితో చెప్పాను. ట్రైలర్ లో ఒక్క గ్లింప్స్ కే ఇలా వుంటే సినిమా విడుదలైన తర్వాత ఎలా వుంటుందో చూడు అన్నారు. పూరి గారు నా గురువు. ఆయనతో అన్నీ పంచుకుంటా.  ఇండస్ట్రీలో మీ ప్రయాణం ఎలా జరిగింది? ఇంటర్ తర్వాత ఇండస్ట్రీకి వచ్చేశాను. ఈ ప్రయాణం అంత తేలికగా జరగలేదు. చాలా ఎత్తుపల్లాలు చూశాను. కానీ నా ఈ జర్నీని ఎంజాయ్ చేశాను. మీ కుటుంబ నేపథ్యం ఏమిటి ?  మాది చేవెళ్ళ దగ్గర కడుమూరు. అయితే పుట్టిపెరిగింది హైదరాబాద్ లోనే. నాన్న వ్యవసాయం చేస్తున్నారు. అమ్మ హోం మేకర్. ఇద్దరు సిస్టర్స్ విదేశాల్లో వున్నారు. నేను పెళ్లి చేసుకోలేదు. ఈ సినిమాను మా ఫ్యామిలీకి అంకితం చేస్తున్నా.  నెగిటివ్ పాత్రలు చేయడానికే ఇష్టపడతారా ?  నటుడిగా అన్ని పాత్రలు చేస్తాను. నేను ఒక తెల్లకాగితం. దర్శకుడు దానిపై ఏది రాస్తే అది అవుతా.  వెబ్ సిరీస్ ఆలోచనలు ఉన్నాయా ?  పూరీ గారి దగ్గర చాలా కథలు వున్నాయి. నేను కూడా రాస్తాను. మంచి ఉత్సాహం వున్న టీమ్ తో కలసి పని చేయాలనీ వుంది. కంటెంట్ టీం ఏర్పడటానికి సమయం పడుతుంది. ప్రస్తుతం రెండు పాన్ ఇండియా సినిమాలు జనగణమన, లైగర్ చేస్తున్నాము. చాలా ఆలోచనలు వున్నాయి. రిజినల్, వెబ్ సిరిస్లు పాన్ ఇండియా సినిమాలు చేయాలి. అలాగే పూరి గారితో ఒక హాలీవుడ్ సినిమాకి డైరెక్షన్ చేయించాలి. చదవండి: ఇంతకు ముందెన్నడూ చేయని పాత్రలో నందమూరి బాలకృష్ణ ఆ యాంకర్‌తో కొణిదెల హీరో ఎంగేజ్‌మెంట్‌!

టాలీవుడ్‌లో ఒకప్పుడు విలన్‌ అంటే..  గళ్ళ పంచె, పెద్ద పెద్ద మీసాలు, బుగ్గ మీద ఒకటి రెండు కత్తి గాట్లు, భారీ శరీరంతో గంభీరంగా ఉండేవారు. వారి పాత్రకి అంతగా రెస్పెక్ట్‌ కూడా ఉండేది కాదు. కానీ ఇప్పటి విలన్స్‌ మాత్రం హీరోకి సమానంగా రెస్పెక్ట్‌ కోరుకుంటున్నారు. ‘సర్‌’ అని పివాల్సిందేనని పట్టుబడుతున్నారు. గతేడాది రిలీజైన బ్లాక్ బస్టర్ పుష్పలో ఫస్టాఫ్ మొత్తం ఎదురులేకుండా ఎదుగుతూ వెళ్తుంటాడు పుష్పరాజ్.కానీ విలన్‌ భన్వర్ సింగ్ షేకావత్(ఫహద్‌ ఫాజిల్‌) ఎంట్రీ ఇచ్చిన తర్వాత పుష్ప స్పీడ్ తగ్గతుంది. పుష్పకు, భన్వర్ కు మధ్య కేవలం ‘సర్‌’ అనే పాయింట్ పైనే అసలు వైరం మొదలవుతుంది. ఒక్కటి తగ్గుతోంది పుష్పా అంటూ భన్వర్.. ఇది సర్ నా బ్రాండ్  అంటూ పుష్ప చెప్పే డైలాగ్స్.. వీరిద్దరి వైరాన్ని సీక్వెల్ వరకు తీసుకెళ్లాయి. ముఖ్యంగా భన్వర్ సింగ్ షెకావత్ తనని సర్ అని పిలవాల్సిందే అని పట్టుబట్టే సీన్,ఈ సినిమాకే హైలైట్ గా నిలిచింది. ఒక ఇటీవల విడుదలై సూపర్‌ సక్సెస్‌తో దూసుకెళ్తున్న కమల్‌ హాసన్‌ ‘విక్రమ్‌’లో విలన్‌ది కూడా సేమ్‌ ప్రాబ్లమ్‌. ఈ చిత్రం క్లైమాక్స్‌లో విలన్‌గా ఎంట్రీ ఇచ్చాడు తమిళ స్టార్‌ హీరో సూర్య. రోలెక్స్‌ క్యారెక్టర్ లో సూర్య విలనీజం ఇప్పటికీ సోషల్ మీడియాలో ట్రెంటింగ్ టాపిక్.పుష్ప మాదిరే విక్రమ్‌లో కూడా విలన్‌ రెస్పెక్ట్‌ కోరుకున్నాడు.తన మనుషులే తనని పేరు పెట్టి పిలవడం జీర్ణించుకోలేకపోతాడు.రోలెక్స్ సర్ అని పిలవాల్సిందే అని పట్టుబడతాడు.ఈ సీన్ కూడా సినిమాకే హైలైట్ గా నిలిచింది. మొత్తంగా విలన్ గా మారుతున్న హీరోలు కొత్త కండీషన్ పెడుతున్నారు. హీరోల చేతిలో తన్నులు తిన్నా సరే రెస్పెక్ట్‌ మాత్రం తగ్గేదేలేదంటున్నారు.సర్ అని పిలవకపోతే సీక్వెల్ వరకు ఆ వైరం కొనసాగుతుందని చెప్పుకొస్తున్నారు. 

టాలీవుడ్‌లో ప్రతినాయకుడిగా మెప్పించినవారిలో నటుడు సత్య ప్రకాశ్‌ ఒకరు. ఈయన తాజాగా ఓ టీవీ షోలో పాల్గొన్నాడు. ఈ సందర్భంగా అతడు పలు ఆసక్తికర విషయాలు పంచుకున్నాడు. విజయనగరంలో పుట్టిన తాను ఒడిశాలో పెరిగానని, ఆ తరువాత బ్యాంకులో ఉద్యోగం చేశానని చెప్పుకొచ్చాడు. తానేదో పిచ్చిపనులు చేస్తుంటే ఓ డైరెక్టర్‌ రా బాబు అంటూ పిలిచి మరీ సినిమాలో వేషం ఇచ్చారని, కానీ ఆయన తనను ఆర్టిస్టును చేసినందుకు ఇప్పటికీ బాధపడుతున్నారని నవ్వుతూ పేర్కొన్నాడు. తనను ఆర్టిస్టును చేసి జీవితంలో పెద్ద తప్పు చేశానని ఫీల్‌ అవుతున్నారని సరదాగా చెప్పుకొచ్చాడు. ఇప్పటిదాకా దాదాపు 600 సినిమాల్లో నటించానని చెప్పుకుంటూ ఉంటానన్నాడు. తనను సెట్స్‌లో అవమానించిన సంఘటనను తలుచుకుంటూ.. 'ఒక సినిమా షూటింగ్‌లో సుమన్‌తో ఫైట్‌ సీన్‌లో నటించాలి. ఆయన కొట్టినప్పుడు రియాక్షన్‌ ఇవ్వాలి. కానీ నేనివ్వలేదు. అప్పుడు అక్కడున్న కో డైరెక్టర్‌ నన్ను ఉద్దేశించి.. ఇలాంటి దరిద్రపువాళ్లంతా ఇండస్ట్రీకి వచ్చేస్తున్నారు. అందుకే ఇండస్ట్రీ నాశనం అయిపోతుంది' అన్నారు అని వాపోయాడు సత్య.

Villains In Allu Arjun Pushpa Movie:స్టైలిష్‌ స్టార్‌ అల్లు అర్జున్‌ పుష్ప సినిమా కోసం ఊరమాస్‌ లుక్‌లో పుష్పరాజ్‌గా అవతారం ఎత్తాడు. బన్నీ కెరీర్‌లోనే పాన్‌ ఇండియా చిత్రంగా తెరకెక్కిన ఈ సినిమాలో ప్రతినాయకులుగా క్రేజీ స్టార్స్‌ను సెట్‌ చేశాడు సుకుమార్‌. హీరో పాత్రను పాన్‌ ఇండియా లెవల్‌లో ఎలివేట్‌ చేయాలంటే విలన్లు అంతకుమించిన స్ట్రాంగ్‌గా ఉండాలి. అందుకే పుష్పరాజ్‌కు ప్రతినాయకులుగా క్రేజీ స్టార్స్‌ను సెట్‌ చేశాడు సుకుమార్‌. విలన్ పాత్రల్లో హీరో, కమెడియన్‌, క్యారెక్టర్‌ ఆర్టిస్ట్‌లు ఉండటం విశేషం. ఈ లిస్ట్‌లో మొదటగా చెప్పుకోవాల్సింది ఫాహద్‌ ఫాజిల్‌. అప్పటివరకు మలయాళ ప్రేక్షకులకు మాత్రమే తెలిసిన ఫాహద్‌ కరోనా సమయంలో వరుస హిట్లతో దేశ వ్యాప్తంగా పేరు తెచ్చుకున్నాడు. అయితే ఇప్పటివరకు హీరోగానే చేస్తూ వచ్చిన ఈ మలయాళ స్టార్‌ హీరో పుష్ప సినిమా కోసం తొలిసారిగా పవర్‌ఫుల్‌ ప్రతినాయకుడిగా మారారు. ఇక 'భైరవగీత' సినిమాతో ఎంట్రీ ఇచ్చిన ధనుంజయ్‌ ఆ తర్వాత శాండల్‌వుడ్‌లో బిజీ అయ్యాడు. ఇప్పుడు ఈ హీరో కూడా పుష్పరాజ్‌తో యుద్ధానికి సిద్ధమయ్యాడు. ఇక ఒకప్పటి టాలీవుడ్‌ కమెడియన్‌ సునీల్‌ కూడా విలన్‌గా మారోసారి తన అదృష్టాన్ని పరీక్షించుకుంటున్నాడు. ఈ సినిమాలో మంగళం శ్రీనుగా సర్‌ప్రైజ్‌ చేస్తానంటూ ఊరిస్తున్నాడు. అలాగే యాంకర్‌ అనసూయ,అజయ్‌ ఘోష్‌, శత్రు వంటి విలన్లు కూడా పుష్పరాజ్‌ను ఎదుర్కొనేందుకు రెడీ అయ్యారు. 

నందమూరి బాలకృష్ణ హీరోగా గోపీచంద్ మలినేని దర్శకత్వంలో ఓ సినిమా చేయనున్న సంగతి తెలిసిందే.  మాస్ యాక్షన్ ఎంటర్టైనర్‌గా రాబోయే ఈ చిత్రం రాయలసీమ నేపథ్యంలో తెరకెక్కనుందని టాక్‌. అయితే ఈ సినిమాకి సంబంధించిన స్క్రిప్ట్ పూర్తి చేసిన గోపీచంద్ నటీనటులను సెలెక్ట్‌ చేసే పనులతో బిజీగా ఉన్నాడు. ఈ నేపథ్యంలో ఇప్పటికే బాలయ్య సరసన శృతి హాసన్‌ను ఖరారైంది. ప్రస్తుతం ఇతర నటీనటుల ఎంపిక జరుగుతోంది. చదవండి: బాలయ్యతో జతకట్టనున్న శ్రుతీ ఇక ఈ సినిమాలో బాలకృష్ణకు విలన్‌గా కన్నడ నటుడిని సంప్రదించినట్లు తెలుస్తోంది.  ఆయన ఎవరో కాదు దునియా విజయ్‌.  కన్నడలో రౌడీ రోల్స్ ఎక్కువగా చేసిన విజయ్ .. 'దునియా' సినిమాతో హీరోగా మారాడు. అప్పటి నుంచి ఆ సినిమా పేరు ఆయన ఇంటి పేరుగా మారిపోయింది. ఈ నేపథ్యంలో బాలయ్య కోసం ఆయనను విలన్‌గా దర్శకుడు ఎంపిక చేసినట్లు వార్తలు వినిపిస్తున్నాయి. మరి ఇందులో ఎంతవరకు నిజం ఉందో తెలియాలంటే దీనిపై అధికారిక ప్రకటన వచ్చే వరకు చూడాలి. గతంలో కన్నడ నుంచి వచ్చిన ప్రభాకర్ .. దేవరాజ్  ఇక్కడ విలన్స్‌గా రాణించిన సంగతి తెలిసిందే. చదవండి: Unstoppable Talk Show: చిరంజీవిపై మోహన్‌ బాబు ఆసక్తికర వ్యాఖ్యలు  

సాక్షి, హైదరాబాద్‌: టాలీవుడ్‌ ప్రముఖ విలన్‌ ఇంట తీవ్ర విషాదం నెలకొంది. సినీ నటుడు టార్జన్‌ అలియాస్‌ లక్ష్మీనారాయణ గుప్తా సతీమణి ఉమారాణి(52) కన్నుమూశారు. గత కొంతకాలంగా అనారోగ్యంతో బాధపడుతున్న ఆమెకు ఆదివారం రాత్రి గుండెపోటు వచ్చింది. దీంతో ఆమెను వెంటనే ఓ ప్రైవేటు ఆస్పత్రికి తరలిస్తుండగా మార్గమధ్యంలోనే ప్రాణాలు విడిచారు. ఆమె మరణం పట్ల సినీ పెద్దలు సంతాపం ప్రకటించారు. కాగా టార్జన్‌ లక్ష్మీనారాయణకు ఇద్దరు భార్యలు. పెద్ద భార్య ఉమారాణికి సంతానం లేకపోవడంతో అతడు రెండో పెళ్లి చేసుకున్నాడు.  చదవండి: యాంకర్‌గా ఎంట్రీ.. హీరోయిన్‌గా సెటిల్‌.. ఆ తారలు ఎవరంటే..

ప్రస్తుతం టాలెంటెడ్​ డైరెక్టర్​ సూకుమార్-ఐకాన్‌​ స్టార్​ అల్లు అర్జున్​ పాన్​ ఇండియా చిత్రం ‘పుష్ప’కు సంబంధించిన ఓ వార్త నెట్టింటా హల్​చల్​ చేస్తోంది. ప్రస్తుతం హైదరాబాద్‌ పరిసర ప్రాంతాల్లో యాక్షన్​ సన్నివేశాల చిత్రకరణ జరుపుకుంటోన్న ఈ చిత్రం కరోనా కారణంగా వాయిదా పడించింది. కాగా ఎర్రచందనం స్మగ్లింగ్​ నేపథ్యంలో సుకుమార్‌ ఈ మూవీని రూపొందించాడు. ఇందులో స్టైలిష్​ స్టార్​ మాస్​ లుక్​లో కనిపించనున్నాడు. పుష్పరాజు అనే లారీ డైవర్​గా అలరించనున్నాడు. ఇప్పటికే విడుదలై ఈ మూవీ ఫస్ట్​లుక్​ పోస్టర్​, టీజర్​కు విశేష స్పందన వచ్చింది. ముఖ్యంగా టీజర్‌లో అల్లు అర్జున్ చెప్పే ‘తగ్గేదే లే’ అనే డైలాగ్ యువతను విపరీతంగా ఆకట్టుకుంటోంది. అయతే తాజా బజ్​ ప్రకారం.. పుష్ప స్టోరీ ఆన్​లైన్​లో లీక్​ అయినట్లు వినపిస్తోంది. పుష్ప కథ ఇదే అంటూ సోషల్​ మీడియాలో జోరుగా ప్రచారం జరుగుతోంది. ఇక అది చూసిన వారంత పుష్ప స్టోరీ కాపీ కొట్టిందని, మన టాలెంటెడ్​ దర్శకుడు​ సూకుమార్..​ లెజెండరీ డైరెక్టర్​ మణిరత్నం ‘విలన్’​ మూవీ కథను ఆధారంగా చేసుకుని ‘పుష్ప’ను రాసుకొచ్చారంటూ ఆయనపై తమదైన శైలిలో ట్రోల్‌ చేస్తున్నారు.  అయితే రామాయణం కథను ఆధారంగా చేసుకొని.. రావణాసురుడి పాయింట్ ఆఫ్‌ వ్యూలో ‘విలన్’ సినిమాని రూపొందించారు మణిరత్నం. తన చెల్లికి జరిగిన అన్యాయంపై హీరో.. విలన్‌లపై ఏ విధంగా పగ తీర్చుకుంటాడనేదే ఈ సినిమా కథ. అయితే సుకుమార్ కూడా ఈ కథని బేస్ చేసుకొనే ‘పుష్ప’ మూవీని రూపొందించారని కామెంట్స్​ వస్తున్నాయి. అయితే ‘పుష్ప’ సినిమాలో కూడా అల్లు అర్జున్‌కు ఓ చెల్లి పాత్ర ఉంటుందనేది మేకర్స్ గతంలోనే ప్రకటించిన సంగతి తెలిసిందే. ఈ పాత్రలో ఐశ్వర్య రాజేశ్ నటిస్తున్నట్లు సమాచారం. దీంతో ఈ సినిమాలో కూడా పుష్పరాజ్ తన చెల్లికి అన్యాయం చేసిన వాళ్లపై రివేంజ్‌ తీర్చుకోవడమే ప్రధాన కథాంశంగా ఉండబోతుందనే వార్తలు కూడా వినిపిస్తున్నాయి. ఇక నిజంగానే సుకుమార్ ‘విలన్’ సినిమాని కాపీ కొట్టారా లేదా అనే విషయం తెలియాంటే ఈ మూవీ విడుదలయ్యే వరకు వేచి చూడాల్సిందే. మైత్రీ మూవీ మేకర్స్ బ్యానర్‌పై రూపొందుతున్న ‘పుష్ప’ సినిమాలో రష్మిక మందన్న హీరోయిన్‌గా నటిస్తుండగా.. ఫాహద్‌ ఫాజిల్‌ విలన్ పాత్ర పోషిస్తున్నాడు‌. దేవి శ్రీ ప్రసాద్‌ సంగీతం అందిస్తున్నాడు.  మైత్రీ మూవీ మేకర్స్, ముత్తం శెట్టి మీడియా ఈ సినిమాను నిర్మిస్తున్నాయి. తెలుగు, తమిళం, మలయాళం, కన్నడ, హిందీ భాషల్లో పుష్ప ఆగస్టు 13న రిలీజ్‌ కానుంది. చదవండి: రెచ్చిపోయిన అనసూయ, ఏకంగా వీధుల్లో ఇలా.. కన్నడ రీమేక్‌లో నితిన్‌ హిట్‌ మూవీ, దర్శకుడు ఎవరో తెలుసా!

టాలీవుడ్‌ స్టార్‌ హీరో ప్రభాస్ ప్రస్తుతం వరుస సినిమాలతో బిజీగా ఉన్నారు. బాహుబలి, బాహుబలి-2 చిత్రాల తర్వాత పాన్ ఇండియా స్టార్‌గా అవతరించిన ప్రభాస్‌ బాలీవుడ్‌లోనూ భారీ ఫ్యాన్‌ ఫాలోయింగ్ సొంతం చేసుకున్నారు. ప్రస్తుతం ఆయన నటిస్తున్న ‘రాధేశ్యామ్’ షూటింగ్ చివరి దశకు చేరుకుంది. త్వరలోనే ఓం రౌత్ దర్శకత్వంలో ‘ఆదిపురుష్’ షూటింగ్ ప్రారంభం కానుంది. దీంతో పాటు ‘కేజీఎఫ్’ ఫేమ్ ప్రశాంత్ నీల్ దర్శకత్వంలో ‘సలార్’ సినిమాను ఇటీవలే ప్రకటించారు. ఈ సినిమా షూటింగ్‌ కూడా ఈ నెలలోనే ప్రారంభం కానుంది. ఈ మూవీని హోంబ‌లే ఫిలింస్ బ్యాన‌ర్‌పై విజ‌య్ కిర‌గందూర్ నిర్మించ‌నున్నారు. చదవండి: ప్రభాస్‌ అభిమానులకు ‘రాధే శ్యామ్’‌ డైరెక్టర్‌ హామీ యాక్షన్‌ ఎంటర్‌టైనర్‌గా రూపొందబోతున్న ఈ చిత్రంలో ప్రభాస్‌ మినహా మిగతా నటీనటుల ఎంపికను ఇంకా ఫైనల్‌ కాలేదు.  ప్రశాంత్ నీల్ ఇప్పటికే క్యాస్టింగ్, టెక్నికల్ పనుల్లో బిజీగా ఉన్నారు. అయితే ఈ చిత్రంలో ప్రభాస్‌కు జోడిగా బాలీవుడ్‌ భామ దిశా పటాని నటించబోతున్నట్లు వార్తలు వినిపిస్తున్నాయి. ఇదిలా ఉండగా తాజాగా సలార్‌ సినిమాలో విలన్‌ పాత్రలో కూడా ఓ బాలీవుడ్‌ స్టార్‌ పేరు ప్రముఖంగా వినిపిస్తోంది. ఈ చిత్రంలో నటుడు జాన్‌ అబ్రహం విలన్‌గా నటించనున్నట్లు సమాచారం. ప్రభాస్‌కు పవర్‌ఫుల్‌ విలన్‌ ఉండాలని భావించిన చిత్ర యూనిట్‌ జాన్‌ అబ్రహాన్ని సంప్రదించినట్లు తెలుస్తోంది. దీనిపై అధికారిక ప్రకటన రావాల్సి ఉంది. చదవండి: ‘జాంబీ రెడ్డి’ ట్రైలర్‌ను విడుదల చేసిన ప్రభాస్‌

ప్రతి ఒక్కరికి ఓ రోజు వస్తుందంటారు. మధ్యప్రదేశ్‌లోని పేద కుటుంబం నుంచి వచ్చిన శరత్‌ సక్సేనాకు కూడా సినిమాల్లోకి వెళ్లే ఓ రోజు వచ్చింది. కానీ గుర్తింపు రావడానికే 30 ఏళ్లు పట్టింది. నటనలో ఓనమాలు నేర్చుకోవడానికి ఇంత కాలం పట్టలేదు. కేవలం దర్శకనిర్మాతలు ఆయనను పట్టించుకోవడానికి ఇంత గడువు పట్టింది. తాను ఎదుర్కొన్న గడ్డు పరిస్థితులను శరత్‌ సక్సేనా.. సీఐఎన్‌టీఏఏ(సినీ అండ్‌ టీవీ ఆర్టిస్ట్‌ అసోసియేషన్‌)కు ఇచ్చిన ఇంటర్వ్యూలో స్వయంగా బయటపెట్టారు. అందరి మనసులను మెలివేస్తున్న 2018నాటి ఈ ఇంటర్వ్యూ ప్రస్తుతం సోషల్‌ మీడియాలో వైరల్‌గా మారింది. మరి ఆయన ఇంటర్వ్యూలో ఏమన్నారో చదివేయండి.. సారీ బాస్‌, ఎస్‌ బాస్‌.. ఇవే డైలాగులు "నా భారీకాయం చూసి దర్శకులెవ్వరూ నన్ను నటుడిగా లెక్కలోకి తీసుకోలేదు. ఎప్పుడూ ఫైటర్‌, జూనియర్‌ ఆర్టిస్ట్‌ పాత్రలే ఇచ్చేవారు. అంతదాకా ఎందుకు.. ఎవరికైనా కండలు తిరిగి బాడీ బిల్డర్‌లా కనిపిస్తే వారిని ఈ దేశంలో లేబర్‌ క్లాస్‌ కింద పరిగణించేవాళ్లు. వాళ్లు దేనికీ పనికి రారన్నట్లుగా చూసేవాళ్లు. విలన్‌ అని ముద్ర వేస్తారు. అయితే మా నాన్న అథ్లెట్‌ కావడం వల్ల మేము కూడా ఆయన నుంచి స్ఫూర్తి పొంది శరీరాన్ని ఫిట్‌గా ఉంచుకున్నాం. కానీ నన్ను అలా చూసిన దర్శకనిర్మాతలకు నాలో నటుడు కనిపించలేదు. కేవలం జూనియర్‌ ఆర్టిస్ట్‌ కనిపించాడు. అలా ముప్పై ఏళ్లు కేవలం ఫైట్‌ సీన్లలోనే నటించాను. ఎస్‌ బాస్‌, నో బాస్‌, వెరీ సారీ బాస్‌, నన్ను క్షమించండి బాస్‌.. ఈ డైలాగులు మాత్రమే వల్లించేవాడిని. ఆ తర్వాత కొన్నేళ్లకు డైరెక్టర్‌ షాద్‌ అలీ నన్ను గుర్తించి "సాథియా"లో హీరోయిన్‌ తండ్రి పాత్ర ఇచ్చారు. అది చిన్న పాత్రే అయినప్పటికీ జనాలు నన్ను ఇష్టపడ్డారు. ఈ సినిమా నుంచి నేను ఫైటర్‌గా కాకుండా నటుడిగా మారాను. కానీ ఈ మార్పుకు ముప్పై ఏళ్లు పట్టింది" అని కెరీర్‌ తొలినాళ్లనాటి విషయాలను గుర్తు చేసుకున్నారు. (చదవండి: చిత్ర పరిశ్రమలో విషాదాన్ని నింపిన 2020) జీరో నుంచి ప్రముఖుడిగా మారారు.. ఇంజనీరింగ్‌ పూర్తి చేసుకున్న శరత్‌కు నటుడవ్వాలనేది కల. అలా ముంబైలో అడుగు పెట్టిన ఆయనను డైరెక్టర్లు నెగెటివ్‌ పాత్రలో ఊహించుకున్నారు. ఫలితంగా ఏళ్ల తరబడి విలన్‌కు సలాం చేసే గ్యాంగ్‌ సభ్యుడిగా స్థిరపడిపోయారు. దశాబ్ధాల కాలం తర్వాత సాథియా, బాఘ్‌బాన్‌ వంటి పలు చిత్రాల్లో కీలక పాత్రల్లో నటించారు. తెలుగులోనూ పలు సినిమాల్లో విలన్‌ పాత్రలు పోషించి మెప్పిస్తూ ప్రముఖ నటుడిగా మారిపోయారు. ఇక ఆయనకు అవకాశాలు ఇవ్వకుండా చిన్నచూపు చూడటాన్ని నెటిజన్లు తీవ్రంగా తప్పుపడుతున్నారు. శరత్‌ అద్భుతమైన నటుడని, అతడికి ప్రతిభకు తగ్గ పాత్ర ఇవ్వడం లేదని విమర్శిస్తున్నారు. అతడికి వివక్ష జరగడం పట్ల విచారం వ్యక్తం చేస్తున్నారు. (చదవండి: భర్తను ఎత్తుకున్న నటి.. ఫోటో వైరల్‌)

‘‘ప్రతిదీ నాశనం చేస్తా..చూస్తూ వుండండి" అంటూ సంచలన రేపిన వివాదాస్పద టిక్‌టాక్‌ విలన్‌, ఉత్తరప్రదేశ్‌కు చెందిన అశ్వినీకుమార్ (30), అలియాస్ జానీ దాదా కథ విషాదాంతమైంది. మూడు హత్య కేసుల్లో ప్రధాన నిందితుడైన అశ్వినీ కుమార్‌ తుపాకితో కాల్చుకుని ఆత్మహత్యకు పాల్పడ్డాడు. ‘అన్నింటినీ నాశనం చేస్తా’, ‘దెయ్యం రెడీగా ఉంది’, ‘నేను సృష్టించే విలయం చూడండి’ అంటూ పోస్టింగులు పెట్టే జానీ దాదా చివరికి బర్హాపూర్ ప్రాంతంలో శనివారం తెల్లవారుజామున తనను తాను కాల్చుకుని చనిపోయాడు. అశ్వినీ కుమార్ మాదక ద్రవ్యాలకు బానిసగా మారినట్టుగా అనుమానిస్తున్న అశ్వినీ మూడు హత్యకేసులో నిందితుడుగా ఉన్నాడు. ముఖ్యంగా సెప్టెంబరు 30 న, దుబాయ్‌లోని ఒక హోటల్‌లో పనిచేస్తూ, పెళ్లి కోసం సొంత వూరు బిజ్నూర్‌ వచ్చిన నితికా శర్మ (27)ను దారుణంగా  కాల్చి చంపడం కలకలం రేపింది. తనను పెళ్లి చేసుకునేందుకు నిరాకరించిన కారణంతో నికితాపై బుల్లెట్ల వర్షం కురిపించాడు. అలాగే వెస్ట్ యుపిలో బీజేపీ నేత కుమారుడు (26), అతని మేనల్లుడిని (25) హత్య చేసి  తప్పించుకుని తిరుగుతున్నాడు. అతడి ఆచూకీ కోసం లక్ష రూపాయల రివార్డును కూడా ప్రకటించారు పోలీసులు. భయంకరమైన హత‍్యల​ నిందితుడు అశ్వినీ కుమార్‌ కోసం పోలీసులు ఇటీవల గాలింపును ముమ్మరం చేశారు. ఈ క్రమంలో అతగాడు ఢిల్లీ పారిపోయేందుకు బస్సెక్కాడు. ఈ విషయాన్నిగమనించిన పోలీసులు తనిఖీ చేయటానికి బస్సును ఆపడంతో భయపడి తుపాకితో కాల్చుకుని ఆత్యహత్యకు పాల్పడ్డాడు. తెల్లటి రుమాలుతో ముఖం కప్పుకుని ప్రయాణిస్తున్నఅతగాడిపై స్థానిక పోలీసులు అడ్డుకున్నారు. దీంతో అశ్వినీ కుమార్‌ పారిపోవడానికి ప్రయత్నిస్తున్న సమయంలో బస్సును ఆపగా, కాల్చకుని చనిపోయాడని బిజ్నోర్ పోలీసు సూపరింటెండెంట్ (గ్రామీణ) విశ్వజీత్ శ్రీవాస్తవ తెలిపారు.అంతేకాదు అతను ఎపుడూ ఒక పిస్తోల్‌ను, రెండు మ్యాగజైన్స్ (బుల్లెట్ల)  14 పేజీల నోటును వెంట తీసుకెళ్తాడట. వీటిని పోలీసులు స్వాధీనం చేసుకున్నారు.  అశ్విని కుటుంబం అందించిన సమాచారం ప్రకారం గ్రాడ్యుయేట్‌ అయిన అశ్విన్‌ ప్రైవేట్ సంస్థ లో పనిచేశాడు.  అతని మానసిక ఆరోగ్యం సరిగా లేదు. మత్తు మందులకు అలవాడు పడ్డాడు. అశ్వినీ తండ్రి ధంపూర్ తహసీల్ లోని చెరకు సహకార సంఘంలో గుమస్తాగా ఉండగా, అతని అన్నయ్య డెహ్రాడూన్ లోని ఒక ప్రైవేట్ కంపెనీలో పనిచేస్తున్నాడు.

సూపర్‌గుడ్‌ ఫిలింస్‌ పతాకంపై ప్రముఖ నిర్మాత ఆర్‌.బి.చౌదరి పలు భాషల్లో ఎన్నో సూపర్‌హిట్‌ చిత్రాలను అందించిన విషయం తెలిసిందే. ఆయన తనయులు రమేష్‌, జీవా తెలుగు, తమిళ భాషల్లో హీరోలుగా మంచి పేరు తెచ్చుకున్నారు. 'విద్యార్థి' చిత్రంతో తెలుగులో హీరోగా పరిచయమైన రమేష్‌ ఆ తర్వాత తమిళంలో పలు సూపర్‌హిట్‌ చిత్రాల్లో నటించి మంచి పేరు తెచ్చుకున్నారు. తాజాగా రమేష్‌ తెలుగులో నటించిన సినిమా 'ఒకటే లైఫ్‌'. ఇప్పుడు హీరో రమేష్‌ 'నిరీక్షణ' చిత్రంలో మొదటిసారిగా మెయిన్‌ విలన్‌గా నటిస్తున్నారు.  సాయిరోనక్‌, ఎనా సహా హీరోహీరోయిన్లుగా టేక్‌ ఓకే క్రియేషన్స్‌ పతాకంపై వంశీకృష్ణ మళ్ళ దర్శకత్వంలో రూపొందుతున్న హై ఓల్టేజ్‌ ఇన్వెస్టిగేటివ్‌ క్రైమ్‌ థ్రిల్లర్‌ 'నిరీక్షణ'. ఈ చిత్రంలో హీరో రమేష్‌ మెయిన్‌ విలన్‌గా నటిస్తున్నారు. ఇంకా శ్రద్ధా దాస్‌, సన స్పెషల్‌ క్యారెక్టర్స్‌లో కనిపిస్తారు. ప్రస్తుతం ఈ సినిమా షూటింగ్‌ దశలో ఉంది. బ్రహ్మాజీ, ప్రభాస్‌ శ్రీను, అజయ్‌ ఘోష్‌, మధుసూదన్‌, వేణు, హర్ష తదితరులు ఇతర పాత్రలు పోషిస్తున్న ఈ చిత్రానికి చంద్రబోస్‌ పాటలను అందిస్తున్నారు. 

సినిమా: కోలీవుడ్‌కు మరో సినీ వారసుడు పరిచయం అవతున్నారు. నటుడు వైభవ్‌ గురించి ప్రత్యేకంగా చెప్పనవసరం లేదు. సీనియర్‌ తెలుగు దర్శకుడు కోదండరామిరెడ్డి కుమారుడైన వైభవ్‌ కోలీవుడ్‌లో యువ హీరోగా తన కంటూ ఒక స్థానాన్ని సంపాదించుకున్నాడు. తాజాగా ఈయన అన్నయ్య సునిల్‌ నటుడిగా పరిచయం అవుతుండడం అదీ విలన్‌గా రంగప్రవేశం చేయడం విశేషం. నటుడు విజయ్‌సేతుపతి హీరోగా నటిస్తున్న చిత్రం సీతకాది. «బాలాజి ధరణీధరన్‌ దర్శకత్వం వహించిన ఈ చిత్రాన్ని ఫ్యాషన్‌ స్టూడియోస్‌ సంస్థ నిర్మిస్తోంది. నిర్మాణ కార్యక్రమాలు పూర్తి చేసుకున్న సీతకాది డిసెంబర్‌ 20న తెరపైకి రానుంది. ఈ సందర్భంగా చిత్రంలోని ప్రముఖ నటీనటులను పరిచయం చేసే కార్యక్రమానికి చిత్ర వర్గాలు శ్రీకారం చుట్టారు. అందులో భాగంగా చిత్ర విలన్‌ గురించిన వివరాలను దర్శకుడు తెలుపుతూ వినోదంతో పాటు, భావోద్రేకాలతో కూడిన ఈ చిత్ర హీరో విజయ్‌సేతుపతి గురించి ఇప్పటికే పలు విషయాలను తెలియజేశామన్నారు. ఆయన ఇందులో పలుగెటప్‌ల్లో ప్రేక్షకులకు వినోదాన్ని అందించనున్నారని చెప్పారు. మరో ముఖ్యపాత్ర విలన్‌ అని. ఈ పాత్రకు ఇప్పటి వరకూ పరిచయం కాని నటుడి నటన కొత్తగా ఉంటుందన్నారు. నటుడు వైభవ్‌ అన్నయ్య సునిల్‌ను ఈ పాత్రకు ఎంపిక చేసినట్లు తెలిపారు. ఆయన పాత్ర చాలా వినూత్నంగా తీర్చిదిద్దినట్లు చెప్పారు. నిజం చెప్పాలంటే ఈ పాత్రకు నటుడిని ఎంపిక చేయడం సవాల్‌గా మారిందన్నారు. చిత్ర కథకు కథనాన్ని తయారు చేసుకున్నప్పుడే మామూలుగా ఉండరాదని విభిన్నంగా తీర్చిదిద్దినట్లు తెలిపారు. ఇందులో నటించడానికి చాలా మంది ప్రముఖ నటులను సంప్రదించామని, వారికి పాత్ర నచ్చినా కాల్‌షీట్స్‌ సమస్య కారణంగా నటించలేకపోయారని అన్నారు. అలా ఒక పుట్టినరోజు వేడుకలో సునీల్‌ను చూసి తన చిత్రానికి విలన్‌ తనేనని నిర్ణయించుకున్నానన్నారు. ఆయన నటించడానికి ముందు సంకోచించినా, చివరికి అంగీకరించినట్లు తెలిపారు. అందుకు సునీల్‌ చాలా శిక్షణ తీసుకున్నాడని చెప్పారు. ఇందులో హీరో విజయ్‌సేతపతి పాత్రకు తగ్గని విధంగా విలన్‌ పాత్రకు మంచి పేరు వస్తుందని దర్శకుడు బాలాజి ధరణీధరన్‌ అన్నారు.

కరునాడ చక్రవర్తి, హ్యాట్రిక్‌ హీరో శివరాజ్‌కుమార్‌ 36 ఏళ్లుగా సినిమా ఇండస్ట్రీలో ఉంటున్నారని, సినిమా కథ వినకుండా నటించేంందుకు ఆయన ఒప్పుకుంటారా అని శివన్న అభిమానులను కిచ్చా సుదీప్‌ ప్రశ్నించారు. సుదీప్, శివరాజ్‌కుమార్‌ ప్రధాన పాత్రధారులుగా గురువారం ‘విలన్‌’ సినిమా విడుదల అయింది. ఈ సినిమాలో శివరాజ్‌కుమార్‌పై సుదీప్‌ చేయి చేసుకునే సన్నివేశం ఉంది. ఈ సందర్భంగా తమ అభిమాన నటుడిపై సుదీప్‌ చేయి చేసుకున్నారని సుదీప్‌పై ఆగ్రహం వ్యక్తం చేస్తున్నారు. ఈ క్రమంలో ఇద్దరి హీరోల అభిమానుల మధ్య పెద్ద వివాదం నడుస్తోంది. ఈ క్రమంలో దావణగెరెలో మీడియాతో సుదీప్‌ మాట్లాడుతూ... చిత్రరంగంలో ఎంతో అనుభవం ఉన్న శివరాజ్‌కుమార్‌ కథ వినకుండా సినిమాలో నటిస్తారా అని ప్రశ్నించారు. అనవసరంగా రాద్ధాంతం చేయకుండా సినిమాను సినిమాగా చూడాలని సూచించారు. కావాలంటే ఆ ఫైట్‌ సీన్‌ సినిమా నుంచి తొలగిస్తే తనకు ఏలాంటి అభ్యంతరంలేదని సుదీప్‌ స్పష్టం చేశారు. సినిమాను చూసిన శివరాజ్‌కుమార్‌ అభిమానులు డైరెక్టర్‌ ప్రేమ్‌పై ఆక్రోశంను వ్యక్తం చేస్తున్నారు. ఆ సీన్‌ను సినిమా నుండి తొలగించాలని అభిమానులు డిమాండ్‌ చేస్తున్నారు. లేకుంటే అందోళన చేయాలని శివరాజ్‌కుమార్‌ అభిమానులు నిర్ణయించారు. అలాగే మరో సీనియర్‌ నటుడు దర్శన్‌పై కూడా సుదీప్‌ స్పందించారు. దర్శన్‌కు తనకు ఎలాంటి గొడవలు లేవని, ఇద్దరి మధ్య కొద్దిపాటి మనస్పర్థలు మాత్రమే ఉన్నాయని తెలిపారు.

బంజారాహిల్స్‌: వారు సినిమాల్లో ఫైటర్లు... విలన్‌ వేషాల్లో అందరికీ దడపుట్టిస్తుంటారు. అలాంటి వారికే ఓ దొంగ చెమటలు పట్టిస్తున్నాడు. కారు అద్దాలు పగలగొట్టి నగదుతో పాటు మ్యూజిక్‌ ప్లేయర్‌ను ఎత్తుకెళుతుండటంతో నిందితుడిని పట్టుకోవాలని కోరుతూ బాధితులు బంజారాహిల్స్‌ పోలీసులకు ఫిర్యాదు చేశారు. వివరాల్లోకి వెళితే..కమలాపురి కాలనీకి చెందిన రాజేందర్‌ తన కారును రోడ్డు పక్కన పార్కింగ్‌ చేశాడు. తెల్లవారి లేచి చూసేసరికి కారు అద్దాలు పగలగొట్టి ఉన్నాయి. అందులో రూ. 20 వేల నగదు బ్యాగ్, మ్యూజిక్‌ ప్లేయర్‌  చోరీకి గురయ్యాయి. దీంతో అతను సహచరులతో కలిసి పోలీసులకు ఫిర్యాదు చేశారు. సీసీ ఫుటేజీల ఆధారంగా పోలీసులు దర్యాప్తు చేపట్టారు.  

తమిళసినిమా:  నాన్న పాత్రల్లో నటించడం ఇష్టం లేదని నటుడు సత్యరాజ్‌ పేర్కొన్నారు. ఆయన సోమవారం ఈ రోడ్‌లో జరిగిన ఓ కార్యక్రమంలో పాల్గొన్నారు.  సత్యరాజ్‌ మాట్లాడుతూ  ఆరంభంలో తనకు ఘోరమైన విలన్‌ వేషాలే లభించాయన్నారు. నూరావదు నాళ్‌ చిత్రంలో విలన్‌ పాత్రను పోషించాననీ,  ఆ చిత్రం హిట్‌ అవుతుందా?  అన్న ఆతృతతో విడుదల సమయంలో థియేటర్లకు వెళ్లి చూశానన్నారు. ఎంజీఆర్‌ చిత్రాలకు వచ్చినంత జనం తన చిత్రానికి రావడంతో నటుడిగా పాస్‌ అయ్యాయన్నారు. అప్పట్లో రజనీకాంత్, కమలహాసన్‌ ఇలా అందరి చిత్రాలకు నేనే విలన్‌ అని చెప్పారు.  హీరోగానూ పలు చిత్రాల్లో నటించిన తాను బాగానే సంపాదించుకున్నానని సత్యరాజ్‌ తెలిపారు. ఇకపై తండ్రి పాత్రలు వద్దనుకునేసరికి  తెలుగులో గోపీచంద్‌ హీరోగా  ఓ చిత్రంలో నాన్న పాత్రకు అంగీకరించానన్నారు. ఆ చిత్రంలో కథానా యకి త్రిష తనను మామగారు అని పిలుస్తుం టే చచ్చానురా! అనిపించిందన్నారు. అలా నటిస్తున్న సమయంలోనే బాహుబలి లాంటి గొప్ప అవకాశం వచ్చిందని ఆయన గుర్తుచేసుకున్నారు.

‘సినిమాలు మానేసే ఆలోచన అస్సలు లేదు’... వీరేంద్రని పెళ్లాడినప్పుడు నమిత ఇచ్చిన స్టేట్‌మెంట్‌ ఇది. గతేడాది నవంబర్‌లో నమిత పెళ్లి జరిగిన విషయం తెలిసిందే. అప్పటినుంచి మంచి కథల కోసం ఎదురు చూస్తున్నారు. ఫైనల్లీ తన ఆలోచనలకు తగ్గట్టుగా ఓ సినిమా కుదిరిందట. ప్రముఖ తమిళ దర్శకుడు–నటుడు టి. రాజేందర్‌ సినిమాలో ఆమె కథానాయికగా నటించనున్నారట. విశేషం ఏంటంటే దాదాపు 11 ఏళ్ల తర్వాత టి.రాజేందర్‌ దర్శకత్వం వహించనున్న చిత్రమిది. ఇటీవల నమితను కలసి కథ చెప్పారట. ఇక గ్రీన్‌ సిగ్నల్‌ ఇవ్వడమే ఆలస్యం. నిజానికి తమిళంలో ఫేమస్‌ అయ్యే ముందు నమిత తెలుగులోనే స్టార్‌ హీరోయిన్‌ అయ్యారు. అందుకే తెలుగు ఇండస్ట్రీ అంటే అభిమానం. తెలుగులో మంచి ఆఫర్స్‌ వస్తే చేయాలనుందనీ, ముఖ్యంగా చాలెంజింగ్‌ రోల్స్‌ కోసం వెయిట్‌ చేస్తున్నానని నమిత పేర్కొన్నారు. అన్నట్లు.. నమిత సిల్వర్‌ స్క్రీన్‌పై కనిపించి రెండేళ్లయింది. 2016లో చేసిన ‘పులి మురుగన్‌’ ఆమె చివరి సినిమా. 

మనీలా : పాపులారిటీ ఉన్న వాళ్ల పేర్లను వాడుకుని ప్రచారం పొందడం ఈ మధ్య సర్వసాధారణమైపోయింది. ఆఖరికి కామిక్‌ విలన్‌ను కూడా వదలటం లేదు కొందమంది. ప్రస్తుతం ప్రపంచవ్యాప్తంగా విజయపథంలో దూసుకుపోతున్న అవెంజర్స్‌ ఇన్ఫినిటీ వార్‌లోని విలన్‌ థానోస్ తన భర్తంటూ ఫిలిప్పీన్స్‌ సెనేటర్‌ ట్విటర్‌లో పోస్టులు పెట్టారు. వివరాలలోకి వెళితే.. మే 5న ఫిలిప్పీన్స్‌ సెనేటర్‌ నాన్సీ బినయ్‌ ఇన్ఫినిటీ వార్‌కు సంబంధించిన కొన్ని సన్నివేశాలు చిత్రీకరించిన మాయోయావోలో ఫోటోలు దిగి ట్విటర్‌లో ఉంచారు. కొద్ది రోజుల తర్వాత ఓ పార్టీలో పాల్గొన్న ఆమె తలపై వైకింగ్స్‌ కిరీటాన్ని ధరించి థానోస్ భార్యను తానే అని ప్రకటించుకున్నారు. మరి ఆమె అవెంజర్స్‌ సినిమా చూసి ఇలా మాట్లాడారా? లేదా ఫిలిప్పీన్స్‌ పర్యాటక రంగాన్ని పాపులర్‌ చేయడానికి ఇలా మాట్లాడుతున్నారో అని తెలియక తలలు పట్టుకుంటున్నారు అక్కడి వారు. కామిక్‌ విలన్‌ మనిషిని ఏట్లా పెళ్లి చేసుకుంటాడు అంటూ నెటిజన్లు సెటైర్లు వేస్తున్నారు.  “I am the wife of Thanos,” Sen @nancybinay exclaims in jest as well-wishers sing “Happy birthday” | via @sherieanntorres pic.twitter.com/ez9oa2bjhy — ABS-CBN News (@ABSCBNNews) May 10, 2018

తెలుగు ప్రేక్షకులకు జబర్థస్త్ షోతో హాస్యనటుడిగా పరిచయం అయిన ఛమ్మక్ చంద్ర పలు చిత్రాల్లో కామెడీ రోల్స్ చేసి ఆకట్టుకున్నాడు. అయితే తెలుగులో పూర్తి స్థాయి పాత్రలో ఇంత వరకు కనిపించలేదు చంద్ర. తెలుగులో ఫుల్ లెంగ్త్ రోల్ దక్కకపోయినా.. కోలీవుడ్ ఇండస్ట్రీ ఆ అవకాశం ఇచ్చింది. త్వరలో ఓ తమిళ సినిమాతో ప్రేక్షకుల ముందుకు రానున్నాడు ఈ కామెడీ స్టార్. సెయల్ పేరుతో తెరకెక్కుతున్న తమిళ సినిమాలో చంద్ర కీలక పాత్రలో నటిస్తున్నాడు. అంతేకాదు ఈ సినిమాలో చంద్ర విలన్ రోల్ లో కనిపించనున్నాడు. రవి అబ్బులు దర్శకత్వంలో తెరకెక్కుతున్న ఈ సినిమాలో రాజన్ తేజేశ్వర్, థరుషి హీరో హీరోయిన్లుగా నటిస్తున్నారు. సిద‍్ధార్థ్ విపిన్ సంగీతమందిస్తున్న ఈ సినిమాను సీఆర్ క్రియేషన్స్ బ్యానర్ పై సీఆర్ రాజన్ నిర్మిస్తున్నారు.


 సాక్షి, చెన్నై: ఒకప్పుడు విలన్‌ పాత్రధారులు హీరోలుగా నటించడం ప్రమోషన్‌గా భావించేవారు. కానీ, ఇప్పుడు హీరోలూ విలన్‌గా నటిస్తున్నారు. దర్శకులు నెగిటివ్‌ రోల్‌లో నటించేందుకు సై అంటున్నారు. ఇప్పటికే 'స్పైడర్‌'లో ప్రముఖ దర్శకుడు ఎస్‌జే సూర్య నటిస్తున్న సంగతి తెలిసిందే. ఇప్పుడు డాన్సింగ్‌ స్టార్‌ ప్రభుదేవా కూడా విలన్‌ పాత్రపై మక్కువతో ఉన్నారు. ఆయన తాజాగా ప్రతినాయకుడిగా తెరపై కనిపించబోతున్నారు.
 
 ప్రభుదేవాకు బాలీవుడ్‌లో స్టార్‌ డైరెక్టర్‌గా పేరుంది. అలాంటి ఆయన చాలా గ్యాప్‌ తరువాత కోలీవుడ్‌కు 'దేవి' చిత్రం ద్వారా కథానాయకుడిగా రీఎంట్రీ ఇచ్చి సక్సెస్‌ అయ్యారు. తాజాగా హన్సికతో కలిసి 'గులేబకావళి', నటి లక్ష్మీమీనన్‌తో 'యంగ్‌ మంగ్‌ జంగ్‌' చిత్రాల్లో నటిస్తున్న ఈయన.. 'మెర్క్యురీ'లో విలన్‌గా విశ్వరూపం చూపించబోతున్నారు. వైవిధ్యభరిత చిత్రాల దర్శకుడు కార్తీక్‌ సుబ్బరాజ్‌ తెరకెక్కిస్తున్న ఈ సినిమాలో బుల్లితెర నటుడు సనత్‌రెడ్డి హీరోగా నటిస్తున్నారు. దీపక్‌ పరమేశ్, రమ్యానంభీశన్‌ ప్రధాన పాత్రలు పోషిస్తున్న 'మెర్క్యురీ' సినిమా షూటింగ్‌ చాలా సైలెంట్‌గా పూర్తి చేసుకుని, నిర్మాణానంతర కార్యక్రమాలను జరుపుకుంటోంది. ఈ సినిమాలో ప్రభుదేవా విలన్‌గా నటిస్తున్నారన్న కథనాలతో అభిమానులు  ఆయన విలనిజాన్ని చూడటానికి ఆసక్తిగా ఎదురు చూస్తున్నారు.


 సాంబశివుడికి నాన్చడం ఇష్టం ఉండదు. డొంక తిరుగుడుగా మాట్లాడడం ఇష్టం ఉండదు. సూటిగా విషయంలోకి వస్తాడు.
 
 ‘తమ్మీ... ఇస్టేటుగా పాయింట్లకు వస్తున్న.
 నీ ఫైళ్ల ఉన్న మొత్తం ఇన్‌ఫర్‌మేషన్‌ కరెక్టే.
 నేను యాభై కోట్ల కుంభకోణం చేసిన... కాదంటలే!
 మరి నాకైతే చార్మినార్‌కున్నంత హిస్టరున్నది’.
 
 హీరో డైలాగులు కొడితే చప్పట్లు కొట్టడం అనేది సాధారణమే కావచ్చుగానీ, తమ డైలాగులతో కూడా ప్రేక్షకుల చేత చప్పట్లు కొట్టించుకోగలిగే విలన్‌లలో కోట శ్రీనివాసరావు ముందు వరుసలో ఉంటారు. ‘గణేష్‌’ సినిమాలో హెల్త్‌ మినిస్టర్‌ సాంబశివుడిగా ఆయన చెప్పిన డైలాగులు ఇప్పటికీ గుర్తుండిపోతాయి.
 విలనిజంలో అసలు సిసలు ‘స్థానికత’ను తీసుకువచ్చారు కోట.
 
  ఎన్నో సినిమాల్లో విలన్‌ పాత్రలు వేసి తనదైన గుర్తింపు తెచ్చుకొని ‘ఉత్తమ విలన్‌’ అనిపించుకున్నారు.నవ్వించే నటుడిని తీసుకువచ్చి విలన్‌ క్యారెక్టర్‌ ఇస్తే... భయం కలగకపోగా నవ్వొస్తుంది. అయితే దీనికి కోట మినహాయింపు. నిన్నటి సినిమాలో కమెడియన్‌గా తెగ నవ్వించిన కోట,  ఈరోజు వచ్చిన సినిమాలో విలన్‌గా విశ్వరూపం చూపి భయపెట్టించగలరు!
 ∙∙
 కాలేజీ రోజుల నుంచి నాటకాల్లో నటించడం అంటే కోటకు తెగ ఇష్టం. అయితే సినిమాల్లో నటించాలని ఎప్పుడూ అనుకోలేదు. సినిమా రంగం అంటే భయం కూడా! ఎందుకంటే... ‘సినిమాల్లో నటించే వాళ్లు ఆషామాషీ వ్యక్తులు కాదు... పొడుగ్గా ఉంటారు. తెల్లగా ఉంటారు. ఉంగరాల జుట్టుతో ఉంటారు... అందుకే నేను సినిమాలకు పనికిరాను’ అనుకునేవారు కోట. ‘ప్రాణం ఖరీదు’ అనే నాటకంతో కోటకు మంచి గుర్తింపు వచ్చింది. ఈ నాటకాన్ని సినిమాగా తీసినప్పుడు అందులో నటించే అవకాశం వచ్చింది.  హైదరాబాద్‌లో స్టేట్‌బ్యాంక్‌ ఆఫ్‌ ఇండియాలో ఉద్యోగం చేస్తున్నప్పుడు నాటకాలు విరివిగా ఆడేవారు కోట.
 
  హైదరాబాద్‌ దాటి వెళ్లాల్సి వస్తే నాటకాలు ఆడే అవకాశం కోల్పోతానని, నాటకాల కోసం ప్రమోషన్స్‌ కూడా వదులుకునేవారు.ఎప్పుడైనా జంధ్యాల హైదరాబాద్‌లో సినిమా షూటింగ్‌ చేస్తే సరదాగా ఆ సినిమాలో చిన్న వేషం వేసేవారు తప్ప సినిమాల్లోకి వెళ్లాలని, పెద్ద నటుడు కావాలని ఎప్పుడూ అనుకోలేదు కోట. అనుకోవడం, అనుకోకపోవడంతో విధికేం పని!
 
 టి.కృష్ణ, ముత్యాలసుబ్బయ్య ఒక నాటకం చూశారు. అందులో కోట నటన వారికి బాగా నచ్చింది. ‘సినిమాలకు పనికొస్తాడు’ అనుకున్నారు. అలా కోటతో ‘వందేమాతరం’, ‘ప్రతిఘటన’ సినిమాలలో నటింపచేశారు. అయితే ‘ప్రతిఘటన’ సినిమాలో పోషించిన గుండు కాశయ్య పాత్ర కోట శ్రీనివాసరావును ఎక్కడికో తీసుకువెళ్లిపోయింది. ‘ఆర్టిస్ట్‌కు టైం వస్తే టైమే ఉండదు’ అని కోట చెప్పే మాట ఆయన విషయంలోనే అక్షరాలా రుజువైంది!


 ...ఆ రెండిటిలోనూ హీరో ఒక్కరే కావడం విశేషమిక్కడ! మలయాళ హీరో మోహన్‌లాల్‌ ‘విలన్‌’ టైటిల్‌తో మాతృభాషలో ఓ సినిమా చేస్తున్నారు. అందులో మన తెలుగు నటుడు శ్రీకాంత్, హీరో విశాల్, హీరోయిన్లు రాశీ ఖన్నా, హన్సిక ముఖ్య తారలు. సేమ్‌ టైటిల్‌కు ముందు ‘ది’ తగిలించి.. ‘ది విలన్‌’ టైటిల్‌తో కన్నడలో ఓ సినిమా రూపొందుతోంది. ఇందులో శివ రాజ్‌కుమార్, ‘ఈగ’ ఫేమ్‌ సుదీప్‌ హీరోలు. అమీ జాక్సన్‌ హీరోయిన్‌.
 
 ఇప్పుడీ కన్నడ విలన్‌ను తెలుగు, తమిళ, మలయాళ భాషల్లో తీయాలనుకుంటున్నారు నిర్మాత సీఆర్‌ మనోహర్‌. తెలుగులో ‘మహాత్మ, రోగ్‌’ సినిమాలను నిర్మించిందీయనే. తెలుగు, తమిళ ప్రేక్షకులకు సుదీప్, అమీలు సుపరిచితులే. శివ రాజ్‌కుమార్‌ గురించి తక్కువమందికి తెలుసు. సో, ఆ పాత్రలో మిగతా భాషల ప్రేక్షకులకు పరిచయమున్న నటుడయితే బాగుంటుందని మోహన్‌లాల్‌ను సంప్రదించారు.
 
 కన్నడ వెర్షన్‌లో శివ రాజ్‌కుమార్‌ చేస్తున్న పాత్రను తెలుగు, తమిళ, మలయాళ వెర్షన్స్‌లో మోహన్‌లాల్‌ చేస్తారన్న మాట. ప్రస్తుతం హీరో, దర్శక–నిర్మాతల మధ్య డిస్కషన్స్‌ జరుగుతున్నాయి. ‘ది విలన్‌’కు మోహన్‌లాల్‌ ఆల్మోస్ట్‌ సైన్‌ చేసినట్టే! ఇంకో విశేషం ఏంటంటే... ఇందులోనూ శ్రీకాంత్‌ కీలక పాత్ర చేస్తున్నారు. ఆయన కూడా సేమ్‌ టైటిల్‌తో రూపొందుతోన్న రెండు సినిమాల్లో చేయబోతున్నారన్న మాట!


 నక్షత్రాలు స్వయం ప్రకాశకాలు... మరి సినిమా స్టార్స్‌?!..
 ఆ.. వీళ్లకు పక్క నుంచి ఓ లైట్, పై నుంచి ఓ లైట్, ఫ్రంట్‌ నుంచి ఓ లైట్‌ వేస్తే కానీ మెరవరు...
 అయితే, స్వయం ప్రకాశాన్ని కట్‌ చేస్తే... శివం ప్రకాశమ్‌ ఎందుకొచ్చిందో..
 ‘సంతోషం సంబరమైతే.. ఆనందమే తాండవిస్తే... శివుడు ప్రకాశం అంటున్నారు’ జయప్రకాశ్‌రెడ్డి
 అందరూ కష్టాల్లో దేవుణ్ణి తలుచుకుంటే... తను సంతోషంలో దేవుణ్ణి దర్శిస్తుంటారు.
 ‘‘జయ ప్రకాశం జయ ప్రకాశం
 నా బతుకే శివప్రకాశం..
 సాక్ష్యం భూమి, ఆకాశం..
 సదాశివునిపై భక్త్యావేశం... ’’
 సినిమాల్లో విలన్‌గా మనకు తెలిసిన జయప్రకాశ్‌రెడ్డి శివగానం చేస్తుంటే ఆశ్చర్యంతో చూస్తుండిపోయాం. హైదరాబాద్‌ మోతీనగర్‌లోని జయప్రకాశ్‌రెడ్డిని కలిసి, మీ ఇష్ట దైవం గురించి చెప్పమని అడిగినప్పుడు పాటతో ఇలా పరవశించిపోయారాయన.
 
 
 ♦ ఇంత అద్భుతంగా పాడుతున్నారు. సదాశివుడు మీ దైవం ఎప్పుడయ్యాడు?
 తాతల నాటి నుంచి మా కుల దైవం శివయ్యే! ఇప్పటికీ ఇంట్లో రోజూ ఉదయం దీపారాధన చేస్తుంటాను. అలాగని మిగతా దేవుళ్లను తక్కువ చేయను. సోమవారం శివయ్య, మంగళవారం ఆంజనేయస్వామి, బుధవారం అయ్యప్ప, గురువారం సాయి బాబా, శుక్రవారం అమ్మవారు, శనివారం వెంకటేశ్వర్లు, ఆది– సోమ మళ్ళీ శివయ్య.. ఏది జరిగినా ‘ఈశ్వరా’ అనుకోవడమే శ్వాస.
 
 ♦ కష్టంలోనూ శివయ్యనే తల్చుకుని గట్టెక్కారా?
 ముప్పై ఏళ్ళ కిందటి వరకు అష్టకష్టాలే. బి.ఎస్సీ బీఈడీ చదువుకున్న నేను మ్యాథ్స్‌ టీచర్‌గా ఉద్యోగం చేస్తుండేవాడిని. నాటకాలు నా ప్రాణం. ఒకసారి దాసరి నారాయణరావు గారు నా నాటకం చూసి ‘బ్రహ్మపుత్రుడు’ సినిమాలో అవకాశం ఇచ్చారు. దీంతో టీచర్‌ ఉద్యోగానికి సెలవు పెట్టి మద్రాసుకు వెళ్లాను. ఆ తర్వాత చిన్నా చితక వేషాలు ఉన్నా రాబడి ఏమీ లేదు. నాకు ఓ కొడుకు, కూతురు. వాళ్లు స్కూల్‌ నుంచి కాలేజీ చదువులకు వస్తున్నారు. ఫీజులు, కుటుంబ ఖర్చులు పెరగుతున్నాయి.  బాగా అప్పులయ్యాయి. కుటుంబం ఎలా గడుస్తుందని భయం. ‘ఎలారా దేవుడా’ అనుకున్నప్పుడు ఉద్యోగమే మేలని ఊరొచ్చేశాను. ప్రైవేట్లు చెప్పుకుంటూ, ఉద్యోగం చేస్తూ ఐదేళ్లు సినిమా రంగం గురించి పూర్తిగా మర్చిపోయాను.
 
 ఆ టైమ్‌లో శ్రీశైలంలో జరిగే శివదీక్ష గురించి తెలిసింది. నాకూ ఆ దీక్ష తీసుకోవాలనిపించింది. నలభై ఒక్కరోజుల పాటు శివదీక్ష తీసుకున్నాను. ఈ దీక్ష తీసుకున్నవారు సరిగ్గా మహాశివరాత్రి నాటికి జ్యోతిర్ముడితో శ్రీశైలం వెళ్లాలి. లింగోద్భవ కాలంలో దేవాలయానికి తలపాగా చుడతారు. అది తప్పక చూసి రావాలి. అలా ప్రతి ఏటా 18 ఏళ్ల పాటు శివదీక్ష చేశాను. ఇదీ అని చెప్పలేను గానీ అప్పటి నుంచి నా దశ కూడా మారుతూ వచ్చింది. అనుకోకుండా రామానాయుడిగారి కంటపడటం ‘ప్రేమంటే ఇదేరా’ సినిమాలో అవకాశం ఇవ్వడం, ఆ తర్వాత శ్రీరాములయ్య, ఆ తర్వాత ‘సమరసింహారెడ్డి’... అలా అలా బతుకు చిత్రమే మారిపోయింది. ఈ మూడేళ్లుగా దీక్ష తీసుకోవడం లేదు. శివయ్యకు చెప్పేశాను. ‘లక్షలాది జనం మధ్య జ్యోతిర్ముడితో రావడం కుదరడం లేదయ్యా! కరుణించు’ అని వేడుకున్నాను. అంతా ఆయనిచ్చిన అదృష్టం.
 
 ♦ ఆ అదృష్టమే మిమ్మల్ని ఈ స్థాయికి తెచ్చిందా?
 దేవుడు అవకాశం ఇచ్చాడు. ఆ అదృష్టానికి మన కష్టం తోడవ్వాలి. ‘ప్రేమంటే ఇదేరా!’ సమయంలో రాయలసీమ మాండలికంలో డైలాగులు కావాలన్నారు. నంద్యాలలో పెరిగినందుకు ఆ భాష కలిసొచ్చింది. అయినప్పటికీ మళ్లీ ఆ ప్రాంతానికి వెళ్లి టేపురికార్డర్‌ పట్టుకొని, అక్కడి షాపుల వాళ్లతో మాట్లాడి ఆ మాటలన్నీ రాత్రిపూట వింటూ, యాస కోసం బాగా సాధన చేసేవాడిని. ముందురోజే స్క్రిప్టు కావాలని రైటర్లను అడిగేవాడిని. వాళ్లెంత బిజీగా ఉన్నప్పటికీ నా అభ్యర్ధనను మన్నించారు. ముందుగానే స్ట్రిప్టు ఇచ్చేవారు. దానిని నేను నాదైన బాసలోకి మార్చుకుని సాధన చేసేవాడిని. ఆ కష్టం ఊరికేపోలేదు. ‘సమరసంహారెడ్డి’ సినిమాతో బాగా పేరొచ్చింది. యేటా ఏదో ఒక మంచి వస్తూనే ఉండేది. అప్పులు తీర్చుకుంటూ వచ్చాను. నన్ను నిమ్మి ఆ సమయంలో జనాలు కూడా సాయం చేసేవారు.
 
 ♦ మనుషుల్లో దైవత్వాన్ని ఎప్పుడు చూశారు?
 ఎక్కడో కాదు. ఇంట్లోనే. మా నాయిన సాంబిరెడ్డిలో చూశాను. ఆయన నాకు సాక్షాత్తు శివయ్యే! మా నాయిన పోలీసు ఆఫీసర్‌. విపరీతమైన నిజాయితీపరుడు. ఆయన కొలీగ్స్‌ అంతా సంపాదించుకుంటే ఈయన మాత్రం తాతల ఆస్తిని అమ్మేసుకున్నాడు కుటుంబ పోషణకు. వేల మందికి ఉద్యోగాలు ఇప్పించాడు. జనం ఆయన్ని ఓ దేవుడిలా చూసేవారు. పెద్ద పెద్ద వాళ్లు ఎంతో గౌరవంగా చూసేవారు. అలా బతకాలి అనిపించేది.
 
 మా నాన్న నాకు చెప్పింది నేర్పింది ఒక్కటే ఆత్మసంతృప్తి. ‘ఒరేయ్, ఈ లోకంలో తిండి లేక, సరైన బట్ట లేక ఎంత మంది యాతన పడుతున్నారో చూడు. నీకు తినడానికి మూడు పూటలా తిండి ఉంది. బట్ట కట్టుకుంటున్నావ్‌. ఇది దేవుడు నీకు ఇచ్చిన అదృష్టం. కష్టం వచ్చినప్పుడు కుంగిపోకు. సుఖం వచ్చినప్పుడు పొంగిపోకు. పచ్చడి అయినా ఒకటే, పరమాన్నం అయినా ఒకటే అని భావించు’ అన్నాడు. ఆ స్ఫూర్తే ఆయన నాకు ఇచ్చిన ఆస్తి. అంతేకాదు, ఆయన చూపిన తోవే నన్ను ఈ రోజు ఎంతోమందికి తెలిసేలా చేసింది. మా నాన్నకు నాటకాలంటే విపరీతమైన ఇష్టం. పోలీసాఫీసర్‌గా నాటకాలు వేయడం ఆయనకు కుదిరేది కాదు. ఎప్పుడైనా నేను ఖాళీగా కనపడితే చాలు ‘నాటకం వేయకుండా ఏం చేస్తున్నావ్‌రా!’ అని తిట్టేవాడు. ఆయనకున్న నాటకాల పిచ్చి, అభిమానం నాకూ బాగా వంటబట్టాయి.  
 
 ♦ ఎప్పుడూ దైవం మీద కోపం రాలేదా?
 కష్టం వస్తే ‘ఈశ్వరా’ అనుకున్న రోజులున్నాయి గానీ, కోపమా?! ఎంతమాట. మొదటిసారి శ్రీశైలంలో స్వామిని కలిసినప్పుడే ఒక ధైర్యం కలిగింది. ఏదొచ్చినా శివయ్య ఉన్నాడుగా ఆయనే చూసుకుంటాడు అనిపించేది. ఆ స్వామి దగ్గర నేను పూర్తిగా సరెండర్‌ అయిపోయాను. కాకపోతే ‘ఇదియ్యి, అదియ్యి’ అని ఎప్పుడూ మూర్ఖంగా కోరుకోలేదు. ఫలానా పని అవలేదు అని ఎప్పుడూ తిట్టుకోలేదు. ఏ ప్రాంతానికి వెళ్లినా నన్ను ఫలానా అని గుర్తుపట్టేస్తారు. అంతకుమించి ఏం కావాలండీ!
 
 ♦ ఆలయాలకు ఎప్పుడెప్పుడు వెళుతుంటారు?
 ఆలయం విషయం వస్తే.. ముందు నలభై ఏళ్ల కిందటి సంఘటన ఒకటి చెప్పాలి. మా అమ్మమ్మ ఊరు వెళ్లాను. ఇంటికి కావల్సినవి ఏవో కొనుక్కురమ్మన్ని మార్కెట్‌కి పంపించారు. మార్కెట్‌కి బస్‌స్టాప్‌ మీదుగ వెళ్లాను. అక్కడ శ్రీశైలం బోర్డున్న బస్సు కనిపించింది. అప్పటి వరకు శ్రీశైలం గురించి విని ఉన్నాను. కానీ, ఎప్పుడూ వెళ్లింది లేదు. ఎవరో మంత్రం వేసినట్టు వెళ్లి ఆ బస్సులో కూర్చున్నాను. శ్రీశైలం చేరుకున్నాను. అక్కడ స్వామి దర్శనానికి వెళ్లాను. అక్కడ.. నా తలను శివ లింగానికి తాకించారు. అంతే, ఒక్క క్షణం.. ఓ తెలియని విద్యుత్తు ఏదో ఆ లింగం నుంచి నా నుదుటి ద్వారా ఒళ్లంతా పాకినట్టు అనిపించింది. దానిని ఇన్నేళ్లు అయినా మర్చిపోలేను. ఒక అలౌకికమైన ఆనందం. ఆ రాత్రి అక్కడి సత్రంలోనే బస చేసి, ఉదయాన్నే మళ్ళీ దర్శనం చేసుకొని ఊరొచ్చాను. అప్పుడు ఫలానా చోట ఉన్నానని చెప్పడానికి ఫోను సదుపాయం లేదు. మా ఇంట్లో వారంతా ఏడుపులు.. పిల్లాడు ఎక్కడికి పోయాడో అని. ఇప్పుడైతే.. సంతోషంగా ఉన్నప్పుడు. దేవుడికి కృతజ్ఞత చెప్పాలనిపించినప్పుడల్లా తప్పక వెళతాను. శ్రీశైలమే కాదు తిరుపతికి, శిరిడీకి కూడా వెళుతుంటాను.
 
 ♦ మీలో దైవత్వాన్ని చూసినవారి గురించి...
 మా నాన్న చేసినంత సాయం నేను చేయలేదు. నా పరిధిలో ఉన్నంతవరకు మా జూనియర్‌ ఆర్టిస్టుల పిల్లలకు చదువులు చెప్పించాను. చెప్పిస్తుంటాను. వాళ్ల చేతికి డబ్బు ఇవ్వను. కాలేజీ, స్కూళ్లకు వెళ్లి ఫీజులు కట్టివస్తుంటాను. 40 సంవత్సరాల క్రితం నాతో పనిచేసిన టీచర్లు ‘నువ్వేం మారలేదయ్యా’ అంటుంటారు. అదే నాకు ఆనందం.
 
 ♦ విశ్రాంతి జీవితంలో దైవం ఆలంబన?
 నా వయసు 71. ఈ రోజుకీ బీపీ కూడా లేదు. ఉపాధ్యాయుడిగానూ, నటుడిగానూ రాణించగలిగాను. ప్రతి నెలా నాటక పరిషత్‌ ద్వారా నాటకాలు వేయిస్తుంటాను. నాకు ఎంతో ఇష్టమైన ‘అలెగ్జాండర్‌’ నాటకాన్ని ఇప్పటికీ వేస్తుంటాను. పిల్లల జీవితాలు బాగున్నాయి. నన్ను అర్థం చేసుకునే అర్ధాంగి ఉంది. దేవుడి దయ వల్ల పెన్షన్‌ వస్తుంది. ఇది లేదు అనే దిగుల్లేదు. ఇప్పటికీ ఏమీ లేకపోయినా శ్రీశైలం వెళితే.. అక్కడి సత్రంలో ఓ గది ఇస్తారు. నెలకు ఐదు వేల రూపాయలు ఇస్తే చాలు భోజనం పెడతారు. పొద్దునే ఓం నమఃశివాయ అని వినిపిస్తూ ఉంటుంది. ఇంక ఏం కావాలి? మనం సంతోషంగా ఉండాలనే దైవం కోరుకుంటుంది. అందుకే వర్రీస్‌ గురించి వర్రీ అవ్వద్దు.
 
 ♦ శివయ్య గురించి అంత బాగా గానం చేశారు. ఎలా వచ్చింది ఆ పాట..?
 శివయ్య మీద ఉన్న భక్తి భావాలను పేపర్‌ మీద పెట్టడానికి చాలా ప్రయత్నించాను. కానీ, అద్భుతంగా కీర్తిస్తూ రాయలేను. నా జీవితాన్ని నడుపుతున్నది శివయ్యే! ఆయన మీద నోరారా పాటలు పాడుకోవాలి ఎలా అని పరితపించాను. రచయిత జొన్నవిత్తులను అడిగాను. మహానుభావుడు పైసా అడగలేదు, ఆరుపాటలు రాసిపెట్టాడు. వీణాపాణి బాణీలు కట్టారు. ఆ పాటలు పాడి ‘శివ ప్రకాశం’ పేరుతో ఆల్బమ్‌ చేయించాను. నాకు పాటలు రాయడం, సంగీతం, గానం రావు. కానీ, భావం– భక్తి ప్రధానం అని నమ్మి పాడాను.
 
 – నిర్మలారెడ్డి చిల్కమర్రి


 
 సీనియర్ హీరో బాలకృష్ణ వరుస సినిమాలతో దూసుకుపోతున్నాడు. ఇటీవల తన వందో సినిమాగా తెరకెక్కిన గౌతమిపుత్ర శాతకర్ణితో ఘనవిజయం సాధించిన ఈ సీనియర్ హీరో, ఆ తరువాత షార్ట్ గ్యాప్ తీసుకొని పూరి జగన్నాథ్ దర్వకత్వంలో పైసా వసూల్ సినిమాను స్టార్ట్ చేశాడు. ప్రస్తుతం ఈ సినిమా షూటింగ్ శరవేగంగా జరుగుతోంది.
 
 పైసావసూల్ సెట్స్ మీద ఉండగానే తన 102వ సినిమా పనులు కూడా స్టార్ట్ చేశాడు. సౌత్ స్టార్ డైరెక్టర్ కేయస్ రవికుమార్ దర్శకత్వంలో తెరకెక్కుతున్న ఈ సినిమాలో విలన్ గా ఓ స్టార్ హీరో నటించనున్నాడు. గతంలో ఘనవిజయం సాధించిన లెజెండ్ సినిమాలో జగపతిబాబు విలన్ గా నటించాడు. అదే బాటలో నెక్ట్స్ సినిమాలో ఫ్యామిలీ హీరో శ్రీకాంత్, బాలయ్యకు ప్రతినాయకుడిగా తలపడనున్నాడు.
 
 ఇప్పటికే మలయాళంలో మోహన్ లాల్ హీరోగా తెరకెక్కిన సినిమాలో విలన్ గా నటించిన శ్రీకాంత్, త్వరలో తెలుగు సినిమాలోనూ నెగెటివ్ రోల్ లో దర్శనమివ్వనున్నాడు. ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ సినిమాను సీ కళ్యాణ్ నిర్మిస్తున్నాడు. బాలయ్య నయనతార మరోసారి హీరోయిన్ గా నటిస్తోంది.


 సినిమాల్లోకి ప్రభుదేవా ఫస్ట్‌ స్టెప్‌ కొరియోగ్రఫీ – సక్సెస్‌. సెకండ్‌ స్టెప్‌ హీరో – సక్సెస్‌. థర్డ్‌ స్టెప్‌ డైరెక్షన్‌ – సక్సెస్‌. రెండు తమిళ సినిమాలకు పాటలు పాడారు. ఓ సినిమాకి పాట రాశారు. ఇప్పుడు ప్రభుదేవా ఇంకో స్టెప్‌ వేయనున్నారు. ఇప్పటివరకూ వేసిన అడుగులకన్నా అది ఫుల్‌ డిఫరెంట్‌.
 
 ప్రభుదేవా విలన్‌గా స్టెప్‌ వేయనున్న ఆ సినిమా పేరు ‘మెర్‌క్యురీ’. స్టోన్‌ బెంచ్‌ ఫిలిమ్స్‌ అండ్‌ ఒరిజినల్స్‌ పతకాంపై ‘పిజ్జా’ ఫేమ్‌ డైరెక్టర్‌ కార్తీక్‌ సుబ్బరాజు ఈ చిత్రాన్ని తెరకెక్కించనున్నారు. ఇది థ్రిల్లర్‌ మూవీ. ‘నిశ్శబ్దం ఎంతో శక్తిమంతమైనది’ అనేది ట్యాగ్‌లైన్‌. ప్రభుదేవా పాత్ర చాలా పవర్‌ఫుల్‌గా ఉంటుందట. టీనేజ్‌లో కెరీర్‌ ఆరంభించి, వేసిన ప్రతి అడుగులోనూ సక్సెస్‌ అయిన ప్రభుదేవా ఇప్పుడు వేయనున్న ఈ కొత్త స్టెప్‌లోనూ సక్సెస్‌ అవుతారని ఊహించవచ్చు.


 బొద్దుగుమ్మ హన్సిక పరిస్థితి చూసి ఇటీవల సినీ వర్గాలు అయ్యో పాపం అనుకున్నాయి. కొందరైతే ఈమె పని అయిపోయింది. ఇక మూటాముల్లె సర్దుకోవలసిందే అనే కామెంట్లు కూడా చేశారు. అందుకు కారణం హన్సిక చేతిలో ఒక్క చిత్రం కూడా లేదన్నదే. అయితే ఇలాంటి పనికి మాలిన కామెంట్స్‌ను ఏ మాత్రం పట్టించుకోకుండా తన పని తాను సైలెంట్‌గా చేసుకుపోతోంది ఈ భామ. అర్ధం కాలేదా? హన్సికకు మళ్లీ అవకాశాలు వరుస కడుతున్నాయి.
 
 ఇప్పటికే కోలీవుడ్‌లో రెండు, మాలీవుడ్‌లో ఒకటి చిత్రాలతో హన్సిక బిజీగా ఉంది. తమిళంలో డాన్సింగ్‌ కింగ్‌ ప్రభుదేవాతో గుళేభకావళి చిత్రంలో రొమాన్స్‌ చేస్తున్న హన్సిక శశికుమార్‌కు జంటగా కొడివీరన్‌ చిత్రంలో నటిస్తోంది. దాంతో పాటు తొలిసారిగా మలయాళ చిత్ర సీమలోకి అడుగుపెట్టి అక్కడ సూపర్‌స్టార్‌ మోహన్‌లాల్, సుదీప్‌ హీరోలుగా నటిస్తున్న విలన్‌ చిత్రంలో హన్సిక ప్రధాన పాత్రలో మెరుస్తోంది. ఇందులో టాలీవుడ్‌ ప్రముఖ హీరో విశాల్‌ విలన్‌గా విలక్షణ పాత్రలో నటించడం మరో విశేషం. కాగా ఇటీవలే హన్సిక విలన్‌ చిత్ర షూటింగ్‌లో జాయిన్‌ అయ్యిందట.
 
  


 90లలో వెండితెరను ఏలిన ఓ అందాల భామ, రీ ఎంట్రీ విలక్షణ పాత్రలతో ఆకట్టుకునే ప్రయత్నం చేస్తోంది. గ్లామర్ హీరోయిన్ గా ఓ వెలుగు వెలిగిన టాప్ స్టార్ సిమ్రన్ త్వరలో తమిళ సినిమాతో విలన్ గా మారుతోంది.  కోలీవుడ్లో వరుస విజయాలతో దూసుకుపోతున్న యంగ్ హీరో శివకార్తీకేయన్ సినిమాలో సీనియర్ హీరోయిన్ సిమ్రన్ కీలక పాత్రలో నటించనుంది.
 సమంత హీరోయిన్ గా నటిస్తున్న ఈ సినిమాలో సిమ్రన్ చేయబోయేది నెగెటివ్ రోల్ అని తెలుస్తోంది. పొన్ రామ్ దర్శకత్వంలో తెరకెక్కుతున్న ఈ సినిమాను 24 ఎం ఎం బ్యానర్ పై నిర్మిస్తున్నారు. పెళ్లి వార్తల తరువాత సమంత ఓ మీడియం రేంజ్ సినిమాకు ఓకె చెప్పటం ఒక విశేషం కాగా.. సిమ్రన్ లాంటి టాప్ హీరోయిన్ నెగెటివ్ రోల్లో కనిపిస్తుండటంతో ఈ సినిమాపై భారీ అంచనాలు ఏర్పడ్డాయి.


 ప్రస్తుతం బాబీ దర్శకత్వంలో జై లవ కుశ సినిమాలో నటిస్తున్న యంగ్ టైగర్ ఎన్టీఆర్.. ఈ సినిమా తరువాత మాటల మాంత్రికుడు త్రివిక్రమ్ శ్రీనివాస్ దర్శకత్వంలో నటించనున్నాడు. త్రివిక్రమ్తో సినిమా చేసేందుకు చాలా కాలంగా ఎదురుచూస్తున్న జూనియర్, ఆ సినిమాపై భారీ ఆశలు పెట్టుకున్నాడు. అందుకు తగ్గట్టుగా త్రివిక్రమ్, కథా కథనాలు సిద్ధం చేస్తున్నాడన్న ప్రచారం జరుగుతోంది.
 
 తాజాగా ఈ సినిమాకు సంబంధించిన ఇంట్రస్టింగ్ అప్డేట్ ఒకటి టాలీవుడ్ సర్కిల్స్లో వినిపిస్తోంది. అక్టోబర్లో సెట్స్ మీదకు వెళ్లనున్న ఈ సినిమాలో నారా రోహిత్ ప్రతినాయక పాత్రలో కనిపించనున్నాడట. హారికా అండ్ హాసిని క్రియేషన్స్ బ్యానర్పై రాధకృష్ణ ఈ భారీ చిత్రాన్ని తెరకెక్కిస్తున్నాడు. జై లవ కుశ షూటింగ్ తరువాత బిగ్ బాస్ తెలుగు షో షూటింగ్ కోసం కొంత కాలం ముంబైలోనే ఉండనున్నాడు జూనియర్.


 విశాల్‌ తెలుగు కుర్రాడు. కానీ, తమిళ్‌ బాగా మాట్లాడతాడు. ఎందుకంటే, ఉంటున్నది చెన్నైలో కదా. అయినా మాతృభాష అంటే ప్రత్యేకమైన అభిమానం ఉంటుంది. కదా అందుకే, తమిళంలో తాను చేస్తున్న చిత్రాలను తెలుగులోనూ విడుదల చేస్తుంటారు. ఇప్పుడీ హీరో మలయాళ భాష నేర్చుకునే పని మీద ఉన్నారు.   ఎందుకంటే, అక్కడ ‘విలన్‌’ అనే సినిమాలో నటిస్తున్నారు. ‘సారూ.. కొంచెం మలయాళం నేర్పించరూ’ అంటూ విశాల్‌ డైరెక్టర్‌ హెల్ప్‌ తీసుకుంటున్నారట. మోహన్‌లాల్‌ లీడ్‌ రోల్‌లో బి.ఉన్నికృష్ణన్‌ దర్శకత్వం వహిస్తున్న ఈ సినిమాలో విశాల్‌ డాక్టర్‌గా యాక్ట్‌ చేస్తున్నారట. ఇందులో విశాల్‌ రెండు డిఫరెంట్‌ లుక్స్‌లో కనిపించనున్నారు.


 
 తొలిసారిగా ఎన్టీఆర్ లాంటి టాప్ స్టార్ సరసన జోడి కట్టే అవకాశం రావటంతో ఫుల్ జోష్ లో ఉన్న రాశీఖన్నా ఇప్పుడు మరింత ఆనందంగా ఉంది. ప్రస్తుతం చేతినిండా సినిమాలతో యమా బిజీగా ఉన్న ఈ బ్యూటీ మలయాళ ఎంట్రీకి సిద్ధమవుతోంది. అది కూడా మలయాళ సూపర్ స్టార్ మోహల్ లాల్ సినిమాతో కావటంతో రాశీ ఆనందానికి అవధుల్లేవు. అయితే తాజాగా ఈ భామకి మరో గోల్డెన్ ఆఫర్ వచ్చింది.
 
 ఇప్పటికే తెలుగులో జోరు సినిమాలో టైటిల్ సాంగ్ పాడిన ఈ భామ, మోహన్ లాల్ సినిమాలోనే అదే ఫీట్ను రిపీట్ చేయబోతోంది. ఇప్పటికే పాటను రికార్డ్ చేసిన రాశీ, రికార్డ్ స్టూడియోలో దిగిన ఫోటోతో పాటు తన చిన్ననాటి ఫోటను సోషల్ మీడియా పేజ్లో పోస్ట్ చేసింది. నా చిన్ననాటి కల నెరవేరింది అంటూ ట్వీట్ చేసింది. విలన్ పేరుతో తెరకెక్కుతున్న ఈ సినిమాలో రాశీ నెగెటివ్ షేడ్స్ ఉన్న పోలీస్ ఆఫీసర్ పాత్రలో నటిస్తోంది. ఈ సినిమాలో విశాల్, హన్సిక, శ్రీకాంత్ లు కీలక పాత్రల్లో నటిస్తుండటంతో మలయాళంతో పాటు తెలుగు, తమిళ భాషల్లోనూ భారీ హైప్ క్రియేట్ చేస్తోంది.


 ఇశ్రాయేలీయులు లేదా హెబ్రీయుల ఐగుప్తు దాస్య విముక్తి, వారి వాగ్దాన దేశయాత్రలో ముఖ్య విలన్‌ ఫరో చక్రవర్తి కాగా, దేవుడు వాడుకున్న గొప్ప హీరో మోషే! కాని ప్రాణార్పణకు కూడా సిద్ధపడి ఆ మోషేను బతికించిన ముగ్గురు స్త్రీల పాత్ర చిరస్మరణీయం, స్ఫూర్తిదాయకం కూడా. హెబ్రీ మగపిల్లవాణ్ని పుట్టగానే చంపేయాలన్నది మంత్రసానులకు ఫరో చక్రవర్తి ఇచ్చిన ఆజ్ఞ. ధిక్కరిస్తే మరణశిక్ష తప్పదు. అయినా తన కుమారుణ్ని బతికించుకోవాలని నిర్ణయించుకుంది మోషే తల్లి యోకెబెదు. షిఫ్రా, పూయా అనే ఇద్దరు హెబ్రీ మంత్రసానులు చక్రవర్తి ఆజ్ఞను ధిక్కరించి దైవభయంతో ఆమెకు సహకరించారు. అలా పురిటినాడే చనిపోవలసిన మోషే ఆ ముగ్గురి తెగువ, దైవభక్తి కారణంగా బతికాడు. ఆయనే ఇశ్రాయేలీయుల దాస్య విముక్తిని సాధించాడు. కండలు తిరిగిన యుద్ధవీరులే బలవంతులంటుంది లోకం. కాని దేవునికి లోబడి ఆయన మాట నెరవేర్చేవారే నిజమైన బలశూరులంటుంది బైబిల్‌ (కీర్తన 103:20).
 
 దేవునికి భయపడటం అంటే హింస, దౌర్జన్యం, అశాంతి, మోసం లాంటి లోక వైఖరిని ధిక్కరించడమని బైబిలు వివరిస్తోంది. తెగువలేని దైవభక్తి చక్రాలు లేని బండిలాగే నిష్ప్రయోజనకరమైనది. విశ్వాసికి దైవభక్తి ఉండాలి, దాన్ని ఆచరణలో పెట్టగల అసమానమైన తెగువ కూడా ఉండాలి. మోషే ఉదంతంలో దేవుని సంకల్పం అనే దీపం ఆరిపోకుండా తెగించి తమ చేతులు అడ్డుపెట్టిన మహాసైన్యం ఈ ముగ్గురు స్త్రీలు. అందుకే మోషే ఉదంతమున్న బైబిలు నిర్గమకాండంలో మహాబలుడనని విర్రవీగిన ఫరో చక్రవర్తి పేరును దేవుడు ప్రస్తావించలేదు కాని ఏ విధంగా చూసినా అనామకులు, దుర్బలులైన ఆ ముగ్గురు సామాన్య స్త్రీల పేర్లు ప్రస్తావించాడు. స్త్రీలను చులకన చేసి మాట్లాడే పురుషాధిక్య సమాజానికి దేవుడు పెట్టిన చురక, నేర్పిన అమూల్యమైన పాఠమిది.
 
 దైవభక్తిలో తెగింపు, చొరవ లేకపోతే అది ‘కొంగజపం’, ‘వేషధారణ’ అవుతుంది. దేవుని రాజ్యాన్ని, సమాజాన్నంతటినీ, చర్చిని, పరిచర్యను కాపాడుకోవలసిన బాధ్యత విశ్వాసులందరిదీ.  పాము ఇంట్లో దూరితే ఇంటిని, ఇంట్లోని చంటిపిల్లల్ని ఒదిలి ప్రాణభయంతో పారిపోయే తల్లిదండ్రులు ఇలాంటివారే! దైవభక్తి తెగింపు మిళితమైన పరిచర్య చేసిన ఒకప్పటి మార్టిన్‌ లూథర్, మదర్‌ థెరిస్సా, స్పర్జన్, నిన్నమొన్నటి మాసిలామణి, భక్తసింగ్, పి.ఎల్‌.పరంజ్యోతిగార్లు, ఇప్పటి స్వర్గీయ జాన్‌డేవిడ్‌ (చిలకలూరిపేట), రెవ.డా.జీ.శామ్యేల్‌ (హైదరాబాద్‌ బాప్టిస్టుచర్చి) అలా తెగించి దేవుని సంక్పల్పాలను నెరవేర్చినవారే!
 – రెవ.డా.టి.ఎ.ప్రభుకిరణ్‌


 సీనియర్ హీరోలందరూ ఇప్పుడు కొత్త రూట్లు వెతుక్కుంటున్నారు. వయసైపోయిన హీరోలందరూ క్యారెక్టర్ ఆర్టిస్ట్లుగా మారిపోతుంటే ఇప్పటికీ హ్యండ్సమ్గా కనిపిస్తున్న సీనియర్ హీరోలు విలన్ రోల్స్కు సై అంటున్నారు. ఇప్పటికే జగపతిబాబు విలన్గా ఆకట్టుకోగా ఇప్పుడు మరో సీనియర్ హీరో అదే బాటలో నడిచేందుకు రెడీ అవుతున్నాడు.
 
 ఫ్యామిలీ హీరోగా టాలీవుడ్లో మంచి విజయాలు సాధించిన శ్రీకాంత్ ప్రస్తుతం హీరోగా ఆకట్టుకోలేక పోతున్నాడు. దీంతో విలన్గా కెరీర్ను స్టార్ట్ చేసేందుకు ప్లాన్ చేసుకుంటున్నాడు. అంతేకాదు తొలి సినిమానే ఓ సూపర్ స్టార్కు ప్రతినాయకుడిగా నటించేందుకు రెడీ అవుతున్నాడు. మలయాళ స్టార్ హీరో మోహన్లాల్ హీరోగా తెరకెక్కుతున్న మలయాళ సినిమాలో శ్రీకాంత్ విలన్గా మారుతున్నాడు. ఈ సినిమాలో శ్రీకాంత్ తో పాటు కోలీవుడ్ స్టార్ హీరో విశాల్ మరో విలన్ గా నటిస్తున్నాడు.
 
 కెరీర్ స్టార్టింగ్లో విలన్గా పలు చిత్రాల్లో నటించిన శ్రీకాంత్, హీరోగా మారాక ఒక్క సినిమాలో కూడా నెగెటివ్ రోల్లో కనిపించలేదు. ఎక్కువగా ఫ్యామిలీ ఆడియన్స్కు దగ్గరైన ఈ హ్యండ్సమ్ హీరో ఇప్పుడు మరోసారి నెగెటివ్ రోల్లో నటిస్తుండటంతో ఆ సినిమాపై మాలీవుడ్తో పాటు టాలీవుడ్లో కూడా హైప్ క్రియేట్ అవుతోంది. ఈ సినిమాతో తెలుగులో డబ్ చేసి రిలీజ్ చేసేందుకు ప్లాన్ చేస్తున్నారు చిత్రయూనిట్.


 నన్నే మోసం చేస్తావారా?
 బొమ్మ పడితే వదిలేస్తా
 బొరుసు పడితే నరికేస్తా
 
 ఇటీవలి కాలంలో దక్షిణాది చలనచిత్రరంగంలో  చెడ్డ ‘విలన్‌’ పాత్రలకు మంచి పేరు తెచ్చుకుంటున్న నటుడు ఆదిత్య మీనన్‌. ‘సింహ’ సినిమాలో గోపి పాత్రతో తెలుగు ప్రేక్షకులకు సుపరిచితుడయ్యాడు ఆదిత్య. ఆ సినిమాలో అతనికి చాంతాడు పొడుగు, బీభత్సమైన డైలాగులేమీ  ఉండవు.
 
 ‘ఎవడ్రా కొట్టింది?’
 ‘వాడి పేరు తెలుసా?’
 ‘మనం వచ్చిన పనేమిటి? ఈ గొడవేమిటి?’
 ‘చేతికి దొరికిన వాడ్ని వదిలేశానురా’..... ఇలా పొడి పొడి డైలాగులతోనే వీర లెవెల్లో విలనిజాన్ని పండించాడు ఆదిత్య.
 తక్కువ మాటలతో ఎక్కువ నటనను ప్రదర్శించే ఆదిత్య నటనను గమనిస్తే,  విలన్ల గురించి ప్రముఖ మాట ఒకటి చప్పున గుర్తుకొస్తుంది.
 
 ‘మా దగ్గర ప్లాన్‌లు తప్ప
 డైలాగులు లేవు.
 మా దగ్గర ప్రాబ్లమ్స్‌ తప్ప
 సొల్యూషన్స్‌ లేవు’
 బాడీ అంతగా లేకపోయిన...డైలాగులు, హావభావాలతోనే భయపెట్టడం ఒక రకం. ఉదాహరణకు... రఘువరన్‌లాంటి వాళ్లు.
 నటనలో పస లేకపోయినా...ఒడ్డూ పొడుగుతోనే భయపెట్టడం రెండో రకం.
 రెండో రకం విలన్లు పెద్దగా కాలానికి నిలవరు. విలన్‌కు ఒడ్డూ పొడుగు, మంచి శరీరసౌష్ఠవం అవసరమేగానీ అవి మాత్రమే ఉత్తమ విలన్‌కు ప్రామాణికాలు కాలేవు. అందుకే...విలన్‌ జిమ్‌లోనే కాదు ‘మైండ్‌ జిమ్‌’లో కూడా గడపాలి. మానసిక కసరత్తు  ఎంత బాగా జరిగితే నటన అంతగా మెరుస్తుంది.
 
 ఆదిత్య మీనన్‌ మంచి ఒడ్డూ, పొడుగు ఉన్న నటుడు. దీనికి తనలోని నటన కూడా తోడుకావడంతో విలన్‌ పాత్రలను సునాయాసంగా పోషించగలుగుతున్నాడు. సౌత్‌ ఫిల్మ్‌ ఇండస్ట్రీలో ‘ఉత్తమ విలన్‌’గా రాణించగలుగుతున్నాడు. ముంబాయిలో జన్మించాడు ఆదిత్య మీనన్‌. కొంత కాలం తరువాత అతడి కుటుంబం దుబాయికి వలస వెళ్లింది. దుబాయిలోని ‘అవర్‌ ఓన్‌ ఇంగ్లీష్‌ హైస్కూల్‌’లో పాఠశాల విద్యను పూర్తి చేశాడు ఆదిత్య. పద్దెనిమిది సంవత్సరాల వయసు వరకు దుబాయిలోనే ఉన్నాడు. ఆ తరువాత కుటుంబ సభ్యులతో పాటు బెంగళూరుకు వచ్చాడు.
 
 బెంగళూరులోని ‘యం.ఎస్‌.రామయ్య ఇన్‌స్టిట్యూట్‌ ఆఫ్‌ టెక్నాలజీ’లో ఇంజనీరింగ్‌ చేశాడు.
 కాలేజీలో ‘రేడియో మిడ్‌డే’లో రేడియో హోస్ట్‌గా మీడియా రంగంలోకి ప్రవేశించాడు.
 ప్రాడక్ట్‌ లాంచ్, ఫ్యాషన్‌ షోలాంటి లైవ్‌ ఈవెంట్స్‌కు హోస్టింగ్‌ చేశాడు.
 
  ఇంజనీరింగ్‌ పూర్తయిన తరువాత ఈవెంట్‌ మేనేజర్‌గా కొంతకాలం పనిచేశాడు. ఈ సమయంలోనే ఒక థియేటర్‌ గ్రూపులో చేరి కొన్ని నాటకాల్లో నటించాడు. ఒకసారి ఆదిత్య నటన ప్రకాష్‌ బేలవాడి కంటపడింది. బెంగళూరుకు చెందిన ప్రకాష్‌ బేలవాడి జర్నలిస్ట్‌ మాత్రమే కాదు... నాటకాలు, సినిమా, టీవీలలో నటుడిగా మంచి పేరు ఉంది. సామాజిక, కళారంగాలకు సుపరిచితమైన పేరు ప్రకాష్‌ బేలవాడి. ఆదిత్య నటనను చూసి ‘‘ఈ కుర్రాడిలో స్పార్క్‌ ఉంది’’ అనుకున్నారు ప్రకాష్‌.  అలా ప్రకాష్‌ తీసిన ఒక టీవి సీరియల్‌లో నటించే అవకాశం వచ్చింది ఆదిత్యకు. ఇదే సమయంలో ప్రముఖ కమెడియన్‌ యస్‌.కె.చంద్రు దర్శకత్వం వహించిన ‘సూర్య శిఖరీ’ టీవీ సీరియల్‌లో నటించే అవకాశం వచ్చింది.
 
 నాటకాల్లో నటించాడు.
 టీవిలో నటించాడు.
 ఇక వెండితెరపై తన అదృష్టాన్ని పరీక్షించుకోవడానికి 2001లో చెన్నైకు వెళ్లాడు ఆదిత్య.
 
 అవకాశాలు రాకో, మరే కారణమో తెలియదుగానీ చెన్నైకి వెళ్లిన తరువాత మళ్లీ బుల్లితెర మీద కనిపించాల్సి వచ్చింది. అలా రాడాన్‌ మీడియా వర్క్‌ నిర్మించిన ‘తంతిర భూమి’ సీరియల్‌లో నటించాడు. ఈ సీరియల్‌ సన్‌ టీవీలో ప్రసారమైంది. ఆ సమయంలోనే ప్రఖ్యాత దర్శడుకు కె.బాలచందర్‌ దర్శకత్వం వహించిన టీవీ సీరియల్‌ ‘అన్నీ’లో నటించే అవకాశం వచ్చింది.
 
  ‘ఆంజనేయ’ ‘జేజే’ సినిమాల్లో నటించే అవకాశం రావడం, ఈ రెండు సినిమాలు ఒకేరోజు విడుదల కావడంతో తమిళ్‌ ఫిల్మ్‌ ఇండస్ట్రీలో నలుగురి దృష్టిలో పడే ఛాన్స్‌ దొరికింది. సినిమాల్లో అవకాశాలు రావడం మొదలైంది.‘సింహ’ ‘బిల్లా’ ‘దూకుడు’ ‘ఈగ’ ‘మిర్చి’ ‘బలుపు’ ‘పవర్‌’ ‘లయన్‌’ ‘రుద్రమదేవి’ చిత్రాలతో తెలుగు ప్రేక్షకులకు చేరువైన ఆదిత్యమీనన్‌ మరిన్ని చెడ్డ పాత్రలతో ‘మంచి’ నటనను ప్రదర్శించి ‘ఉత్తమ విలన్‌’గా మరింత పేరు తెచ్చుకోవాలని ఆశిద్దాం.


 ఇప్పుడు సినిమా ట్రెండ్‌ మారుతుందనాలో, హీరోల మనసు మారుతుందనాలో తెలియదు గానీ ఒక కొత్త ఒరవడికి మాత్రం భీజం పడుతోంది. హీరోలు, హీరోయిన్లు ఇమేజ్‌ అనే చట్రం నుంచి బయటపడే ప్రయత్నం చేస్తున్నారు. తాజాగా మంచి మాస్‌ హీరో ఇమేజ్‌ ఉన్న విశాల్‌ మళయాళంలో విలన్ గా నటించడానికి రెడీ అవుతున్నారు. అదే విధంగా యాక్షన్  కింగ్‌గా పేరొందిన అర్జున్ ఇప్పుడు విలన్ గా మారుతున్నారన్న తాజా సమాచారం. మరో విషయం ఏమిటంటే అర్జున్  కూతురు ఐశ్వర్య విశాల్‌ సరసన పట్టత్తు యానై చిత్రం ద్వారా హీరోయిన్ గా పరిచయం అయ్యారన్నది తెలిసిందే.
 ఇప్పుడు ఆమె తండ్రి అర్జున్  విశాల్‌కు విలన్ నికి సిద్ధం అవుతున్నారని తెలిసింది. ప్రస్తుతం మిష్కిన్ దర్శకత్వంలో తుప్పరివాలన్  చిత్రంలో నటిస్తున్న విశాల్‌ తదుపరి ఇరుంబు కుదిరై చిత్రంలో నటించనున్నారు. ఇందులో ఆయనకు విలన్ గా నటుడు ఆర్య నటించనున్నారనే ప్రచారం జరిగింది. ఆయన ఈ చిత్రం నుంచి వైదొలగడంతో ఆ పాత్రలో అర్జున్ నటించనున్నట్లు సమాచారం. ఈ చిత్రాన్ని విశాల్‌ తన విశాల్‌ ఫిలిం ఫ్యాక్టరీ పతాకంపై నిర్మించనున్నారు. కాగా అర్జున్  విశాల్‌కు గురువన్నది గమనార్హం. ఆయన వద్ద విశాల్‌ ఆదిలో సహాయ దర్శకుడిగా పని చేశారు. కాగా తనకు గురువు కావడంతో అర్జున్ కు విశాల్‌ పెద్ద మొత్తంలోనే పారితోషికాన్ని ముట్ట చెబుతున్నట్లు కోలీవుడ్‌ వర్గాల సమాచారం.
  


 ‘‘గౌతమిపుత్ర శాతకర్ణి’లో బౌద్ధ సన్యాసి ధర్మనందనుడుగా, ‘హెడ్‌ కానిస్టేబుల్‌ వెంకట్రామయ్య’  చిత్రంలో విలన్‌గా నటించా. ఈ సంక్రాంతికి విడుదలైన ఆ రెండు చిత్రాలు నటుడిగా నాకు మంచి పేరు తెచ్చిపెట్టాయి. చాలామంది అభినందిస్తున్నారు’’ అని నటుడు సునీల్‌ కుమార్‌ చెప్పారు. పాత్రికేయుల సమావేశంలో సునీల్‌ కుమార్‌ మాట్లాడుతూ – ‘‘మధ్యప్రదేశ్‌లోని ఉజ్జయినిలో పుట్టి పెరిగిన నేను నటుడిగా రాణించాలనుకున్నాను. ఎన్నో ప్రయత్నాలు చేశాను. అప్పుడే దర్శకుడు  బాపూగారిని కలిశాను. ఆయన ‘భాగవతం’ సీరియల్‌లో నన్ను రాముడు, కృష్ణుడు పాత్రలిచ్చి, ప్రోత్సహించారు.
 ఆ తర్వాత ఆయన దర్శకత్వంలో ‘రాధాగోపాలం’, ‘సుందరకాండ’ సినిమాల్లో నటించాను. నాకు యాక్సిడెంట్‌ కావడంతో సినిమాలకు గ్యాప్‌ వచ్చింది. ధర్మనందనుడు పాత్రకు మేకప్‌ సెట్‌ కాకపోవడంతో గుండు కొట్టుకుంటావా అని క్రిష్‌ అడగడంతో ఓకే అన్నా. సినిమాలో నా పాత్ర చూస్తుంటే  హ్యాపీగా అనిపించింది. బాలకృష్ణ, హేమమాలినిగార్లతో నటించడం మరచిపోలేని అనుభూతి’’ అన్నారు.


 కెరీర్ స్టార్టింగ్లో ఎక్కువగా రొటీన్ మాస్ మసాలా సినిమాలు మాత్రమే చేసిన ఎన్టీఆర్.. ఈ మధ్య రూట్ మార్చాడు. ప్రయోగాత్మక కథలకు ఓకె చెపుతున్నాడు. టెంపర్ సినిమాలో నెగెటివ్ షేడ్స్ ఉన్న పాత్రలో కనిపించిన జూనియర్, తరువాత నాన్నకు ప్రేమతో, జనతా గ్యారేజ్ లాంటి డిఫరెంట్ ఫిలింస్ తో అలరించాడు. ఇప్పుడు మరోసారి అదే ఫార్ములా కంటిన్యూ చేసేందుకు రెడీ అవుతున్నాడు యంగ్ టైగర్.
 
 ఇప్పటికే బాబీ దర్శకత్వంలో సినిమా చేస్తున్నట్టుగా ప్రకటించిన ఎన్టీఆర్.. ఆ సినిమాతో త్రిపాత్రభినయం చేయనున్నాడు. అంతేకాదు వీటిలో ఒకటి పూర్తి నెగెటివ్ షేడ్స్ ఉన్న పాత్ర అన్న టాక్ వినిపిస్తోంది. ఎన్టీఆర్ తొలిసారిగా ప్రతినాయక పాత్రలో కనిపిస్తున్నాడన్న వార్త్ అభిమానులు ఖుషీ అవుతున్నారు. ఇప్పటికే నటుడిగా మంచి పేరు తెచ్చుకున్న ఎన్టీఆర్ ఈ విలన్ రోల్ లో మరోసారి ఆకట్టుకుంటాడన్న నమ్మకంతో ఉన్నారు.


 ఉత్తమ విలన్‌
 వినీత్‌ కుమార్‌
 
 ‘బావూజీకీ ఏంతెలుసు?’అలా అంటారేమిటండీ బాబూ... విన్నా వినగలడు. ఎందుకొచ్చిన తలనొప్పి చెప్పండి...అదిగో... ‘విక్రమార్కుడు’ సినిమా నుంచి మనల్ని ఉరిమురిమి చూస్తున్నాడు!బావూజీ... అలా చూడకండి..మీ గురించి చిన్న పరిచయం చేసుకుంటున్నామంతే...మన బావూజీకి ఆత్మవిశ్వాసం ఎక్కువ. ఎంత అంటే. ఇంత...‘నా రాజ్యం రామరాజ్యం.ఇక్కడ మర్డర్‌లుండవు. రేప్‌లు ఉండవు’అదేంటండీ... ఆయన మాట్లాడిందాట్లో తప్పేముంది?అలా అని బావూజీది ఆదర్శ రాజ్యం అనుకునేరు... పప్పులో నుంచి కాలు తీసి మిగతా వాక్యాలు కూడా వినండి...‘ఎవడైనా మాట వినకపోతే కదరా...మర్డర్‌ చేయాలి.ఎవరైనా రానంటే కదరా...రేప్‌ చేయాలి.ఎవడైనా ఇవ్వనంటే కదరా... మర్డర్‌ చేయాలి. అవ్వేమీ లేవు. అందుకే ఊరంతా ప్రశాంతంగా ఉంది’
 
 ‘ప్రశాంతత’కు ఎంత చక్కని నిర్వచనం ఇచ్చాడో కదా ఈ విలనీయుడు! తన గురించి ప్రజల్లో ఉండే విశ్వాసం గురించి కూడా ఈ విలనీయుడికి వీరలెవెల్లో విశ్వాసం ఉంది.‘ఒక్కరు తెగించి ముందుకు వస్తే... ఈరోజు వీడి బతుకైపోతుంది. రండి’ జనాలతో అంటున్నాడు హీరో. ఈ మాటలు విన్న బావూజీ ఊరుకుంటాడా ఏమిటి?‘రండిరా రండిరా... క్యా రండిరా?’ అంటూ వెక్కిరిస్తూనే...‘వాళ్ల గుండెల్లో ఉండేది నెత్తురు కాదురా... ఈ బావూజీ ముద్రలు’ అనగలడు.ఎంత కాన్ఫిడెన్సో!ఏడి... కనిపించడం లేదే...అదిగో ‘రామ రామ క్రిష్ణ క్రిష్ణ’ సినిమాలో కళ్లద్దాలు, సూటుబూటుతో ‘పవర్‌’గా మన ముందుకు వస్తున్నాడుబావూజీ. చూడండి ఆ కళ్లలో బాధ. ‘విక్రమార్కుడు’లో కొడుకు పోయిన బాధను కళ్లల్లో ఎర్రటి జీరతో ఎంత శక్తిమంతంగా వ్యక్తీకరించాడో! ఇప్పుడు తమ్ముడు పోయిన బాధలో ఏమంటున్నాడో చూడండి...‘తమ్ముడూ...నీకు నడవడం నేర్పించాను.పొడవడం నేర్పించాను.చంపడం నేర్పించాను’ఇంతకీ ఎవరీ నేర్పరి?వినీత్‌కుమార్‌ సింగ్‌ అంటే చాలామందికి తెలియకపోవచ్చు.‘విక్రమార్కుడు... బావూజీ’ అంటే మాత్రం చాలామంది గుర్తు పడతారు. ∙∙l
 
 వినీత్‌ కుమార్‌ స్వస్థలం పట్నా (బిహార్‌). బి.ఎన్‌. కాలేజీలో డిగ్రీ పూర్తి చేసిన వినీత్‌ పట్నా యూనివర్సిటీలో లా, సైకాలజీ పూర్తిచేశాడు. వినీత్‌కు చిన్నప్పటి నుండి ఒక అలవాటు ఉండేది. ఎవరైనా  మాట్లాడుకుంటుంటే వారి హావభావాలను గమనించడం. ఈ అలవాటే సైకాలజీలో పీజీ చేయడానికి ఉపకరించడమే కాదు... తన నటనకు అవసరమైన సరంజామాను అందించింది. అన్న ఐపీయస్‌కు సెలెక్ట్‌ కావడంతో వినీత్‌పై ఒత్తిడి పెరిగింది.
 
 ‘‘అన్నయ్యలాగే ఏదైనా మంచి ఉద్యోగం చెయ్‌’’ అని ఇంటా బయట సలహాలు. అయితే... వినీత్‌ మనసంతా నటనపై ఉంది. తండ్రిని తృప్తి పరచడానికి లా కాలేజీలో చేరాడు. ఆ సమయంలో బోలెడు తీరిక దొరకడంతో నాటకాలపై దృష్టి పెట్టాడు. ఇండియన్‌ పీపుల్స్‌ థియేటర్‌ అసోసియేషన్, పట్నా విభాగంలో చేరాడు. ఆ తరువాత ఢిల్లీకి వెళ్లి ‘నేషనల్‌ స్కూల్‌ ఆఫ్‌ డ్రామా’(ఎన్‌ఎస్‌డీ)లో చేరాడు. అక్కడ ఎందరో గొప్ప నటుల పరిచయం అయింది. నటనలో మరిన్ని మెలకువలు తెలుసుకునే అవకాశం ఏర్పడింది.
 
 ‘ద్రోహ్‌కాల్‌’ ‘శూల్‌’ ‘యే దిల్‌’ ‘మంజ్‌నాథ్‌’ ‘గాడ్‌మదర్‌’ ‘దౌడ్‌’ ‘మసాన్‌’... మొదలైన బాలీవుడ్‌ సినిమాలతో వినీత్‌ కుమార్‌ గుర్తింపు తెచ్చుకున్నాడు. ‘ఫ్లై అవే సోలో’ ‘భోపాల్‌: ఏ ప్రేయర్‌ ఫర్‌ రెయిన్‌’ ‘రిటర్న్‌ టూ రాజాపూర్‌’ ‘స్ట్రింగ్స్‌’ ‘ఎలక్ట్రిక్‌ మూన్‌’... ఇంగ్లీష్‌ సినిమాల్లోనూ నటించాడు. ఇక తెలుగు విషయానికి వస్తే ‘విక్రమార్కుడు’లో బావూజీ పాత్ర ఆయనకు విలన్‌గా ఎంతో పేరు తీసుకువచ్చింది. ‘కందిరీగ’ ‘నాయక్‌’ ‘ఆగడు’ ‘సుప్రీం’ ‘శివం’ ‘సర్దార్‌ గబ్బర్‌సింగ్‌’ సినిమాలతో తెలుగు ప్రేక్షకులను ఆకట్టుకున్నాడు.
 ‘పవర్‌ ఆఫ్‌ ఇమాజీనేషన్‌’ అనేది నటుడికి ముఖ్యం అని నమ్ముతాడు వినీత్‌. దీనికోసం ఫిక్షన్‌ చదవాలని కూడా చెబుతాడు.
  ఈ కసరత్తులే వినీత్‌ కుమార్‌ను వెండి తెర ‘ఉత్తమ విలన్‌’గా తీర్చిదిద్దాయి.


 ‘బాహుబలి’లో కాలకేయగా, అంతకు ముందు పలు చిత్రాల్లో విలన్‌గా నటించిన ప్రభాకర్‌ ఇప్పుడు హీరో తరహా పాత్రలు చేస్తున్నారు. ‘బాహుబలి’ తర్వాత ‘రైట్‌... రైట్‌’లో పాజిటివ్‌ క్యారెక్టర్‌ చేశారు. త్వరలో ‘రక్షక భటుడు’గా ప్రేక్షకుల ముందుకు రానున్నారు. రిచా పనయ్, ‘బాహుబలి’ ప్రభాకర్, పృథ్వి, సప్తగిరి, బ్రహ్మాజీ ముఖ్యతారలుగా వంశీకృష్ణ ఆకెళ్ల దర్శకత్వంలో రూపొందుతోన్న సినిమా ‘రక్షక భటుడు’.
 సుఖీభవ మూవీస్‌ పతాకంపై ఎ. గురురాజ్‌ తొలి ప్రయత్నంగా నిర్మిస్తోన్న ఈ సినిమా మోషన్‌ పోస్టర్‌ను శనివారం నిర్మాత ‘దిల్‌’ రాజు విడుదల చేశారు. సంస్థ లోగోను మరో నిర్మాత ఎమ్మెస్‌ రాజు విడుదల చేశారు. ‘‘కొత్త కథతో క్యారెక్టర్‌ ఆర్టిస్టులతో ఈ సినిమా చేస్తున్నాను. రెండు గంటల సినిమాలో చివరి 15 నిమిషాలు థ్రిల్లింగ్‌గా, మిగతాదంతా వినోదాత్మకంగా ఉంటుంది’’ అన్నారు వంశీకృష్ణ ఆకెళ్ల. ‘‘ఫిబ్రవరిలో చిత్రాన్ని రిలీజ్‌ చేస్తాం’’ అన్నారు ఎ. గురురాజ్‌. ఎస్‌.ఎల్‌. గ్రూప్‌ చైర్మన్‌ నాగేశ్వరరెడ్డి, సినిమాటోగ్రాఫర్‌ జోషి పాల్గొన్నారు.


 మెగా పవర్ స్టార్ రామ్ చరణ్ ప్రస్తుతం ధృవ సినిమాతో ఆడియన్స్ ముందుకు వచ్చేందుకు రెడీ అవుతున్నాడు. ఇప్పటికే అన్ని కార్యక్రమాలు పూర్తి చేసుకున్న ఈ సినిమా శుక్రవారం ప్రేక్షకుల ముందుకు రానుంది. తమిళ్లో ఘనవిజయం సాధించిన తనీఒరువన్కు ధృవ రీమేక్గా తెరకెక్కింది. ఒరిజినల్ వర్షన్లో హీరోకు ధీటుగా కనిపించే విలన్ పాత్రలో నటించిన అరవింద్ స్వామి, తెలుగు వర్షన్ లోనూ విలన్ రోల్లో నటిస్తున్నాడు.
 
 అయితే ఒరిజినల్ వర్షన్ విలన్ పాత్రకు చాలా ఇంపార్టెన్స్ ఉంది. దాదాపు హీరో కనిపించినంత సేపు విలన్ కూడా తెర మీద కనిపిస్తాడు. కానీ తెలుగు వర్షన్లో మాత్రం  ఆ క్యారెక్టర్కు ఉన్న ఇంపార్టెన్స్కు కోత పెట్టారన్న టాక్ వినిపిస్తోంది. తమిళ్తో పొలిస్తే ధృవ సినిమాలో అరవింద్ స్వామి పాత్ర చాలా తక్కువగా ఉంటుందట. అయితే కోలీవుడ్లో సక్సెస్లో కీ రోల్ ప్లే చేసిన విలన్ క్యారెక్టర్కు కోత పెడితే.., తెలుగులో సినిమా రిజల్ట్ తేడా పడే చాన్స్ ఉందన్న టాక్ కూడా వినిపిస్తోంది.


 ఉత్తమ విలన్
 ఇతని పేరు బసవరాజు.
 తను సహజంగా బయటికి రాడు.
 వచ్చాడంటే ఏదో ఒక దారుణం జరుగుతుంది.
 అతడి అన్న రామరాజు... లోకల్ ఎం.ఎల్.ఏ.
 ఆలోచన అతనిది.
 ఆచరణ ఇతనిది.
 పై పరిచయ వాక్యాలు బసవరాజుగా నటించిన ‘రాహుల్ దేవ్’ గురించి ‘తులసి’ సినిమాలో వినిపిస్తాయి. విలన్ అంటే... డైలాగులతోనైనా భయపెట్టాలి. దేహదారుఢ్యంతోనైనా భయపెట్టాలి. హావభావాలతోనైనా భయపెట్టాలి. అలా అని... రాహుల్ దేవ్ వీర శూర భీకర... పంచ్ డైలాగులు వాడలేదు. అదే పనిగా తన ‘ప్యాక్’ బాడీని ప్రదర్శించలేదు. హావభావాలు కూడా అతిగా ప్రదర్శించలేదు.  ‘ఎంత చేయాలో అంత’ అనే లెక్క ప్రకారమే నటిస్తున్నట్లుగా ఉంటుంది తప్ప... ప్రేక్షకులను భయపెట్టడానికి నటనతో నానా తిప్పలు పడినట్లు కనిపించదు.
 ‘టక్కరి దొంగ’ సినిమాలో ‘రేయ్ నేను నీ తమ్ముడిని రా’ అని ఒకవైపు బంధం గుర్తు తెస్తూనే... మరోవైపు... నిజం చెప్పించడానికి పది ఛాన్సులు ఇవ్వగలడు. ఆ తరువాత... ఏ ఛాన్సూ ఉండదు. అడకత్తెరతో వేళ్లను ఒక్కటొక్కడిగా కట్ చేయగలడు.మహేష్‌బాబు ‘టక్కరిదొంగ’లో ‘శాకా’గా తెలుగు తెరకు పరిచయం అయిన రాహుల్‌దేవ్... మొదటి సీన్‌తోనే ‘ఉత్తమ విలన్’ అనిపించుకున్నాడు. ఆ సినిమా బాగా ఆడి ఉంటే... తెలుగు తెరపై రాహుల్ దేవ్ మరింత బాగా పాపులరై ఉండేవాడేమో.
 ‘నా బెంగుళూరులో నన్ను కొట్టి బతుకుదామనే’ అని ‘బసరావజు’గా  వార్నింగ్ ఇచ్చినా...‘నన్ను ఎదిరించాలంటే... ఎవడైనా కొత్తగా పుట్టి పెరిగి రావాలి’ అంటూ శ్రీశైలంగా ‘చిన్నోడు’ సినిమాలో తన శక్తి ఏమిటో చెప్పదలిచినా.... రాహుల్ దేవ్ అంటే విలన్. ఒక స్టైలిష్ విలన్. అతని విలనిజం నడకలో ఉందా, పల్చటి పొడవాటి తల వెంట్రుకలలో ఉందా, కండల్లో ఉందా... కళ్లలో ఉందా... కాస్త లోతుగా తెలుసుకోవాల్సిందే! హీరో పర్సనాలిటీ ఉన్న రాహుల్ ‘విలన్’ ఎలా అయ్యాడు?తానొకటి తలిస్తే దైవం ఒకటి తలుస్తుందట. డైరీలో మనమొకటి రాసుకుంటే... విధి మన నుదుట మరొకటి రాస్తుందట. రాహల్ దేవ్ మొదట మోడల్.
 ఆ తరువాత సినిమాల్లోకి వచ్చాడు.అయితే ‘మోడల్’ కావాలనిగానీ, ‘యాక్టర్’ కావాలనిగానీ ఎప్పుడూ అనుకోలేదు. క్రికెటర్ కావాలనుకున్నాడు. ‘ఇలా కావాలనుకుంటున్నాను’ అని చెప్పే పరిస్థితి ఇంట్లో లేదు. ఒంట్లోనేమో ధైర్యం లేదు.నాన్న ఐపీఎస్ ఆఫీసర్, అమ్మ టీచర్. చదువుకు అధిక ప్రాధాన్యం ఇచ్చేవారు. దీంతో తన డ్రీమ్ గురించి రాహుల్‌కు పెద్దగా మాట్లాడే అవకాశం రాలేదు. కాలేజీ రోజుల్లో ఒక డిస్కోలో రాహుల్‌ను చూసిన ప్రముఖ ఫ్యాషన్ డిజైనర్ రోహిత్ ఖోల్సా రేమండ్స్ కోసం మోడలింగ్ చేయమని అడిగాడు. రాహుల్‌కు మోడలింగ్ గురించి ఏమీ తెలియదు, రోహిత్ ఖోల్సా గురించి కూడా ఎప్పుడూ విని ఉండలేదు.
 ‘ఒక్కసారి ట్రై చేసి చూద్దాం’ అని రంగంలోకి దూకాడు. అలా... మోడల్ అయ్యాడు.ఆ తరువాత... ‘దస్’ సినిమాతో వెండితెర మీదికి వచ్చాడు.సాధారణంగా ఫిల్మ్ ఇన్‌స్టిట్యూట్‌లో చేరిన తరువాత... సినిమాల్లోకి వస్తారు. రాహుల్ మాత్రం... సినిమాల్లోకి వచ్చాక ఫిల్మ్ ఇన్‌స్టిట్యూట్‌లో చేరాడు. అక్కడ ఏర్పడిన పరిచయాలతో ‘ఛాంపియన్’ సినిమాలో నటించే అవకాశం వచ్చింది. ఈ సినిమాలో ‘నసీర్ అహ్మద్’గా ఆకట్టుకునే నటనను ప్రదర్శించాడు.
 ‘‘మోడలింగ్‌లో పర్సనల్ స్టైల్‌కే ఎక్కువ మార్కులు పడతాయి. అయితే నటన ఇందుకు విరుద్ధం. ఒక పాత్ర పోషిస్తున్నప్పుడు పాత్రే కనిపించాలి తప్ప మనం కాదు’’ అంటాడు రాహుల్. అందుకే... తెలుగులో ఎన్ని సినిమాలు చేసినా తన పేరుతో  కంటే... ‘సాధు’ ‘బసవరాజు’ ‘వీరుభాయి’ మొదలైన పాత్రలతోనే రాహుల్ దేవ్ ఫేమస్ అయ్యాడు.‘మోడల్స్ నటులుగా మారితే వారి నటన అంతంత మాత్రంగానే ఉంటుంది’ అనే విమర్శ తప్పని... రాహుల్ దేవ్ విలనిజాన్ని చూస్తే మరోసారి అర్థమవుతుంది. అందుకే... రాహుల్ కేవలం నటుడు మాత్రమే కాదు ‘ఉత్తమ విలన్’ కూడా.
  


 హిందీ ప్రముఖ కథానాయకులు కోలీవుడ్‌లో ప్రతినాయకులుగా మారడానికి ఆసక్తి చూపుతున్నారు. బాలీవుడ్ ప్రముఖ నటుడు అక్షయ్‌కుమార్ 2.ఓ చిత్రంలో సూపర్‌స్టార్‌కు విలన్‌గా మారితే తాజాగా అజిత్‌కు  స్టార్ హీరో వివేక్ ఒబెరాయ్ విలన్‌గా మారనున్నారు. అజిత్ నటిస్తున్న తాజా చిత్రంలో ఆయన విలన్‌గా నటించడానికి రెడీ అవుతున్నట్లు తాజా సమాచారం. వీరం, వేదాళం తరువాత అజిత్ దర్శకుడు శివ కాంబినేషన్‌లో తెరకెక్కుతున్న తాజా చిత్రం ఇది.
  
  ఇంకా పేరు నిర్ణయించని ఇందులో నటి కాజల్‌అగర్వాల్ నాయకీగానూ, కమలహాసన్ రెండో కూతురు అక్షరహాసన్ ముఖ్య పాత్రలోనూ నటిస్తున్నారు. వెట్రి చాయాగ్రహణం, అనిరుద్ సంగీతాన్ని అందిస్తున్న ఈ చిత్రం షూటింగ్ ముమ్మరంగా జరుగుతోంది. ఇప్పటికే బల్గేరి, చెన్నై, హైదరాబాద్ ప్రాంతాల్లో చిత్రీకరణ జరుపుకుంది. ఇందులో విలన్ పాత్ర కోసం పలువురు బాలీవుడ్ ప్రముఖ నటులను సంప్రదించినట్లు తెలిసింది. వారిలో అభిషేక్‌బచ్చన్, ఇర్ఫాన్ ఖాన్  పేర్లు కూడా చోటు చేసుకున్నట్లు ప్రచారం జరిగింది.
  
   అయితే చివరికి చిత్ర వర్గాలు నటుడు వివేక్ ఒబెరాయ్‌ను అజిత్‌కు విలన్‌గా ఎంపిక చేసినట్లు కోలీవుడ్ వర్గాల సమాచారం. వివేక్ ఒబెరాయ్‌కు ఇంతకు ముందు హిందీలోనే కాకుండా తెలుగులోనూ హీరోగా నటించిన అనుభవం ఉంది. అయితే తమిళంలో మాత్రం అజిత్‌కు విలన్‌గానే పరిచయం కానున్నారు. అయితే ఆయన తమిళనాట సునామీ వచ్చినప్పుడు ఇక్కడి ప్రజలను ఆదుకోవడానికి తన వంతు సేవాకార్యక్రమాలు చేశారన్నది గమనార్హం.
  


 ‘నాన్ దాన్ రుద్ర’ (నేనేరా రుద్ర).. అంటూ హిందీ దర్శకుడు అనురాగ్ కశ్యప్ తమిళ డైలాగులు చెబుతున్నారు. తమిళ భాషపై పట్టు సాధించాలని ప్రయత్నిస్తున్నారు. హిందీ వదిలేసి తమిళ సినిమా ఏదైనా తీస్తున్నారా? అనుకుంటున్నారా? దర్శకుడిగా కాదు, విలన్‌గా తమిళంలో ఎంట్రీ ఇస్తున్నారాయన. నయనతార పోలీసాఫీసర్‌గా నటిస్తున్న తమిళ సినిమా ‘ఇమైక్క నొడిగల్’. ఇందులో రౌడీ రుద్ర పాత్రలో అనురాగ్ నటించనున్నారు. విలన్‌గా అనురాగ్ కశ్యప్‌కి రెండో చిత్రమిది.
  
  ఆల్రెడీ ఏఆర్ మురుగదాస్ దర్శకత్వం వహించిన హిందీ సినిమా ‘అకీరా’లో విలన్ ఈయనే. ఆ సినిమాలో అనురాగ్ విలనిజంకి ఫిదా అయిన మురుగదాస్ తాజా తమిళ సినిమాకి ఆయన పేరును సూచించారట.  ‘‘అనురాగ్ జీ.. వెల్కమ్ టు తమిళ ఇండస్ట్రీ’’ అని చిత్రదర్శకుడు అజయ్ జ్ఞానముత్తు పేర్కొన్నారు. ఇందులో నయనతార, అనురాగ్ మధ్య సన్నివేశాలు ఆసక్తికరంగా ఉంటాయని సమాచారం. ఈ సినిమాలో అథర్వ, రాశీ ఖన్నాలు ప్రధాన పాత్రల్లో నటిస్తున్నారు.
  


  ఒక నాటి మేటి నటి సిమ్రాన్. పెళ్లికి ముందు ఇటు కోలీవుడ్‌లోనూ అటు టాలీవుడ్‌లోనూ నాయకిగా ఇరగదీశారు.చాలా మంది ప్రముఖ హీరోయిన్లు వివాహానంతరం నటనకు కొంత గ్యాప్ ఇచ్చి కొంత కాలం తరువాత రీఎంట్రీ అయ్యి వివిధ రకాల పాత్రలతో బిజీ అవుతుండడం చూస్తున్నాం. నటి జ్యోతిక లాంటి కొందరు రీఎంట్రీలోనూ మంచి పాత్రలను ఎంపిక చేసుకుని కథానాయకిగానే కొనసాగుతున్నారు. నటి సిమ్రాన్ కూడా దీపక్‌ను పెళ్లి చేసుకుని కొంత కాలం తరువాత నటనకు తిరిగొచ్చారు.
  
  అలా ఆహా కల్యాణం, త్రిషా ఇల్లన్న నయనతార, కరైయోరం లాంటి చిత్రాల్లో క్యారెక్టర్ ఆర్టిస్ట్‌గా నటించినా, పెద్దగా రాణించలేకపోయారు. అవకాశాలు కూడా అంతగా లేవనే చెప్పక తప్పదు. మధ్యలో సొంత చిత్ర నిర్మాణం, బుల్లి తెర సీరియళ్ల నిర్మాణాల ప్రయత్నాలు చేశారు. అయితే కారణాలేమైనా అవి కార్యరూపం దాల్చలేదు. ఇక తన భర్తను హీరోగా పరిచయం చేయాలన్న కోరిక ఫలించలేదు. ఇతర ప్రముఖ కథానాయకుల చిత్రాల్లో అవకాశాల కోసం ప్రయత్నించినా అవీ జరగలేదు.
  
   ఇలా హీరో అవకాశాల కోసం ఎదురు చూస్తూ కూర్చుంటే పుణ్యకాలం గడిచి పోతుందని భావించేరో ఏమో, ఇప్పుడు తన భర్త దీపక్‌ను విలన్‌గా మార్చేశారు. అవును ఓడు రాజా ఓడు చిత్రంలో దీపక్ విలన్‌గా నటిస్తున్నారు. జోకర్ గురుసోమసుందర్ ప్రధాన పాత్ర పోషిస్తున్న ఈ చిత్రంలో నాజర్,చారుహాసన్ ముఖ్య పాత్రల్లో నటిస్తున్నారు. నిశాంత్ రవీంద్రన్, జతిన్ శకర్‌రాజా ద్వయం దర్శకత్వం వహిస్తున్న ఈ చిత్రం నిర్మాణంలో ఉంది. ఇది పూర్తి వినోదభరిత కథా చిత్రం అని యూనిట్ వర్గాలు చెబుతున్నారు.
  


 వెంకటేశ్‌తో ‘ఘర్షణ’, నాగచైతన్యతో ‘ఏ మాయ చేశావె’ వంటి స్ట్రైట్ చిత్రాలతో పాటు ‘సూర్య సన్నాఫ్ కృష్ణన్’, ‘ఎంతవాడు గాని’ వంటి డబ్బింగ్ చిత్రాల ద్వారా దర్శకుడిగా తెలుగులో మంచి గుర్తింపు తెచ్చుకున్నారు గౌతమ్ మీనన్. అడపా దడపా అతిథి పాత్రల్లో తెరపై కనిపిస్తుంటారాయన. ఇప్పుడు పూర్తి స్థాయి విలన్‌గా నటించనున్నారని చెన్నై టాక్. నయనతార కథానాయికగా తమిళంలో రూపొందనున్న లేడీ ఓరియంటెడ్ మూవీ ‘ఇమైక్క నొడిగళ్’. ఆర్. అజయ్ జ్ఞానముత్తు దర్శకత్వంలో రూపొందనున్న ఈ చిత్రం కోసం గౌతమ్ మీనన్‌ను విలన్ పాత్రకు అడిగారట. కథ విని, ఈ పాత్ర చేయడానికి గ్రీన్ సిగ్నల్ ఇచ్చేశారని సమాచారం.
  


 వీరు పెంటయ్య...
  వీరశంకరరెడ్డి ఎలా అయ్యాడు?
  
 
  
 ‘కత్తులతో కాదురా కంటి చూపుతో చంపుతా’  కేకలు... చప్పట్లు.... వన్స్‌మోర్‌లు...  హీరోగారి నుంచి ఈ పవర్‌ఫుల్ డైలాగ్ రావడానికి కారణం ఎవరు?  విలన్. విలన్ ఎంత గట్టివాడైతే హీరో నోటి నుంచి అంత పవర్‌ఫుల్ డైలాగ్‌లు వస్తాయి అని చెప్పడానికి ఈ పాపులర్ డైలాగే ఉదాహరణ. మరి ఈ లెక్కన కుప్పుస్వామినాయుడు కూడా గా...ట్టి విలనే కదా! దేవాలయంలో దేవునికి నిశ్శబ్దంగా మొక్కుకుంటున్న నరసింహనాయుడితో గిచ్చి తగాదా పెట్టుకోవాలనుకుంటాడు కుప్పుస్వామి నాయుడు. ఇలా ఒక డైలాగు కూడా విసురుతాడు...
  
 ‘నా పేరు కుప్పుస్వామి నాయుడు. అప్పలనాయుడి బావమరిదిని. బావమరదులు బావ బతుకు కోరుతారు. కానీ నా బావ బతికిలేడు. కనుక... నేను మా బావను చంపినవాడి చావు చూసే వరకు నిద్రపోను’ అంతేనా? ‘ఇది గుడైపోయిందిరా’ అని కూడా కవ్విస్తాడు. మరి హీరో ఊరుకుంటాడా? ‘ఎక్కడైనా’ ‘ఎప్పుడైనా’ అంటూనే ‘కత్తులతో కాదురా...’లాంటి పవర్‌ఫుల్‌డైలాగ్ చెబుతాడు. ‘గాండీవం’లో వీరు పెంటయ్య, ‘మనోహరం’లో ఐఎస్‌ఐ బాషా, అంతకుముందు బాలీవుడ్ సినిమాలు ‘ఘాయల్’ ‘పరంపర’ ‘గర్దిష్’  ‘బాజీ’... ముఖేష్ రుషి చాలా బాగానే నటించి ఉండొచ్చు....అయితే మన మాస్ కళ్లకు దగ్గర చేసింది మాత్రం ‘నరసింహనాయుడు’ ‘ఇంద్ర’లాంటి సినిమాలే. ఫ్యాక్షనిస్ట్ అనగానే తనే గుర్తుకుచ్చేలా నటించాడు ముఖేష్. ఆరడుగుల ఎత్తుకు, డబ్బింగ్ కంచుకంఠం తోడై కళ్లతోనే ఎర్రగా రౌద్రం పలికించి ‘విలన్ అంటే ఇలా ఉండాలి’ అనుకునేలా చేశాడు.
    
 చండీగఢ్‌లో గ్రాడ్యుయేషన్ పూర్తి చేసిన తరువాత ముంబైలో స్టోన్-క్రషింగ్ బిజినెస్ చేశాడు ముఖేష్. ఆ తరువాత ఫిజీలో వ్యాపారం చేయడానికి వెళ్లాడు. అక్కడ కొన్నేళ్లు ఉన్న తరువాత న్యూజిలాండ్‌లో స్టోర్ మేనేజర్‌గా పనిచేయడానికి వెళ్లాడు. అదే సమయంలో వివిధ కంపెనీలకు మోడలింగ్ కూడా చేసేవాడు. తీరిక లేని ఉద్యోగం, మోడలింగ్...ఈ రెండూ సంతృప్తి ఇవ్వడం లేదు. మనసు ఇంటివైపు లాగుతుంది. అలా ఏడు సంవత్సరాల తరువాత ముంబైకి తిరిగివచ్చాడు. ‘రోషన్ తనేజాస్ యాక్టింగ్ స్కూల్’లో చేరాడు. ‘‘నేను మంచి నటుడిని కాదు అనే విషయం నాకు తెలుసు. నటనలో నేను నేర్చుకోవాల్సింది చాలా ఉంది. నువ్వు బాగా నటిస్తున్నావు. ఇక వేషాల కోసం ప్రయత్నించవచ్చు అనే మీరు చెప్పేదాకా నా ప్రయత్నాలేవీ చేయను’’ అని తనేజాతో చెప్పాడు. అయితే ఆరునెలలకే ‘ఇక నువ్వు దూసుకెళ్లవచ్చు’ అంటూ తనేజా అనుమతి ఇచ్చారు.
 
 ఇక అప్పటి నుంచి సినిమా ఆఫీసుల చుట్టూ తిరగడం ప్రారంభించాడు ముఖేష్. సంజయ్‌ఖాన్ ‘టిప్పు సుల్తాన్’ సీరియల్‌తో ముఖేష్‌కు తొలి బ్రేక్ వచ్చింది. అందులో మీర్ అలీఖాన్ పాత్ర వేశాడు ముఖేష్.  ఎత్తు, మంచి శరీరసౌష్టవం ఉండడం వల్ల పెద్దగా కష్టపడకుండానే ముఖేష్‌కు అవకాశాలు వచ్చేవి. ప్రియదర్శన్ ‘గర్దిష్’ సినిమాలో బిల్లా జిలానీ పాత్రతో ప్రేక్షకుల దృష్టిలో గట్టి విలన్‌గా గుర్తింపు పొందాడు ముఖేష్. ఆ తరువాత వరుసగా నలభై సినిమాలు చేశాడు. అన్నీ నెగెటివ్ రోల్సే. ఇక ‘సర్ఫ్‌రోష్’లో ఇన్‌స్పెక్టర్ సలీమ్ పాత్రను చాలెంజింగ్‌గా తీనుకొని అద్భుతంగా నటించాడు ముఖేష్. ఆ పాత్ర ప్రేక్షకులపై ఎంత ముద్రవేసిందంటే... ఒకసారి ముఖేష్ జమ్మూలో ఉన్నప్పుడు ఒక సంభాషణ వినిపించింది. ఒకరు ఇలా అంటున్నారు...  ‘‘ఈ దేశం నుంచి టైజాన్ని తుడిచిపెట్టాలంటే అజయ్‌సింగ్ రాథోడ్(అమీర్‌ఖాన్), సలీమ్(ముఖేష్ రుషి) కావాలి’’ ముఖేష్ రుషిని విలన్ పాత్రల్లో చూసీ చూసీ కొందరు ప్రేక్షకులకు బోర్ కొట్టవచ్చు. వాళ్ల అబ్బాయి... ‘‘మంచి పాత్రలు వేయవూ’’ అని అడిగి ఉండవచ్చు.
 
 అయితే నటన విషయంలో... ‘మంచి పాత్ర’ అంటే నైతిక విలువలతో ముడిపడి ఉన్నది కాదు. ఎంత మంచిగా నటించాడన్నదే మంచి పాత్ర. ఆ రకంగా... ముఖేష్ రుషి ఉత్తమవిలన్. ‘గాండీవం’లో వీరు పెంటయ్యగా పరిచయమై కానట్లు అనిపించినా, వీరశంకరరెడ్డిగా మాత్రం ఇప్పుడు ముఖేష్ సుపరిచితుడు. దీనికి కారణం ఆయన అత్యున్నత నటన అని ప్రత్యేకంగా చెప్పనక్కర్లేదు!
  


 సాధారణంగా కథానాయకుడికి దర్శకుడికి మధ్య మంచి ర్యాప్ ఉంటుంది. అప్పుడే సినిమా మంచి విలువలతో రూపొందుతుంది. అలా కాకుండా వారిద్దరి మధ్య అండర్‌స్డాండింగ్ కొరవడితే ఆ చిత్రానికి కష్టకాలమే అవుతుంది. అయితే అదే ఇద్దరు రియల్‌గా కాకుండా రీల్‌లో ఢీకొంటే చాలా రసవత్తరంగా ఉంటుంది. తాజాగా నటుడు ధనుష్, దర్శకుడు గౌతంమీనన్‌ల మధ్య అలాంటి పోరే జరుగుతోంది.
  
  దర్శకుడు గౌతంమీనన్ తన తొలి చిత్రం మిన్నలే నుంచే వైవిధ్యభరిత చిత్రాల దర్శకుడిగా పేరు తెచ్చుకున్నారు. తన చిత్రాల్లో ప్రతినాయకుడి పాత్రలకు ప్రాధాన్యం ఉంటుంది. అందుకే హీరోలు కూడా ఆయన విలన్‌గా నటించడానికిసై అంటుంటారు. కాక్క కాక్క చిత్రంలో నటుడు జీవన్‌ను సూర్యకు విలన్‌ను చేశారు. ఆ చిత్రం తరువాత జీవన్ హీరో అయిపోయారు. అదే విధంగా అజిత్ ఎన్నై అరిందాల్ చిత్రంలో నటుడు అరుణ్‌విజయ్‌ను విలన్‌ను చేశారు. ఆ చిత్రం తరువాత ఆయన మార్కెట్ వేరే స్థాయికి చేరింది.
  
  ఇలా చాలా మందిని విలన్‌గా మార్చిన దర్శకుడు గౌతంమీనన్ తాజాగా ఆయనే ధనుష్‌కు విలన్‌గా మారారు. తన చిత్రాల్లో గెస్ట్‌గా తళుక్కుమనే గౌతమ్‌మీనన్ ఇప్పుడు ప్రధాన పాత్రలో నటించడం విశేషం. ప్రస్తుతం ఆయన ధనుష్ హీరోగా ఎన్నై నోక్కి పాయుమ్ తోటా అనే చిత్రాన్ని తెరకెక్కిస్తున్న విషయం తెలిసిందే.ఇందులో ఒక విలన్‌గా నటుడు రానా దగ్గుబాటి నటిస్తున్నారు. ఆయనకు దీటైన మరో విలన్‌గా ధనుష్‌తో ఢీకొంటున్నారు గౌతంమీనన్. పక్కా కమర్షియల్ అంశాలతో తెరకెక్కుతున్న చిత్రం ఎన్నై నోక్కి పాయుమ్ తోటా అని చిత్ర వర్గాలు తెలిపారు.
  


 వెండితెరపై విలన్‌గా ఎంట్రీ ఇచ్చి హీరోయిజమ్  చూపించినవాళ్లు తక్కువమందే ఉన్నారు. అలాంటి కొద్ది మంది ఆర్టిస్టుల్లో శ్రీకాంత్ ఒకరు. నెగటివ్ రోల్స్‌లో ప్రత్యేకమైన ఇమేజ్ తెచ్చుకున్న తర్వాత శ్రీకాంత్ హీరోగా ఎంట్రీ ఇచ్చారు. వరుస విజయాలు అందుకుని, ఫ్యామిలీ హీరోగా మినిమమ్ గ్యారెంటీ మార్కెట్ సాధించుకున్నారు. ‘ఖడ్గం’తో సీరియస్ పోలీసాఫీసర్‌గానూ మెప్పించిన ఈ హీరో ఆ తర్వాత అడపాదడపా ఖాకీ డ్రెస్ వేసుకుంటూ అభిమానుల్ని అలరిస్తున్నారు.
 
 తనయుడు రోషన్‌ని ‘నిర్మలా కాన్వెంట్’ ద్వారా హీరోని చేసి, ‘మెంటల్’గా ప్రేక్షకుల ముందుకి వస్తున్న శ్రీకాంత్ మంచి పాత్ర దొరికితే విలన్‌గా దుమ్ము రేపడానికి రెడీ అంటున్నారు. శ్రీకాంత్ సరదా సరదాగా చెప్పిన విశేషాలు ఈ రోజు రాత్రి 7.30 ని.లకు సాక్షి టీవీలో ‘సరదాగా కాసేపు’ స్పెషల్ ఇంటర్వ్యూలో...


 చెడ్డ పనులు చేసినా.. చెడుమార్గం పట్టిన వారిని చూసినా సమాజం అంతంగా హర్షించదు. వారి మీద విలన్ ముద్ర వేస్తుంది. అలా చెడుపనులు చేస్తూ విలన్ ముద్ర వేయించుకోవడం తనకు వ్యసనం లాంటిదని దేశీగర్ల్ ప్రియాంక చోప్రా చెబుతోంది. అమెరికన్ టీవీ షో 'క్వాంటికో'లో నటించి ప్రపంచం దృష్టిని ఆకర్షించిన ఈ ముద్దుగుమ్మ ప్రస్తుతం హాలీవుడ్ మూవీ 'బేవాచ్'లో విలన్ పాత్ర పోషిస్తోంది. ఇలా విలన్ పాత్ర పోషించడంపై స్పందిస్తూ.. 'చెడ్డపనులు చేయడం నాకు వ్యసనం లాంటిది. నిజానికి అలాంటి వాటిని నిజజీవితంలో చేయలేం. కాబట్టి తెరపై చెడ్డపాత్రలో కనిపించడం నాకు ఇష్టమే' అంటోంది.
 
 90వ దశకంలో పాపులర్ అయిన టీవీ సిరీస్ 'బేవాచ్' ఆధారంగా తెరకెక్కుతున్న ఈ సినిమాలో.. విక్టోరియా లీడ్స్‌ పాత్ర ప్రియాంక పోషించింది. తాజాగా కెనడియన్ ఫ్యాషన్ మ్యాగజీన్‌కు ఇంటర్వ్యూ ఇచ్చిన ఆమె.. ఈ పాత్ర గురించి వివరిస్తూ హీరో ద్వేన్ జాన్సన్ పాత్ర మంచితనానికి ప్రతిరూపంగా ఉంటే.. విక్టోరియా పాత్ర మాత్రం కుళ్లుతో నిండి ఉంటుందని, ఎప్పుడూ చెడు తలపెడుతుందని, ఈ సినిమాలో నెగిటివ్ పాత్ర పోషించడం తన జీవితంలో బెస్ట్ థింగ్ అని పేర్కొంది.


 యాక్షన్ సినిమాల ట్రెండ్... హారర్ సినిమాల ట్రెండ్. రొమాంటిక్ మూవీస్ ట్రెండ్... ఒక్కోసారి ఒక్కో ట్రెండ్ నడుస్తుంది. హీరోలు విలన్లుగా మారడం అనేది ఇప్పటి ట్రెండ్. అప్పటివరకూ హీరోగా చేసిన హీరో మరో హీరో చిత్రంలో విలన్‌గా కనిపిస్తే.. ఆ ప్రాజెక్ట్‌కి వచ్చే క్రేజు.. ఇద్దరు హీరోలు ‘ఢీ’ కొంటే ప్రేక్షకులకు లభించే మజా వేరు. ఈ మధ్య విలన్లుగా కిక్ ఇచ్చిన హీరోల గురించి చెప్పాలంటే...
  
 ఇక్కడే మంచి విలన్లను పెట్టుకుని మనమెక్కడికో వెళ్లాం అనే ఫీల్‌ని దర్శకులకు కలగజేసిన హీరో జగపతిబాబు. మంచి ఫ్యామిలీ హీరోగా గుర్తింపు తెచ్చుకున్న ఆయన ‘లెజెండ్’ ద్వారా విలన్‌గా మారి, టాలీవుడ్‌కి పరభాషల విలన్ల అవసరాన్ని కాస్త తగ్గించారు. మనం పరభాషల నుంచి విలన్లను తెచ్చుకుంటున్నట్లుగా మన జగపతిబాబుని అక్కడివాళ్లు తీసుకెళ్లడం విశేషం. ఇప్పుడు తమిళ, మలయాళ, కన్నడ భాషల్లోనూ ఆయన బిజీ.
      
 విలన్‌గా మారి, భేష్ అనిపించుకున్న మరో హీరో సుదీప్ మాతృభాష కన్నడంలో హీరోగా, పరభాషల్లో విలన్‌గా చేస్తున్నారు. ఈ హ్యాండ్‌సమ్ హీరో ‘ఈగ’లో ప్రదర్శించిన క్రూరత్వం గుర్తుండే ఉంటుంది. సుదీప్‌లో మంచి విలన్ మెటీరియల్ ఉన్నాడని నిరూపించింది తెలుగు పరిశ్రమ. ఆ తర్వాత తమిళ పరిశ్రమ గుర్తించి, ‘పులి’కి సుదీప్‌ని విలన్‌గా తీసుకుంది.
      
 భోజ్‌ఫురిలో తిరుగు లేని హీరో అనిపించుకున్న రవికిషన్‌లో విలన్‌ని చూసింది కూడా మన తెలుగు పరిశ్రమే. ‘రేసుగుర్రం’, ‘సన్నాఫ్ సత్యమూర్తి’ చిత్రాల్లో ఈ భోజ్‌పురి హీరో విలన్‌గా మంచి మార్కులే కొట్టేశారు.
      
 అతను హీరోనా? విలనా? అని డౌటు వచ్చే నటుడు ఒకరున్నారు. ఆయనే ఉపేంద్ర. యాంటీ షేడ్స్ ఉన్న హీరో పాత్రలు చేయడం ఉపేంద్ర అలవాటు. ఇక.. పూర్తి స్థాయి విలనిజం పండించడమంటే ఆయనకు పెద్ద కష్టమేం కాదని ‘సన్నాఫ్ సత్యమూర్తి’ ప్రూవ్ చేసేసింది.
      
 ఇప్పటివరకూ చెప్పుకున్నవాళ్లందరూ మిడిల్ ఏజ్డ్ ఆర్టిస్టులే. యంగ్ ఏజ్ లో ఉన్న ఓ హీరో.. విలన్‌గా చేయడమంటే సాహసమే. టైమ్ బాగాలేకపోతే విలన్‌గానే ఫిక్స్ అయిపోవాల్సి వస్తుంది. కానీ, ఆది పినిశెట్టి అదేం ఆలోచించలేదు. అందుకే ‘సరైనోడు’లో విలన్‌గా నటించారు. ఆ చిత్రం ఆదికి మంచి పేరు తెచ్చింది. ఆ తర్వాత ‘మలుపు’లో హీరోగా కనిపించి, ఆకట్టుకున్నారు. దాంతో ఇతను విలన్‌గానే పనికొస్తాడనో.. హీరోగానే బెస్ట్ అనో ముద్రపడలేదు.
      
 తెలుగు తెరకు వచ్చిన మరో స్టైలిష్ విలన్ అరుణ్ విజయ్ సీనియర్ నటుడు విజయ్‌కుమార్ తనయుడు. అరుణ్ విజయ్ తమిళంలో హీరోగా చేస్తుంటారు. కానీ, ‘బ్రూస్‌లీ’కి విలన్‌గా అడిగితే ‘సై’ అనేశారు.
 
 విలన్‌గా మారిన హీరోల జాబితాలోకి త్వరలో రాజశేఖర్ చేరనున్నారని ఫిలిం నగర్ టాక్. ఆవేశపూరితమైన హీరో పాత్రలతో పాటు రొమాంటిక్ పాత్రలు కూడా చేసిన రాజశేఖర్ విలన్‌గా కూడా భేష్ అనిపించుకుంటారని నిస్సందేహంగా చెప్పొచ్చు.
 
 దక్షిణాది నుంచి ఉత్తరాది వైపు వెళితే ‘బాజీగర్’, ‘డాన్’ వంటి చిత్రాల్లో యాంటీ షేడ్స్ ఉన్న క్యారెక్టర్స్‌లో షారుక్ ఖాన్ మెప్పించిన విషయం గుర్తుండే ఉంటుంది. అక్కడ హీరోగా చేస్తూ విలన్‌గా కూడా చేస్తున్న యువనటుడు నీల్ నితిన్ ముఖేష్ తెలుగు ‘కత్తి’లో విలన్‌గా నటించారు.
 
 ఇప్పుడు అందరి దృష్టీ బాలీవుడ్ సూపర్ స్టార్ అక్షయ్‌కుమార్ మీద ఉంది. ‘రోబో’కి సీక్వెల్‌గా రూపొందుతున్న ‘2.0’లో అక్షయ్ విలన్‌గా నటిస్తున్నారు. ఇన్నాళ్లూ హీరోగా ‘గుడ్‌బాయ్’ పాత్రలు చేసిన తనకు ఈ చిత్రంలో హీరో రజనీకాంత్‌తో ఢీ కొనడం చాలా ఎంజాయబుల్‌గా ఉందని అక్షయ్ పేర్కొన్నారు.
 
 ఇప్పుడైతే విలన్లుగా మారుతున్న హీరోల జాబితా ఎక్కువైంది కానీ, ఒకప్పుడు ఇదే సీన్ రివర్స్‌లో ఉండేది. ముందు విలన్లుగా చేసి, ఆ తర్వాత హీరోలుగా మారిన నటులు చాలామంది ఉన్నారు. రజనీకాంత్ ముందు విలన్‌గానే ఎంటరై, ఆ తర్వాత హీరో అయ్యారు.. ఫైనల్లీ సూపర్ స్టార్ అయ్యారు. మోహన్‌బాబుని తీసుకుంటే.. హీరోగా, విలన్‌గా, క్యారెక్టర్ ఆర్టిస్ట్‌గా.. ఇలా పలు కోణాలను నిరూపించుకుని, పరిపూర్ణ నటుడు అనిపించుకున్నారు. చిరంజీవి కూడా ముందు విలన్.. ఆ తర్వాతే హీరో.. తర్వాత మెగాస్టార్. కమల్‌హాసన్‌ని తీసుకుంటే హీరోగా చేస్తూనే, యాంటీ షేడ్స్ ఉన్న క్యారెక్టర్స్ చేశారు. ఆ తరం తర్వాత వచ్చినవాళ్లల్లో శ్రీకాంత్ ముందు విలన్. తర్వాత ఫ్యామిలీ హీరో. గోపీచంద్ రెండు సినిమాల్లో విలన్‌గా నటించిన విషయం గుర్తుండే ఉంటుంది. అయినా ఆ ప్రభావం ఆయన కెరీర్ పై పడలేదు.
 
 ఫైనల్‌గా చెప్పాలంటే.. ఒక్కసారి హీరోగా మారాక మళ్లీ విలన్ పాత్రలు చేస్తే ప్రేక్షకులు, పరిశ్రమ విలన్ పాత్రలకే ఫిక్స్ చేసే ప్రమాదం ఉందని భయపడతారు. కానీ, ఇప్పటి హీరోలు అలాంటి భయాలేం పెట్టుకోవడంలేదు. విలన్‌గానూ  మెప్పించి, హీరోగానూ కంటిన్యూ అవుతున్నారు. ఇలా విలనిజాన్ని ప్రదర్శించడంలో హీరోయిజమ్ చూపించి, ‘కంప్లీట్ ఆర్టిస్ట్’ అనిపించుకుంటున్నారు.


 ఒకప్పుడు ఫ్యామిలీ సినిమాలతో అలరించిన సీనియర్ హీరోలు ప్రస్తుతం ఇండస్ట్రీలో హీరోలుగా కొనసాగే పరిస్థితి కనిపించటం లేదు. ముఖ్యంగా యంగ్ జనరేషన్ నుంచి భారీ పోటీ ఉండటంతో పాటు, మాస్ ఆడియన్స్లో ఫాలోయింగ్ లేని హీరోలకు కలెక్షన్లు సాధించటం కష్టంగా మారుతోంది. దీంతో ఫ్యామిలీ హీరో ఇమేజ్ ఉన్న సీనియర్ హీరోలు ఇప్పుడు క్యారెక్టర్ ఆర్టిస్ట్లుగా విలన్లుగా మారుతున్నారు.
 
 ఇప్పటికే ఈ దిశగా అడుగులు వేసిన జగపతి బాబు మంచి విజయాలు సాధిస్తున్నాడు. ఒకప్పుడు హీరోగా అవకాశాల కోసం ఎదురుచూసిన జగపతి బాబు, ఇప్పుడు స్టార్ హీరోల సినిమాలకు కూడా డేట్స్ అడ్జస్ట్ చేయలేక ఇబ్బంది పడుతున్నాడు. తెలుగుతో పాటు తమిళ, మళయాల భాషల్లో కూడా సత్తా చాటుతున్నాడు. అదే బాటలో మరో సీనియర్ హీరో శ్రీకాంత్ కూడా విలన్ పాత్రలో నటించేందుకు రెడీ అవుతున్నాడు.
 
 చాలా రోజులుగా హీరోగా సక్సెస్ సాధించలేకపోతున్న శ్రీకాంత్, కొంతకాలంగా క్యారెక్టర్ ఆర్టిస్ట్గా నటిస్తున్నాడు. గోవిందుడు అందరి వాడేలే, సరైనోడు సినిమాల్లో హీరో బాబాయ్గా నటించిన శ్రీకాంత్, ఓ తమిళ సినిమాలో విలన్ పాత్రలో నటించనున్నాడు. ప్రస్తుతానికి చర్చల దశలోనే ఉన్న ఈ ప్రాజెక్ట్ పై త్వరలో అధికారిక ప్రకటన రానుంది. ఇన్నాళ్లు విలన్ల కొరతతో పరభాష నటుల మీద ఆధారపడ్డ తెలుగు దర్శక నిర్మాతలు సీనియర్ హీరోల నిర్ణయంతో ఆనందంగా ఉన్నారు.


 యువ నటుడు ఆది తాజా చిత్రానికి సిద్ధమవుతున్నారు. ఈరం తదితర చిత్రాల్లో హీరోగా నటించి మంచి పేరు తెచ్చుకున్న నటుడు ఆది. ఆయన తమిళంలో యాగవరాయన్ నాకాక్క చిత్రం తరువాత మరో చిత్రం చేయలేదు. ఆ చిత్రం విడుదలై ఏడాది అవుతోంది. అయితే ఇటీవల తెలుగులో సరైనోడు చిత్రంలో అల్లుఅర్జున్‌కు విలన్‌గా నటించారు.
 ఆ చిత్రం మంచి విజయాన్ని అందుకుంది. చిన్న గ్యాప్ తరువాత ఆది తమిళంలో కథానాయకుడిగా నటించడానికి రెడీ అవుతున్నారు. ఈ చిత్రాన్ని యాక్సెస్ ఫిలిం ఫ్యాక్టరీ పతాకంపై జి.ఢిల్లీబాబు నిర్మించనున్నారు. ఇందులో ఆదికి జంటగా నటి శివదా నటించనున్నారు. ఏఆర్‌కే.శరవణ్ దర్శకత్వం వహించనున్న ఈ చిత్రానికి పీవీ.శంకర్ చాయాగ్రహణం, డిబు సంగీతాన్ని అందించనున్నారు. చిత్ర షూటింగ్ త్వరలోనే ప్రారంభం కానున్నట్లు చిత్ర వర్గాలు వెల్లడించారు.


 హైదరాబాద్: నాని హీరోనా... విలనా...? అంటూ ట్యాగ్ లైన్ తో ప్రేక్షకుల ముందుకు త్వరలోనే రానున్న నేచురల్ స్టార్ నాని జెంటిల్ మన్ చిత్రం పాటలు త్వరలో విడుదల కానున్నాయి. మే 22న ఆడియోను విడుదల చేసేందుకు సన్నాహాలు చేస్తున్నారు. ఈ చిత్రానికి దర్శకుడు ఇంద్రగంటి మోహనకృష్ణ. అయితే ఈ జెంటిల్‌మన్ పాత్ర ఎలా ఉంటుందనేది సినిమాలో చూసి తెలుసుకోవాల్సిందే.
 
 శ్రీదేవి మూవీస్ పతాకంపై నాని, సురభి, నివేదా థామస్ ముఖ్యతారలుగా శివలెంక కృష్ణప్రసాద్ నిర్మించిన ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది. ఈ నెల 12న టీజర్‌ను, 22న పాటలను విడుదల చేయనున్నాం. అందమైన రొమాంటిక్ థ్రిల్లర్‌గా ఈ చిత్రాన్ని తెరకెక్కించాం' అని నిర్మాత చెప్పారు. ఈ చిత్రానికి కథ డేవిడ్ నాథన్ అందించగా సంగీతం: మణిశర్మ, కెమెరా మ్యాన్ గా పీజీ విందా పనిచేశారు.
  


 నాని హీరోనా... విలనా...? అంటూ ప్రేక్షకులకు పెద్ద పజిల్ ఇచ్చేశారు దర్శకుడు ఇంద్రగంటి మోహనకృష్ణ. అదేంటీ అనుకుంటున్నారా? ఆయన దర్శకత్వంలో నాని హీరోగా రూపొందిన తాజా చిత్రం ‘జెంటిల్‌మన్’ సినిమా టైటిల్‌కి  ‘హీరోనా? విలనా?’ అని ట్యాగ్‌లైన్ పెట్టిన విషయం గుర్తు చేయక్కర్లేదు. మరి.. ఈ జెంటిల్‌మన్ పాత్ర ఎలా ఉంటుందనేది సినిమాలో చూసి తెలుసుకోవాల్సిందే. శ్రీదేవి మూవీస్ పతాకంపై నాని, సురభి, నివేదా థామస్ ముఖ్యతారలుగా  శివలెంక కృష్ణప్రసాద్ నిర్మించిన ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది. ‘‘ఈ నెల 12న టీజర్‌ను, 22న పాటలను విడుదల చే యనున్నాం. అందమైన రొమాంటిక్ థ్రిల్లర్‌గా ఈ చిత్రాన్ని తెరకెక్కించాం’’ అని నిర్మాత చెప్పారు. ఈ చిత్రానికి కథ: డేవిడ్ నాథన్, సంగీతం: మణిశర్మ, కెమెరా: పీజీ విందా.


  సినిమాల్లో విలన్ల తుక్కురేగ్గొట్టడంలో కండలవీరుడు సల్మాన్‌ఖాన్ స్టయిలే సెపరేటు. ఇప్పటివరకూ ఆయన కెరీర్లో అన్ని సినిమాల్లోనూ హీరోగానే కనిపించి అలరించారు. మరి సల్లూభాయ్ విలన్‌గా కనిపిస్తే ఎలా ఉంటుంది? అదీ ‘ధూమ్’ లాంటి బ్లాక్‌బస్టర్ సిరీస్‌లో అయితే? అభిమానులకు పండగే పండగ. ఎందుకంటే, ‘ధూమ్’లో విలన్ అంటే హీరో కిందే లెక్క.
  
   వాళ్లు చేసే పోరాటాలన్నీ స్టయిలిష్‌గా ఉంటాయి. అందుకే ఆమిర్‌ఖాన్ కూడా ఈ సినిమాతోనే విలన్ అయ్యారు. ఇప్పుడు సల్మాన్ కూడా ఈ ‘ధూమ్’ నాలుగో భాగంలో నటించడానికి ఆసక్తి కనబరుస్తున్నారట. విశేషమేమిటంటే, ‘రేస్-3’లో కూడా విలన్‌గా నటించే ఛాన్స్ ఉందట. ‘రేస్’ రెండు భాగాల్లోనూ విలన్ పాత్రకు బోల్డెన్ని ట్విస్టులుంటాయి.
  
  చెప్పాలంటే హీరో పాత్రకు దీటుగా ఉంటుంది. ఇప్పుడీ రెండు సూపర్‌హిట్  సిరీస్‌లలో ప్రతినాయకుడిగా సల్మాన్ కనిపించ నునన్నారని సమాచారం. ఇప్పటికే ‘ధూమ్’ నిర్మాణ సంస్థ యశ్‌రాజ్ ఫిలిమ్స్‌తో చర్చలు జరుపుతున్నారట. ఈ సినిమాకు వచ్చే లాభాల్లో తనకూ భాగం వచ్చేలా ప్లాన్ చేసుకుంటు న్నారు. బాలీవుడ్ ఖాన్‌త్రయంలో ఇప్పటి దాకా పూర్తిస్థాయి విలన్‌గా నటించని సల్మాన్‌ఖాన్ అంతా ఓ.కె. అయితే, ఈసారి పూర్తి విలన్‌గా అలరిస్తారేమో చూడాలి.
  


 మొన్నటివరకు అతనో సాధారణ టీవీ సీరియల్ నటుడు. 'శరద్ కేల్కర్.. బాగా నటిస్తాడు' అనే కితాబులే తప్ప పెద్దగా అవకాశాలు చిక్కని పరిస్థితి. అయితే బాహుబలి- ది బిగినింగ్ విడుదలయ్యాక మాత్రం అతని దశ,దిశలు మారిపోయాయి. హిందీ బాహుబలిలో యంగ్ రెబల్ స్టార్ ప్రభాస్ కు డబ్బింగ్ చెప్పి తన గొంతుతో బాహుబలి పాత్రకు ప్రాణంపోసిన శరద్ కేల్కర్.. పవర్ స్టార్ పవన్ కల్యాణ్ తాజా చిత్రం 'సర్దార్ గబ్బర్ సింగ్'లో మెయిన్ విలన్(భైరవ్ సింగ్)గా నటించాడు. తెలుగు హీరోకు గాత్రదానం చేసి మన్ననలు పొందిన శరద్.. తెలుగు సినిమా ద్వారానే వెండితెరకు పరిచయం అవుతుండటం విశేషం. ఇటీవలే విలేకరులతో మాట్లాడిన శరద్ కేల్కర్ ఏమన్నాడంటే..
 
 'ఎంతో పెట్టిపుట్టుంటే తప్ప బాహుబలి లాంటి సినిమాలకు పనిచేసే అదృష్టం దొరకదు. చాలా హిందీ సీరియల్స్ లో నా వాయిస్ విన్న కరణ్ జోహార్, బాహుబలి హిందీ వెర్షన్ కు హీరోకు డబ్బింగ్ నువ్వేచెప్పాలన్నప్పుడు సంతోషంగా ఒప్పుకున్నా. సినిమా రిలీజయ్యాక ఎన్ని సంచలనాలు నమోదయ్యాయో తెలిసిందే. ఇక బాహుబలి 2 హిందీ డబ్బింగ్ ఎప్పుడెప్పుడా అని ఆలోచిస్తున్నా. దాంతోపాటు నేను తొలిసారిగా వెండితెరపై నటించిన 'సర్దార్ గబ్బర్ సింగ్' విడుదల కోసం ఎప్పుడెప్పుడా అన్నట్లు ఎదురుచూస్తున్నా. స్క్రీన్ టెస్ట్ కాకముందే పవన్ సార్ నన్ను విలన్ గా ఓకే చేయడం ఆత్మవిశ్వాసాన్ని కలిగించింది' అంటూ భావోద్వేగంగా స్పందించాడు శరద్ కేల్కర్.


 హ్యూమర్
  
 హైనాలన్నా, విలన్లన్నా నాకు చిన్నప్పట్నుంచీ తెగ ఇష్టం. కాకపోతే ఈ విషయం బహిరంగంగా చెప్పుకోడానికీ, ఒప్పుకోడానికీ చాలా ఇబ్బంది. కారణం... దీన్ని లోకం ఒప్పదు. కానీ మనలోమనమైనా నిజాలు ఒప్పుకోక తప్పదు. హైనాలు పరమ నీచమైన జీవులే. జంతుప్రపంచంలో దాదాగిరి చేస్తుంటాయి. ఇతర జంతువులు న్యాయంగా వేటాడిన వాటిని పరమ జబర్దస్తీగా లాక్కుంటాయి. సాటి జీవుల పట్ల రౌడీల్లా వ్యవహరిస్తుంటాయి.  ఇక విలన్లంటే సాక్షాత్తూ నరరూప హైనాలే కదా. హైనాలూ విలన్లలా నవ్వుతుంటాయట. మనిషిలాగే నవ్వు సౌండ్ వినిపించేలా చేస్తాయట. సాటి మనషేమోనని భ్రమింపజేస్తాయట. అలా వికటాట్టహాసంతో మనుషుల్ని మోసం చేస్తుంటాయట.
 
  మరిక విలన్ల గురించి కొత్తగా చెప్పేదేముంటుంది. వాళ్లు ‘హహ్హహా’ అంటూ చేసే ఆ వికటాట్ట హాసానికి విలన్‌నవ్వు అన్న పేరు ఎప్పట్నుంచో ఫిక్సయి ఉంది. యాంగ్రీయంగ్ మేన్ అయిన హీరో ఎప్పుడోగానీ నవ్వడేమోగానీ విలన్ మాత్రం ఒక్క చివరి సీన్‌లో తప్ప ఎప్పుడూ నవ్వుతూ ఉంటాడు. హీరోకు చిరు దరహాసం తప్ప అట్టహాసం తెలియదు. అది విలన్లకు మాత్రమే ప్రాప్తం. హీరో ఒక లక్ష్యం కోసం సినిమా ఆద్యంతమూ తెగ కష్టాలు పడుతూ ఉంటాడు. కానీ విలన్ మాత్రం పతాక సన్నివేశంలో తప్ప నిత్యం పకపకలాడుతూ ఉంటాడు. వాడికి నవ్వడం ఎంత తేలికంటే... ఒక గుండుసున్నా గీసి, అందులో నెలవంక లాంటి గీత గీస్తే అది స్మైలీ అయినంత తేలిక. ఈ మాత్రం చిత్రం ఎవ్వడైనా గీయగలడు. అలాగే సినిమా ఆద్యంతమూ విలన్ నవ్వగలడు. వాడివన్నీ హైనా వేషాలే. వాస్తవంగా వేటాడిన జంతువు ఎలా పోతేనేం? మన హైనాకు ఆహారం దక్కుతుంది. ఇక సినిమాలోనూ ఇదే న్యాయం కొనసాగుతుంటుంది. బియాండ్ ద మూవీ ఏం జరుగుతుందో కాస్త ఊహిద్దాం. ఆఖరి సన్నివేశం తర్వాతి సీన్లు మనకు కనిపించవు గానీ కాస్త ఆలోచిస్తే వాటిని ఊహించవచ్చు. సాధారణంగా సినిమా చివరన విలన్‌కు తీవ్ర పశ్చాత్తాపం కలుగుతుంది.
 
 దాంతో శుభం కార్డుకు ముందు అతడు తన కూతుర్ని హీరోకు ఇచ్చి పెళ్లి చేస్తుంటాడు. ఆదర్శవంతుడైన కారణాన హీరో అయిన వాడు పెళ్లాన్ని బాగా చూసుకోక తప్పుతుందా? కాబట్టి విలన్ కూతుర్ని పువ్వుల్లో పెట్టుకొని చూసుకుంటూ ఉండాల్సిందే కదా. తన కూతురు హ్యాపీగా ఉండటం చూసి మళ్లీ సదరు విలన్ సంతోషంగా నవ్వుతూ ఉంటాడేమో కదా. కాబట్టి సాధారణంగా విలన్ అనేవాడు ఎల్లప్పుడూ సహజానంద గుణంతో నిత్యానందంగా ఉంటాడని అనుకునేందుకు పూర్తి ఆస్కారాలూ, గట్టి దాఖలాలు ఉన్నాయి. కాబట్టి మనం హీరో పక్షం వహించామనుకోండి. నిత్యం ఖేదం, ఆఖర్లోనే మోదం. ఒక్క క్లైమాక్స్ ఫైట్‌లో మాత్రమే మన హర్షాతిరేకాలు వ్యక్తం చేసుకోడానికి మనకు అవకాశం ఉంటుంది. కానీ విలన్ పక్షం వహించామనుకోండి. ఆల్వేస్ హ్యాపీ.  ఇప్పుడు చెప్పండి... ఎప్పుడో ఆఖరి సన్నివేశంలో మాత్రమే మనం నవ్వడానికి పనికొచ్చే హీరో బెటరా? నిత్య వికటాట్టహాస విలన్ బెటరా?
  - యాసీన్
  
  


 కోలీవుడ్‌లో తాజాగా ఒక ఆసక్తికరమైన వార్త హల్‌చల్ చేస్తోంది. నటుడు మాధవన్‌కు విలన్‌గా విజయ్‌సేతుపతిని నటింపచేసే ప్రత్నాలు జరుగుతున్నాయన్నదే ఆ ప్రచారం. మాధవన్ చాలా గ్యాప్ తరవాత నటించిన తమిళ చిత్రం ఇరుదుచుట్రు. ఈ మధ్యనే విడుదలైన ఈ చిత్రం విశేష ప్రేక్షకాదరణను చూరగొంది. ఆ చిత్ర విలేకరుల సమావేశంలో ఇకపై తమిళ చిత్రాలపై దృష్టి సారిస్తానని మాధవన్ చెప్పడంతో దర్శక, నిర్మాతల చూపు ఆయనపై పడుతోంది. ఇప్పటికే దర్శక ద్వయం పుష్కర్-గాయత్రి తమ చిత్రంలో మాధవన్‌ను హీరోగా ఎంపిక చేసే పనిలో నిమగ్నమయ్యారు. ఆయనకు కథను కూడా వినిపించారు. మాధవన్ పచ్చ జెండా ఊపడమే ఆలస్యం షూటింగ్‌కు రెడీ అంటున్నారు.
 
 ఇంతకు ముందు ఓరంపో, వా తదితర చిత్రాలను తెరకెక్కించిన పుష్కర్-గాయత్రి తాజా చిత్రం గురించి తెలుపుతూ మాధవన్‌కు కథ వినిపించిన మాట నిజమేనన్నారు. అయితే ఆయన ఆలోచించుకోవడానికి ఒక వారం గడువు అడిగారని చెప్పారు. ఇది తమ గత చిత్రాలకు మాత్రమే కాకుండా మాధవన్ ఇంతకు ముందు నటించిన చిత్రాలకు పూర్తి భిన్నంగా ఉంటుందని పేర్కొన్నారు.
 
 ఇందులో ప్రతినాయకుడి పాత్రలో విజయ్‌సేతుపతిని నటింపజేయడానికి ప్రయత్నాలు జరుగుతున్నట్లు కోలీవుడ్ టాక్. అయితే హీరోగా ఫుల్ బిజీలో ఉన్న ఆయన విలన్‌గా అంగీకరిస్తారా? అన్నదే చర్చనీయాంశంగా మారింది. ఏదేమైనా ఈ క్రేజీ ప్రాజెక్ట్‌కు సంబంధించిన పూర్తి వివరాలు తెలియాలంటే మరి కొన్ని రోజులు ఆగాల్సిందే.


 సూటూ, బూటూ, చలువ కళ్లద్దాలు, కొంచెం నెరిసిన జుత్తు, గడ్డంతో సూపర్ స్టార్ రజనీకాంత్‌ను చూస్తుంటే ‘స్టయిలు స్టయిలులే.. ఇది సూపర్ స్టయిలులే..’ అనే పాట అందుకోవాలనిపిస్తోంది కదూ. ఈ మధ్యకాలంలో ఏ సినిమాలోనూ కనిపించనంత స్టయిలిష్‌గా ఆయన కనిపించనున్న చిత్రం ‘కబాలి’. ఈ చిత్రం ఫస్ట్ లుక్ విడుదలైనప్పట్నుంచీ రజనీ అభిమానులు పరమానందపడిపోతున్నారు. తెలుగు, తమిళ భాషల్లో పా. రంజిత్ దర్శకత్వంలో అగ్రనిర్మాత కలైపులి యస్. థాను ఈ చిత్రాన్ని నిర్మిస్తున్నారు.
  ప్రస్తుతం ఈ చిత్రం చివరి షెడ్యూల్ మలేసియాలో జరుగుతోంది. వచ్చే నెల 28 వరకూ అక్కడ చిత్రీకరిస్తారు. చిత్ర విశేషాలను కలైపులి యస్. థాను చెబుతూ - ‘‘మా సంస్థలో స్టార్ హీరోలతో అనేక సినిమాలు తీశాను. ఇప్పుడు రజనీకాంత్‌తో సినిమా నిర్మించడం నా లైఫ్ ఎచీవ్‌మెంట్‌గా భావిస్తున్నాను. ఖర్చుకు వెనకాడకుండా నిర్మిస్తున్న ఈ చిత్రంలో చైనా సూపర్ స్టార్ విల్సన్ చౌ విలన్‌గా నటిస్తున్నారు.
 సంతోష్ నారాయణన్ స్వరపరచిన బాణీలు హైలైట్‌గా నిలుస్తాయి. ‘సిరివెన్నెల’ సీతారామశాస్త్రి, చంద్రబోస్, అనంతశ్రీరామ్ పాటలు రాస్తున్నారు. మేలో చిత్రాన్ని విడుదల చేయాలనుకుంటున్నాం’’ అని చెప్పారు. రాధికా ఆప్టే, ధన్సిక, కిశోర్, జాన్ విజయ్ తదితరులు నటిస్తున్న ఈ చిత్రానికి కెమెరా: మురళి, మాటలు: సాహితి, ఎగ్జిక్యూటివ్ ప్రొడ్యూసర్: ‘దేవి-శ్రీదేవి’ సతీష్.


 బాలీవుడ్ బాత్
 
 సోనూ సూద్ మనకు విలన్. కాని పంజాబ్‌లో ఉన్న అతని సొంత ఊరులో హీరో. ఆరోగ్యం పట్ల, ఫిట్‌నెస్ పట్ల శ్రద్ధ ఉన్న సోనూ సూద్ పేద మధ్యతరగతి వాళ్లకు జిమ్ సౌకర్యం లేకపోవడాన్ని గమనించి తన ఊరు ‘మొగా’లో అత్యాధునికమైన జిమ్‌ను తెరిచాడు. విశాలమైన ప్రాంగణంలో ఉన్న ఈ జిమ్‌లో అన్ని రకాల సామాగ్రులు, జిమ్ పరికరాలు ఉన్నాయి. ఎవరైనా సరే వచ్చి ఉచితంగా వీటిని ఉపయోగించుకోవచ్చు. ఫిట్‌నెస్ పెంచుకోవచ్చు.
 
 అంతేకాదు ఈ జిమ్‌లో దాదాపు 50 మంది ఉద్యోగులు పని చేస్తూ సోనూ వల్ల తమ జీవనాన్ని గడుపుతున్నారు. ఇటీవల సొంత ఊరు వచ్చిన సోను తన స్టాఫ్ అందరికీ ఉచితంగా సైకిళ్లు పంచిపెట్టాడు. సైక్లింగ్ ఆరోగ్యానికి మంచిది, పెట్రోల్ వాహనాల మీద రావడం కన్నా సైకిల్ మీద రావడం పర్యావరణానికి కూడా మంచిది. వాళ్ల ఖర్చు కూడా కొంచెం తగ్గించినట్టవుతుంది అన్నాడు సోనూ సూద్. మంచి పనే కదూ.


 జయంరవి, అరవింద్‌సామిలది హిట్ కాంబినేషన్. వీరిద్దరు కలిసి నటించిన తనీఒరువన్ విజయదుందుభి మ్రోగించిన విషయం తెలిసిందే. తాజాగా అరవింద్‌సామి మరోసారి జయంరవికి విలన్‌గా మారనున్నారన్నది కోలీవుడ్ టాక్. తనీఒరువన్ చిత్రం తరువాత జయంరవి రోమియో జూలియట్ చిత్రం ఫేమ్ లక్ష్మణన్ దర్శకత్వంలో ప్రభుదేవా నిర్మిస్తున్న చిత్రంలో నటిస్తున్నారు. ఇందులో నటుడు విజయ్‌సేతుపతి గానీ, బాబీసింహ గానీ అతిథి పాత్రలో నటించే అవకాశం ఉందనే ప్రచారం జరిగింది.  
 
 తాజాగా ఈ చిత్రంలో అరవింద్‌సామి విలన్‌గా నటించనున్నారనే ప్రచారం జోరందుకుంది. ఇద్దరు ప్రముఖ నటీమణులు నటించనున్న ఇంకా పేరు నిర్ణయించని ఈ చిత్రం గురించి జరుగుతున్న ప్రచారం గురించి దర్శకుడు లక్ష్మణన్‌ను అడగ్గా తమ చిత్రంలో జయంరవికి విలన్‌గా అరవింద్‌సామిని నటింపజేయాలని భావించిన విషయం నిజమేనన్నారు. ఆయనకు కథను కూడా వినిపించినట్లు తెలిపారు.
 
 అయితే అరవింద్‌సామి తన అంగీకారాన్ని చెప్పాల్సిందని అన్నారు.అయితే తాను కథ చెప్పి అరవింద్‌సామిని కన్విన్స్ చేయగలిగానని పేర్కొన్నారు. మరో విషయం ఏమిటంటే ఈ చిత్రం తరువాత రోమియోజూలియట్ చిత్రాన్ని తెలుగులో దర్శకత్వం వహించనున్నట్లు, దాన్ని కేఎస్.రామారావు నిర్మించనున్నారని వెల్లడించారు.


 మొన్న సమ్మర్‌లో రిలీజైన హాలీవుడ్ సూపర్‌హిట్ మూవీ ‘మ్యాడ్ మాక్స్’ సినిమాలో విలన్ గుర్తున్నాడా...? కండలు తిరిగిన దేహం... చూడగానే భయపెట్టే భారీ ఆకారమున్న నాథన్ జోన్స్ ప్రేక్షకులను అవలీలగా భయపెట్టేశాడు. రెజ్లర్‌గా రిటైరైన నాథన్ ప్రస్తుతం పలు హాలీవుడ్ చిత్రాల్లో విలన్‌గా నటిస్తున్నారు. నాథన్ జోన్స్‌పై ఇండియన్ ఫిలిం మేకర్స్ కన్ను పడింది. ఇటీవలే ఆయన తమిళంలో ‘జయం’ రవి హీరోగా నటించిన ‘భూలోగమ్’ సినిమాలో విలన్‌గా నటించారు.
  
   తాజాగా ఆయనను ఓ బాలీవుడ్ ఆఫర్ వరించింది. ఏక్తాకపూర్ నిర్మాతగా, బాలీవుడ్ నృత్యదర్శకుడు రెమో డిసౌజా తెరకెక్కించనున్న చిత్రం ‘ఎ ఫ్లయింగ్ జాట్’. టైగర్ ష్రాఫ్, జాక్వెలిన్ ఫెర్నాండెజ్ జంటగా నటించనున్న ఈ చిత్రం ఓ సూపర్ హీరో కథగా రూపొందనుంది. ఇందులో సూపర్‌విలన్‌గా నాథన్ జోన్స్‌ను ఎంపిక చేశారు. ‘‘అతనితో యాక్షన్ సన్నివేశాలు తీయడానికి ఎంతో ఆత్రుతగా ఎదురుచూస్తున్నా’’ అని దర్శకుడు రెమో డిసౌజా అన్నారు.


 ‘కిక్’... సల్మాన్ అభిమానులకు కిక్ ఎక్కించిన సినిమా. ఇప్పుడు డబుల్ కిక్ ఇవ్వడానికి ఆయన రెడీ అవుతున్నారు. అవును మరి.. సల్మాన్ రెండు పాత్రల్లో కనిపిస్తే రెట్టింపు కిక్ లభించడం ఖాయం కదా. ‘కిక్ 2’లో ఈ కండల వీరుడు హీరోగా, విలన్‌గా కనిపించనున్నారని సమాచారం.
  
  ఒకే ఫ్రేమ్‌లో పాజిటివ్, నెగటివ్.. ఇలా సల్మాన్‌లో రెండు కోణాలు చూడటం అభిమానులకు పండగలా ఉంటుంది. ప్రస్తుతం సల్మాన్ ఈ సినిమా కథా చర్చలతో చాలా బిజీగా ఉన్నారు.  మొదటి భాగానికి మించిన వినోదం ఉండేలా, అంతకు మించిన హీరోయిజమ్ ఉండేలా కేర్ తీసుకుంటున్నారట.
  


 ‘మహర్షి’లో హీరోలాంటి వేషం... ‘ఏప్రిల్ 1 విడుదల’లో విలన్ పాత్ర...ఈ రెండింటితో ఎంటరైన కృష్ణభగవాన్‌లోని సరికొత్త కామెడీ యాంగిల్‌ని పరిచయం చేసింది మాత్రం ‘ఔను... వాళ్లిద్దరూ ఇష్టపడ్డారు’. ఆ సినిమాలో ఆయన వినోదాన్నీ, వెటకారాన్నీ అందరూ ఇష్టపడ్డారు. ఇక కృష్ణభగవాన్‌ని ‘పీక్’కి తీసుకెళ్లి కూర్చోబెట్టింది మాత్రం ‘కబడ్డీ... కబడ్డీ’. నిజంగానే ఈ సినిమాతో కామెడీతో కబడ్డీ ఆడేశాడీ కృష్ణభగవానుడు. అన్నట్టు నేడు ఆయన పుట్టిన రోజు కూడా.
  
 పల్లెటూళ్లల్లో ఆంబోతులకి అచ్చేసి వదిలేస్తారు. అవి ఏం చేసినా అడిగే నాథుడుండడు. అచ్చోసిన ఆంబోతు కాబట్టి జనాలు కూడా ముందే అలర్టైపోతారు. ఎంకన్నపాలెంలో బోసుబాబు కూడా సేమ్ టూ సేమ్. ఆంబోతుకు మీసాలూ గడ్డాలూ ఉండవు. ఈ బోసుబాబుకుంటాయ్. అంతే తేడా!
 
 బోసుబాబు నోట్లో ఎవ్వరూ నోరెట్టరు. నోటి వాసన వల్ల కాదు... నోటి దూల వల్ల! బోసు వేసేది ప్యాంటూ చొక్కానే అయినా, పంచ్‌లు మాత్రం తెగ ఏసేస్తుంటాడు. ఎదుటోణ్ణి ఎర్రివెధవను చేయాలంటే ఆడి తర్వాతే ఎవరైనా. వట్టి కబుర్ల పోగు. ఎవణ్ణి ఎక్కడ, ఎలా వాడుకోవాలో బాగా తెలిసినోడు. ఎదుటోడి వీక్‌నెస్సే... ఈడికి ప్లస్ పాయింట్.
 
  ఈ బోస్ - చిరంజీవిలాగా మెగాస్టార్ అయిపోవాలనో... ఐశ్వర్యారాయ్‌ని పెళ్లాడేయాలనో... లాటరీలో యూరోలు కొట్టే యాలనో పగటి కలలు కనడు. ఇతగాడికి ఉన్నది ఒకే ఒక్క... సింగిల్... ఏక్‌హీ... కోరిక. దుబాయెళ్లి బాగా డబ్బులు సంపా దించేసి ‘దుబాయ్ బోస్’ అనిపించుకోవాలి. అందుకోసమే ఈ నానాగడ్డీ కరిచేది. గడ్డి అంటే ఊరి చివరున్న గడ్డిమేటు గుర్తొచ్చింది - ఓసారటు లుక్కేస్తే మన బోసుబాబుగాడి చిందులు సెవెన్టీ ఎమ్‌ఎమ్‌లో తిలకించేయొచ్చును.
          
 ప్రెసిడెంటు రామారావు... బక్కపలచ కృష్ణారావు... జులపాల జుట్టు ఆంజనేయులు... బోసుబాబుకు బాసులాంటి రాంబాబు... ఎట్సెట్రా... చెమటలు కక్కుకుంటూ గేమాడేస్తున్నారు. గేమంటే... క్రికెట్టో, కబడ్డీనో, ఇంకేదోనో అనుకునేరు. ఒళ్లు అలవకుండా ఎంచక్కా సుఖాసనంలో కూర్చుని ఆడే సుఖవంతమైన గేమ్ ఈ ప్రపంచంలో ఒకటే ఉంది. ఎవడు డ్రాప్ అయితే మైండ్ బ్లాక్ అయ్యి, జేబు నిల్లవుతుందో ఆ గేమే... పేకాట. ఫేట్‌లు మార్చే ఫేక్ గేమ్.
 
  వీళ్లందరూ ఈ బిజీలో ఉన్న సమయంలో శీనుగాడని పక్క ఊరి కుర్రాడొచ్చి రాంబాబును పక్కకు తీసుకెళ్లాడు. ‘‘నేనో అమ్మాయిని లవ్వాడేశాను... నువ్వే కలపాల్రా’’ అని తెగ రిక్వెస్టింగ్ చేసేశాడు. రాంబాబు వెంటనే బోసును పిలిచాడు. ‘‘మనమేదీ ఫ్రీగా చేయం కదా’’ అన్నాడు బోసు, సంకలో క్యాష్‌బ్యాగ్ సర్దుకుంటూ. ‘‘ఎంతవుద్దేంటి?’’ అనడిగాడు శీనుగాడు. బోసు టకాటకా బ్యాగులోని కేలిక్యులేటర్ తీసేసి  ఏవో లెక్కలేసి, ఓ పది రూపాయలు శీనుగాడి చేతిలో పెట్టాడు. శీనుగాడు అయోమయపడిపోయాడు. ‘‘మొత్తం తొమ్మిది వేల తొమ్మిది వందల తొంబై తొమ్మిది అవుద్ది... ఆ బ్యాలన్స్ పదీ ఇచ్చాను. నువ్వు మాకు పదివేలు కొట్టు’’ అని క్లారిటీ ఇచ్చేశాడు. కట్ చేస్తే... బోసు, రాంబాబు, శీనుగాడు... ఆ అమ్మాయి పెళ్లిచూపుల ప్లేస్‌లో ఉన్నారు. ‘‘మా శీనుగాడు ఉండగా మీ చెల్లికి ఇంకో అబ్బాయితో పెళ్లెలా చేస్తావ్?’’ అని రాంబాబు, ఆ అమ్మాయి అన్నయ్యతో గొడవకు దిగాడు. అతనికేమీ అర్థం కావడం లేదు. ‘‘రామాయణమంతా విని భీమునికి సీత ఏమ వుద్దన్న ట్టుంది నీ వాలకం... మావాడు నీ చెల్లిని ప్రేమించాడు. అందరిలాగే ఈ ప్రేమికులను విడదీయాలని చూస్తే నేను ఇంద్రసేనారెడ్డినైపోతా’’ అంటూ బోసు తొడగొట్టాడు. తీరా చూస్తే, ఆ అమ్మాయి శీనుగాడెవడో తెలియదని చెప్పింది. ‘‘ఆ అమ్మాయిని నేను ప్రేమించానని చెప్పాను కానీ, తను నన్ను ప్రేమించిందని చెప్పలేదు కదా’’ అని శీనుగాడు జంప్. రాంబాబు కూడా జంప్. ఫైనల్‌గా బోసును కుమ్మి కుమ్మి వదిలారు వాళ్లు.
          
 ప్రెసిడెంట్ రామారావుకూ, బక్కపలచ కృష్ణారావు భార్య రాణికీ కనెక్షనుంది. కనెక్షనంటే... కేబుల్ కనెక్షననుకునేరు. బెడ్ కనెక్షన్. అది ఎవడి కంట్లో పడితే యాగీ అవుతుందో, వాడి కంట్లోనే పడింది. రామారావు, రాణి మాంచి ఇదిలో ఉండగా, కిటికీ చప్పుడు చేసి మరీ పళ్లికిలిస్తూ నిలబడ్డాడు బోసు. ‘‘నేనేం చూడలేదు... నువ్వూ చూడలేదు... ఆల్ ది బెస్ట్...’’ అంటూ చక్కాపోయాడు. వెళ్లడం వెళ్లడం పేకాటలో మంచి మూడ్‌లో ఉన్న కృష్ణారావు దగ్గరకెళ్లాడు. ‘‘ఇక్కడ నువ్వేమో పేకాట ఆడుతున్నావ్. అక్కడ ఆడేమో నీ...’’ అని ఆపేశాడు బోసు. ‘‘ఏంటెహే..! నీ గోల’’ అని కసురుకున్నాడు కృష్ణారావు. ‘‘నీకో ‘నగ్న’ సత్యం చూపిస్తా... పద’’ అంటూ కృష్ణారావును తీసుకుని బయలుదేరాడు బోసు.
 
  ఎదురుగా పంచె ఎగ్గట్టుకుని కంగారుపడుతూ వచ్చాడు ప్రెసిడెంట్. బోసును పక్కకు లాక్కెళ్లి బతిమిలాడుకున్నాడు. ‘‘నువ్వు చిన్న పిల్లాడివిరా! ఇలాంటివి చూసీ చూడనట్టు వదిలెయ్యాలి’’ అని బుజ్జగించాడు. బోసు బుర్ర షార్ప్‌గా పనిచేసింది. ‘‘అయితే నేను చిన్న పిల్లాణ్ణి. చాక్లెట్లు కొనుక్కుంటాను. ఓ అయిదొందలు కొట్టు. నాకు చాక్లెట్లు కావాల్సినప్పుడల్లా ఇలానే ఇస్తుండాలి’’ అని గారం లాంటి దౌర్జన్యంతో డబ్బు తీసుకుని వెళ్లిపోయాడు బోస్. ప్రెసిడెంట్ తల పట్టుకున్నాడు.
          
 చూశారుగా! మన బోసుగాడి వెధవ్వేషాలు. చీమ దూరే సందిస్తే చాలు డైనోసార్‌ను పెట్టేస్తాడు. రాంబాబు అండ్ కో కలిసి ఊళ్లో ‘ద్రౌపదీ వస్త్రాపహరణం’ అనే మూకీ డ్రామా ప్లాన్ చేస్తారు. ఇక్కడ కూడా బోసు తన బుద్ధి పోనిచ్చుకోడు. ‘‘జనాలు ఎగబడి వస్తారు... నీకు డబ్బులే డబ్బులు’’ అంటూ అరచేతిలో స్వర్గం చూపించి, ఒకడికి టీ అమ్ముకోడానికి కాంట్రాక్ట్ ఇచ్చేస్తాడు. ఇంకా ఇదేం చూశారు..? ఒకతను భార్య గోల పడలేక గోదాట్లో దూకి చావడానికి సిద్ధపడ్డాడు. ఎంటర్ ది బోసుబాబు! ‘‘నీకెందుకు నేనో అవుడియా చెప్తా. ఫుల్ పైసలు... ఇద్దరికీ ఫిఫ్టీ ఫిఫ్టీ...’’ అన్నాడు. అలా అతగాణ్ణి ‘బాచి బాబా’ను చేసేశాడు. జనం తండోపతండాలుగా వస్తున్నారు. హుండీ నిండిపోయింది. కానీ... లాస్ట్‌మినిట్‌లో ‘బాచి బాబా’ మాయం... హుండీ కూడా మాయం. నెత్తి మీద చెంగేసుకుని బోసు ఒకటే ఏడుపు.
          
 ఎంత ఎదవైనా బోసు... ఫ్రెండ్‌షిప్‌కి ప్రాణమిస్తాడు. బెస్టుఫ్రెండు రాంబాబు, కావేరి అనే అమ్మాయితో ప్రేమలో పడ్డాడు. ఇక్కడ ట్విస్టు ఏంటంటే... ఆ అమ్మాయి సొంతం కావాలంటే సఖినేటిపల్లి టీమ్‌తో కబడ్డీ ఆడి గెలవాలి. అది మామూలు టీమ్ కాదు... ఇప్పటికి వరుసగా 99 మ్యాచ్‌లు గెలిచింది. రాంబాబు టీమ్‌లో కబడ్డీ ఆడడానికి ఎవ్వరూ ముందుకు రావడం లేదు. భయపెట్టి... బుజ్జగించి... బ్లాక్‌మెయిల్ చేసి... వైట్ మెయిల్ చేసి... మొత్తానికి బోసుగాడు కబడ్డీ టీమ్‌ని సెట్ చేసిపెట్టాడు.
          
 ఆ రోజు సఖినేటిపల్లి టీమ్‌కీ, ఎంకన్నపాలెం టీమ్‌కీ కబడ్డీ మ్యాచ్. వాళ్లు గెలిస్తే సెంచరీ పూర్తి. వీళ్లు గెలిస్తే రాంబాబుకి కావేరి సొంతం. ఇది తెలిసి చుట్టుపక్కల ఊళ్లోవాళ్లంతా ఎగబడ్డారు. దీన్ని కూడా క్యాష్ చేసేసుకున్నాడు బోసు. కిస్మత్ బీడీ కంపెనీతో డీలింగ్ కుదిర్చేసుకుని స్పాన్సరింగ్ హక్కులిచ్చేశాడు. మొత్తానికి చచ్చీ చెడీ... రాంబాబు టీమ్ ఘనవిజయం సాధించింది. కావేరి మెళ్లో రాంబాబు మూడు ముళ్లేసేశాడు. మరి దీనికి కర్త-కర్మ-క్రియ అయిన బోసుబాబు ఏం చేస్తున్నట్టు?
          
  బోసుబాబు ఏదైనా చేయగలడు! పబ్లిగ్గానే కాదు... ప్రైవేట్‌గానే నీళ్లల్లో పాలు కలపగలిగినవాడు... ఎన్నో ‘నగ్న’ సత్యాలకు ప్రత్యక్ష సాక్షిగా నిలిచినవాడు...సెంటీమీటరంత సెంటిమెంట్‌తో పాటు కిలోమీటరంత కమర్షియాల్టీ ఉన్నవాడూ... అయిన మన బోసుబాబుకు దుబాయ్ వెళ్లడం ఓ లెక్కా? తొక్క కాకపోతే!
  - పులగం చిన్నారాయణ
  
  నా ఎటకారానికి తగ్గ పాత్ర దొరికింది..!
  ‘‘మాది తూర్పు గోదావరి జిల్లా. మా వాళ్లకి కొంచెం ఎటకారం ఎక్కువని ప్రతీతి. నేను కూడా ఆ జాబితానే. నా ఎటకారానికి తగ్గట్టే, మంచి ఎటకారమున్న బోసు పాత్ర దొరికింది. ఇంకేముంది... రెచ్చిపోయాను. ఈ పాత్ర గురించి దర్శకుడు వెంకీ చెప్పగానే చాలా ఈజీగా కనెక్టయిపోయాను. మా ఊళ్లో నాకున్న ఎక్స్‌పీరియెన్సులు, ఎటకారం పనులూ అన్నీ దర్శక, రచయితలకు చెబితే, వాళ్లు ఇంప్రెస్ అయిపోయి ఇందులో పెట్టేశారు. జీవా పాత్ర దున్నపోతు దగ్గర పాలు పితకడం, ట్రాక్టర్ సీన్... ఇవన్నీ నేను చెప్పినవే. షూటింగ్ టైమ్‌లోనే ఈ సినిమా హిట్టయిపోద్దని నాకు తెలిసిపోయింది. జగపతిబాబులాంటి పెద్ద హీరోకి ఫ్రెండ్‌గా చేయడం నాకు మంచి బ్రేక్. మా గోదావరి యాసతోనే ఈ సినిమా అంతా మాట్లాడేశా. అదే ప్రేక్షకులకు నచ్చేసింది. ఈ సినిమా తర్వాత నేను వెనక్కి తిరిగి చూసుకోలేనంత బిజీ అయిపోయాను. థ్యాంక్స్ టూ బోస్‌బాబు’’.
  - కృష్ణ భగవాన్
  
 హిట్ క్యారెక్టర్
  
 సినిమా పేరు: కబడ్డీ... కబడ్డీ (2003)
 డెరైక్ట్ చేసింది: వెంకీ
 సినిమా తీసింది: వల్లూరిపల్లి రమేశ్
 మాటలు రాసింది: వేగేశ్న సతీశ్
  


 సినిమా బాగా ఆడిందంటే మంచి రన్ ఉన్న సినిమా అంటారు.
 అంటే కథలో, కథనంలో, పాత్రల్లోస్టామినా ఉన్నట్టన్నమాట.
 ఆశీష్ విద్యార్థి మంచి రన్ ఉన్న విలన్.
 పేరులో స్టూడెంట్ ఉందని కన్ఫ్యూజ్ కావద్దు. డ్రామాల్లో గురువు.
 థియేటర్ నుంచి వచ్చాడు.
 థ్రిలింగ్‌గా అనిపిస్తాడు.
 ఆడియన్స్‌ని సినిమా థియేటర్‌కి పరుగెత్తిస్తాడు.
  
 మీ జీవితం గురించి తెలుసుకోవాలని ఉంది..
  మా నాన్నగారు మలయాళీ. పేరు గోవింద్ విద్యార్థి. మలయాళ నాటకరంగంలో పరిచితమైన పేరు. అమ్మ బెంగాలీ. పేరు రెబా విద్యార్థి. ఫేమస్ కథక్ డాన్సర్. నేను ఢిల్లీలో పుట్టాను.
      
 అయితే మీది కళాకారుల కుటుంబమేనన్నమాట...
  కళాకారుల కుటుంబమేకాని ఎవరైనా ‘పెద్దయిన తర్వాత ఏమవ్వాలనుకుంటున్నావ్?’ అనడిగితే  ఆర్టిస్ట్ కావాలనుకుంటున్నానని చెబితే నవ్వుతారేమోనని ‘మర్చంట్ నేవీ’లో చేరాలనుకుంటున్నానని చెప్పేవాణ్ణి.  
      
 ఏం చదువుకున్నారు...
 ఢిల్లీ యూనివర్సిటీలో హిస్టరీలో ఆనర్స్ చేశాను. ఆ తర్వాత నేషనల్ స్కూల్ ఆఫ్ డ్రామాలో యాక్టింగ్. అరవైకి పైగా నాటకాల్లో నటించాను. 1992లో ముంబయ్ వెళ్లాక టి.వి. చాన్సులు వచ్చాయి. అయితే పెద్ద తెర మీద కనిపించే అవకాశం కన్నడ సినిమా ఇచ్చింది. దాని పేరు ‘ఆనంద్’. హిందీలో ‘1942: ఎ లవ్‌స్టోరీ’ మొదటి సినిమా. 2000 సంవత్సరం వరకూ హిందీ సినిమాలకే పరిమితయ్యాను. తర్వాత దక్షిణాది చిత్రాలు చేయడం మొదలుపెట్టాను. గత పద్నాలుగేళ్లల్లో హిందీ, తెలుగు, కన్నడ, మలయాళం, తమిళ్, భోజ్‌పురి, బంగ్లా, మరాఠీ, బెంగాలీ, ఒరియా..  ఇలా మొత్తం పన్నెండు భాషల్లో మూడువందల సినిమాలకు పైగా చేశాను. కరడు గట్టిన విలన్‌గా చేసినా, కామెడీ విలన్‌గా కనిపించినా ఆదరిస్తున్నారు. అందుకే ఇలా ఇంటర్వ్యూలిచ్చే రేంజ్‌కి ఎదిగాను (నవ్వుతూ).
      
 నార్త్ అండ్ సౌత్.. ఈ షటిల్ సర్వీస్ సమస్య కాదా?
  ఒకప్పుడు ఉద్యోగం కోసం తిరిగేవాణ్ణి. ఇప్పుడు యాక్టింగ్ కోసం తిరుగుతున్నా. ఏ నటీనటులైనా ప్రయాణికులని నా ఫీలింగ్. వాళ్లకు భాషలు, సంప్రదాయాలతో సంబంధం లేదు. ఎటైనా వెళ్లొచ్చు. ఏ సంప్రదాయాన్నయినా ఆచరించవచ్చు. నేర్చుకుంటే ఏ భాష అయినా మాట్లాడొచ్చు. సో.. నార్త్ అండ్ సౌత్.. ఈ ప్రయాణం చాలా గమ్మత్తుగా, ఆనందంగా ఉంది.
      
 నటుడిగా మీ ప్రయాణం దాదాపు ‘నెగటివ్ కారెక్టర్స్’తోనే సాగుతోంది. బోర్ అనిపించడం లేదా?
 అఫ్‌కోర్స్ చేసిన పాత్రలే చేసినప్పుడు కొంచెం బోర్‌గానే ఉంటుంది. ఒక్కోసారి ‘మనమేం చేస్తున్నాం’ అని సందిగ్ధంలో పడిపోతుంటాను. జీవితాన్ని తీసుకుంటే మనం బాధపడే సంఘటనలు చాలా జరుగుతాయి. పట్టరాని కోపంతో రగిలిపోయే సందర్భాలూ ఉంటాయి. ఈ ప్రపంచంలో అన్ని కోరికలూ తీరి, సంతృప్తిగా ఉన్నవారిని చూపించగలరా? చేసే ఉద్యోగంలో కొన్ని అసంతృప్తులు ఉంటాయి. కానీ, ఆ అసంతృప్తి నా జీవితాన్ని డామినేట్ చేయలేదు. ఎందుకంటే  ఒక్కో టీ స్పూన్ అసంతృప్తికి రెండు స్పూన్ల హ్యాపీనెస్‌ని కలిపి, సంతృప్తి  పడతా.
      
 మీకెన్ని భాషలు వచ్చు.. తెలుగు అర్థమవుతుందా?
  హిందీ, బంగ్లా, ఇంగ్లిష్ బాగా వచ్చు. మిగతావి కొంచెం కొంచెం అర్థమవుతాయ్. మీరు తెలుగులో తిడితే అర్థం చేసేసుకుంటా(నవ్వుతూ). అందుకని నాతో పైకి నవ్వుతూ మట్లాడుతూనే తిట్టొద్దు, జోక్స్ వేయొద్దు. భాష తెలియనివాళ్లని జనరల్‌గా అలానే ఆడుకుంటాం కదా. నన్నలా ఆడుకోవద్దు.
 
 ఈ మధ్య ఓ యాడ్‌లో కూతుర్ని నమ్మే తండ్రిగా ఓ పాజిటివ్ షేడ్‌లో కనిపించారు... విలన్‌గా చూసిన మిమ్మల్ని పాజిటివ్‌గా చూడటం భలే అనిపించింది?
 ఈ మాట నాతో చాలామంది అన్నారు. నాక్కూడా పాజిటివ్ కారెక్టర్స్ చేయాలని ఉంది. ఈ ఇంటర్వ్యూ చదివే తెలుగు దర్శకులు నన్ను పాజిటివ్‌గా చూపించాలనుకుంటే నేను చాలా ఆనందపడతా. యాక్చువల్‌గా నేను ఆకలి మీద ఉన్నాను. వెరైటీ రోల్స్ కోసం ఎదురు చూస్తున్నా. పూరి (పూరి జగన్నాథ్) నాకు మంచి స్నేహితుడు. తనతో ‘ఏదైనా వెరైటీ రోల్ ఉంటే ఇవ్వండి’ అని అంటుంటాను. సురేందర్‌రెడ్డి కూడా వెరైటీ రోల్ ఇస్తానని ప్రామిస్ చేశాడు. నా మీద ఉన్న విలన్ ఇమేజ్‌కి వ్యతిరేకమైన పాత్రను ఏ దర్శకుడు ఇస్తారో చూడాలి. నేనైతే రెడీగా ఉన్నా.
 
  ఇప్పటివరకు మీరు చేసిన పాత్రల్లో మీకు బాగా నచ్చినవి?
 ‘గుడుంబా శంకర్’లో చేసిన కామెడీ విలన్ ఓ రిలీఫ్. ‘పోకిరి’ బాగా ఇష్టం. ఇంకా చాలా ఉన్నాయి. ‘పోకిరి’లో పూరి చూపించిన విధానం నాకిష్టం. అందుకే రెండు నెలలకోసారి ఆయన ఫోన్‌కి మెసేజ్‌లు పంపిస్తాను... మంచి పాత్రలివ్వమని.
 
  హీరోలకు అభిమానులుంటారు. కానీ విలన్లకు అభిమానులు ఉండకపోగా తిట్టేవాళ్లే ఎక్కువ...
  విలన్లకు అభిమానులు ఉంటారా? లేదా? అనేది పక్కన పెడదాం. అభిమానించకపోయినా గుర్తుపడతారు. ఎక్కడైనా కనిపిస్తే ఆప్యాయంగా పలకరిస్తారు. భాష కాని భాషలో, ఊరు కాని ఊరిలో గుర్తింపు అంటే చిన్న విషయం కాదు. ఓ నటుడిగా నాకది ఆనందంగా ఉంటుంది. ఆ సంగతి వదిలేస్తే, నాకెలా నచ్చితే అలా ఉండగలుగుతాను. హీరోలు స్వేచ్ఛగా తిరగలేరు. కానీ, నేను హాయిగా చిన్న చిన్న హోటల్స్‌కి వెళతాను. బస్సుల్లో, ట్రైన్స్‌లో వెళతాను. నా చుట్టూ జనాలు గుమిగూడరు. అలా స్వేచ్ఛగా ఉండటం ఓ ఆశీర్వాదమే కదా.
  
 ఏదో అలా అంటున్నారు కానీ, మీ దగ్గర కూడా ఆటోగ్రాఫ్స్ తీసుకునేవాళ్లుంటారు కదా?
  (నవ్వుతూ). అఫ్‌కోర్స్ ఉంటారు. అది కాదనలేను.
 
 మీది లవ్ మ్యారేజ్ అని విన్నాం?
  పీలు అనే వండర్‌ఫుల్ లేడీని ప్రేమించి, పెళ్లి చేసుకున్నాను. మాకో అబ్బాయి ఉన్నాడు. వాడికి పద్నాలుగేళ్లు. పేరు అర్థ్ విద్యార్థి. నైన్త్ స్టాండర్డ్ చదువుతున్నాడు. పీలు మంచి సింగర్, నటి. ప్రస్తుతం ‘సుహానీ సే ఏక్ లడ్‌కీ’ అనే సీరియల్‌లో నటిస్తోంది. నేను పీలు అంటాను. కానీ, తన పేరు రాజోషీ విద్యార్థి. పీలు బహుముఖ ప్రజ్ఞాశాలి. మ్యూజికల్ క్లాసెస్ నడుపుతోంది.
 
 ‘విద్యార్థి సమ్మాన్’ పేరుతో మీరేదో అవార్డు ఇస్తుంటారట?
  మా నాన్నగారు గోవింద్ విద్యార్థి జ్ఞాపకార్థం ఈ అవార్డు ఇస్తున్నాం. ఓ నటుడిగా కామన్ పీపుల్‌తో గడిపే సమయం నాకుండదు. కామన్ పీపుల్ అభిమానాన్ని మాత్రం పొందగలిగాను. అందుకే ఆటోరిక్షా డ్రైవర్లు, ఇంటి పనులు చేసుకునేవాళ్లు.. ఇలా ఆర్డనరీ.. నా దృష్టిలో ఎక్స్‌ట్రార్డినరీ పీపుల్‌ని సత్కరించాలనే సంకల్పంతో 2007లో ఈ ‘విద్యార్థి సమ్మాన్’ని ప్రారంభించాను. ప్రతి ఏడాదీ కామన్ మ్యాన్‌కి నేను చేసే సెల్యూట్ ఇది.
 
 {Vేట్... మీ నాన్నగారి మీద మీకున్న ప్రేమాభిమానాలు స్పష్టంగా కనిపిస్తున్నాయి.. ఆయన గురించి చెబుతారా?
  నాన్నగారు మంచి ఫిలాసఫర్. ఫొటో జర్నలిస్ట్. ఆధ్యాత్మికవేత్త. రాజకీయాల్లో చురుకుగా ఉండేవారు. ఇండియన్స్ పీపుల్ థియేటర్ అసోసియేషన్ రూపకల్పనకు పాటుపడిన వ్యక్తి. జవహర్‌లాల్ నెహ్రూ మణిపూర్ డాన్స్ అకాడమీ, కథక్ కేంద్రకు డెరైక్టర్‌గా వ్యవహరించేవారు. అలాగే, సంగీత్ నాటక్ అకాడమీకి అసిస్టెంట్ సెక్రటరీగా చేశారు. ఆయన రిటైర్ అయ్యింది కూడా అప్పుడే. ఒక్క మాటలో చెప్పాలంటే ఇతరులు ఆదర్శంగా తీసుకోదగ్గ వ్యక్తి. నాన్నగారు చనిపోయి పదేళ్లవుతోంది. కానీ, ఆయన చేసిన మంచి పనుల ద్వారా బతికే ఉన్నారు.
 
 ఫైనల్‌గా పరభాషా నటులు.. ముఖ్యంగా పరభాషల విలన్లు తెలుగులో ఎక్కువయ్యారనే విమర్శ ఇక్కడ కొంతమంది చేస్తున్నారు..?
 నా దగ్గర ఎవరూ నేరుగా చెప్పలేదు. తెలుగు వాళ్లు హిందీలో, హిందీవాళ్లు తమిళ్, కన్నడ వాళ్లు తమిళ్‌లో ఎక్కడ మంచి అవకాశాలొస్తే అక్కడ చేస్తున్నారు.  భాష అనేది కళాకారులకు సమస్యే కాదు. ఇప్పుడు తమిళ దర్శకులు హిందీలో ఎక్కువగా సినిమాలు చేస్తున్నారు. పరభాషల నటులు తెలుగులో ఎక్కువయ్యారని ఎవరు అన్నారో నాకు తెలియదు. వాళ్లు ఏ సందర్భంలో అన్నారన్నది ముఖ్యం. అందరి అభిప్రాయాలను గౌరవించాలనుకునే తత్వం నాది. బేసిక్‌గా నేను చేసేది నెగటివ్ షేడ్స్ కారెక్టర్ అయినా నాదంతా పాజిటివ్ మైండ్ సైట్. థ్యాంక్స్, హాయ్, హలోలతో సాగించేస్తా.    - డి.జి. భవాని
  
 ఆశీష్ జీ చాలా ఫ్రెండ్లీ...
  ఆశీష్‌జీ చాలా అద్భుతమైన నటుడు. అందుకే ‘పోకిరి’లో ఆయన కాంబినేషన్‌లో యాక్ట్ చేసేటప్పుడు నాకు చాలా ఒత్తిడి అనిపించేది. పైగా నాకది రెండో సినిమా. ‘దేవదాసు’ తర్వాత నేను వెంటనే అంగీకరించిన చిత్రమిది. పెద్దగా అనుభవం లేకపోవడం కొంచెం టెన్షన్ అనిపించేది. కానీ కెమెరా ముందు ఆశీష్‌జీ చాలా ఫ్రెండ్లీగా ఉండేవారు. బాగా సహకరించేవారు. దాంతో నేను సులువుగా నటించగలిగేదాన్ని. కెమేరా వెనుక మేమిద్దరం పెద్దగా మాట్లాడుకునేవాళ్లం కాదు కానీ, ఆయన ప్రతిభ మీద నాకు అపారమైన గౌరవం ఉంది. అలాగే నేను సులువుగా నటించేలా చేసినందుకు ప్రత్యేకమైన అభిమానం ఉంది.
  - ఇలియానా
  
 ఆశీష్ టాప్ టెన్
 గుడుంబా శంకర్
 పోకిరి
 చిరుత
 తులసి
 కంత్రి
 లక్ష్యం
 అలా మొదలైంది
 అదుర్స్
 మిణుగురులు
 గోపాల...గోపాల
  


 సూపర్‌స్టార్‌కు ఐ హీరో విలన్‌గా మారబోతున్నారా? ఈ ప్రశ్నకు అవుననే సమాధానమే కోలీవుడ్ వర్గాల నుంచి వస్తోంది. రజనీకాంత్‌ను ఒక పక్క లింగా సమస్యలు వెంటాడుతుంటే ఆయన చిత్ర యూనిట్ మాత్రం రజనీకి విలన్‌ను వెతికే పనిలో పడింది. సూపర్‌స్టార్ తాజాగా రెండు చిత్రాలకు పచ్చజెండా ఊపారు. అందులోఒకటి యువ దర్శకుడు, మెడ్రాస్ చిత్రం ఫేమ్ రంజిత్ హ్యాండిల్ చేయనున్నారు. ఇదో విభిన్న గ్యాంగ్‌స్టర్ కథా చిత్రం అంటున్నారు. ఇందులో రజనీకాంత్ తన వయసుకు తగ్గ పాత్ర పోషించనున్నారని సమాచారం.
 
 ఈ చిత్రం త్వరలో సెట్‌పైకి రానున్నట్లు ప్రచారం జరుగుతోంది. రజనీ ఎందిరన్-2కు కూడా గ్రీన్ సిగ్నల్ ఇచ్చేసినట్లు తెలుస్తోంది. స్టార్ డెరైక్టర్ శంకర్‌కథను వండుతున్న ఈ చిత్రం సుమారు 300 కోట్లు బడ్జెట్ తెరకెక్కనున్నట్లు సమాచారం. ఇదే నిజమైతే భారతీయ చిత్ర పరిశ్రమలోనే అత్యంత భారీ బడ్జెట్ తెరకెక్కే చిత్రం ఇదే అవుతుంది. ఈ చిత్రంలో రజనీకాంత్‌కు ప్రతి నాయకుడిగా నటించే నటుడు విషయంపై రకరకాల ప్రచారం జరుగుతోంది.
 
 తాజాగా నటుడు కమల్‌ను నటింప చేసే ప్రయత్నం ఫలించలేదని, బాలీవుడ్‌బాద్‌షా షారూఖ్‌ఖాన్‌తో సంప్రతిస్తున్నట్లు ప్రచారం జరుగుతోంది. తాజాగా రజనీకి విక్రమ్‌నే విలన్‌గా మారబోతున్నారనే ప్రచారం వేగంగా సాగుతోంది. ఎందిరన్-2లో రజనీని ఢీకొనే సత్తా ప్రస్తుతం విక్రమ్‌కు ఉంటుందనే అభిప్రాయం. కోలీవుడ్‌లో అధికంగా వ్యక్తం అవుతోంది. ఈ విషయాన్ని ఇంతకుముందు సాధించారన్నది గమనార్హం. పరిశ్రమ నుంచి కూడా సూపర్‌స్టార్‌కు విలన్ విక్రమేనని అభిప్రాయం వ్యక్తం అవుతుందట.


  నటుడు శరత్‌కుమార్ కొంచెం గ్యాప్ తరువాత పూర్తిగా ఇన్వాల్ అయి ఆయనే కథను వండి చిత్ర నిర్మాణంలో పాలు పంచుకుని కథా నాయకుడిగా నటించిన చిత్రం సండమారుతం. అంతేకాదు ప్రతి నాయకుడిగాను ఆయనే నటించడం విశేషం. మ్యాజిక్ ఫ్రేమ్స్ పతాకంపై రూపొందిన ఈ చిత్రానికి రాధికా శరత్‌కుమార్, ఎస్టిన్ స్టీపెగ్‌లు నిర్మాణ భాగస్వాములుగా వ్యవహరించారు. ఇంతకుముందు ఏయ్ వంటి కొన్ని విజయవంతమైన చిత్రాలను శరత్‌కుమార్ హీరోగా తెరకెక్కించిన దర్శకుడు ఎ.వెంకటేశ్ ఈ చిత్రానికి దర్శక బాధ్యతలు నిర్వహించారు.
  
  మీరానందన్, ఓవియ నాయికలుగా నటించిన ఈ చిత్రంలో రాధారవి, సముద్రకణి, టాలీవుడ్ నటుడు నరేష్, తంబిరామయ్య, ఇమాన్ అన్నాచ్చి, వెన్నిరాడైమూర్తి, సింగం పులి, నళిని తదితరులు ముఖ్యపాత్రలు పోషించారు. సర్వేశ్వరన్ (శరత్‌కుమార్) అనే కరుడుగట్టిన దాదా మదురై దాని చుట్టు పక్కల ప్రాంతాల ప్రజలను, పోలీసుల్ని కూడా ఎలా హడలెత్తించారు. ఈ పాత్రలో శరత్‌కుమార్ విజృంభించారు. అందుకు కారణాలేమిటి? అన్నదే సండమారుతం చిత్ర కథ.
  
  పోలీసు అధికారి సూర్య (మరో శరత్‌కుమార్) సర్వేశ్వరన్‌ను ఎదుర్కొనడానికి ఎలాంటి వ్యూహం పన్నారు? దాన్ని ఫలితం ఏమిటి? అన్న పలు ఆసక్తికరమైన సన్నివేశాలతో ఉత్కంఠ భరిత యాక్షన్ సన్నివేశాలతో దర్శకుడు ఎ.వెంకటేశ్ తెరపై ఆవిష్కరించిన సండమారుతం శుక్రవారం ప్రపంచ వ్యాప్తంగా 390 థియేటర్లలో విడుదలైంది. ఈ చిత్రం ప్రేక్షకులు విశేష ఆదరణను చూరగొనడంతో తొలి రోజు సాయంత్రమే అదనంగా మరో 70 థియేటర్లలో విడుదల చేసినట్లు చిత్ర యూనిట్ వర్గాలు తెలిపాయి. అంతేకాదు మంచి విజయానందంలో ఉన్న శరత్‌కుమార్ యూనిట్ సభ్యులకు విందు ఏర్పాటు చేయడానికి రెడీ అవుతున్నారట.
  


 హీరోగానూ పేరు రావడం అదృష్టం
 సినీనటుడు మోహన్‌బాబు
  
 విశాఖపట్నం: సినిమాల్లో విలన్‌గా రాణించాలనే కోరికతోనే తన ఊరి నుంచి హైదరాబాద్ సిటీకి వచ్చానని సినీ నటుడు, నిర్మాత ఎం.మోహన్‌బాబు చెప్పారు. తనది మధ్యతరహా కుటుంబమని, పుట్టుకతో తనకు ఆస్తులు లేవని చెప్పిన ఆయన భగవంతుని దయతో సినీ రంగంలో విభిన్న పాత్రలు పోషించి హీరోగా, నిర్మాతగా ఎదిగానన్నారు. టీఎస్సార్ శివరాత్రి ఉత్సవాల్లో పాల్గొనడానికి విశాఖ వచ్చిన ఆయన సోమవారం విలేకరులతో మాట్లాడుతూ... నిర్మాతగా కొన్ని సినిమాలు తీసి జీరో అయ్యానని... భగవంతుని దయతో ‘అల్లుడుగారు’ సూపర్ డూపర్ హిట్ అయి తనను హీరోగా, నిర్మాతగా నిలబెట్టిందన్నారు.  కె.రాఘవేందర్రావు దర్శకత్వంలో దేవత, కొండవీటి సింహం, అల్లుడుగారులాంటి హిట్ చిత్రాలలో నటించానన్నారు. విలన్ కావాలని కోరుకున్నా హీరోగా కూడా ప్రేక్షకులు ఆదరించడం తన అదృష్టమన్నారు.
 
 హుద్‌హుద్ తుపాను కలచివేసింది
 
 హుద్‌హుద్ తుపాన్ తనను కలచి వేసిందని, విశాఖ ప్రజలను ఆదుకోవడానికి తనవంతు సాయంగా రూ.30 లక్షలు తన కుమారుడు మనోజ్‌కుమార్‌తో పంపించానని చెప్పారు. మనోజ్, అతని అభిమానులు ఆ డబ్బులతో బాధితులకు అవసరమైన సాయం అందించారని మోహన్‌బాబు చెప్పారు. తన విద్యాసంస్థల సిబ్బంది అందించిన ఒక నెల జీతాన్ని త్వరలో ముఖ్యమంత్రి సహాయనిధికి అందచేస్తానన్నారు. త్వరలోనే తన ఇంజనీరింగ్ సంస్థ విద్యార్థులతో విశాఖలో అవసరమైన చోట మొక్కలు నాటే కార్యక్రమం చేపడతానన్నారు.


 సూపర్‌స్టార్‌గా ఉన్నప్పుడు జైలు గోడలు చూసిన హీరో సంజయ్‌దత్ ఆ తరువాత బాగా మారిపోయినట్టున్నాడు. అప్పుడప్పుడూ బయటకు వచ్చి అందుబాటులో ఉన్న సినిమాలన్నీ చేసేస్తున్న ఇతగాడు... పూర్తిగా రూటు మార్చినట్టున్నాడు. హీరో అవకాశాల కోసం చూడకుండా... వచ్చినవి వచ్చినట్టు ఓకే చేస్తున్నాడు. అగ్నిపథ్‌లో విలన్‌గా చేసిన ఈ బాహుబలి... ఇప్పుడూ అదే బాటలో వెళుతున్నాడు.
 
 కరణ్ మల్హోత్రా తీస్తున్న ‘శుద్ధి’ సినిమాలో విలన్‌గా చేస్తున్నట్టు సమాచారం. అన్నీ అనుకున్నట్టు జరిగితే ఈ ఏడాది జూలై- ఆగస్టుల్లో ఎర్రవాడ జైలు నుంచి సంజయ్ బయటకు వచ్చే అవకాశాలున్నాయి. వచ్చిన తరువాత ఇదే తొలి చిత్రం అవుతుంది. కరణ్‌జోహార్ దీనికి నిర్మాత. సల్మాన్ హీరో!
  


 మూడు వందల సినిమాలలో విలన్‌గా నటించి విలనిజానికి నిజమైన నిర్వచనం ఇచ్చాడు. దర్శకుడిగా, కథారచయితగా, నిర్మాతగా పలు సినిమాలను నిర్మించి చిత్ర పరిశ్రమలో గుర్తింపుపొందాడు. నాలుగు దశాబ్దాలపాటు వెండితెరపై ఐదు తరాల నటులతో నటిస్తూ ఎన్నో పాత్రలు పోషించిన విలక్షణ నటుడు గిరిబాబు సోమవారం రేవనపల్లిలో  జరిగిన ‘కృష్ణమ్మ కలిపింది ఇద్దరిని’ అనే సినిమా షూటింగ్  పాల్గొనడానికి వచ్చారు. ఈ సందర్భంగా ఆయన తన సినీజీవిత విశేషాలను ప్రేక్షకులతో పంచుకున్నారు. వివరాలు ఆయన మాటల్లోనే..
  
  నా మొదటి సినిమా  ‘జగమేమాయ’. ప్రము ఖ దర్శకుడు అయ్యన్‌మూర్తి నాకు సినిమాలో అవకాశం కల్పించారు. 1973లో నటులు కావాలని దినపత్రికలో వచ్చిన ప్రకటనను చూసి ఫొటో పంపిస్తే ఆ సినిమాకు సెలక్ట్ అయ్యాను. అప్పుడు నా వయస్సు 29 ఏళ్లు. నాతో పాటు మురళీమోహన్, కె.విజయ ముగ్గురికి ఈ సినిమానే మొదటి సినిమా. ఈసినిమా షూటింగ్ జరుగుతుండగానే మరో 7 సినిమాలలో నాకు నటించే అవకాశం వచ్చింది.  
  
  300 సినిమాలలో విలన్‌గా..
  ఇప్పటివరకు నటించిన మొత్తం సినిమాలలో 300 సినిమాలలో విలన్‌గా నటించాను. మిగతా 250 సినిమాలు పౌరాణిక, జానపద, కౌబాయ్, సాంఘిక, కామెడీ చిత్రాలలో నటించాను. నాటి ఏఎన్నార్, ఎన్టీఆర్, కృష్ణ, కృష్ణంరాజు, శోభన్‌బాబు నుంచి నేటి తరం వరకు ఐదు తరాల నటులతో కలిసి నటిం చడం నిజంగా అదృష్టంగా భావిస్తున్నాను.
  
  పది సినిమాలకు దర్శకత్వం చేశా.....
  కథా, స్క్రీన్‌ప్లే, దర్శకుడిగా, నిర్మాతగా 10 సినిమాలను నిర్మించాను. ముఖ్యంగా దేవతలారా దీవించండి, సింహగర్జన, ముద్దు ముచ్చట, సంధ్యారాగం, మెరుపుదాడి, ఇంద్రజిత్, రణరంగం, నీ సుఖమే కోరుకున్నా సినిమాలన్నీ సూపర్‌హిట్టయ్యాయి. నేను తీసిన సినిమాలన్నీ జానపద, బందిపోటు, సస్పెన్స్ థ్రిల్లర్, అడవి బ్యాక్‌డ్రాప్‌లో ఉన్నవే.
  
  సెలక్టెడ్ పాత్రలే చేస్తున్నా...
  ప్రస్తుతం సినిమా అవకాశాలకు కొదవలేదు. కానీ వయస్సు మీదపడుతుంది కాబట్టి సెల క్టెడ్ పాత్రలే చేస్తున్నాను. ఇటీవల విడుదలైన లడ్డూబాబు, పాండవులు పాండవులు తుమ్మెదాతో పాటు విడుదలకు సిద్ధంగా ఉన్న టాప్‌ర్యాంకర్స్, మ్యాన్ ఆఫ్ ది మ్యాచ్ తోపాటు ఐదారు సినిమాలలో నటిస్తున్నాను.
  
  నందులు నేను ఇచ్చా.....
  బంగారు నందులను నా చేతుల మీదుగా ఇ చ్చాను కానీ.. నేను నంది అవార్డును  మాత్రం అందుకోలేదు. 550కి పైగా సినిమాల్లో నటించినా ఇంతవరకు నంది అవార్డు రాలేదు. కానీ నంది అవా ర్డు, రఘుపతి వెంకయ్య అవార్డు ఎంపిక కమిటీలో సభ్యుడిగా ఉన్నాను. ప్రేక్షకుల ఆదరణ ముందు బిరుదులు, అవార్డులు చాలా చిన్నవి. అయితే అమెరికాలోని వెస్ట్ ప్రూఫ్ యూనివర్సిటీ నాకు డాక్టరేట్ ఇచ్చి సత్కరించింది.
  
  నాటకాలే ప్రేరణ....
  మాది ప్రకాశం  జిల్లా అద్దంకి నియోజకవర్గంలోని రావినూతల గ్రామం. మాది రైతు కుటుంబం. నాన్న ఎర్ర నాగయ్య, అమ్మ నాగరత్నం. కుటుంబంలో  నేనొక్కడినే సంతానం. అయితే చదువుకునే రోజులలో ఇంటర్‌కాలేజీ పోటీలలో సరదాగా నాటకాలు వేసేవాడిని. అధ్యాపకులు కూడా నన్ను ఎంతగానో ప్రోత్సహించారు. తరువాత కళాప్రపూర్ణ కళానాట్యమండలి స్థాపించి గ్రామంలో 25వరకు నాటకాలు వేసి మెప్పించాను.  నాటకరంగ అనుభవం సినిమాలో నటించడానికి ప్రేరణ కల్గింది. నా పెద్ద కుమారుడు రఘుబాబు అతి తక్కువ కాలంలో 250 సినిమాలలో అనేక పాత్రలు పోషిస్తూ చిత్ర పరిశ్రమలో రాణిస్తూ మంచిపేరు తెచ్చుకుంటున్నాడు. కొడుకు ప్రయోజకుడైతే తండ్రికి అంతకంటే ఆనందం ఏముంటుంది. అలాగే చిన్న కుమారుడైన బోసుబాబు కూడా నాలుగైదు సినిమాలలో నటించాడు.
  
  భూదాన్‌పోచంపల్లి : శ్రీ రామలక్ష్మి క్రియేషన్స్ బ్యానర్ పై నిర్మిస్తున్న ‘కృష్ణమ్మ కలిపింది ఇద్దరిని’ అనే సినిమా షూటింగ్ మండలంలోని ముక్తాపూర్, రేవనపల్లి గ్రామాలలో సోమవారం జరిగింది. సూపర్‌స్టార్ కృష్ణ మేనల్లుడు, ప్రేమకథా చిత్రమ్ ఫేమ్ సుధీర్‌బాబు,  హీరో తల్లిదండ్రుల పాత్రలు పోషిస్తున్న ప్రముఖ నటుడు గిరిబాబు, పద్మినిప్రకాష్‌లపై పలు సన్నివేశాలను చిత్రీకరించారు.
  
  ఈ సందర్భంగా చిత్ర దర్శకుడు చందు మాట్లాడుతూ కన్నడంలో విజయవంతమైన 6 చిత్రాలను నిర్మించానని పేర్కొన్నాడు. తెలుగులో కృష్ణమ్మ కలిపింది ఇద్దరిని తన మొదటి చిత్రమని చెప్పారు. ఇది పూర్తిగా అందమైన ప్రేమ కథా చిత్రమని అన్నారు.  చిత్రంలో హీరోయిన్‌గా నందిత, ప్రముఖ నటులు బ్రహ్మానందం, అలీ, జయప్రకాష్, ఎంఎస్ నారాయణ, సప్తగిరి, రాంబాబు ప్రధాన ప్రాతలో నటిస్తున్నట్లు తెలిపారు. నిర్మాత లగడపాటి శ్రీధర్, సంగీతం గౌరవ హరి, పాటలు హరి, రామజోగయ్య శాస్త్రి, కెమరామెన్ కెఎస్. చంద్రశేఖర్‌లు వహిస్తున్నారని తెలిపారు.


 - గాయకుడు బాబాసెహగల్
  బాబా సెహగల్‌ది దాదాపు పాతికేళ్ల కెరీర్. కానీ ఇప్పటికీ యువతరం గాయకులతో పోటీపడుతూనే ఉన్నారాయన. నిత్యనూతనమైన తన గాత్ర సౌరభంతో భారతీయ శ్రోతలందర్నీ ఊర్రూతలూగిస్తున్నారు. 19 ఏళ్ల క్రితం ‘రిక్షావోడు’ సినిమా కోసం తొలి తెలుగు పాట పాడారు బాబా. ‘రూప్‌తేరా మస్తానా.. నీకు డేరా వేస్తానా...’ అంటూ సాగే ఆ పాట నాటి యూత్‌నే కాదు, నేటి యువతరాన్నీ అలరిస్తూనే ఉంది. దటీజ్ బాబా.
  
  ‘జల్సా, ఆర్య2, గబ్బర్‌సింగ్, రగడ...’ ఇలా చాలా సినిమాల్లో బాబా పాట ప్రత్యేక ఆకర్షణగా నిలిచిందంటే అతిశయోక్తి కాదు. పాప్-ర్యాప్ సంగీతపు దాహార్తిని తీర్చి... పాప్ ఆల్బమ్స్‌కి ఓ గౌరవం తెచ్చిపెట్టిన గాయకుడు బాబా. ఇండియాలో ఇప్పుడొస్తున్న పాప్ గాయకులకు ప్రేరణ ఆయనే. అందుకే.. ‘ఇండి పాప్’కి ఇంటిపేరుగా బాబా సెహగల్‌ని అభివర్ణిస్తుంటారు.
  
  ఇప్పటివరకూ గాయకునిగా అలరించిన ఈ ఎవర్‌గ్రీన్ సింగర్... తొలిసారిగా తెలుగుతెరపై మెరవనున్నారు. వీనుల విందు చేసిన ఆ నేపథ్య స్వరం... త్వరలో గుణశేఖర్ దర్శకత్వంలోని ప్రతిష్టాత్మక చిత్రం ‘రుద్రమదేవి’తో తెరపై ప్రతినాయకునిగా హూంకరించనుంది. ఈ నేపథ్యంలో ఈ హాటెస్ట్ సింగర్... లేటెస్ట్ విలన్‌తో జరిపిన ముచ్చట్లు...
  
  ఏమిటి... హైదరాబాద్‌లోనే ఎక్కువ కనిపిస్తున్నారు?
  ఇప్పుడేంటి? దాదాపు పదిహేనేళ్లుగా తెలుగు సినీరంగంతో కలిసి పనిచేస్తున్నాను. ఇక్కడికి వచ్చి పోతూనే ఉన్నాను. ఈ మధ్యే హైదరాబాద్‌లో ఇల్లు కూడా కొన్నాను. అంతేకాకుండా దేశంలోనే ఫస్ట్ హిప్‌హాప్ డ్యాన్స్ అకాడమీని ఇక్కడ నెలకొల్పాను. దీంతో హైదరాబాదీనే అయిపోయా.
  
  అయితే ముంబైని వదిలేసినట్టేనా?
  జన్మతః నేను పంజాబీ. చదివింది, పెరిగింది లక్నోలో. ఉద్యోగం, పాప్ ప్రవేశం అంతా ముంబైలోనే. ‘జల్సా’ తర్వాత హైదరాబాద్‌కు రాకపోకలు పెరిగాయి. ఇక్కడ అకాడమీ, తెలుగు సినీగీతాలు పాటలు, సినిమాలో విలన్‌గా నటిస్తుండడం... దీంతో ఇప్పుడు దాదాపు ఇక్కడకు షిప్ట్ అయిపోయా. నా డ్రైవింగ్ లెసైన్స్ కూడా ఇక్కడే తీసుకున్నా. ఓటర్ గుర్తింపు కార్డ్ కూడా తీసుకోనున్నా. అంత మాత్రాన ఒక ఊరిలో నివసిస్తుంటే మరో ఊరిని వదిలినట్టేనని అనలేం.
  
  అవునూ... యాక్టింగ్ వైపు రూటు మార్చారేమిటి?
  గతంలో నాలుగైదు హిందీ సినిమాలు చేశాను. కొన్ని తెలుగు ఆఫర్లు కూడా వచ్చాయి. అయితే ఇప్పుడు అన్నీ కుదరడంతో నటిస్తున్నాను. ‘రుద్రమదేవి’ సినిమా అత్యున్నత సాంకేతిక విలువలతో, భారీగా తెరకెక్కుతోన్న సినిమా. అంతేకాకుండా గుణశేఖర్ లాంటి గొప్ప దర్శకుడి దగ్గర పనిచేసే అవకాశం ఇది.
  
  మీ పాత్ర నచ్చిందా?
  అద్భుతంగా ఉంది. నాగదేవుడు గెటప్ పోషిస్తున్నప్పుడు  వింత అనుభూతి కలుగుతోంది. ఇలాంటి సినిమాలు చేయడమంటే మనకు తెలియని నాటి విషయాలెన్నో తెలుసుకోవడానికి ఉపకరించే పాఠం లాంటిది. ఇంకో విషయం తెలుసా? ఈ పాత్ర కోసం నేనే తెలుగులో డబ్బింగ్ సైతం చెపుతున్నా.
  
  మరింకేం... తెలుగులో నటన కొనసాగిస్తారన్నమాట...
  నాకు నచ్చిన పాత్రలు వస్తే చేస్తాను. ‘రుద్రమదేవి’ తర్వాత  మరికొన్ని ఆఫర్లు వచ్చాయి. చర్చల దశలో ఉన్నాయి. అయితే ఒకటి.. పక్కా విలన్ క్యారెక్టరైతేనే చేస్తా.
  
  పాప్ సింగర్‌గా నటించే ఛాన్స్ వస్తే...
  ఓ... బ్రహ్మాండంగా. ఇక అందులో అయితే నటించాల్సిన పని కూడా లేదు. (నవ్వేస్తూ)
  గతంతో పోలిస్తే  ప్రైవేట్ పాప్ ఆల్బమ్స్ రాక తగ్గిపోయినట్టుంది...
  పెద్ద పెద్ద ఆడియో కంపెనీలు మూతపడ్డాయి. పైగా పొద్దున్న పాడి సాయంత్రం కల్లా యూట్యూబ్‌లో అప్‌లోడ్ చేసేస్తే చాలు... ప్రపంచం అంతా చుట్టేస్తుంది.
  -ఎస్.సత్యబాబు
  


 బాలీవుడ్‌లో ఆమిర్‌ఖాన్‌కి మిస్టర్ పర్‌ఫెక్ట్ అని బ్రాండ్ నేమ్ ఉంది. ఏ పాత్ర చేసినా దానికి పూర్తి న్యాయం చేస్తారాయన. నో బౌండరీస్... నో లిమిటేషన్స్. అంత పెద్ద సూపర్‌స్టార్ అయ్యుండి కూడా విలన్‌గా చేయడమంటే మాటలు కాదు. ‘ధూమ్-3’ కోసం భారతీయ సినీ ప్రేక్షకులంతా వేయి కళ్లతో ఎదురుచూస్తున్నారంటే దానికి కారణం... అందులో ఆమిర్ విలన్‌గా నటించడమే. ఆమిర్ స్ఫూర్తితో షారుక్‌ఖాన్ కూడా విలన్‌గా చేయడానికి సిద్ధమవుతున్నారు. ఈ సందర్భంగా షారుక్‌ఖాన్ మాట్లాడుతూ -‘‘ఆమిర్ గొప్ప నటుడు. ‘ధూమ్-3’లో పాత్ర కోసం తన దేహాన్ని మార్చుకున్న తీరు, కష్టపడిన విధానం నాకు స్ఫూర్తినిస్తోంది. 
  
  విలన్ పాత్ర కోసం ఆమిర్ పడిన తపన అభినందనీయం. కేవలం శారీరక, మానసిక అంశాలే కాకుండా ఆమిర్ చిత్రాలను ఎంచుకునే తీరు, ప్రవర్తన నాకెంతో ఇష్టం’’ అని అన్నారు. ఆమిర్ అందించిన స్ఫూర్తితో మళ్లీ విలన్‌గా నటించాలనిపిస్తోందని షారుక్ తెలిపారు. ‘‘నా కెరీర్ ఆరంభంలో డర్, బాజీగర్, అంజామ్ చిత్రాల్లో విలన్‌గా నటించాను. చాలా కాలంగా అలాంటి పాత్రలు చేయలేదు. ఎవరైనా ఆఫర్ చేస్తే వంద కోట్లు వస్తాయా, రెండు వందల కోట్లు వసూలు చేస్తాయా అనే విషయాన్ని బేరీజు వేయకుండా మళ్లీ విలన్ పాత్రను పోషించాలనుకుంటున్నాను’’ అని షారుక్ తెలిపారు.
  


 సునీల్ అనగానే ఒక్కసారిగా పెదాలమీదకి నవ్వు ఆటోమేటిగ్గా వచ్చేస్తుంది. ఈ మధ్య కాలంలో సిక్స్ ప్యాక్ బాడీతో హీరో పాత్రలు చేసినా ఇప్పటికీ సునీల్ తన నవ్వులతోనే ఎక్కువగా అలరిస్తున్నారు. అలాంటి సునీల్.. ఇప్పుడు కొత్తగా విలన్ పాత్ర పోషించాలని భావిస్తున్నాడు. మంచి అవకాశం వస్తే తప్పకుండా విలన్ పాత్ర చేస్తానని చెబుతున్నాడు. ఎస్ఎస్ రాజమౌళి దర్శకత్వం అంటే తనకు చెప్పలేనంత అభిమానం ఉందని, ఆయన సినిమాల్లోనే విలన్గా కూడా చేయాలని ఉందని చెప్పాడు. ఇంతవరకు తనకా అవకాశం రాలేదు గానీ, మర్యాద రామన్న చిత్రంతో తనను హీరో చేసింది కూడా ఆయనేనని సునీల్ గుర్తుచేశాడు.
 
 ఇప్పుడు రాజమౌళి చిత్రంలో విలన్గా చేసే అవకాశం వచ్చిందంటే మాత్రం తప్పకుండా సంతోషంగా విలన్గా చేస్తానని సునీల్ అన్నాడు. ఇతర సినిమాల్లోనైనా విలన్గా చేయడానికి తనకు అభ్యంతరం లేదని, అయితే మంచి పాత్ర మాత్రం కావాలని తెలిపాడు. నువ్వు నాకు నచ్చావు, నువ్వు నేను లాంటి సినిమాల్లో కమెడియన్గా కెరీర్ ప్రారంభించిన సునీల్, గత రెండేళ్లలో తడాఖా, మిస్టర్ పెళ్లికొడుకు చిత్రాల్లో హీరో పాత్రలు చేశాడు. మొదట్లో కమెడియన్ పాత్రలు పోషించేటప్పుడు ఏడాదికి పది సినిమాలు చేసేవాడినని, కానీ ఇప్పుడు హీరోగా మాత్రం గట్టిగా రెండు సినిమాలు కూడా చేయలేకపోతున్నానని సునీల్ అంటున్నాడు. అయితే ఎన్ని సినిమాలు చేశాననేదానికన్నా ప్రేక్షకులు తనను ఎంతగా ఆదరించారన్నదే ముఖ్యమని చెబుతున్నాడు. ప్రస్తుతం సునీల్ 'భక్త కన్నప్ప' చిత్రంలో నటిస్తున్న సంగతి తెలిసిందే.


 విలనీ, కామెడీ... ఏదైనా జయప్రకాశ్‌రెడ్డికి సునాయాసమే. పైకి విలన్‌గా కనిపిస్తారు కానీ, చేసే పనులూ సేవాకార్యక్రమాలూ చూస్తే ఎవరైనా సరే జేపీని ఓ హీరోగా చూస్తారు. పాతికమంది పిల్లలకు విద్యాదానం చేస్తున్నారాయన. నటుడిగా తనకు ఓ దారి చూపించిన రంగస్థల వైభవాన్ని పునరుద్ధరించడానికి కంకణం కట్టుకున్నారు. ఈ కమర్షియల్ యుగంలో కూడా నిజాయితీ, ఆత్మసంతృప్తి అని మాట్లాడే జేపీతో జరిపిన ప్రత్యేక భేటీ.
  
  మీ ఆహార్యం విలన్ పాత్రలకు యాప్ట్ అయినా కామెడీ కూడా చేస్తున్నారు. ఈ రెంటిలో మీకేది ఇష్టం?
  మొదట్నుంచీ హాస్యం అంటేనే ఇష్టం. అయితే సినిమాల్లో సీరియస్ కేరక్టర్స్‌కే బాగా పేరొచ్చింది. వరుసగా అలాంటి అవకాశాలే వచ్చాయి. తర్వాత తర్వాత నాలో కామెడీ టింజ్ చూసి, దర్శకులు ఆ తరహా పాత్రలు చేయిస్తున్నారు. అంతకు ముందు ఆడవాళ్లు, చిన్నపిల్లలు నా దగ్గరకు రావడానికి భయపడేవాళ్లు. కానీ, ఇప్పుడందరూ వచ్చి మాట్లాడుతున్నారు.
  
  మీ డ్రీమ్ కేరెక్టర్?
  అన్ని రకాల పాత్రలూ చేయాలని ఉంటుంది. నా నటనలో ఎప్పుడూ మూస కనపడదు. ఆంధ్ర, తెలంగాణ, రాయలసీమ, గోదావరి, నెల్లూరు... ఇలా ఏ శ్లాంగ్‌లోనైనా మాట్లాడగలనని నిరూపించుకున్నాను. నేను డెరైక్టర్స్ ఆర్టిస్ట్‌ని. దర్శకులు ఎలా కావాలంటే అలా చేస్తాను. ఇక, నా డ్రీమ్ రోల్ విషయానికొస్తే...  ప్రేక్షకులతో కంట తడిపెట్టించి,  హృదయానికి హత్తుకునే పాత్ర ఎప్పటికైనా చేయాలని ఉంది.
  
  అసలు ఏ ఆశయంతో నటుడయ్యారు.. దాన్ని నెరవేర్చుకోగలిగారా?
  ఆశయం అంటూ ఏదీ లేదు. మా నాన్నగారు మంచి రంగస్థల నటుడు.  కానీ, పోలీస్ ఉద్యోగం వల్ల నటించలేకపోయారు. అందుకే నాన్నగారు నన్ను రంగస్థల నటుణ్ణి చేయాలనుకున్నారు. నాకూ అదే ఇష్టం. అందుకని కళాకారుడినయ్యాను. అట్నుంచి సినిమాల్లోకొచ్చా.
  
  నటుడిగా బిజీ అయ్యాక కూడా నాటకాలు ప్రదర్శిస్తున్నారు కదా?
  ఆంధ్రదేశంలో ప్రతి ముఖ్య పట్టణంలో ప్రతి ఆదివారం ఒక నాటక ప్రదర్శన జరగాలనేది నా కల. ఎందుకంటే మంచి నటీనటులు ఉన్నారు. నాటకాలను ఆదరించే అభిరుచి గల ప్రేక్షకులు ఉన్నారు. దాతలు కూడా ఉన్నారు. కానీ, వీటిని కో-ఆర్డినేట్ చేసేవాళ్లు లేరు. నా వంతు ప్రయత్నంగా నేను గుంటూరులో ‘జేపీ నెల నెలా నాటక సంఘం’ పేరుతో ఓ సంస్థ ప్రారంభించాను. ప్రతినెలా రెండో ఆదివారం ఓ చక్కని నాటకం చూపించాలన్నది నా ఆశయం.
  
  సినిమాల వల్ల ఆర్థికంగా మీకు లాభం ఉంటుంది.. మరి నాటకాల సంగతేంటి?
  సినిమాలు చేస్తే నా జేబులోకి డబ్బులొస్తాయి. కానీ నాటకాలు చేస్తే జేబులోంచి డబ్బులు పోతాయి. అయితే, నాటకాలనేది  డబ్బు కోసం కాదు. సంతృప్తి కోసం. డబ్బులు కోసం చేసే సినిమాల ద్వారా కూడా నాకు ఆత్మసంతృప్తి లభిస్తుంది. ఓ పది, పదిహేనేళ్లు సినిమా రంగంలో నానా కష్టాలు పడిన తర్వాత ‘ప్రేమించుకుందాం రా’ సినిమాతో నాకో సీటు లభించింది. ‘సమరసింహారెడ్డి’తో బెర్త్ కూడా కన్‌ఫార్మ్ అయ్యింది. అక్కణ్నుంచీ చాలా అవకాశాలు వస్తున్నాయి. ఓ నటుడిగా అవకాశాలు రావడమే గొప్ప. అందుకే, సినిమాలు వదులుకోను.
  
  టీచర్ వృత్తి నుంచి సినిమాలకు వచ్చారు. ఆ ప్రయాణం గురించి?
  మా నాన్నగారు సాంబిరెడ్డి నిజాయితీ గల పోలీసాఫీసర్. ఆయన ఆల్ ఇండియా కబడ్డీ చాంపియన్. స్పోర్ట్స్ కోటాలో సబ్ ఇన్‌స్పెక్టర్‌గా జాబ్ వచ్చింది. సర్కిల్ ఇన్‌స్పెక్టర్‌గా చేశారు. డీఎస్‌పీగా, ఆ తర్వాత అడిషనల్ ఎస్పీగా రిటైర్ అయ్యారు. లంచం తీసుకోని వ్యక్తి. మా నాన్నగారితో పాటు చేసినవాళ్లందరూ బాగా సంపాదించుకున్నారు. కానీ, మా తాతగారు సంపాదించినది 90 శాతం అమ్మేశారు నాన్నగారు. అంతటి సిన్సియర్ పోలీసాఫీసర్. మామూలుగా చాలామంది ఇళ్లల్లో నాటకాల్లో నటిస్తే తిడతారు. కానీ, మేం ఎప్పుడైనా పదిరోజులు నాటకాలు వేయకపోతే నాన్నగారు తిట్టేవారు. నేను, నా ఇద్దరు తమ్ముళ్లు, నా చెల్లెలు.. లంచం తీసుకునే ఉద్యోగాలు చేయకూడదన్నది నాన్నగారి నిర్ణయం.
  
  నేను డిగ్రీ పాసవ్వగానే..  కమర్షియల్ టాక్స్, ఇన్‌కమ్ టాక్స్, ఫారెస్ట్ డిపార్ట్‌మెంట్, రైల్వేశాఖల్లో నాకు జాబ్ వచ్చింది. కానీ, నాన్నగారు వద్దన్నారు. ఉపాధ్యాయుడిగా చేయమన్నారు. ఆయన కోరిక ప్రకారమే మున్సిపల్ హై స్కూల్‌లో టీచర్‌గా చేరాను. చాలా మనస్ఫూర్తిగా పని చేశాను. ఆ తర్వాత హెడ్‌మాస్టర్ అయ్యాను. సినిమాల్లోకి వచ్చిన తర్వాత వాలంటరీ రిటైర్‌మెంట్ తీసుకున్నాను. మా నాన్నగారు ఎప్పుడూ ‘ఆల్ హ్యాపీస్.. నో వర్రీస్’ అని ఓ స్లోగన్  చెబుతుండేవారు. నేనలానే ఉంటాను. అందుకే ఇప్పటివరకు నాకు బీపీ లేదు. మా నాన్నగారు మాకు ఇచ్చిన ఆస్తి ఆత్మసంతృప్తి. అందుకే ఆయన్ను నిత్యం స్మరించుకుంటుంటాను.