నోకియా నుంచి 5 స్మార్ట్‌ఫోన్లు

స్మార్ట్‌ఫోన్‌ వ్యాపారాల్లోకి నోకియా గతేడాది జనవరి 1కి రీఎంట్రీ ఇ‍చ్చిన సంగతి తెలిసిందే. 2017లో మార్కెట్‌లోకి పునఃప్రవేశమైన తర్వాత నోకియా బ్రాండులో బడ్జెట్‌, ప్రీమియం సెగ్మెంట్లలో పలు స్మార్ట్‌ఫోన్లు వినియోగదారుల ముందుకు వచ్చాయి. ​ 2018లో కూడా 2017 వ్యూహాన్నే పాటించనున్నట్టు హెచ్‌ఎండీ గ్లోబల్‌ ప్రకటించింది. ప్రస్తుతం హెచ్‌ఎండీ గ్లోబల్‌ హైఎండ్ ఫోన్‌ నోకియా 9పై పనిచేస్తుందని, నోకియా 6(2018), ఆండ్రాయిడ్‌ గో-ఆధారిత నోకియా 1ను లాంచ్‌ చేసేందుకు సిద్దమవుతుందన్న సంగతి తెలిసిందే. తాజాగా నోకియా 4, మరో హైఎండ్‌ ఎడిషన్‌ నోకియా 7 ప్లస్‌ స్మార్ట్‌ఫోన్లను కూడా లాంచ్‌ చేయబోతుందని తెలుస్తోంది.  నోకియా కెమెరా యాప్‌ ఈ రెండు స్మార్ట్‌ఫోన్లను ధృవీకరించినట్టు గిమోచైనా రిపోర్టు పేర్కొంది. 

నోకియా అతిపెద్ద వెర్షన్‌లో, స్నాప్‌డ్రాగన్‌ 660తో రూపొందుతుందని ఈ కెమెరా యాప్‌ పేర్కొంది. నోకియా 4 గురించి మాత్రం ఇప్పటి వరకు ఎలాంటి వివరాలు తెలియరాలేదు. ఈ ఏడాది లాంచ్‌ చేసేందుకు ఐదు కొత్త స్మార్ట్‌ఫోన్లపై హెచ్‌ఎండీ గ్లోబల్‌ పనిచేస్తుందని కూడా ఈ నోకియా కెమెరా యాప్‌ ధృవీకరించింది. ముందస్తు రిపోర్టుల ప్రకారం నోకియా 6(2018), నోకియా 1 ఫోన్లతో నోకియా 9ను హెచ్‌ఎండీ గ్లోబల్‌ ప్రకటిస్తుందని తెలిసింది. నోకియా 4, నోకియా 7 ప్లస్‌ ఈ ఏడాది ద్వితీయార్థంలో ప్రవేశపెట్టొచ్చని తెలుస్తోంది. హైఎండ్‌ స్మార్ట్‌ఫోన్‌గా రాబోతున్న నోకియా 9, 5.5 అంగుళాల ఓలెడ్‌ ప్యానల్‌, బెజెల్‌ లెస్‌ డిస్‌ప్లే, క్వాల్‌కామ్‌ స్నాప్‌డ్రాగన్‌ 835, 3,250 ఎంఏహెచ్‌ బ్యాటరీ, ఫాస్ట్‌ ఛార్జింగ్‌ టెక్నాలజీ, వెనుకవైపు డ్యూయల్‌ కెమెరాను కలిగి ఉండబోతుంది..