TV
గన్నవరం నుంచి తిరుపతి, వైజాగ్ లకు స్పైస్ జెట్ సేవలు
విజయవాడ: స్పైస్జెట్ సంస్థ కృష్ణాజిల్లా గన్నవరం విమానాశ్రయం నుంచి సోమవారం కొత్త విమాన సర్వీస్‌ను ప్రారంభించింది. తిరుపతి-వైజాగ్ మధ్య ప్రయాణించే ఈ విమానం గన్నవరంలో ఆగుతుంది. విమాన సర్వీసు ప్రారంభ కార్యక్రమంలో ఎయిర్‌పోర్టు డెరైక్టర్ జి. మధుసూదనరావు పాల్గొన్నారు. తిరుపతి వెళుతున్న తొలి ప్రయాణికుడికి బోర్డింగ్ పాస్‌ను అందజేశారు. ప్రయాణికుల పెరుగుదలకు అనుగుణంగా సర్వీసులు పెంచటం శుభపరిణామమన్నారు. మే 1 నుంచి మరిన్ని సర్వీసులు ప్రారంభం కానున్నాయని తెలిపారు. స్పైస్జెట్ సంస్థ స్టేషన్ మేనేజర్ జె.ప్రదీప్ మాట్లాడుతూ... ప్రస్తుతం తమ సంస్థ గన్నవరం ఎయిర్‌పోర్టుకు ఏడు సర్వీసులను నడుపుతోందని, భవిష్యత్‌లో వీటిని పెంచుతామని చెప్పారు.
