TV
బంజారాహిల్స్ లో కారు బీభత్సం: యువతులకు గాయాలు
హైదరాబాద్ : బంజారాహిల్స్ రోడ్డు నెంబర్.12 లో ఆదివారం తెల్లవారుజామున కారు బీభత్సం సృష్టించింది. అతి వేగంతో వెళ్తున్న కారు డివైడర్ను ఢీకొట్టి బోల్తాపడింది. ఈ ప్రమాదంలో కారులోని ఐదుగురు యువతులు తీవ్రంగా గాయపడ్డారు. స్థానికులు వెంటనే స్పందించి... పోలీసులకు సమాచారం అందించారు.
పోలీసులు ఘటన స్థలానికి చేరుకుని క్షతగాత్రులను సమీపంలోని ఆసుపత్రికి తరలించారు. అనంతరం ట్రాఫిక్ పోలీసులు కారును రహదారిపై నుంచి పక్కకు తీశారు. ఈ ప్రమాదానికి గల కారణం అతివేగమే అని పోలీసులు భావిస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
