TV
విజయవాడలో బ్లేడ్ బ్యాచ్ ఆటకట్టు!
విజయవాడ: బెజవాడ అనగానే గుర్తుచ్చేది బ్లేడ్ బ్యాచ్. నగరంలో గతకొంత కాలంగా బ్లేడ్ బ్యాచ్ హాల్చల్ సృష్టిస్తోంది. ఒంటరిగా కనిపించిన వారిపై దాడిచేసి నిలువుదోపిడీ చేయడం, ప్రతిఘటిస్తే బ్లేడ్‌లతో శరీరంపై కోతలు పెట్టడం ఈ బ్యాచ్ పని. దాంతో ఈ ముఠాకు భయపడి పాదచారులు భయటకు రావలంటేనే భయపడుతున్న పరిస్థితి నెలకొంది. ఈ బ్లేడ్ బ్యాచ్ ఆగడాలను అరికట్టేందుకు రంగంలోకి దిగిన పోలీసులు ఆ దిశగా తనిఖీలు చేపట్టారు.
విజయవాడలో తనిఖీల కోసం ప్రత్యేకంగా పోలీసులు 26 బృందాలను ఏర్పాటు చేశారు. ఈ తనిఖీల్లో 14మంది బ్లేడ్ బ్యాచ్ను పోలీసులు బుధవారం అరెస్ట్ చేశారు. ముఠా నుంచి 10లక్షల రూపాయాల నగదును పోలీసులు స్వాధీనం చేసుకున్నారు. ఈ తనిఖీల్లో భాగంగా ట్రాఫిక్ నియంత్రణకు పోలీసులకు 150 కెమెరాలు పంపిణీ చేసినట్టు పోలీస్ కమీషనర్ వెంకటేశ్వరరావు ఒక ప్రకటనలో పేర్కొన్నారు.
