బీఎండబ్ల్యూ ‘520 ఎం స్పోర్ట్’ అప్‌డేటెడ్ వెర్షన్..

బీఎండబ్ల్యూ ‘520 ఎం స్పోర్ట్’ అప్‌డేటెడ్ వెర్షన్..

ధర రూ.54 లక్షలు
న్యూఢిల్లీ: జర్మనీ లగ్జరీ కార్ల తయారీ కంపెనీ ‘బీఎండబ్ల్యూ’ తాజాగా తన ప్రీమి యం సెడాన్ ‘520 ఎం స్పోర్ట్’లో అప్‌డేటెడ్ వెర్షన్‌ను భారత మార్కెట్‌లోకి తీసుకువచ్చింది. దీని ఎక్స్ షోరూమ్ ధర రూ.54 లక్షలు. కంపెనీ ఈ మోడల్‌ను చెన్నైలోని ప్లాంట్‌లో అసెంబ్లింగ్ చేసింది. ఇది దేశవ్యాప్తంగా ఉన్న బీఎండబ్ల్యూ డీలర్‌షిప్స్ వద్ద వినియోగదారులకు అందుబాటులో ఉంటుందని కంపెనీ తెలిపింది. ఇందులో 8 స్పీడ్ ఆటోమేటిక్ ట్రాన్స్‌మిషన్ , 2.0 లీటర్ 4 సిలిండర్ డీజిల్ ఇంజిన్‌ను అమర్చామని పేర్కొంది. ‘520 ఎం స్పోర్ట్’ కేవలం 7.7 సెకన్లలో 0-100 కిలోమీటర్ల వేగాన్ని అందుకుంటుందని, ఇక కారు టాప్ స్పీడ్ గంటకు 233 కిలోమీటర్లని వివరించింది.