TV
నిస్సిగ్గుగా దిగజారుడు రాజకీయాలా: ఉత్తమ్
హుజూర్‌నగర్: అధికార టీఆర్‌ఎస్ ప్రభుత్వం దిగజారుడు రాజకీయాలకు పాల్పడుతోందని పీసీసీ అధ్యక్షుడు ఉత్తమ్‌కుమార్ విమర్శించారు. ఆదివారం నల్లగొండ జిల్లా హుజూర్‌నగర్‌లో నిర్వహించిన పార్టీ నియోజకవర్గ ముఖ్యకార్యకర్తల సమావేశంలో ఆయన మాట్లాడారు. సీఎం కేసీఆర్ ఫిరాయింపులను ప్రోత్సహిస్తూ నిస్సిగ్గుగా ప్రజాస్వామ్య విలువలను దెబ్బ తీస్తున్నారన్నారు.
ఈ ప్రభుత్వంలో ఏ వర్గానికీ మేలు జరగలేదన్నారు. కాంగ్రెస్‌కు ఫిరాయింపులతో వచ్చే ఆటుపోటులు కొత్త కాదన్నారు. 2019లో దేశంలో, రాష్ట్రంలో కాంగ్రెస్ అధికారంలోకి రావడం ఖాయమన్నారు. దేశంలో ప్రజాస్వామ్యం, రాజకీయ విలువలను నేర్పింది గాంధీ, నెహ్రూ, ఇందిర కుటుంబాలేనన్నారు.
