4న ఎస్‌వీఐటీలో మెగా జాబ్‌మేళా

రాప్తాడు : హంపాపురంలోని ఎస్‌వీఐటీ కళాశాలలో ఈ నెల 4న జాతీయ స్థాయి మెగా జాబ్‌మేళా  నిర్వహిస్తున్నట్లు కళాశాల చైర్మన్‌ సి.సోమశేఖర్‌రెడ్డి, వైస్‌ చైర్మన్‌ సి.చక్రధర్‌రెడ్డి, ప్రిన్సిపాల్‌ టి.సూర్యశేఖర్‌రెడ్డి తెలిపారు. గురువారం వారు కళాశాలలో విలేకరులతో మాట్లాడుతూ జాబ్‌మేళాకు దేశంలోని 25 ప్రముఖ కంపెనీల ప్రతినిధులు హాజరై 2 వేల పోస్టుల భర్తీకి ఇంటర్వ్యూలు చేపడతారని తెలిపారు.

బెంగళూరుకు చెందిన జైన్‌ యూనివర్సిటీ సహకారంతో నిర్వహిస్తున్న ఈ మెగా జాబ్‌మేళాకు ఇంజినీరింగ్‌, ఏదైనా డిగ్రీ , పాలిటెక్నిక్, 2015-16లో ఎంబీఏ పూర్తి చేసిన వారు, 2017లో ఫైనలియర్‌ డిప్లొమో, ఫార్మసీ చదువుతున్న వారు హాజరుకావచ్చన్నారు.  మేళాకు వచ్చేవారికోసం ఆరోజు ఉదయం 8 గంటలకు అనంతపురంలోని ఎస్వీ డిగ్రీ కళాశాల నుంచి ఉచిత బస్సు సౌకర్యం కల్పించినట్లు చెప్పారు.