TV
మెట్రో పిల్లర్‌కు ఢీ కొట్టి..
హైదరాబాద్: నగరంలోని చైతన్యపురిలో గురువారం ఘోర రోడ్డుప్రమాదం చోటు చేసుకుంది. వేగంగా వస్తున్న కారు రోడ్డు మధ్యలో ఉన్న మెట్రో పిల్లర్‌ను ఢీ కొట్టింది. ఈ ఘటనలో చైతన్య(24) అనే యువకుడు అక్కడికక్కడే ప్రాణాలు కోల్పోయాడు. కారులో ప్రయాణిస్తున్న మిగిలిన ఐదుగురు యువకుల్లో ఒక వ్యక్తి ఆసుపత్రిలో కన్నుమూశాడు.
పిల్లర్‌ను ఢీ కొట్టబోయే ముందు అక్కడే నిద్రిస్తున్న ఓ వ్యక్తి మీదుగా కారు వెళ్లడంతో అతని కాళ్లు విరిగిపోయాయి. ఘటనాస్ధలానికి చేరుకున్న పోలీసులు గాయపడిన వారిలో ఓ వ్యక్తిని విచారించినట్లు తెలిసింది. బంధువుల ఫంక్షన్‌కు వెళ్లి వస్తుండగా ఈ దుర్ఘటన జరిగిందని అతను వాపోయినట్లు ఓ అధికారి తెలిపారు.
ఫంక్షన్‌లో మద్యం సేవించామని బాధితుడు చెప్పినట్లు వెల్లడించారు. గాయాలపాలైన వారందరిని సమీపంలో ప్రైవేటు ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.
