వడదెబ్బకు ఇద్దరి మృతి

హైదరాబాద్: రాష్ట్రంలో ఎండలు మండిపోతున్నాయి. వడదెబ్బతో జనం విలవిల్లాడుతూ ప్రాణాలు వదులు తున్నారు. బుధవారం వివిధ జిల్లాల్లో  వడ దెబ్బతో ఇద్దరు మృతి చెందారు. కర్నూలు జిల్లా నందికోట్కూరు మండలంలో ఉపాధి కూలి పనులకు వెళ్లిన మహిళ వడదెబ్బకు గురై మృతి చెందింది. స్థానికంగా నివాసముంటున్న లక్ష్మీదేవి(38) కూలి పనులకు వెళ్లి వడదెబ్బకు గురై సొమ్మసిల్లిపడిపోయింది. ఇది గుర్తించిన తోటి కూలీలు ఆమెను ఆస్పత్రికి తరలించగా.. చికిత్స పొందుతూ మృతి చెందింది. మరో వైపు శ్రీకాకుళం జిల్లా నర్సన్నపేట గ్రామీణ నీటి సరఫరా విభాగంలో ఏఈగా పని చేస్తున్న నాగభూషణ రావు వడదెబ్బకు గురై మృతి చెందాడు.