TV
నేడు గొట్టుముక్కలకు వైఎస్ జగన్
విజయవాడ: కృష్ణా జిల్లా కంచికచర్ల మండలం గొట్టుముక్కలలో ఆదివారం రాత్రి హత్యకు గురైన వైఎస్సార్ సీపీ నేత అలోకం కృష్ణారావు కుటుం బాన్ని పరామర్శించి, వారిలో మనోధైర్యం నింపడానికి పార్టీ అధ్యక్షుడు వైఎస్ జగన్‌మోహన్‌రెడ్డి బుధవారం ఆ గ్రామానికి వెళుతున్నారు.
జగన్ హైదరాబాద్ నుంచి విమానంలో బయల్దేరి ఉదయం 9 గంటలకు గన్నవరం చేరుకుంటారని, అక్కడి నుంచి నేరుగా గొట్టుముక్కల గ్రామానికి వెళ్తారని పార్టీ ప్రోగాం కమిటీ కన్వీనర్ తలశిల రఘురామ్, పార్టీ కృష్ణా జిల్లా అధ్యక్షుడు సామినేని ఉదయభాను తెలిపారు. కృష్ణారావు కుటుంబాన్ని పరామర్శించిన అనంతరం ఆయన హైదరాబాద్ తిరుగుపయనమవుతారని చెప్పారు.
