అగ్రిగోల్డ్ కేసు విచారణ మధ్యాహ్నానికి వాయిదా

హైదరాబాద్ : హైకోర్టులో అగ్రిగోల్డ్‌ కేసు విచారణ మధ్యాహ్నానికి వాయిదా పడింది. వరుస మీడియా కథనాలతో అగ్రిగోల్డ్‌ ఆస్తులను కొనడానికి ఎవరూ ముందుకు రావడం లేదని... అగ్రిగోల్డ్‌ యాజమాన్యం గురువారం న్యాయస్థానం దృష్టికి తీసుకు వెళ్లింది. అంతేకాకుండా మీడియాలో అగ్రిగోల్డ్‌ వార్తలను అడ్డుకోవాలని కోరింది. ఆ విషయంలో తామేమీ చేయలేమని కోర్టు స్పష్టం చేసింది. మరోవైపు అగ్రి గోల్డ్‌ యజమానుల బినామీ ఆస్తుల చిట్టాను బాధితులు కోర్టుకు సమర్పించారు. కోర్టు విచారణను మధ్యాహ్నం 2.15 గంటలకు వాయిదా వేసింది. అనంతరం ఈ కేసుపై మధ్యంతర ఉత్తర్వులు ఇవ్వనుంది.