TV
అటు పెళ్లి సందడి.. ఇటు ఇంటర్ పరీక్ష
మధ్యాహ్నం 12 గంటలకు నిశ్చితార్ధం.. రాత్రి 9 గంటలకు పెళ్లి ముహూర్తం.. ఇంట్లో మేళతాళాలు.. బంధువుల సందడే సందడి.
పూండి, న్యూస్‌లైన్ : మధ్యాహ్నం 12 గంటలకు నిశ్చితార్ధం.. రాత్రి 9 గంటలకు పెళ్లి ముహూర్తం.. ఇంట్లో మేళతాళాలు.. బంధువుల సందడే సందడి. అయినా చదువుకు ప్రాధాన్యమిచ్చింది ఆ నవ వధువు. ఇంటర్మీడియెట్ ఎంపీసీ గ్రూపు విద్యార్థినైన ఆమె శనివారం ఉదయం పూండిలోని శ్రీసాయి వినీత్ జూనియర్ కళాశాలలో జరిగిన సెకండియర్ ఇంగ్లిష్ పరీక్ష రాసింది. ఆమె పేరు పనపాన మీనా. స్వగ్రామం వజ్రపుకొత్తూరు మండలం కొమరల్తాడ. నిశ్చితార్థ సమయం ముంచుకొస్తున్నా కంగారు పడకుండా పరీక్ష రాసిన ఆమెను చీఫ్ సూపరింటెం డెంట్ కె.అప్పారావు, డిపార్ట్‌మెంటల్ అధికారి ఎస్.షణ్ముఖరావు, అదనపు చీఫ్ సూపరింటెండెంట్ ఎస్.దివాకర్, ఇన్విజిలేటర్లు అభినందించారు.
