TV
అమ్మను తుపాకీతో కాల్చి చంపేశాడు
గుంటూరు : గుంటూరు జిల్లాలో దారుణం చోటు చేసుకుంది. మద్యం మత్తులో కన్నతల్లినే రివాల్వర్‌తో కాల్చి చంపాడో ప్రబుద్ధుడు. ఈ సంఘటన జిల్లాలోని కాకుమాను మండలం కొమ్మూరులో బుధవారం ఉదయం జరిగింది. వివరాలు.. గ్రామానికి చెందిన మస్తాన్‌వలి (47) ఆర్మీలో పని చేసి రిటైరయ్యాడు.
ఇంటికి తిరిగి వచ్చినప్పటి నుంచి మద్యానికి బానిస అయి తరచూ తల్లి ఫజ్లూం(65)తో ఘర్షణకు దిగివాడు. అక్రమంలో ఈ రోజు కూడా తల్లితో ఘర్షణ పడ్డాడు. ఆ క్రమంలో తన లెసైన్స్‌డ్ రివాల్వర్‌తో తల్లిని కాల్చి చంపాడు. అనంతరం అతడు పరారైయ్యాడు. స్థానికులు వెంటనే స్పందించి పోలీసులకు సమాచారం అందించారు. పోలీసులు ఘటన స్థలానికి చేరుకుని తల్లి మృతదేహన్ని స్వాధీనం చేసుకున్నారు. పోలీసులు కేసు నమోదు చేసి దర్యాప్తు చేస్తున్నారు.
