TV
ఇన్‌స్పెక్టర్ల పదోన్నతుల ప్రక్రియ నిలిపివేత
హైకోర్టు మధ్యంతర ఉత్తర్వులు
సాక్షి, హైదరాబాద్‌: పోలీస్‌ ఇన్‌స్పెక్టర్ల పదోన్నతుల ప్రక్రియను ఉమ్మడి హైకోర్టు నిలిపేసింది. గత ఏడాది డిసెంబర్‌ 13న ప్రకటించిన సీనియారిటీ జాబితా ను 8 వారాల పాటు నిలిపేసింది. ఈ మేరకు న్యాయమూర్తి జస్టిస్‌ ఎం.ఎస్‌.రామచంద్రరావు ఇటీవల మధ్యంతర ఉత్తర్వులు జారీ చేశారు. ఈ సీనియారిటీ జాబితాను సవాలు చేస్తూ ఎస్‌పీ (నాన్‌ కేడర్‌) పి.వి.రాధాకృష్ణ హైకోర్టులో పిటిషన్‌ దాఖలు చేశారు.
దీనిపై విచారణ జరిపిన న్యాయమూర్తి జస్టిస్‌ రామచంద్రరావు ఆ సీనియారిటీ జాబితా అమలును నిలిపేశారు. ఆ జాబితా ఆధారంగా ఎటువంటి పదోన్నతులు చేపట్టవద్దని ప్రభుత్వా న్ని ఆదేశించారు. ఈ వ్యవహారంపై పూర్తి వివరాలతో కౌంటర్లు దాఖలు చేయాలంటూ హోంశాఖ ముఖ్య కార్యదర్శి, డీజీపీ తదితరులకు నోటీసులు జారీ చేసింది.
