పిడుగుపాటుతో కూలీ మృతి

భట్టిప్రోలు (గుంటూరు జిల్లా) : పిడుగుపాటుకు ఇసుక క్వారీలో పని చేస్తున్న కూలీ మృతి చెందాడు. ఈ సంఘటన శుక్రవారం గుంటూరు జిల్లా భట్టిప్రోలు మండలం ఓలేరు గ్రామంలోని ఇసుక క్వారీ వద్ద జరిగింది. వివరాల ప్రకారం.. ఓలేరు గ్రామానికి చెందిన ఉప్పాల సత్యనారాయణ(45) సమీపంలోని ఇసుక క్వారీలో కూలీగా పని చేస్తున్నాడు. ఈ క్రమంలోనే శుక్రవారం క్వారీలో పనిచేస్తుండగా అతని సమీపంలో పిడుగుపడటంతో అక్కడికక్కడే మృతి చెందాడు. విషయం తెలసుకున్న పోలీసులు సంఘటనా స్థలానికి చేరుకుని మృతదేహాన్ని పోస్ట్‌మార్టం కోసం రేపల్లెలోని ప్రభుత్వ ఆస్పత్రికి తరలించారు. కాగా మృతుడికి భార్య, కుమార్తె, కుమారుడు ఉన్నట్లు సమాచారం.