ముందుంది ముంచేకాలం

 

 మహానేత వైఎస్ రాజశేఖరరెడ్డి హ యాంలో సర్దుబాటు భారాన్ని సైతం జనంపై పడకుండా చూశారు. కానీ ప్రస్తుతం పాలకులు ప్రజా సంక్షేమాన్ని మరిచి చార్జీల బాదుడికే మొగ్గు చూపిస్తున్నారు. పేద, మధ్యతరగతి వర్గాలే టార్గెట్‌గా పెంచుతున్న విద్యుత్తు చార్జీలపై సర్వత్రా నిరసనలు వ్యక్తమవుతున్నాయి. ప్రస్తుతం జిల్లాలో అన్ని కేటగిరీల కింద కరెంటు వినియోగిస్తున్నవారు 15 లక్షల మంది ఉన్నారు. వీరికి కరెంటు చార్జీల పెంపు పిడుగు లాంటి వార్తే. జిల్లాలో గృహ సర్వీసులు 13,09,239 ఉన్నాయి. కమర్షియల్ సర్వీసులు 92,920, ఎల్‌టీ ఇండస్ట్రియల్ సర్వీసులు 11,324, కాటేజీ ఇండస్ట్రీస్ అండ్ ధోభీ ఘాట్ సర్వీసులు 701 ఉన్నాయి. హెచ్‌టీ సర్వీసులు 723 వరకు ఉన్నాయి. వీటన్నిటిపై 50 పైసల నుంచి రూ.4.87 వరకు భారం పడనుంది. 

 

 యూనిట్‌కి సగటున రూపాయి పెంపు..

 వచ్చే ఏడాది నుంచి కరెంటు చార్జీలు పెంచితే జిల్లాపై నెలకు రూ.30 కోట్లకు పైగా అదనపు భారం పడుతుంది. 50 యూనిట్ల లోపు వినియోగించే వారిని వదిలి పెట్టకుండా డిస్కంలు ప్రతిపాదనలు అందించాయి. సగటున యూని ట్‌కు రూపాయికి పైగా పెరగనుంది. జిల్లాకు రోజుకు 10 మిలియన్ల యూనిట్లు సరఫరా జరుగుతోంది. అంటే నెలకు 300 మిలియన్ యూనిట్లకు పైగా జిల్లాలో కరెంటు విని యోగిస్తున్నట్లు లెక్క. అన్ని కేటగిరీల్లో సగటున యూనిట్‌కు రూపాయికి పైగా పెరిగితే జిల్లాపై నెలకు రూ.30 కోట్లకు పైగా భారం పడుతుందన్న మాట. ప్రస్తుతం జిల్లాలో నెలకు విద్యుత్తు డిమాండ్ రూ.165 కోట్ల వరకు ఉంది. చార్జీలు పెరిగితే వచ్చే ఏడాది నుంచి అదనంగా రూ.30 కోట్లు ముక్కు పిండి వసూలు చేయనున్నారు. అంటే మొ త్తం డిమాండ్ రూ.195 కోట్ల వరకు పెరిగే అవకాశం ఉంది. కరెంటు చార్జీలు ఈ రకంగా పెరిగితే బుడ్డి దీపాల విని యోగం తప్పేలా లేదని జిల్లా వాసులు పేర్కొంటున్నారు.