గణేష్ ఉత్సవాల్లో వివాదం

అమలాపురం రూరల్, న్యూస్‌లైన్ : అమలాపురం కూరగాయల మార్కెట్ వినాయక చవితి ఉత్సవాల్లో మంగళవారం అర్ధరాత్రి రెండువర్గాల మధ్య చోటుచేసుకున్న వివాదం కొట్లాటకు దారితీసింది. ఒకదశలో ఇరువర్గాల వారు వీధుల్లో మారణాయుధాలతో స్వైరవిహారం చేశారు. అర్ధరాత్రి సమయంలోనే ఓ వర్గం ధర్నాకు దిగితే, అదే వర్గం బుధవారం ఉదయం రాస్తారోకోకు దిగింది. దీనికి సంబంధించిన వివరాలు ఇలా ఉన్నాయి. మార్కెట్ వీధిలోని గణపతి పందిరిలో మంగళవారం రాత్రి డ్యాన్స్‌బేబీడ్యాన్స్ కార్యక్రమం నిర్వహించారు. ఆ ప్రోగ్రాంలో ఒక హీరో అభిమానులు అతడి సిని మా పాటలు వేయాలని పట్టుబట్టారు. దీనికి నిర్వాహకులు అంగీకరించకపోవడంతో వివాదం తలెత్తింది. మాటామాటా పెరిగి ఇరువర్గాల వారు రాళ్లు రువ్వుకున్నారు. ఇరు వర్గాలకు చెందిన కొందరు యువకులు కత్తులతో వీరం గం చేశారు. విషయం తెలుసుకున్న పోలీసులు రంగప్రవేశం చేయడంతో.. అల్లరి మూకలు చెదిరిపోయాయి. ఓ వర్గం వారు తమపై మార్కెట్‌కు చెం దిన కొందరు వ్యక్తులు దాడి చేశారని ఆందోళనకు దిగారు.