TV
హైదరాబాద్ లో డ్రగ్స్ రాకెట్ ముఠా గుట్టురట్టు
హైదరాబాద్ : నగరంలో డ్రగ్స్ రాకెట్ ముఠా గుట్టును పోలీసులు రట్టు చేశారు. టాస్క్ఫోర్స్, మీర్ చౌక్ పోలీసుల సంయుక్త ఆపరేషన్లో మహాత్మా గాంధీ బస్‌స్టేషన్ వద్ద ఐదుగురు సభ్యుల ముఠాను మంగళవారం అరెస్ట్ చేశారు.
వారి నుంచి 850 గ్రాముల ఎపిడ్రిన్ అనే మత్తుమందును స్వాధీనం చేసుకున్నారు. మత్తుమందును ఒడిశా నుంచి దిగుమతి చేసుకున్నట్లు తెలుస్తోంది. ముఠా సభ్యులు కేశవ్(తిరుపతి), ప్రవీణ్ రెడ్డి(హైదరాబాద్), పవన్, సురేష్ రెడ్డి, హేమంత్ కుమార్ గౌడ్(విశాఖ) వాసులుగా గుర్తించారు. కేసు నమోదు చేసి దర్యాప్తు చేస్తున్నట్లు సౌత్‌జోన్ డీసీపీ సత్యనారాయణ తెలిపారు.
