పదోన్నతుల కోసం విద్యుత్ ఉద్యోగుల డిమాండ్

సాక్షి, హైదరాబాద్: ట్రాన్స్‌కో, జెన్‌కోలో పదోన్నతుల ప్రక్రియను వెంటనే చేపట్టాలని హైదరాబాద్ విద్యుత్ ఉద్యోగుల ఐక్య కార్యాచరణ కమిటీ(హై-జాక్) డిమాండ్ చేసింది. ఈ మేరకు ట్రాన్స్‌కో సీఎండీ సురేష్ చందా, జెన్‌కో ఎండీ విజయానంద్‌కు హై-జాక్ నేతలు గణేష్, నరసింహులు, రామకృష్ణుడు, మురళీ కృష్ణారెడ్డి సోమవారం వినతిపత్రం అందజేశారు. పదోన్నతులు ఆపాలని తెలంగాణవాదులు కోరడం సరికాదన్నారు. కాగా, ఉద్యోగులు 100వ నిరసన దినోత్సవాన్ని విద్యుత్ సౌధలో నిర్వహించారు. తెలంగాణకు 2 వేల మెగావాట్ల విద్యుత్‌లోటు ఉందని జైపాల్‌రెడ్డి అంగీకరించారని, ఈ నేపథ్యంలో విద్యుత్ ఇబ్బందులు తలెత్తకుండా ఆయన సమైక్యాంధ్రను కోరుకోవాలని సూచించారు. ఢిల్లీలోనేతలను కలిసి సమైక్యాంధ్ర కోసం ప్రయత్నిస్తున్న జగన్‌మోహన్‌రెడ్డికి మద్దతు ప్రకటిస్తున్నట్టు హైజాక్ నేతలు తెలిపారు.