తూర్పుగోదావరి జిల్లాలో విషాదం

తూర్పుగోదావరి జిల్లాలో విషాదం

మారేడుమిల్లి(తూర్పుగోదావరి): తూర్పుగోదావరి జిల్లాలో విషాద సంఘటన చోటుచేసుకుంది. జిల్లాలోని మరేడుమిల్లి ఏజెన్సీలో ప్రమాదవశాత్తు ఓ పూరిగుడిసెకు మంటలు అంటుకోవడంతో.. అందులో ఉన్న ముగ్గురు చిన్నారులు సజీవదహనమయ్యారు.

ఏజెన్సీలోని ఓ కొండ ప్రాంతంలో పొడు సాగు చేసుకుంటున్న గిరిజనులు అక్కడే గుడిసెలు వేసుకొని జీవిస్తున్నారు. ఈక్రమంలో సోమవారం పెద్దవాళ్లంతా కూలీకి వెళ్లిన సమయంలో ప్రమాదవశాత్తు మంటలు చెలరేగి గుడిసెలకు అంటుకోవడంతో.. ముగ్గురు చిన్నారులు మంటల్లో చిక్కుకొని అక్కడికక్కడే మృతిచెందారు. దీంతో గిరిజనులు కన్నీరుమున్నీరుగా విలపిస్తున్నారు.