అస్తవ్యస్తంగా సాగర్‌కాలనీలు

నీరుగారుతున్న ప్రభుత్వ క్వార్టర్లు

సాగర్‌లోని పైలాన్‌ కాలనీలో 60 ఏళ్ల క్రితం నిర్మించిన ప్రభుత్వ క్వార్టర్లన్నీ శిథిలావస్థకు చే రుకున్నాయి. భవనాల పైకప్పు పెచ్చులూడుతున్నాయి. వర్షం వచ్చినప్పుడు గదుల్లోకి నీరు కారుతుండడంతో ఇళ్లలో ఉండలేని పరిస్థతి దాపురించిందని అందుల్లో నివాసముండే వారు పేర్కొంటున్నారు. దీంతో సమానులన్నీ ఒకదగ్గరకు చేరి వేరే ప్రాంతాల్లో నివాసముంటున్నామని పలువురు తెలిపారు. మరమ్మతులు చేసుకున్న వారి క్వార్టర్లు కొంతమేర బాగున్నప్పటికీ మరమ్మతులు చేయని క్వార్టర్లు కొన్ని కూలిపోగా మరికొన్ని నీరు కారుతున్నాయని ఆందోళన వ్యక్తం చేస్తున్నారు. ఇప్పటికైనా ప్రాజెక్టు అధికారులు ఆయా కాలనీలను పర్యవేక్షించి సీసీ రోడ్లు వేయించాలని స్థానికులు కోరుతున్నారు. 

సీసీ రోడ్డు వేయాలి– కోదండం, మత్స్యకారుల సంఘం అధ్యక్షుడు 

 మత్స్యకారులు నివాసమంటున్న ఈవీధిలో రోడ్డంతా వర్షాలకు కొట్టుకుపోయింది. ఇళ్లముందు బురద గుంటలు ఏర్పడి మడుగుల్లా దర్శనమిస్తున్నాయి. ప్రాజెక్టు అధికారులు స్పందించి సీసీ రోడ్లు వేయించాలి. లేదంటే జనం రోగాలబారిన పడతారు.