ఆచార్యా .. ఇది తగునా?

ఆచార్యా .. ఇది తగునా?

ఎస్కేయూ : సమాజంలో ఆదర్శప్రాయమైన, గౌరవప్రదమైన అధ్యాపక వృత్తిలో ఉన్న వారు వీరు. దీనికి తోడు వర్సిటీ అత్యున్నతాధికారులు. బాధ్యతాయుతమైన వృత్తిలో ఉంటూ రాజకీయ నేతల వర్ధంతి కార్యక్రమాలకు హాజరుకావడం పలు విమర్శలకు తావిస్తోంది. వర్సిటీ ప్రధాన ద్వారం వద్ద మంగళవారం పరిటాల రవి వర్ధంతి కార్యక్రమాలను టీఎన్‌ఎస్‌ఎఫ్‌ ఆధ్వర్యంలో నిర్వహించారు.

ఎస్కేయూ ఉన్నతాధికారులు రాజును మించిన రాజభక్తిని ప్రదర్శించారు. తెలుగుదేశం పార్టీ నాయకుల్లాగా ప్రసంగాలతో హోరెత్తించారు. ఎస్కేయూ రెక్టార్‌ ఆచార్య జి.శ్రీధర్, రిజిస్ట్రార్‌ ఆచార్య వెంకటరమణ, సైన్స్‌ కళాశాల ప్రిన్సిపల్‌ ఆచార్య వి.రంగస్వామి వర్సిటీ ఉన్నతాధికారులు పాల్గొన్నారు.