సమాజంపై అవగాహన పెంచుకోవాలి

రెంజల్‌ : విద్యార్థులు విద్యతోపాటు సమాజంపైనా అవగాహన పెంచుకోవాలని జిల్లా విద్యాశాఖ అధికారి లింగయ్య సూచించారు. రెంజల్‌లోని కస్తూర్బా గాంధీ బాలికల విద్యాలయంలో వందేమాతరం, మై విలేజ్‌ మోడల్‌ విలేజ్‌ ఫౌండేషన్‌ల ఆధ్వర్యంలో విద్యార్థులకు ఇస్తున్న శిక్షణ తరగతులను బుధవారం ఆయన పరిశీలించారు. ఈ సందర్భంగా మాట్లాడుతూ కలెక్టర్‌ ఆదేశాల మేరకు జిల్లాలోని 20 కేజీబీవీలనుంచి విద్యార్థులను ఎంపిక చేసి శిక్షణ ఇస్తున్నామన్నారు. పది రోజులపాటు శిక్షణ కొనసాగుతుందన్నారు. ‘‘లిటిల్‌ లీడర్స్‌.. లిటిల్‌ టీచర్స్‌’’ అనే అంశం ఆధారంగా శిక్షణ కొనసాగుతోందన్నారు. శిక్షణ పొందినవారు తమ విద్యాలయంలో తోటి విద్యార్థులకు ఆయా అంశాలపై అవగాహన కల్పించాల్సి ఉంటుందన్నారు. దసరా, సంక్రాత్రి, వేసవి సెలవుల్లో ఈ పద్ధతులను విస్తరిస్తామన్నారు.