మళ్లీ శ్రీవారి సేవకు డాలర్ శేషాద్రి

మళ్లీ శ్రీవారి సేవకు డాలర్ శేషాద్రి

తిరుపతి: శ్రీవారి సేవకు రేపటి నుంచి అంకితమవుతానని టీటీడీ ఒఎస్డీ డాలర్ శేషాద్రి వెల్లడించారు. మంగళవారం తిరుపతిలో శేషాద్రి సాక్షితో మాట్లాడుతూ... కలియుగ దైవం శ్రీవెంకటేశ్వరస్వామి తనకు పునర్జన్మ కల్పించారన్నారు. ఆయన ఆశీస్సులతోనే ప్రాణాలతో బయటపడ్డానని తెలిపారు. బ్రహ్మోత్సవాల సందర్భంగా ఈ నెల ఒకటో తేదీన గుండెపోటుకు గురైన తాను... దాదాపు 30 గంటలు అపస్మారక స్థితిలో ఉన్నానని శేషాద్రి గుర్తు చేశారు.

ఆ సమయంలో టీటీడీ అధికారులు అండగా నిలిచారని... వారందరికి కృతజ్ఞతలు తెలిపారు. దాదాపు నాలుగు దశాబ్దాలుగా స్వామి వారి సేవలో ఉన్నానని చెప్పారు. అన్యారోగ్యంతో ఉన్నప్పుడు తనపై కొందరు చేసిన వ్యతిరేక భావనను పట్టించుకోనని డాలర్ శేషాద్రి స్పష్టం చేశారు.