చిన్నారుల దారుణహత్య

హయత్‌నగర్: అన్నెంపున్నెం ఎరుగని ఇద్దరు చిన్నారులను బండరాళ్లతో మోది చంపిన ఘటన హయత్ నగర్ పరిధిలోని అబ్దుల్లాపూర్ మెట్ లో గురువారం వెలుగుచూసింది. మెట్ కు చెందిన ధర్మరాజు, ముకేష్ లు మూడు రోజుల క్రితం ఆచూకీ కనిపించకుండా పోవడంతో తల్లిదండ్రులు స్టేషన్ లో ఫిర్యాదు చేశారు. దీనిపై కేసు నమోదు చేసుకున్న పోలీసుల గాలింపు చర్యలు చేపట్టారు. అయితే, గురువారం అబ్దుల్లాపూర్ మెట్ శివారు ప్రాంతంలోని ముళ్లపొదల్లో ఇద్దరి మృతదేహాలను గమనించిన స్థానికులు పోలీసుల సమాచారం అందించారు. సంఘటనా స్థలాన్ని పరిశీలించిన పోలీసులు చిన్నారుల మృతదేహాలను స్వాధీనం చేసుకుని కుటుంబసభ్యులకు సమాచారం ఇచ్చారు. మృత దేహాలను పోస్టుమార్టం నిమిత్తం ఆసుపత్రికి తరలించారు.