3న మెడికల్‌ రెప్‌ల సమ్మె

 

ఉదాహరణకు ఆమ్లోడిపిన్‌ 5ఎంజీ అనే డీబీ మందు (15 మాత్రలు) తయారీకి రూ.3.18 ఉంటే దాని అమ్మకం రూ.43.90 పైసలు ఉందన్నారు.  ఇప్పుడు అమ్మకపు ధరపై సుంకం వేయడం వల్ల మందుల ధరలు మరింత పెరగడానికి కారణమవుతుందన్నారు.  కేంద్ర ప్రభుత్వ విధానాలు కార్పొరేట్‌ సంస్థలకు కొమ్ముకాసే విధంగా ఉన్నాయని విమర్శించారు. మందులు, మందుల పరికరాల ధరలు నియంత్రించాలని, వీటిపై ఎక్సైజ్‌ సుంకం, వాణిజ్య, జీఎస్‌టీ పన్నులు ఉండకూడదన్నారు. ప్రభుత్వ రంగ మందుల కంపెనీలను, వ్యాక్సిన్‌ ప్లాంట్లను కాపాడాలని, మందుల రంగంలో బహుళజాతి సంస్థల పెట్టుబడులను అదుపుచేయాలని డిమాండ్‌ చేశారు. సమావేశంలో యూనియన్‌ జిల్లా నాయకులు పెద్దస్వామి, మోయినుద్దీన్, షేక్షావలి, బసవరాజు, రవీంద్రారెడ్డి, శివరంగ, శ్రీకాంత్‌ పాల్గొన్నారు.