TV
పుష్ఫ మూవీలోని సామి సామి పాటకు అమ్మాయిలు ధరించే స్కర్ట్ వేసుకొని వేసిన స్టెప్పులు మాములుగా లేవు. ఈ వీడియో సోషల్‌ మీడియాలో హల్‌ చల్ చేస్తోంది.
వాషింగ్టన్‌: పుష్ప మూవీలో ‘సామి సామి’ సాంగ్‌ ఎంత ఫేమస్‌ అయిందో అందరికీ తెలిసిందే. ప్రపంచ వ్యాప్తంగా ఈ సాంగ్‌పై ఎంతో మంది వేసిన డ్యాన్స్‌ స్టెప్పులు సోషల్‌ మీడియాలో హల్‌చల్‌ చేశాయి. ట్రెండింగ్‌లో నిలిచాయి. తాజాగా ఈ పాటకు ఓ యువకుడు.. అమ్మాయిలు ధరించే స్కర్ట్ వేసుకొని వేసిన స్టెప్పులు మాములుగా లేవు. చాలా హుషారుగా, ఫుల్ ఎనర్జీతో డాన్స్ వేశాడని నెటిజన్లు ప్రశంసిస్తునారు. దీంతో ఈ వీడియో వైరల్‌గా మారింది.
భారతీయుడైన కొరియోగ్రాఫర్ జైనిల్ మెహతా తరచూ అమ్మాయిలాగా డ్రెస్సులు వేసుకొని ఆమెరికాలో డ్యాన్స్‌లు చేస్తున్నాడు. ముఖ్యంగా భారతీయ సంప్రదాయ నృత్యాలను బాగా నేర్చుకున్నాడు. ఇప్పుడు వాటిని అమెరికాలో ప్రదర్శిస్తూ ఇన్‌స్టాగ్రామ్ వీడియోలు చేస్తున్నాడు. డాన్స్ చేస్తూనే ప్రజలతో ఇంటరాక్ట్ అవుతూ ఉంటాడు. తాజాగా అతను స్కర్ట్ ధరించి... అమెరికా వీధుల్లో పుష్ప సినిమాలోని సామి సామి పాటకు డాన్స్ చేశాడు. ఆ వీడియో సూపర్ వైరల్ అయ్యింది.
అంతకు ముందు.. గంగూభాయ్ కతియావాడి సినిమాలోని ఝూమ్ రే గోరీ సాంగ్‌కి అదిరిపోయే గార్భా స్టెప్స్ వేశాడు. సినిమాలో ఈ సాంగ్‌ని అలియాభ్‌తో పిక్చరైజ్ చేయగా.. జైనిల్ అంతకుమించి అంటూ లైవ్‌లోనే స్పెషల్‌ పెర్ఫార్మెన్స్ చూపించి వావ్‌ అనిపించుకున్నాడు. కాగా, ఇతడి డ్యాన్స్‌లను కొందరు నెటిజన్లు మెచ్చుకుంటుడగా.. మరికొందరు మాత్రం.. అమ్మాయిల డ్రెస్సులే ఎందుకు వేసుకోవాలని ప్రశ్నిస్తున్నారు.
