ఉద్యోగాలిప్పిస్తామని చెప్పి..

హైదరాబాద్‌ సిటీ: ముగ్గురు  సభ్యులతో కూడిన ఒక ముఠా ఆస్ట్రేలియాలో ఉద్యోగాలిప్పిస్తామని చెప్పి దాదాపు 50 మంది దగ్గర ఒక్కొక్కరితో సుమారు 5 .50 లక్షలు వసూలు చేశారు. ఈ సంఘటన తాజాగా వెలుగులోకి వచ్చింది. ఆస్ట్రేలియా తీసుకెళ్లకుండా తప్పించుకు తిరుగుతున్న ఉదయ్, శేఖర్,రఫీలను ఎస్‌ఓటీ పోలీసులు అదుపులోకి తీసుకుని విచారిస్తున్నారు. వీరిపైన ఎస్‌ఆర్‌నగర్ , కుషాయిగూడ , కూకట్పల్లి తదితర పోలీస్ స్టేషన్ లలో కేసులు నమోదయ్యాయి.

శేఖర్(చొప్పదండి ,కరీంనగర్)  అనే వ్యక్తి కొంతమందిని ఆస్ట్రేలియాకు తీసుకెళ్తామని జార్జియా తీసుకెళ్లి అక్కడ వీరి పేర్ల మీద ఐఫోన్లు వాయిదా పద్దతులలో తీసుకున్నాడు.  2 నెలలు అక్కడే ఉండి తిరిగి వచ్చాడు. ఒకవేళ ఆస్ట్రేలియా తీసుకెళ్ల లేకపోతే మీ డబ్బులు తిరిగి ఇస్తామని చెప్పి బాండ్ రాసిచ్చాడు. తీరా బాధితులు డబ్బు అడిగితే ఏం చేసుకుంటారో చేసుకోండని వారిని బెదిరిస్తున్నారు. డబ్బులు తిరిగి ఇప్పించాలని బాధితులు వేడుకుంటున్నారు.