TV
అభం శుభం తెలియని ఓ చిన్నారిపై అఘాయిత్యం చేయడానికి ప్రయత్నించాడో కామాంధుడు.. ఇంటి ముందు ఆడుకుంటున్న చిన్నారిని ఎత్తుకెళ్లి అత్యాచారయత్నం చేశాడు. ఈ సంఘటన నగరంలోని చిక్కడపల్లి పోలీస్ స్టేషన్ పరిధిలోని జవహర్ నగర్‌లో ఆదివారం వెలుగుచూసింది. కాలనీకి చెందిన సుధాకర్(30) ఇంటి ముందు ఆడుకుంటున్న ఐదేళ్ల చిన్నారిని ఎత్తుకెళ్లి అత్యాచారం చేయడానికి ప్రయత్నించగా.. బాలిక కేకలు వేసింది. ఇది గుర్తించిన స్థానికులు అప్రమత్తమై నిందితుడికి దేహశుద్ది చేసి పోలీసులకు అప్పగించారు. కేసు నమోదు చేసుకున్న పోలీసులు దర్యాప్తు చేస్తున్నారు.
