TV
బీఎస్‌ఎన్‌ఎల్‌ బిల్‌ కలెక్షన్‌, ఏటీఎం వచ్చేశాయి
సాక్షి, సిటీబ్యూరో: బీఎస్‌ఎన్‌ఎల్‌ ఆటోమెటిక్‌ బిల్‌ కలెక్షన్‌ కమ్‌ ఏటీఎంను ప్రవేశపెట్టింది. సోమవారం సైఫాబాద్‌లోని టెలిఫోన్‌ భవన్‌లో హైదరాబాద్‌ టెలికాం జిల్లా ప్రిన్సిపల్‌ జనరల్‌ మేనేజర్‌ కె.రాంచంద్‌ దీనిని ప్రారంభించారు. ఆయన మాట్లాడుతూ అత్యధిక సాంకేతిక పరిజ్ఞానంతో రూపొందించిన ఈ ఏటీఎం 24 గంటలు పనిచేస్తుందని, వినియోగదారులు నెలసరి బిల్లుల చెల్లింపులకు దీనిని వినియోగించుకోవచ్చని సూచించారు. కార్యక్రమంలో టెలికం జనరల్‌ మేనేజర్లు సీతారామరాజు, రాజహంస తదితరులు పాల్గొన్నారు.
