ఓమ్ని వ్యాను-లారీ ఢీ.. ఒకరి మృతి

కాశీపేట(ఆదిలాబాద్ జిల్లా): కాశీపేట మండలం సుబ్బారావుపల్లి గ్రామం వద్ద ఆదివారం సాయంత్రం 6 గంటల సమయంలో ఓమ్ని వ్యానును లారీ ఢీకొట్టింది. ఈ ప్రమాదంలో మంచిర్యాల పట్టణానికి చెందిన మాలి పేర రాంజీ(50) అనే వ్యక్తి అక్కడికక్కడే మృతిచెందగా.. మాలి కిశోర్‌కుమార్ అనే వ్యక్తికి తీవ్రగాయాలయ్యాయి.

గాయపడిన వ్యక్తిని సమీప ఆసుపత్రికి తరలించారు. ఓమ్ని వ్యాను మంచిర్యాల నుంచి బెల్లంపల్లి వైపు వెళ్తుండగా ఈ సంఘటన చోటుచేసుకుంది. ఘటన అనంతరం అదే లారీ మంచిర్యాలలో మరొకరిని ఢీకొట్టినట్లు తెలిసింది. డ్రైవర్ మద్యం మత్తులో ఉన్నట్లు సమాచారం.