ఏపీ ఎక్స్‌ప్రెస్ సమయాన్ని కుదించలేం

లోక్‌సభలో ఎంపీ వైఎస్ అవినాశ్‌రెడ్డి ప్రశ్నకు కేంద్ర మంత్రి జవాబు

 సాక్షి, న్యూఢిల్లీ: విశాఖ-న్యూఢిల్లీ ఏపీ ఏసీ ఎక్స్‌ప్రెస్ ప్రయాణ సమయంలో కుదింపు సాధ్యం కాదని రైల్వే సహాయ మంత్రి రాజెన్ గొహెయిన్ తెలిపారు. వైఎస్సార్ కాంగ్రెస్ ఎంపీ వై.ఎస్.అవినాశ్‌రెడ్డి అడిగిన ఓ ప్రశ్నకు ఆయన లోక్‌సభలో రాతపూర్వకంగా బదులిచ్చారు. ‘ఏపీ ఎక్స్‌ప్రెస్ 19 స్టేషన్లలో ఆగుతుంది. ఈ రైలు వేగం గంటకు 110 కి.మీ. మేర మాత్రమే ప్రయాణించేందుకు అనుమతి ఉంది. అందువల్ల ప్రయాణ సమయం కుదింపు సాధ్యం కాదు. ఈ రైలు నిలిచే స్టేషన్ల సంఖ్యను తగ్గించడం, రైలును గరిష్ట వేగానికి పెంచడం వంటి అంశాల్లో సాధ్యత కనిపించలేదు’ అని పేర్కొన్నారు.

 త్వరలో పట్టాలెక్కనున్న 8 కొత్త రైళ్లు: ఏపీతో సంబంధం ఉండి 2016-17 రైల్వే బడ్జెట్లో ప్రకటించిన 13 కొత్త రైళ్లలో 5 రైళ్లు పట్టాలెక్కాయని, మరో 8 రైళ్లు ప్రస్తుత ఆర్థిక సంవత్సరంలోనే పట్టాలు ఎక్కాల్సి ఉందని కేంద్ర రైల్వే శాఖ సహాయ మంత్రి రాజెన్ గొహెరుున్ తెలిపారు. బుధవారం లోక్‌సభలో సభ్యుడు రాయపాటి సాంబశివరావు అడిగిన ప్రశ్నకు ఆయన రాతపూర్వకంగా సమాధానం ఇచ్చారు.