19న జిల్లా స్థాయి హిందీ వ్యాసరచన పోటీలు

తాడిపత్రి టౌన్‌ : అనంతపురం ప్రభుత్వ జూనియర్‌ కళాశాలలో ఈ నెల 19న హిందీ సేవా సదన్, విద్యాశాఖ సంయుక్త ఆధ్వర్యంలో విద్యార్థులకు జిల్లా స్థాయి హిందీ వ్యాసరచన పోటీలు నిర్వహించనున్నట్లు హిందీ సేవా సదన్‌ కో–అర్టినేటర్, హిందీ ప్రచార సభ రాయలసీమ, కోస్తా జిల్లాల కో–కన్వీనర్‌ హాజీవలి తెలిపారు. ఈ మేరకు ఆయన పత్రికలకు శుక్రవారం ఒక ప్రకటన విడుదల చేశారు.

జూనియర్స్‌ విభాగంలో 6, 7, 8 తరగతుల విద్యార్థులు, సీనియర్స్‌ విభాగంలో 9, 10 తరగతుల వారికి పరీక్ష నిర్వహిస్తామన్నారు. ఆసక్తి కలిగిన విద్యార్థులు ఈ నెల 18లోగా సెల్‌: 9032323570 నంబర్‌కు ఫోన్‌ చేసి తమ పేర్లు నమోదు చేసుకోవాలని సూచించారు.