బెగ్గింగ్‌ మాఫియాపై చర్యలు..

సాక్షి, హైదరాబాద్‌: రాష్ట్ర రాజధానిలో విజృంభిస్తున్న బెగ్గింగ్‌ మాఫియాపై శనివారం ‘సాక్షి’లో ప్రచురితమైన కథనంపై బాలల హక్కుల సంఘం ఆవేదన వ్యక్తం చేసింది. పిల్లలను భిక్షగాళ్ల మాఫియా నుంచి రక్షించి పునరావాసం కల్పించాలని ఈ మేరకు రాష్ట్ర డీజీపీ, గ్రేటర్‌ హైదరాబాద్‌ మున్సిపల్‌ కమిషనర్‌కు ఆదేశాలు ఇవ్వాలని కోరుతూ శనివారం రాష్ట్ర మానవ హక్కుల కమిషన్‌లో పిటిషన్‌ దాఖలు చేసింది. పిటిషన్‌ను ఆమోదించిన మానవ హక్కుల కమిషన్‌.. ఏప్రిల్‌ 11లోగా బెగ్గింగ్‌ మాఫియాపై తగిన చర్యలు చేపట్టి, నివేదిక ఇవ్వాలని రాష్ట్ర డీజీపీ, గ్రేటర్‌ హైదరాబాద్‌ మున్సిపల్‌ కమిషనర్‌కు ఆదేశాలు జారీ చేసింది.