ఉర్దూ యూనివర్సిటీ అడ్మిషన్ల గడువు పొడిగింపు

 

కర్నూలు(కొండారెడ్డి ఫోర్టు): కర్నూలులో ఏర్పాటు చేసిన డాక్టర్‌ అబ్దుల్‌హక్‌ ఉర్దూ యూనివర్సిటీలో ప్రవేశాలకు మరోసారి గడువు పొడిగించినట్లు రిజిస్ట్రార్‌ సత్తార్‌సాహెబ్‌ బుధవారం ఓ ప్రకటనలో తెలిపారు. బీఏ ఎకనామిక్స్‌(హానర్స్‌), బీఎస్సీ(హానర్స్‌) కంప్యూటర్స్, బీకామ్‌(హానర్స్‌) కామర్స్, ఎంఏ ఇంగ్లిష్, ఎంఏ ఉర్దూ, ఎంకామ్‌ కోర్సుల్లో ప్రవేశాలకు ఈ నెల 31వ తేదీ వరకు గడువు పొడిగించామన్నారు. ఇంటర్, డిగ్రీ పూర్తి చేసుకున్న విద్యార్థులు ఉర్దూ యూనివర్సిటీలో ప్రవేశాలు పొందేందుకు అర్హులన్నారు. ఈ అవకాశాన్ని విద్యార్థులు సద్వినియోగం చేసుకోవావలని ఆయన కోరారు.